Թամար Շահնազարյան

Թամար Շահնազարյան
Հիմնական տվյալներ
Ծնվել է	հունվարի 4 (17), 1901; Բաքու, Ռուսական կայսրություն
Երկիր	Ռուսական կայսրություն և ԽՍՀՄ
Մահացել է	հոկտեմբերի 6, 1978 (77 տարեկան); Երևան, Հայկական ԽՍՀ, ԽՍՀՄ
Մասնագիտություն	երգչուհի և երաժշտության դասախոս
Երգչաձայն	մեցցո-սոպրանո
Գործիքներ	վոկալ
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի Կոմիտասի անվան պետական կոնսերվատորիա
Կրթություն	Երևանի Կոմիտասի անվան պետական կոնսերվատորիա (1931)
Պարգևներ

Վիքիպեդիայում կան հոդվածներ Շահնազարյան ազգանունով այլ մարդկանց մասին։

Թամար Կոստանդինի Շահնազարյան (Մելիք-Շահնազարյան, հունվարի 4 (17), 1901^[1], Բաքու, Ռուսական կայսրություն^[1] - հոկտեմբերի 6, 1978(1978-10-06)^[1], Երևան, Հայկական ԽՍՀ, ԽՍՀՄ^[1]), հայ խորհրդային երգչուհի (մեցցո-սոպրանո), մանկավարժ։ Երգիծաբան Կոստանդին Մելիք-Շահնազարյանի դուստրը։ ՀԽՍՀ արվեստի վաստակավոր գործիչ (1961)։ ԽՄԿԿ անդամ 1949 թվականից։

Կենսագրություն

1922 թվականից սովորել է Երևանի երաժշտական ստուդիայում (Բաբալյանի դասարան), 1931 թվականին՝ ավարտել կոնսերվատորիան (Կագարյանի դասարան)։ 1932-1948 թվականներին՝ Սպենդիարյանի անվան օպերայի և բալետի թատրոնի մեներգչուհի։

Ալմաստի (Սպենդիարյանի «Ալմաստ») դերերգի առաջին հայ կատարողն է։ 1945-1978 թվականներին դասավանդել է Կոմիտասի անվան կոնսերվատորիայում (1961 թվականից՝ պրոֆեսոր), որտեղ 1953-1977 թվականներին (ընդմիջումներով) վարել է մեներգեցողության ամբիոնը, ստեղծել վոկալ մանկավարժության իր դպրոցը^[2]։

Աշակերտներից են՝ Գոհար Գալաչյան, Արշավիր Կարապետյան, Իզաբելլա Այդինյան, Ա. Գույումջյան, Ելենա Վարդանյան, Ա. Հարությունյան, Ռոբերտ Բաբուրյան, Հ. Կավազյան, Ֆ. Կոլոսարյան, Վալերի Հարությունյան, Ռուբեն Մաթևոսյան, սփյուռքահայերից՝ Ա. Դեդեյան^[3]։

Դերերգեր

Ստեղծագործություն	Հեղինակ	Դեր
«Անուշ»	Արմեն Տիգրանյան	Անուշի մայր
«Նամուս»	Խոջա-Էյնաթով	Մարիամ
«Պիկովայա դամա», «Եվգենի Օնեգին	Պյոտր Չայկովսկի	Կոմսուհի, Լարինա
«Աիդա»	Վերդի	Ամներիս
Ֆաուստ»	Շառլ Գունո	Զիբել

Աշխատություններ

Հեղինակ է ձայնամշակման և մանկական ձայնի պահպանման տարբեր հարցերի մասին գիտամեթոդական աշխատանքների, «Կոմիտասի տասն պատվիրանները երգչին» գիտական հոդվածի («Կոմիտասական», 2, 1981) և ուսումնամեթոդական ձեռնարկների («Վոկալմանկավարժական երկացանկ հայ կոմպոզիտորների ստեղծագործություններից», 1968 և այլն)։

Ծանոթագրություններ

1 2 3 4 5 6 7 8 9 10 11 12 Հայկական սովետական հանրագիտարան, հատոր 8 (հայ.) — հատոր 8. — էջ 427.
↑ «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Երևան. Հայկական հանրագիտարան հրատարակչություն. 2007:.{{cite book}}: CS1 սպաս․ հավելյալ կետադրություն (link)
↑ «Zarkfoundation - Թամար Մելիք-Շահնազարյան». zarkfoundation.com.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 427)։

[_1269d6497a650510-1] 1 2 3 4 5 6 7 8 9 10 11 12 Հայկական սովետական հանրագիտարան, հատոր 8 (հայ.) — հատոր 8. — էջ 427.

[2] «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Երևան. Հայկական հանրագիտարան հրատարակչություն. 2007:.{{cite book}}: CS1 սպաս․ հավելյալ կետադրություն (link)

[3] «Zarkfoundation - Թամար Մելիք-Շահնազարյան». zarkfoundation.com.

[1]

[2]

[3]