Էդիթ Քլիվզ Բառի

Վիքիպեդիայից՝ ազատ հանրագիտարանից
Jump to navigation Jump to search
Էդիթ Քլիվզ Բառի
Ծնվել է1884
ԾննդավայրԲոստոն, ԱՄՆ
Մահացել է1960
ՔաղաքացիությունUS flag 49 stars.svg ԱՄՆ
ԿրթությունՆյու Յորքի արվեստի ուսանողական լիգա
Մասնագիտություննկարչուհի, քանդակագործ և նկարազարդող

Էդիթ Քլիվզ Բառի (անգլ.՝ Edith Cleaves Barry, 1884, Բոստոն, ԱՄՆ - 1960), Բոստոնում ծնված ամերիկացի քանդակագործ, նկարիչ, նկարազարդող և դիզայներ[1]։ Արվեստ ուսումնասիրել է Նյու Յորքի ուսանող նկարիչների լիգայում Ֆրենկ Դյումոնդի և Ռիչարդ Է. Միլլերի հետ[2]։ Մեն նահանգի Քենեբանկ քաղաքում հիմնադրել[3] և 1936-1945 թվականներին աշխատել է որպես Բրիք Սթոր թանգարանի տնօրեն[4]։

1939 թվականին, Մեծ ճգնաժամի տարիներին, ԱՄՆ ֆինանսների նախարարության գեղանկարչության և քանդակագործության բաժնից հանձնարարություն է ստացել նկարել The Arrival of the First Letter – Kennebunk Post Office from Falmouth – June 14, 1775 փոստային բաժանմունքի որմնանկարն իր հայրենի Քենենբանկ քաղաքում[5]։

Վաղ կյանք[խմբագրել | խմբագրել կոդը]

Ծնվել է 1884 թվականի մարտի 10-ին Մասաչուսեթս նահանգի Բոստոն քաղաքում Չառլզ Դամեր Բառիի և Իդա Մորտոն (Թոմփսոն) Բառիի ընտանիքում։ Հայրը Henry W. Peabody & Co. ընկերության ներմուծման / արտահանման գործակալ էր նախ Բոստոնում, ապա՝ Նյու Յորքում[6]։ Հասակ է առել Նյու Ջերսի նահանգի Մոնտկլար քաղաքում։ Նրա երկու ծնողներն էլ կապ են ունեցել Մեն նահանգի Քենեբանկ քաղաքի հետ և ունեցել ընտանեկան տուն այդ քաղաքի պատմական շրջանի Ամառային փողոցում։

Էդիթը նախապատրաստական դպրոց է հաճախել Ռոդ Այլենդ նահանգի Պրովիդենս քաղաքի Միսս Ուիլերի դպրոցում (այժմյան Ուիլերի դպրոց) և ավարտել 1904 թվականին։

1906 թվականից ամեն տարի ճանապարհորդել է Եվրոպա և զբաղվել իր արվեստով այնպիսի վայրերում, ինչպիսին է Ժիվերնին Ֆրանսիայում, Հռոմն Իտալիայում, Ավստրիան, Իսպանիան և Լոնդոնը։ Նա սովորել է Ֆրանսիայում բնակվող ամերիկացի նկարիչներ Ֆրեդերիկ Ֆրիզեկեի և Ֆրեդերիկ Մակմոնիսի մոտ։ Նրա եվրոպական ճանապարհորդությունների և արվեստի ուսուցման մասին գրառումներն ընդգրկված են Բրիք Սթոր թանգարանի արխիվներում[7]։


Ծանոթագրություններ[խմբագրել | խմբագրել կոդը]

  1. Opitz, Glenn B, Editor, Mantle Fielding's Dictionary of American Painters, Sculptors & Engravers, Apollo Book, Poughkeepsie NY, 1986
  2. McGlauflin, ed., Who’s Who in American Art 1938–1939 vol.2, The American Federation of Arts,Washington D.C., 1937
  3. Petteys, Chris, Dictionary of Women Artists: An international dictionary of women ratites born before 1900, G.K. Hall & Co., Boston, 1985
  4. Falk, Peter Hastings, Who Was Who in American Art, Sound View Press, Madison Connecticut, 1985
  5. Marling Karal A. (1982)։ Wall-to-Wall America : A Cultural History of Post Office Murals in the Great Depression (First ed.)։ University of Minnesota Press։ էջեր 272 to 276։ ISBN 0816611165 
  6. «Our History»։ www.hwpeabody.com։ Վերցված է 2020-01-18 
  7. «Collections | Learn More | Brick Store Museum» (en-US)։ Արխիվացված է օրիգինալից 2020-02-07-ին։ Վերցված է 2020-01-18 

Արտաքին հղումներ[խմբագրել | խմբագրել կոդը]