Դինո Բուցատի

Դինո Բուցատի; իտալ.՝ Dino Buzzati Traverso
Ծնվել է	հոկտեմբերի 16, 1906[…]
Ծննդավայր	Բելունո, Վենետո, Իտալիա
Վախճանվել է	հունվարի 28, 1972[…] (65 տարեկան)
Վախճանի վայր	Միլան, Իտալիա
Մասնագիտություն	գրող, լրագրող, վիպասան, նկարիչ, լիբրետիստ, սցենարիստ, դրամատուրգ, բանաստեղծ, գիտաֆանտաստիկ գրող, մանկագիր, կոմիքսների արտիստ և հրապարակախոս
Քաղաքացիություն	Իտալիա և Իտալիայի թագավորություն
Կրթություն	Միլանի համալսարան
Ուշագրավ աշխատանքներ	The Tartar Steppe? և Coco?
Պարգևներ	Ստրեգա մրցանակ և Նապոլիի մրցանակ
Կայք	dinobuzzati.it
	Dino Buzzati Վիքիպահեստում

Դինո Բուցատի Տրավերսո (իտալ.՝ Dino Buzzati Traverso, հոկտեմբերի 16, 1906(1906-10-16)^[1]^[2]^[3]^[…], Բելունո, Վենետո, Իտալիա^[4] - հունվարի 28, 1972(1972-01-28)^[1]^[2]^[3]^[…], Միլան, Իտալիա^[5]^[4]), իտալացի գրող, նովելիստ, նկարիչ, բանաստեղծ, լրագրող։ Նրա համաշխարհային համբավը հիմնականում կապված է «Թաթարական տափաստան» վեպի հետ։ Նաև հայտնի է իր պատմվածքների ժողովածուներով։

Կենսագրություն[խմբագրել | խմբագրել կոդը]

Բուցատին ծնվել է Սան Պելեգրինոյի Բելունո քաղաքում, իր ընտանիքի անդամների ծննդավայրում` Վիլլա գյուղում։ Բուցատիի մայրը մասնագիտությամբ անասնաբույժ էր, իսկ հայրը միջազգային իրավունքի պրոֆեսոր էր։ Բուցատին իր ծնողների չորս երեխաներից երկրորդն էր։ Նրա եղբայրներից մեկը իտալացի հայտնի բժիշկ Ադրիանո Բուցատի-Տրավերսոն էր։ 1924 թվականին ընդունվել է Միլանի համալսարանի իրավաբանական ֆակուլտետ, որտեղ ժամանակին դասավանդել է նրա հայրը։ Երբ նա ավարտել է իրավաբանական կրթությունը, 22 տարեկանում նրան վարձել է միլանյան «Կորիերե դելլա սերա» թերթը, որտեղ նա աշխատել է մինչ իր մահը։ Աշխատանքային գործունեությունը նա սկսել է ուղղիչ հիմնարկների դեպարտամենտում, այնուհետև աշխատել է որպես լրագրող, հատուկ թղթակից, էսսեիստ, խմբագիր և գեղարվեստական քննադատ։ Հաճախ ասում են, որ լրագրողական անցյալը որոշում է նրա ստեղծագործությունը՝ նույնիսկ ամենաֆանտաստիկ պատմվածքներին հաղորդելով լուսապսակ ռեալիզմի ոգի։

Երկրորդ համաշխարհային պատերազմի ընթացքում Բուցատին ծառայել է Աֆրիկայում որպես լրագրող։ Պատերազմի ավարտից հետո «Թաթարական տափաստան» գիրքը լույս է տեսել Իտալիայում և արագորեն հեղինակին բերել է մեծ համբավ։ Նա ամուսնացել է Ալմերինա Անտոնիասի հետ 1966 թ., որը հիշատակվում է «Սերը» ստեղծագործության մեջ։ Բուցատին մահացել է 1972 թ. քաղցկեղից։

Գրական գործունեություն[խմբագրել | խմբագրել կոդը]

Բուցատին գրական գործունեությունը սկսել է 1933 թվականին։ Նրա գեղարվեստական ստեղծագործությունների թվում են հինգ վեպեր, լիբրետոներ, պատմվածքների և բանաստեղծությունների բազմաթիվ ժողովածուներ։ Նրա լիբրետոների թվում են Լուչանո Շայիի չորս օպերաները, ինչպես նաև Ջուլիո Վիոցցիի «Ջակկա դանատա» օպերան։

Նա գրել է «Սիցիլիայում արջերի հայտնի ներխուժումը» մանկական գիրքը։ Լեմոնի Սնիկետը գրել է անգլերեն հրատարակության նախաբանը և ընթերցողի ուղեցույցը։

Նրա ամենահայտնի՝ «Թաթարական տափաստան» վեպը, պատմում է ռազմական ֆորպոստի մասին, որը սպասում է թաթարական արշավանքին։ Իր տրամադրությամբ և եզրակացություններով նրա աշխատանքները համեմատվում են էքզիստենցիալիստական գրողների աշխատանքների հետ, մասնավորապես Ալբեր Կամյուի «Սիզիփոսի առասպելի» հետ։

Նրա ստեղծագործությունները կախարդական ռեալիզմի, սոցիալական օտարման և երևակայություններով անսանձ տեխնիկական առաջընթացի մասին են։ Նրա «Սեսանտա ռակոնտի» պատմվածքների ժողովածուն, որը Ստրեգի մրցանակ է ստացել 1958 թվականին, պարունակում է գիտական ֆանտաստիկայի, ֆանտազիայի և սարսափների տարրեր։

Նրա աշխատանքները բարձր են գնահատվում Ֆրանսիայում, բայց համեմատաբար քիչ հայտնի են Անգլիայում։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Dino Buzzati (նիդերլ.)
↑ ^3,0 ^3,1 ^3,2 ^3,3 ^3,4 Encyclopædia Britannica
↑ ^4,0 ^4,1 ^4,2 ^4,3 ^4,4 ^4,5 Archivio Storico Ricordi — 1808.
↑ ^5,0 ^5,1 ^5,2 Գերմանիայի ազգային գրադարանի կատալոգ (գերմ.)

Giuseppe Leone, "Dino Buzzati e le grandi "costruzioni" letterarie – La "fortezza di Bastiani" non è "Il castello" di Kafka", Il Punto Stampa, Lecco, Italy, April 1997.
Luis Montiel (2010), “Una meditatio mortis contemporánea. La reflexión de Dino Buzzati sobre la caducidad de la vida humana”. Medicina e historia, 2/2010, 1–15.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Դինո Բուցատի» հոդվածին։

[_5dc7d203f7939b0f-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_688b2933a42e7483-2] 2,0 ^2,1 ^2,2 ^2,3 ^2,4 Dino Buzzati (նիդերլ.)

[_d8a0e355679e2a96-3] 3,0 ^3,1 ^3,2 ^3,3 ^3,4 Encyclopædia Britannica

[_482ae5fe6606dab2-4] 4,0 ^4,1 ^4,2 ^4,3 ^4,4 ^4,5 Archivio Storico Ricordi — 1808.

[_ed62a716100e0489-5] 5,0 ^5,1 ^5,2 Գերմանիայի ազգային գրադարանի կատալոգ (գերմ.)

[1]

[2]

[3]

[4]

[5]