Զաքարիան Սերվետի ակադեմիայի սան է։ Իր պրոֆեսիոնալ դեբյուտը նշեց 2014 թվականի նոյեմբերի 10-ին՝ փոխարինման մտնելով Լոզանա Սպորտի դեմ խաղում[3]։ Առաջին գոլը Շվեյցարիայի երկրորդ դիվիզիոնում խփեց 2015 թվականի մայիսի 18-ին՝ Վոլենի դեմ խաղում[4]։ Մայիսի 22-ին նա գոլ խփեց Շաֆհաուզենի դեմ խաղում, սակայն Սերվետը պարտվեց 1-2 հաշվով[5]։ Ակումբի կազմում Զաքարիան անցկացրեց 6 հանդիպում՝ դառնալով 2 գոլի հեղինակ։
2015 թվականի հունիսին Զաքարիան 4 տարվա պայմանագիր կնքեց Յանգ Բոյզի հետ[6][7]։ Իր դեբյուտը Շվեյցարիայի առաջնությունում նշեց հուլիսի 18-ին՝ փոխարինման մտնելով Ցյուրիխի դեմ խաղում[8]։ Առաջին հանդիպումը եվրոպական առաջնություններում անցկացրեց հուլիսի 28-ին՝ Չեմպիոնների Լիգայի որակավորման երրորդ փուլի Մոնակոյի դեմ խաղում[9]։ Օգոստոսի 23-ին Զաքարիան հեռացվեց խաղադաշտից Սյոնի դեմ խաղում՝ ստանալով երկրորդ դեղին քարտը հանդիպման 81-րդ րոպեին[10]։ Իր առաջին գոլը Յանգ Բոյզի կազմում խփեց նոյեմբերի 28-ին՝ Սանկտ Գալենի դեմ խաղում[11]։ 2016 թվականի հոկտեմբերի 23-ին շվեյցարացին գոլ խփեց Գրասխոպերի դեմ խաղում[12]։ Յանգ Բոյզի կազմում Զաքարիան անցկացրեց 67 հանդիպում՝ դառնալով 2 գոլի և 4 գոլային փոխանցման հեղինակ։
2017 թվականի հունիսի 9-ին Զաքարիան 5 տարվա պայմանագիր կնքեց Բորուսիա Մյոնխենգլադբախի հետ[13][14][15][16]։ Ակումբը նրա համար վճարեց 10 միլիոն եվրո[17][18][19]։ Իր դեբյուտը Բորուսիայի կազմում նշեց օգոստոսի 11-ին՝ Գերմանիայի գավաթիՌոտ-Վայս Էսենի դեմ խաղում[20]։ Առաջին հանդիպումը Բունդեսլիգայում անցկացրեց օգոստոսի 20-ին՝ թիմի մեկնարկային կազմում խաղադաշտ դուրս գալով Քյոլնի դեմ խաղում[21]։ Իր առաջին գոլը Զաքարիան խփեց օգոստոսի 26-ին՝ Աուգսբուրգի դեմ խաղում[22]։ 2018 թվականի մարտի 2-ին շվեյցարացին գոլի և գոլային փոխանցման հեղինակ դարձավ Վերդեր Բրեմենի դեմ խաղում, իսկ հանդիպումն ավարտվեց 2-2 հաշվով[23]։ Իր առաջին մրցաշրջանում նա անցկացրեց 33 հանդիպում՝ դառնալով 2 գոլի և 3 գոլային փոխանցման հեղինակ[24][25]։
2018 թվականի նոյեմբերի 25-ին Զաքարիան գոլի հեղինակ դարձավ Հանովերի դեմ խաղում՝ օգնելով Բորուսիային հաղթել 4-1 հաշվով[26]։
2018 թվականի մայիսին Զաքարիան ընդգրկվեց Շվեյցարիայի՝ աշխարհի առաջնության համար վերջնական կազմում[34][35]։ Առաջնությունում նա անցկացրեց 2 հանդիպում[36] և գոլային փոխանցման հեղինակ դարձավ խմբային փուլի Կոստա Ռիկայի դեմ խաղում[37][38]։ Շվեյցարիան դուրս մնաց 1/8 եզրափակչից՝ 1-0 հաշվով պարտվելով Շվեդիային[39][40]։ Իր առաջին գոլը ազգային հավաքականի կազմում Զաքարիան խփեց սեպտեմբերի 8-ին՝ Իսլանդիայի դեմ խաղում՝ այս խաղում դառնալով նաև գոլային փոխանցման հեղինակ[41][42]։