Տորգան Ազար

Վիքիպեդիայից՝ ազատ հանրագիտարանից
Տորգան Ազար
ֆր.՝ Thorgan Hazard
Անձնական տվյալներ
Ամբողջական անուն Տորգան Գանաել Ֆրանսիս Ազար[1]
Քաղաքացիությունը  Բելգիա
Ծննդյան ամսաթիվ մարտի 29, 1993(1993-03-29)[2][3][4][…] (30 տարեկան)
Ծննդավայր Լա Լուվեր, Բելգիա
Հասակ 174 սմ
Քաշ 75 կգ
Դիրք գրոհող կիսապաշտպան
Ակումբային տեղեկություններ
Ներկա ակումբ Գերմանիա Բորուսիա (Մյոնխենգլադբախ)
Համար 10[5]
Պատանեկան կարիերա
2003-2007 Բելգիա Տյուբիզ
2007-2011 Ֆրանսիա Լանս
Մասնագիտական կարիերա*
Տարի Ակումբ Խաղ (Գոլ)
2011-2012 Ֆրանսիա Լանս 14 (0)
2012-2015 Անգլիա Չելսի 0 (0)
2012-2014 → Բելգիա Զյուլտե-Վարեգեմ 70 (18)
2014-2015 → Գերմանիա Բորուսիա (Մյոնխենգլադբախ) 28 (1)
2015-մ.հ. Գերմանիա Բորուսիա (Մյոնխենգլադբախ) 31 (7)
Ազգային հավաքական‡
2008 Բելգիա Բելգիա (մինչև 15) 3 (0)
2008-2009 Բելգիա Բելգիա (մինչև 16) 12 (4)
2008-2010 Բելգիա Բելգիա (մինչև 17) 12 (1)
2010 Բելգիա Բելգիա (մինչև 18) 1 (1)
2011-2012 Բելգիա Բելգիա (մինչև 19) 23 (10)
2012-2014 Բելգիա Բելգիա (մինչև 21) 15 (9)
2013-մ.հ. Բելգիա Բելգիա 1 (0)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 2016 թվականի սեպտեմբերի 17-ի:

‡ Ազգային հավաքականի խաղերն ու գոլերը ըստ 2015 թվականի փետրվարի 25-ի

Տորգան Գանաել Ֆրանսիս Ազար (ֆր.՝ Thorgan Ganael Francis Hazard, մարտի 29, 1993(1993-03-29)[2][3][4][…], Լա Լուվեր, Սուանիե, Էնո, Վալոնիա, Բելգիա[2]), բելգիացի ֆուտբոլիստ, «Բորուսիա Մյոնխենգլադբախ» ֆուտբոլային ակումբի և Բելգիայի ազգային հավաքականի հարձակողական ոճի կիսապաշտպան։ Տորգանը Էդեն Ազարի կրտսեր եղբայրն է։ 2013 թվականի մայիսի 29-ին Տորգանը ԱՄՆ-ի հավաքականի դեմ ընկերական խաղում կատարել է իր նորամուտը երկրի ազգային հավաքականի կազմում։ 2014 թվականի հունվարին նա ճանաչվել է Բելգիայի տարվա լավագույն ֆուտբոլիստ և ստացել է Բելգիական Պրո-Լիգայի լավագույն ֆուտբոլիստի մրցանակը[6]։

Անձնական կյանք[խմբագրել | խմբագրել կոդը]

Տորգանը ծնվել է Լա Լուվեր քաղաքում, սակայն մեծացել է Բրեն լե Կոնտում, որը Վալլոնիյայում գտնվող փոքր քաղաք է։ Նրա առաջին անունը տրվել է նրան ծնողների կողմից ի պատիվ «Տորգալ» կոմիքսի հերոսի։ Նրա ծնողները՝ Թիերին և Կատրինը, նույնպես զբաղվել են ֆուտբոլով[7]։ Նրա հայրն իր ֆուտբոլային կարիերայի մեծ մասն անցկացրել է Բելգիայի առաջնության երկրորդ դիվիզիոնում հանդես եկող «Լուվերոս» կիսապրոֆեսիոնալ ֆուտբոլային ակումբում՝ խաղալով հենակետային կիսապաշտպանի դիրքում[7]։ Տորգանի մայրը՝ որպես հարձակվող, հանդես է եկել Բելգիայի առաջնության առաջին դիվիզիոնում և ստիպված է եղել ավարտել ֆուտբոլային կարիերան հղիության երրորդ ամսում՝ Էդենով հղի լինելու ժամանակ[7][8][9][10][11]։ Իրենց ֆուտբոլային կարիերաներն ավարտելուց հետո նրա ծնողները դարձել են սպորտային պրոֆեսորներ[7]։ Թիերին հեռացել է իր պաշտոնից 2009 թվականին, որպեսզի ավելի շատ ժամանակ հատկացնի իր երեխաներին[7]։

Տորգանն ունի երեք հարազատ եղբայր։ Մեծ եղբայրը՝ Էդենը, հանդես է եկել «Լիլ» ֆուտբոլային ակումբում, հետագայում որոշ ժամանակ եղել է Տորգանի թիմակիցը անգլիական «Չելսիում»։ Մյուս եղբայրներն են Կիլիանը և Իթանը։ 2011 թվականի օգոստոսին Կիլիանը միացել է Լիլի երիտասարդական ակադեմիային և ըստ պայմանագրի՝ 16 տարեկանում պետք է սկսեր հանդես գալ թիմի հիմնական կազմում։ Նրանց ամենափոքր եղբայր Իթանը մնացել է Բելգիայում և հանդես է եկել Էդենի նախկին ակումբ «Տյուբիզի» երիտասարդական ակադեմիայում[7][9][12][13]։

Տորգանը և իր երեք եղբայրներն ապրել են իրենց ծնողների հետ բարեկեցիկ պայմաններում։ Նրանք ունեին այն ամենը, ինչը անհրաժեշտ էր ֆուտբոլում հնարավորինս լավ առաջադիմելու համար[14]։ Ընտանիքն ապրել է ֆուտբոլային դաշտից «ոչ ավելի, քան երեք մետր հեռավորության վրա», և եղբայրները, անցնելով ֆուտբոլային դաշտը շրջապատող ցակապատի փոքր անցքով, հաճախ են գնացել այնտեղ՝ իրենց ֆուտբոլային կարողությունները զարգացնելու և կատարելագործելու նպատակով[8]։

Ակումբային կարիերա[խմբագրել | խմբագրել կոդը]

Կարիերայի սկիզբ[խմբագրել | խմբագրել կոդը]

Տորգանն իր ֆուտբոլային կարիերան սկսել է հինգ տարեկան հասակում իր հարազատ «Royal Stade Brainois» ակումբում։ Հինգ տարի մարզվելով այդ ակումբում՝ Տորգանը հետևում է իր մեծ եղբոր օրինակին և տեղափոխվում է «Տյուբիզ»։ 14 տարեկան հասակում, երբ նա «Տյուբիզի» կազմում մասնակցում էր տեղի առաջնություններին, հայտնվում է ֆրանսիական «Լանսի» ուշադրության կենտրոնում։ Էդենի՝ «Լիլ» տեղափոխությունից հետո Տորգանի ծնողները համաձայնության են հասնում «Լանսի» հետ այն համոզմամբ, որ Ֆրանսիայում տրվող ֆուտբոլային կրթությունն ավելի լավն է և զարգացած, քան Բելգիայում[14]։ Ազարի հայրը հետագայում ասում է, որ որոշումը, ըստ որի սկզբում Էդենը, ապա Տորգանը պետք է սկսեն հանդես գալ Հյուսիսային Ֆրանսիայի ֆուտբոլային ակումբներից մեկում, համարվում է ամենալավ տարբերակը, քանի որ «նրանք առաջվա պես մոտ են գտնվում իրենց տանը և միևնույն ժամանակ ընդգրկված են մի ենթակառուցվածքում, որտեղ կարող են զարգանալ մասնագիտական պլանում, քանի որ Բելգիայում, ցավոք, երիտասարդների նախապատրաստման համակարգը վատ է զարգացած»[8]։ «Լանսի» երիտասարդական ակադեմիայում Տորգանը խաղացել է մինչև 16 տարեկանը և թիմի կազմում հաղթել մինչև 16 տարեկանների ազգային առաջնության 2008-09 մրցաշրջանում՝ խաղալով այնպիսի ֆուտբոլիստների հետ, ինչպիսիք են Ռաֆայել Վարանը և Ժոֆրեյ Կոնդոգբյան։

«Լանս»[խմբագրել | խմբագրել կոդը]

2010 թվականի ապրիլի 7-ին Ազարը կնքում է իր առաջին պրոֆեսիոնալ ֆուտբոլային պայմանագիրը մինչև 2013 թվականի հունիսը, այսինքն՝ 3 տարով[15]։ Մինչ 2010-11 մրցաշրջանի սկիզբը Տորգանը մարզվում էր «Լանսի» հիմնական կազմի հետ։ Մինչմրցաշրջանային ընկերական խաղերում նա գոլի հեղինակ է դառնում բելգիական «Ռուսելարեի» դեմ խաղում, որն ավարտվում է 1։1 հաշվով[16][17]։ Սակայն մրցաշրջանը նա սկսում է թիմի երիտասարդական ակումբի հետ Ֆրանսիայի սիրողական առաջնությունում։ 2010 թվականի օգոստոսի 8-ին Տորգանը, փոխարինում կատարելով «Դրանսիի» դեմ 2։0 հաշվով ավարտված հաղթական խաղում, կատարում է իր նորամուտը սիրողական լիգայում[18]։ Տորգանը մրցաշրջանի ընթացքում միաժամանակ թիմի պահեստային կազմի հետ հանդես էր գալիս սիրողական առաջնությունում և մինչև 19 տարեկանների թիմի հետ մասնակցություն էր ունենում Գամբարդելլայի գավաթի մրցությանը։ 2011 թվականի մայիսի 9-ին Տորգանը տեղափոխվում է թիմի հիմնական կազմ, որպեսզի մասնակցի մայիսի 11-ին կայանալիք «Բորդոյի» դեմ հանդիպմանը։ Սակայն նա թիմի հիմնական կազմում չի մասնակցում որևէ խաղի և 2010-11 մրցաշրջանն ավարտում է պահեստայինների շարքում։

2011-12 մրցաշրջանից առաջ Ազարին կրկին հայտավորում են թիմի հիմնական կազմում, և նա ստանում է 22 համարի մարզաշապիկը[19]։ Նա, փոխարինման դուրս գալով Ֆրանսիայի առաջնության 2011-12 մրցաշրջանի առաջին տուրի երկրորդ խաղակեսում, կատարում է իր նորամուտը «Լանսի» հիմնական կազմում։ Առաջին տուրում նրանց մրցակիցն է դառնում «Ռեյմսը»․ այդ խաղում «Լանսը» պարտվում է 0։2 հաշվով[20]։

«Չելսի»[խմբագրել | խմբագրել կոդը]

2012 թվականի հուլիսի 24-ին անգլիական «Չելսին» իր պաշտոնական կայքում հայտարարում է, որ ակումբը Ազարի տեղափոխության վերաբերյալ համաձայնության է հասել «Լանսի» հետ։ Նրանք Տորգանի հետ համաձայնության էին հասել նրա եղբոր՝ Էդենի «Լիլից» «Չելսի» տեղափոխությունից անմիջապես հետո[21][22]։ 2012 թվականի օգոստոսի 17-ին Տորգանը «Մանչեսթեր Սիթիի» դեմ խաղում կատարում է իր նորամուտը նոր ակումբի կազմում։ Այդ խաղն ավարտվում է 0։0 հաշվով[23]։ 2012 թվականի օգոստոսի 30-ին Ազարը, կնքելով երկարաժամկետ վարձավճարային պայմանագիր, տեղափոխվում է բելգիական Պրո-Լիգայում հանդես եկող «Զյուլտե-Վարեգեմ»։ Այդ տեղափոխության հիմնական նպատակն այն էր, որ Ազարը պահեստայինների նստարանին նստելու փոխարեն փորձ ձեռք բերի բարձրագույն դիվիզիոնում հանդես եկող ակումբի կազմում[24]։

Վարձավճարը «Զյուլտե-Վարեգեմում»[խմբագրել | խմբագրել կոդը]

Ազարի պայմանագրի ժամկետը նախատեսված էր մինչև 2012-13 մրցաշրջանի ավարտը[25]։ 2012 թվականի սեպտեմբերի 15-ին Տորգանը, թիմի մեկնարկային կազմում մասնակցելով «Աուդ-Հեվերլե Լյեվենի» դեմ արտագնա խաղին, կատարում է իր նորամուտը նոր ակումբի կազմում։ Այդ խաղում «Զյուլտեն» հաղթում է 1։0 հաշվով[26][27]։ Հոկտեմբերի 31-ին Տորգանը, խփելով «Շարլերուայի» դեմ խաղում իր ակումբի 4 գոլերից մեկը, հեղինակում է իր առաջին գնդակը նոր ակումբի կազմում։ Այդ խաղն ավարտվում է գոլառատ 4։1 հաշվով[28]։

2013 թվականի հուլիսի 15-ին «Չելսին» և «Զյուլտե-Վարեգեմը» երկարաձգում են Տորգանի վարձավճարային պայմանագիրը մինչև 2014 թվականի հունիսի 30-ը[29]։

Բորուսիա (Մյոնխենգլադբախ)[խմբագրել | խմբագրել կոդը]

2014 թվականի հուլիսի 5-ին Տորգանը վարձավճարով տեղափոխվում է գերմանական Բունդեսլիգայի «Բորուսիա (Մյոնխենգլադբախ)» ակումբ՝ ստանալով 26 համարի մարզաշապիկը։ Մեկ տարի անց նա ակումբի հետ կնքում է լիարժեք պայմանագիր մինչև 2020 թվականը։ Տրանսֆերի արժեքը կազմում է 8 միլիոն եվրո, ինչը 16 անգամ ավելի է այն գումարից, որ նրա համար վճարել էր «Չելսին»[30]։

Միջազգային կարիերա[խմբագրել | խմբագրել կոդը]

Մինչ Բելգիայի երիտասարդական հավաքականի ֆուտբոլիստ դառնալը Տորգան Ազարը ներկայացրել է իր երկիրը մինչև 16, 17 և 18 տարեկանների հավաքականներում։ Մինչև 16 տարեկանների հավաքականում Ազարը եղել է հիմնական կազմի ֆուտբոլիստ և թիմի կազմում իր նորամուտը կատարել է 2008 թվականի սեպտեմբերի 16-ին՝ Հասսլոխում անցկացվող ֆուտբոլային առաջնության ժամանակ։ Այդ առաջնության առաջին և Ազարի համար նորամուտային խաղում Բելգիայի հավաքականը 5։0 հաշվով զիջում է Գերմանիայի երիտասարդական հավաքականին[31]։ Հաջորդ՝ Մակեդոնիայի հավաքականի դեմ հաղթական խաղում Ազարը, խփելով խաղի 3 գոլերից մեկը, հեղինակում է մինչև 16 տարեկանների հավաքականում իր առաջին գնդակը։ Բելգիայի հավաքականը խաղն ավարտում է առանց գոլ բաց թողնելու (այսինքն՝ 3։0 հաշվով)։ Առաջնության հաջորդ խաղերում Տորգանը գոլերի հեղինակ է դառնում Մալթայի և Լեհաստանի հավաքականների դեմ հանդիպումներում։ Մինչև 16 տարեկանների հավաքականում Տորգանը մասնակցում է նաև 2009 թվականին Թուրքիայում անցկացվող Էգեյսկու գավաթի մրցությանը։ Նա մասնակցեց խմբային փուլի 3 խաղերին, սակայն նրա հավաքականը այդպես էլ չկարողացավ դուրս գալ այդ մրցաշարի փլեյ-օֆֆ փուլ։

«Լանսի» կազմում ցուցադրած իր հաջող խաղի շնորհիվ Տորգանը մարզիչ Բոբ Բրովաերսի կողմից հրավիրվում է մինչև 17 տարեկանների հավաքական։ 2009 թվականի օգոստոսին Ազարը հավաքականի հետ մասնակցություն է ունենում Տոտոյի գավաթին, որը Ավստրիայում անցկացվող ամենամյա միջազգային երիտասարդական առաջնություն է։ Մինչև 17 տարեկանների 2009 թվականի Եվրոպայի առաջնության ընտրական փուլի առաջին խաղում Ազարը հեղինակում է իր առաջին և Չեռնոգորիայի դեմ խաղում իր հավաքականի միակ գնդակը[32]։ Հետագայում՝ 2010 թվականի մարտին, նա հրավիրվում է հավաքական Իսպանիայում անցկացվող Բարձրագույն որկավորման մրցաշարին մասնակցություն ունենալու համար[33]։ Ազարը մասնակցութուն է ունենում խմբային փուլի երեք խաղերին, սակայն Բելգիայի հավաքականը, խմբում զբաղեցնելով 2-րդ հորիզոնականը, այդպես էլ չի կարողանում անցնել առաջնության հաջորդ փուլ։

Մինչև 18 տարեկանների հավաքականի կազմում Ազարը մասնակցում է ընդամենը մեկ խաղի։ Հետևում թողնելով այն՝ նա անմիջապես սկսում է հանդես գալ մինչև 19 տարեկանների հավաքականում, և բախտի բերմամբ նրա՝ հավաքականում հայտնվելու ժամանակը համընկնում է 2011 թվականի մինչև 19 տարեկանների Եվրոպայի առաջնության հետ։ Փետրվարի 8-ին նա կատարում է իր նորամուտը Բելառուսիայի հավաքականի դեմ ընկերական խաղում և հեղինակում է այդ խաղի միակ և հաղթական գնդակը[34]։ 2011 թվականի մարտի 27-ին Ազարը 11 մետրանոց հարվածից խփում է Ուկրաինայի հավաքականի դեմ խաղի հաղթական գնդակը։ Այդ խաղն ավարտվում է 2։1 հաշվով։ 2011 թվականի Եվրոպայի մինչև 19 տարեկանների առաջնության բարձրագույն որակավորման փուլում Ազարը թիմի հիմնական կազմում մասնակցություն է ունենում խմբային փուլի բոլոր երեք խաղերին։ Խմբային փուլի երկրորդ տուրի՝ Խորվաթիայի հավաքականի դեմ խաղի 88-րդ րոպեին Տորգանը խփում է հանդիպման հաղթական գոլը, և խաղն ավարտվում է 3։2 հաշվով[35]։ Այդ հաղթանակի շնորհիվ նրանք անցնում են այդ մրցաշարի հաջորդ՝ եզրափակիչ փուլ։ Այդ փուլում նա մասնակցում է խմբային փուլի երեք խաղերից երկուսին։ Առաջին տուրի՝ Իսպանիայի հավաքականի դեմ խաղում Տորգանը կատարում է գոլային փոխանցում, որի շնորհիվ խփված գոլն այդ խաղում դառնում է միակը իր հավաքականի համար։ Խաղն ավարտվում է 4։1 հաշվով[36]։ Խմբային փուլի արդյունքներով՝ Բելգիայի հավաքականն զբաղեցնում է վերջին՝ չորրորդ հորիզոնականը և լքում առաջնությունը։

Շնորհիվ այն բանի, որ Ազարը 2010-11 մրցաշրջանում դեռևս չէր հասել չափահասության, նա առաջվա նման իրավունք ուներ մինչև 19 տարեկանների հավաքականում հանդես գալու նաև 2011-12 ֆուտբոլային մրցաշրջանում։ Նոր մրցաշրջանի առաջին խաղում Ազարը 11 մետրանոց հարվածից հեղինակում է Դանիայի հավաքականի դեմ խաղում իր հավաքականի միակ գնդակը։ 2011 թվականի սեպտեմբերի 7-ին նա խփում է Թուրքիայի հավաքականի դեմ 4։1 հաշվով հաղթական ընկերական խաղի գոլերից մեկը։ 2012 թվականի մինչև 19 տարեկանների Եվրոպայի առաջնության ընտրական փուլում Ազարը դառնում է 3 գոլի հեղինակ։ Խմբային փուլի առաջին՝ Խորվաթիայի հավաքականի դեմ խաղում նա դուբլի հեղինակ է դառնում, իսկ խմբային փուլի վերջնական՝ Շոտլանդիայի հավաքականի դեմ խաղում նա խփում է 3։1 հաշվով հաղթական խաղի երկրորդ գոլը[37][38][39]։ Բարձրագույն որակավորման փուլում Ազարը մասնակցություն է ունենում խմբային փուլի 3 խաղերից 2-ին։ Արդյունքում Բելգիան զբաղեցնում է խմբային փուլի երրորդ հորիզոնականը և լքում այդ մրցաշարը[40]։

Վիճակագրություն[խմբագրել | խմբագրել կոդը]

Ակումբային[խմբագրել | խմբագրել կոդը]

2016 թվականի սեպտեմբերի 28-ի դրությամբ[41][42]
Ակումբ Մրցաշրջան Լիգա Գավաթ Եվրոպա Ընդհանուր
Խաղ Գոլ Գոլային փոխ․ Խաղ Գոլ Գոլային փոխ․ Խաղ Գոլ Գոլային փոխ․ Խաղ Գոլ Գոլային փոխ․
Լանս 2011-12 14 0 1 2 0 0 — 16 0 1
Ընդհանուր 14 0 1 2 0 0 0 0 0 16 0 1
Զյուլտե-Վարեգեմ 2012-13 34 4 10 3 0 0 — 37 5 10
2013-14 39 14 17 4 1 0 10 2 3 53 17 20
Total 73 19 27 7 1 0 10 2 3 90 22 30
Բորուսիա Մյոնխենգլադբախ 2014-15 28 1 7 4 1 0 9 3 3 41 5 10
2015-16 29 4 5 3 2 1 4 0 0 36 6 6
2016-17 5 3 1 1 0 0 4 4 1 9 7 2
Ընդհանուր 62 8 13 8 3 1 17 7 4 86 18 18
Ընդհանուրը կարիերայում 149 25 40 17 4 1 27 8 7 192 38 48

Միջազգային[խմբագրել | խմբագրել կոդը]

Հավաքական Մրցաշրջան Ընկերական Առաջնություններ Ընդհանուր
Խաղ Գոլ Խաղ Գոլ Խաղ Գոլ
Բելգիա Բելգիա 2013 1 0 0 0 1 0
Ընդհանուրը կարիերայում 1 0 0 0 1 0

Ձեռքբերումներ[խմբագրել | խմբագրել կոդը]

Անձնական[խմբագրել | խմբագրել կոդը]

  • Տարվա լավագույն ֆուտբոլիստ Բելգիայում (1) - 2013-14
  • Բելգիական Պրո-Լիգայի լավագույն ֆուտբոլիստ (1) - 2013-14
  • Ընդհանուր՝ 2 տիտղոս

Ծանոթագրություններ[խմբագրել | խմբագրել կոդը]

  1. ↑ «Premier League Clubs submit Squad Lists» (PDF) (անգլերեն)։ Premier League։ 2013-02-06։ Արխիվացված օրիգինալից 2013-02-13-ին։ Վերցված է 2013-02-06 
  2. ↑ 2,0 2,1 2,2 2,3 Transfermarkt.com(բազմ․) — 2000.
  3. ↑ 3,0 3,1 FBref.com(բազմ․)
  4. ↑ 4,0 4,1 Argentine Soccer Database (իսպ.)
  5. ↑ «Squad - Borussia Mönchengladbach» (German)։ Borussia Mönchengladbach։ 1 July 2015։ Արխիվացված է օրիգինալից 1 July 2015-ին։ Վերցված է 1 July 2015 
  6. ↑ «Торган Азар - лучший игрок Чемпионата Бельгии 2013.» (ռուսերեն)։ Sports.ru։ 2014-01-23։ Վերցված է 2014-02-27 
  7. ↑ 7,0 7,1 7,2 7,3 7,4 7,5 «Les Hazard, une famille de foot» (ֆրանսերեն)։ Le Parisien։ 2011-03-15։ Վերցված է 2013-02-07 
  8. ↑ 8,0 8,1 8,2 «Avant d'être partagée entre Lille et Lens, la famille Hazard a cultivé son jardin secret» (ֆրանսերեն)։ La Voix des Sports։ 2010-01-29։ Վերցված է 2013-02-07 
  9. ↑ 9,0 9,1 «Eden Hazard, protection rapprochée» (ֆրանսերեն)։ Официальный сайт ФИФА։ 2008-11-21։ Արխիվացված է օրիգինալից 2009-05-01-ին։ Վերցված է 2013-02-07 
  10. ↑ «Eden est entouré de professionnels» (ֆրանսերեն)։ Foot Goal։ 2007-11-27։ Արխիվացված է օրիգինալից 2008-11-05-ին։ Վերցված է 2013-02-07 
  11. ↑ «L'interview découverte de Thorgan Hazard» (ֆրանսերեն)։ Lensois.com։ 2010-03-10։ Արխիվացված է օրիգինալից 2010-03-13-ին։ Վերցված է 2013-02-07 
  12. ↑ «M. Seydoux confirme pour Kylian Hazard» (ֆրանսերեն)։ FootLille։ 2011-03-03։ Արխիվացված է օրիգինալից 2015-09-24-ին։ Վերցված է 2013-02-07 
  13. ↑ «Eden Hazard out, Kylian Hazard in?» (հոլանդերեն)։ Voetbal Belgie։ 2011-03-02։ Արխիվացված է օրիգինալից 2013-09-21-ին։ Վերցված է 2013-02-07 
  14. ↑ 14,0 14,1 «Hazard lights the way for Belgium» (անգլերեն)։ The National։ 2010-03-05։ Վերցված է 2013-02-07 
  15. ↑ «Thorgan Hazard signe pro à Lens» (ֆրանսերեն)։ RTFB։ 2010-04-07։ Վերցված է 2013-02-07 
  16. ↑ «RC Lens-Roulers (1-1), match terminé» (ֆրանսերեն)։ Lensois։ 2010-08-01։ Արխիվացված է օրիգինալից 2011-10-07-ին։ Վերցված է 2013-02-07 
  17. ↑ «Thorgan Hazard: "Ne pas m'enflammer"» (ֆրանսերեն)։ Lensois։ 2010-08-01։ Արխիվացված է օրիգինալից 2011-10-07-ին։ Վերցված է 2013-02-07 
  18. ↑ «Lens B v. Drancy Match Report» (ֆրանսերեն)։ Foot Goal։ 2010-08-08։ Արխիվացված է օրիգինալից 2020-07-18-ին։ Վերցված է 2013-02-07 
  19. ↑ «Rectificatif: Le numéro 22 pour Thorgan Hazard» (ֆրանսերեն)։ Официальный сайт ФК «Ланс»։ 2011-07-11։ Արխիվացված է օրիգինալից 2011-08-10-ին։ Վերցված է 2013-02-07 
  20. ↑ «Lens v. Reims Match Report» (ֆրանսերեն)։ Ligue de Football Professionnel։ 2011-07-30։ Արխիվացված է օրիգինալից 2019-06-12-ին։ Վերցված է 2013-02-07 
  21. ↑ «Thorgan Hazard joins Chelsea» (անգլերեն)։ Официальный сайт ФК «Челси»։ 2012-07-24։ Վերցված է 2013-02-07 
  22. ↑ «Eden Hazard's brother Thorgan Hazard joins Chelsea» (անգլերեն)։ BBC։ 2012-07-25։ Արխիվացված օրիգինալից 2013-02-14-ին։ Վերցված է 2013-02-07 
  23. ↑ «Under 21 Report: Chelsea 0 Manchester City 0» (անգլերեն)։ Официальный сайт ФК «Челси»։ 2012-08-17։ Վերցված է 2013-02-07 
  24. ↑ «Hazard heads for Belgium» (անգլերեն)։ Sky Sports։ 2012-08-31։ Վերցված է 2013-02-07 
  25. ↑ «Chelsea leent Thorgan Hazard uit aan Zulte Waregem» (հոլանդերեն)։ De Morgen։ 2012-08-30։ Վերցված է 2013-02-07 
  26. ↑ Swinnen Steven (2012-09-15)։ «Naessens bezorgt Essevee driepunter»։ Belgian Pro League (հոլանդերեն)։ Արխիվացված է օրիգինալից 2013-09-22-ին։ Վերցված է 2013-02-07 
  27. ↑ Broekx Jesse (2012-09-17)։ «Hazard droomt van top drie»։ Belgian Pro League (հոլանդերեն)։ Արխիվացված է օրիգինալից 2013-09-22-ին։ Վերցված է 2013-02-07 
  28. ↑ «Koploper Z.Waregem blijft successen opstapelen»։ Sporza (հոլանդերեն)։ 2012-10-31։ Վերցված է 2013-02-07 
  29. ↑ «Thorgan Hazard zal ook dit seizoen de kleuren van SV Zulte Waregem verdedigen»։ Официальный сайт ФК «Зюлте-Варегем» (հոլանդերեն)։ 2013-07-15։ Արխիվացված է օրիգինալից 2013-07-21-ին։ Վերցված է 2013-07-26 
  30. ↑ Rice Simon (փետրվարի 23, 2015)։ «Chelsea sell Thorgan Hazard to Borussia Monchengladbach for 1500% mark-up as impressive sales figures continue»։ The Independent։ Վերցված է փետրվարի 23, 2015 
  31. ↑ «Thorgan Hazard: passeulement le frère de...» (PDF) (ֆրանսերեն)։ Région Omnisports։ 2008-09-16։ Արխիվացված է օրիգինալից 2012-03-17-ին։ Վերցված է 2013-02-07 
  32. ↑ «Montenegro v. Belgium Match Report» (անգլերեն)։ Официальный сайт УЕФА։ 2009-09-25։ Վերցված է 2013-02-07 
  33. ↑ «Thorgan Hazard en Irlande du Nord» (ֆրանսերեն)։ Официальный сайт ФК «Ланс»։ 2010-03-15։ Արխիվացված է օրիգինալից 2011-07-21-ին։ Վերցված է 2013-02-07 
  34. ↑ «Thorgan Hazard auteur du but de la victoire des U19» (ֆրանսերեն)։ 7sur7։ 2011-02-09։ Վերցված է 2013-02-07 
  35. ↑ «Belgium win Group 1 early to claim finals return» (անգլերեն)։ Официальный сайт УЕФА։ 2011-05-26։ Վերցված է 2013-02-07 
  36. ↑ «Spain see off ten-man Belgium» (անգլերեն)։ Официальный сайт УЕФА։ 2011-07-21։ Վերցված է 2013-02-07 
  37. ↑ «Belgium v. Wales Match Report» (անգլերեն)։ Официальный сайт УЕФА։ 2011-09-21։ Վերցված է 2013-02-07 
  38. ↑ «Scotland v. Belgium Match Report» (անգլերեն)։ Официальный сайт УЕФА։ 2011-09-26։ Վերցված է 2013-02-07 
  39. ↑ «1ier tour CE Slovénie» (ֆրանսերեն)։ Королевская бельгийская футбольная ассоциация։ 2011-09-26։ Արխիվացված է օրիգինալից 2012-04-30-ին։ Վերցված է 2013-02-07 
  40. ↑ «Holders Spain into finals again» (անգլերեն)։ Официальный сайт УЕФА։ 2012-05-28։ Վերցված է 2013-02-07 
  41. ↑ «Profile: Thorgan Hazard» (անգլերեն)։ Footballdatabase։ 2013-02-06։ Վերցված է 2013-02-06 
  42. ↑ «Thorgan Hazard»։ Ligue de Football Professionnel (French)։ Վերցված է հունվարի 4, 2013 

Արտաքին հղումներ[խմբագրել | խմբագրել կոդը]

Տորգան Ազար Վիքիպահեստում
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
✯
 Այս հոդվածն ընտրվել է Հայերեն Վիքիպեդիայի օրվա հոդված:
Ստացված է «https://hy.wikipedia.org/w/index.php?title=Տորգան_Ազար&oldid=8787139» էջից