Գործարար մարդիկ (ֆիլմ)

Գործարար մարդիկ ռուս.՝ Деловые люди
Երկիր	ԽՍՀՄ
Ժանր	կինոկատակերգություն և արկածային ֆիլմ
Հիմք	Հարազատ հոգիներ, Կարմրամորթների առաջնորդը և Ճանապարհները, որոնք ընտրում ենք
Թվական	1962
Լեզու	ռուսերեն
Ռեժիսոր	Լեոնիդ Գայդայ
Սցենարի հեղինակ	Լեոնիդ Գայդայ
Դերակատարներ	Ռոստիսլավ Պլյատ, Յուրի Նիկուլին, Գեորգի Վիցին, Ալեքսեյ Սմիռնով, Վլադլեն Պաուլուս, Ալեքսանդր Շվորին, Վիկտոր Գրոմով, Վլադիմիր Պիցեկ, Վիկտոր Ուրալսկի, Յուրի Չուլյուկին, Սերգեյ Տիխոնով և Գեորգի Միլյար
Օպերատոր	Կոնստանտին Բրովին
Երաժշտություն	Գեորգի Ֆիրտիչ
Կինոընկերություն	Մոսֆիլմ
Տևողություն	79 րոպե

Գործարար մարդիկ (ռուս.՝ Деловые люди), խորհրդային կինոկատակերգություն, որը նկարահանվել է 1962 թվականին՝ Լեոնիդ Գայդայի կողմից, ամերիկացի գրող Օ. Հենրիի նովելների հիման վրա։

Սյուժե

Կինոնկարը կազմված է միմյանց հետ ոչ մի կապ չունեցող երեք նովելներից, որոնց հիմքը ամերիկացի գրող Օ. Հենրիի պատմվածքներն են։ Առաջին նովելը ողբերգության, իսկ մյուս երկուսը՝ կատակերգության տարրեր են պարունակում։

• «Ճանապարհներ, որոնք մենք ենք ընտրում» (The Roads We Take, 1904)
• «Հարազատ հոգիներ» (Makes the Whole World Kin, 1904)
• «Կարմրամորթների առաջնորդը» (The Ransom of Red Chief, 1907)

Ֆիլմի վերնագիրը փոխառված է Օ. Հենրիի «Գործարար մարդիկ» (Strictly Business, 1910) պատմվածքների ժողովածուից և այդ ժողովածուի համանուն պատմվածքից։ Դրա հետ մեկտեղ, նկարահանված նովելներից ոչ մեկը չի մտնում այդ ժողովածուի մեջ։ «Ճանապարհներ, որոնք մենք ենք ընտրում» և «Կարմրամորթների առաջնորդը» լույս են տեսել «Շրջապտույտ» (The Whirligigs, 1910), իսկ «Հարազատ հոգիներ» պատմվածքը՝ «Վեցանոցներ-յոթանոցներ» (Sixes and Sevens, 1911) ժողովածուներում։

Դերասանական կազմ

«Ճանապարհներ, որոնք մենք ենք ընտրում»

Դերակատար	Կերպար
Վլադլեն Պաուլուս	«Շնաձուկ» Դոդսոն
Ալեքսանդր Շվորին	Բոբ Տիդբոլ
Վիկտոր Գրոմով	միսթր Ուիլյամս

«Հարազատ հոգիներ»

Դերակատար	Կերպար
Ռոստիսլավ Պլյատ	բնակարանի տեր
Յուրի Նիկուլին	գող

«Կարմրամորթների առաջնորդը»

Դերակատար	Կերպար
Գեորգի Վիցին	Սեմ
Ալեքսեյ Սմիռնով	Բիլ Դրիսկոլ
Սերգեյ Տիխոնով	Ջոննի Դորսեթ
Գեորգի Միլյար	Էբենեզեր Դորսեթ
Եվգենի Եվստիգնեև	քաղաքի բնակիչ

Նկարահանող խումբ

Կինոգործիչ	Ներդրումը
Լեոնիդ Գայդայ	սցենարիստ
Լեոնիդ Գայդայ	ռեժիսոր
Կոնստանտին Բրովին	օպերատոր
Գեորգի Ֆիրտիչ	կոմպոզիտոր

Հետաքրքիր փաստեր

• «Ճանապարհներ, որոնք մենք ենք ընտրում» նովելի նկարահանումները կատարվել են Ղրիմի Բելոգորսկի շրջանի Սպիտակ ժայռ և Յալթայի մոտ գտնվող Նիկիտյան յայլա կոչվող վայրերում։
• «Կարմրամորթների առաջնորդը» նովելի մեծ մասը նկարահանվել է Ղրիմի Բախչիսարայի շրջանի Կույբիշևո ավանում։
• Ջոննի Դորսեթի դերում Լեոնիդ Գայդայը ի սկզբանե ցանկացել էր նկարահանել Նադեժդա Ռումյանցևային։