Գլեբ Կրժիժանովսկի
.svg){kind=small}
Կրժիժանովսկի Գլեբ Մաքսիմիլիանովիչ (հունվարի 24, 1872, Սամարա, Ռուսական կայսրություն[1] - մարտի 31, 1959[1], Մոսկվա, ԽՍՀՄ[1]), Ռուսաստանում հեղափոխական շարժման, սովետական պետական և կուսակցական գործիչ, գիտնական-էներգետիկ, գրող։ ԽՍՀՄ ԳԱ ակադեմիկոս (1929), Սոցիալիստական աշխատանքի հերոս (1957)։ Կոմունիստական կուսակցության անդամ 1893 թվականից։
Վլադիմիր Իլյիչ Լենին հետ մասնակցել է Պետերբուրգի «Բանվոր դասակարգի ազատագրության պայքարի միության» ստեղծմանը։ 1894 թվականին ավարտել է Պետերբուրգի տեխնոլոգիական ինստիտուտը։ ՌՍԴԲԿ II համագումարում ընտրվել է կուսակցության ԿԿ անդամ։ Մասնակցել է ՌՍԴԲԿ III համագումարի նախապատրաստմանը, 1905-1907 թվականների հեղափոխությանը։ Փետրվարյան հեղափոխության (1917) ժամանակ եղել է Մոսսովետի բոլշևիկյան ֆրակցիայի անդամ։ 1920 թվականներից՝ Ռուսաստանի էլեկտրիֆիկացիայի պետական հանձնաժողովի (ԳՈԷԼՌՈ), 1921-1930 թվականներին՝ Պետպլանի, 1930-1932 թվականներին՝ ծանր արդյունաբերության ժողկոմատի գլխէներգոյի, 1932-1936 թվականներին՝ ԽՍՀՄ ԿԳԿ-ին առընթեր բարձրագույն տեխնիկական կրթության կոմիտեի նախագահ և ԽՍՀՄ լուսժողկոմի տեղակալ։ 1929-1939 թվականներին՝ ԽՍՀՄ ԳԱ փոխպրեզիդենտ։ 1930 թվականին հիմնադրել և մինչև կյանքի վերջը ղեկավարել է ԽՍՀՄ ԳԱ էներգետիկական ինստիտուտը։ Աշխատությունները նվիրված են էներգահամակարգերի, էներգահաշվեկշռի կազմման և զարգացման գիտական հիմունքների, երկրի միասնական էներգահամակարգի ստեղծման, ժողովրդական տնտեսության ճյուղերի էլեկտրիֆիկացման, էներգետիկ ռեսուրսների կոմպլեքս օգտագործման ևն խնդիրների։ Հեղինակ է Վլադիմիր Իլիչ Լենինի մասին հիշողությունների։ Կուսակցության XIV-XVII համագումարների պատգամավոր է, XIII-XVII համագումարներում ընտրվել է ՀամԿ (բ) կ ԿԿ-ի անդամ։ Եղելէ Համառուսաստանյան ԿԳԿ-ի և ԽՍՀՄ ԿԳԿ-ի անդամ, ԽՍՀՄ I գումարման Գերագույն սովետի դեպուտատ։ Պարգևատրվել է Լենինի 5 և 2 այլ շքանշաններով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 687)։ 
|
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 1,8 Кржижановский Глеб Максимилианович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- Հունվարի 24 ծնունդներ
- 1872 ծնունդներ
- Սամարա քաղաքում ծնվածներ
- Մարտի 31 մահեր
- 1959 մահեր
- Մոսկվա քաղաքում մահացածներ
- Լենինի շքանշանի ասպետներ
- Սոցիալիստական աշխատանքի հերոսներ
- Աշխատանքային կարմիր դրոշի շքանշանի ասպետներ
- «Հայրենական մեծ պատերազմի ժամանակ կատարած անձնվեր աշխատանքի համար» մեդալակիրներ
- Անձինք այբբենական կարգով
- Հեղափոխականներ
- Ռուս հեղափոխականներ
- ԽՍՀՄ ԳԱ իսկական անդամներ
- ԽՄԿԿ անդամներ
- Ռուս պետական գործիչներ
- Կուսակցական գործիչներ
- Ռուս գրողներ
- Ռուս գիտնականներ
- ԽՍՀՄ ԳԱ ակադեմիկոսներ
