Գաբրիել Թոմաս
Գաբրիել Թոմաս | |
---|---|
![]() | |
Անձնական տեղեկություն | |
Սեռ՝ | իգական |
Մասնագիտացում՝ | թեթևատլետ և neurobiologist |
Երկիր՝ | ![]() |
Ծննդյան ամսաթիվ՝ | դեկտեմբերի 7, 1996[1] (27 տարեկան) |
Ծննդավայր՝ | Ատլանտա[2][3] |
180 սանտիմետր[4] |
Թոմաս Գաբրիել (անգլ.՝ Gabrielle Thomas, դեկտեմբերի 7, 1996[1], Ատլանտա[2][3]), ամերիկացի աթլետ, 2024 թվականի օլիմպիական չեմպիոն 200 մետր, 2020 թվականի ամառային օլիմպիական խաղերի արծաթե մեդալակիր Տոկիոյում 4x100 մետր կանանց փոխանցումավազքում, 2023 թվականի աշխարհի չեմպիոն։
Կենսագրություն և սպորտային կարիերա
[խմբագրել | խմբագրել կոդը]Ծնվել է 1996 թվականի դեկտեմբերի 7-ին Ջորջիա նահանգի Ատլանտա քաղաքում, Ջենիֆեր Ռանդալի և Դեսմոնդ Թոմասի ընտանիքում։ Նա ունի երկվորյակ եղբայր՝ Էնդրյու անունով[5]։ Թոմասը մոր կողմից աֆրոամերիկացի է, իսկ հոր կողմից՝ ճամայկացի[6]։
2007 թվականին Թոմասի ընտանիքը տեղափոխվել է Մասաչուսեթս, որտեղ նրա մայրը սկսել է դասավանդել Մասաչուսեթսի համալսարանում՝ Էմորիի համալսարանից իր դոկտորական կոչումը ստանալուց հետո: Մինչ ընտանիքը բնակություն է հաստատում Մասաչուսեթս նահանգի Ֆլորենցիայում, Թոմասը սկզբում խաղում է սոֆտբոլ և ֆուտբոլ, այնուհետև միանում է թեթև աթլետիկայի թիմին[7]:
Նրա կուռքը արագավազորդուհի Էլիսոն Ֆելիքսն է։ Ավագ դպրոցում Թոմասը 4 տարի հաճախում է Ուիլիստոն Նորթհեմփթոնի դպրոցը, որտեղ նա սահմանում է մի քանի դպրոցական ռեկորդներ և ամեն տարի ճանաչվում ամենաթանկ խաղացողը, Միշել Լոուսոնի ղեկավարությամբ[8]:
Հարվարդի համալսարանի շրջանավարտ՝ նա բակալավրիատում սովորել է նյարդաբանություն և համաշխարհային առողջություն։ Հարվարդում սովորելու ժամանակ Թոմասը երեք տարիների ընթացքում 6 տարբեր մրցումներում նվաճում է 22 կոնֆերանսի տիտղոս՝ սահմանելով դպրոցական և Այվի լիգայի ռեկորդներ 100, 200 և 60 մետր վազքներում: Նա ստորագրել է New Balance-ի հետ համաձայնագիր և դարձել պրոֆեսիոնալ 2018 թվականի հոկտեմբերին՝ հրաժարվելով քոլեջի իրավունակության վերջին տարուց:
Հարվարդից հետո նա տեղափոխվում է Օստին, Տեխաս, որտեղ նրան մարզում է Տոնյա Բուֆորդ-Բեյլին։
2020 թվականի մայիսին Թոմասը բաց է թողել երեք դոպինգ թեստ, ինչի համար պատժվել է երկու տարվա արգելքով։ Հունիսին նա ներկայացրեց նոր ապացույցներ՝ հերքելու սխալը, իսկ հուլիսին նա արդարացվեց[9]։
2020 թվականի Տոկիոյի օլիմպիադա
[խմբագրել | խմբագրել կոդը]2020 թվականին Տոկիոյի Օլիմպիական խաղերում Թոմասը հանդես է եկել 200 մետր վազքում։ 2021 թվականի հունիսի 26-ին ԱՄՆ-ի Օլիմպիական խաղերում նրա 21,61 վայրկյան արդյունքը երրորդն էր աթլետիկայի պատմության մեջ՝ զիջելով միայն համաշխարհային ռեկորդակիր Ֆլորենս Գրիֆիթ-Ջոյներին[10]։
Ժամանակը զարմացրեց անգամ Թոմասին, ով մրցավազքից հետո ասաց. «Ես դեռ շոկի մեջ եմ... իմ երազանքն էր օլիմպիական թիմ կազմելը... Հիմա, երբ հասա (դրան), ավելի բարձր եմ նպատակադրվելու»:
2021 թվականի օգոստոսի 3-ին Տոկիոյի 2020 թվականի Օլիմպիական խաղերում Թոմասը 200 մ եզրափակչում 21,87 արդյունքով նվաճեց բրոնզե մեդալը՝ զիջելով Էլեյն Թոմփսոն-Հերային (ոսկի) և Քրիստին Մբոմային (արծաթ):
Երեք օր անց՝ 2021 թվականի օգոստոսի 6-ին, ԱՄՆ-ի թիմը որակավորվեց 4 x 100 մետր փոխանցումավազքի եզրափակիչ և զբաղեցրեց 2-րդ հորիզոնականը՝ զիջելով Ճամայկայի թիմին: Թոմասը արծաթե մեդալ նվաճեց թիմակիցներ Ջավիան Օլիվերի, Թեանա Դենիելսի և Ջեննա Պրանդինիի հետ միասին[11]։
2023 թվականին Բուդապեշտում կայացած աշխարհի առաջնությունում Թոմասը 200 մ վազքում զբաղեցրել է երկրորդ տեղը՝ 21,81 վայրկյան արդյունքով։ 4 х 100 փոխանցումավազքում ԱՄՆ-ի կազմում տոնում է հաղթանակ։
Ծանոթագրություններ
[խմբագրել | խմբագրել կոդը]- ↑ 1,0 1,1 https://www.olympedia.org/athletes/147109
- ↑ 2,0 2,1 2,2 https://www.gazettenet.com/Fast-lane-Gabby-Thomas--journey-on-the-track-continues-with-pro-debut-at-New-Balance-Indoor-Grand-Prix-22672860
- ↑ 3,0 3,1 3,2 https://www.nbcolympics.com/athletes/gabby-thomas-1486537
- ↑ https://news.harvard.edu/gazette/story/2019/05/harvard-grad-sprints-to-the-finish-breaking-ncaa-record-along-the-way/
- ↑ «Fast lane: Gabby Thomas' journey on the track continues with pro debut at New Balance Indoor Grand Prix». Արխիվացված է օրիգինալից 2021-08-02-ին. Վերցված է 2021-08-15-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Пост в Инстаграме». Արխիվացված օրիգինալից 2023-11-03-ին. Վերցված է 2021-08-15-ին.
- ↑ «The world is about to meet sprinter Gabby Thomas. She's ready to change it». Արխիվացված է օրիգինալից 2021-08-10-ին. Վերցված է 2021-08-15-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «From Harvard to Texas to Tokyo: Gabby Thomas qualifies for Olympics». Արխիվացված է օրիգինալից 2021-08-07-ին. Վերցված է 2021-08-15-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Athletics: Sprinter Thomas cleared by AIU in whereabouts failure case». Արխիվացված է օրիգինալից 2021-08-15-ին. Վերցված է 2021-08-15-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «200 Metres Women». Արխիվացված է օրիգինալից 2021-08-04-ին. Վերցված է 2021-08-15-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Jamaica wins women's 4x100-meter relay in dominating fashion». Արխիվացված է օրիգինալից 2021-08-15-ին. Վերցված է 2021-08-15-ին.
{{cite web}}
: Unknown parameter|deadlink=
ignored (|url-status=
suggested) (օգնություն)
![]() | Վիքիպահեստն ունի նյութեր, որոնք վերաբերում են «Գաբրիել Թոմաս» հոդվածին։ |
|
- Դեկտեմբերի 7 ծնունդներ
- 1996 ծնունդներ
- Ապրող անձինք
- Ատլանտա քաղաքում ծնվածներ
- Անձինք այբբենական կարգով
- Հարվարդի համալսարանի շրջանավարտներ
- 2020 թվականի Ամառային օլիմպիական խաղերի արծաթե մեդալակիրներ
- 2020 թվականի Ամառային օլիմպիական խաղերի բրոնզե մեդալակիրներ
- 2024 թվականի Ամառային օլիմպիական խաղերի չեմպիոններ
- Ամերիկացի մարզուհիներ
- 21-րդ դարի ամերիկացի կանայք