Բերինգի նեղուց

Վիքիպեդիայից՝ ազատ հանրագիտարանից

Կոորդինատներ: 66°0′ հս․ լ. 169°0′ ամ. ե. / 66.000° հս․. լ. 169.000° ավ. ե. / 66.000; 169.000

Բերինգի նեղուցը տիեզերքից

Բերինգի նեղուց (ռուս.՝ Берингов пролив; անգլ.՝ Bering Strait), նեղուց Ասիայի ամենաարևելյան կետի (Դեժնյովի հրվանդան) և Հյուսիսային Ամերիկայի ամենաարևմտյան կետի (Ուելսի արքայազնի հրվանդան) միջև` այսինքն նեղուց Ռուսաստանի և ԱՄՆ-ի միջև։

Նեղուցի լայնությունը 85 կմ է, իսկ խորությունը` 30-49 մ։ Նեղուցը միացնում է Հյուսիսային Սառուցյալ օվկիանոսը Խաղաղ օվկիանոսի հետ։ Նեղուցն իր անվանումը ստացել է Վիտուս Բերինգից, ով անցել է նեղուցը 1728 թ-ին, իսկ առաջին անգամ նեղուցն անցել է Սեմյոն Դեժնյովը, ում անունով կոչվում է նեղուցում գտնվող հրվանդաններից մեկը։