Արամ Ղարաբեկյան

Վիքիպեդիայից՝ ազատ հանրագիտարանից
Արամ Ղարաբեկյան
Aram Gharabekyan.JPG
Հիմնական տվյալներ
Ծնվել է հուլիսի 41955 Թեհրան
Թեհրան
Երկիր Flag of Armenia.svg Հայաստան
Մահացել է հունվարի 11, 2014(2014-01-11) (տարիքը 58) ԱՄՆ
Լոս Անջելես
Մասնագիտություն Դիրիժոր

Արամ Վաչիկի Ղարաբեկյան (1955, հուլիսի 4, Թեհրան - 2014, հունվարի 11, ԱՄՆ), հայ դիրիժոր, Հայաստանի ազգային կամերային նվագախմբի նախկին գեղարվեստական ղեկավար: ՀՀ արվեստի վաստակավոր գործիչ (2007):

Կենսագրություն[խմբագրել | խմբագրել կոդը]

Արամ Ղարաբեկյանը ծնվել է 1955 թ. հուլիսի 4-ին, Թեհրանում[1][2][3]: Երաժշտական կրթությունը ստացել է Թեհրանում՝ 1965-1973 թթ., այնուհետև սովորել է Բոստոնի (1973-1977, ստեղծագործական դասարան), «New England» (1977-1979, դաշնամուր) կոնսերվատորիաներում, որից հետո ուսումը շարունակել է Գերմանիայի Մայնց քաղաքում: Դիրիժորական արվեստ է սովորել Ֆրանկո Ֆերարայի մոտ: 1979 թ. Գերմանիայում եղել է հանրահայտ Սերջիու Չելիբիդակեի աշակերտը: Սովորել է նաև Յակոբ Դրուգմանի և Լեոնարդ Բերնսթայնի մոտ:

Մասնագիտական գործունեություն[խմբագրել | խմբագրել կոդը]

Արամ Ղարաբեկյանը եղել է Հայաստանի պետական կամերային նվագախմբի ղեկավարն ու դիրիժորը: 1983 թ. հիմնել է Բոստոնի «Սինֆոնովա» նվագախումբը, որը ղեկավարել է մինչ 1991 թ.:

Աշխատել է Կիևի ռադիոյի և հեռուստատեսության սիմֆոնիկ նվագախմբի հետ և միասին թողարկել է «Ռոմեո և Ջուլիետ» սկավառակը, որից հետո Ուկրաինայի մշակույթի նախարարը դիրիժորին նշանակել է իր գլխավոր խորհրդական: Ղեկավարել է նաև Ուկրաինայի ազգային սիմֆոնիկ նվագախումբը ու Օպերայի և բալետի թատրոնը: Աշխատել է նաև Զագրեբի սիմֆոնիկ նվագախմբի հետ՝ որպես հրավիրված դիրիժոր: Հետագայում ղեկավարել է մի շարք նվագախմբեր՝ Հայաստանի և Ֆրեզնոյի ֆիլհարմոնիկ, Շրևեպորտի, Հանգչջոուի և Զեջիանգի սիմֆոնիկ:

Համերգներ և մրցանակներ[խմբագրել | խմբագրել կոդը]

1999 թ. Ամանորի նախաշեմին 6 տարբեր երկրներից կազմված նվագախմբով հանդես է եկել նոր հազարամյակին նվիրված համերգային ծրագրով, Չինաստանի Հանչժոու քաղաքում, որտեղ ներկայացրել է Բեթհովենի 9-րդ սիմֆոնիան: 1988 թ. արժանացել է ամերիկյան կոմպոզիտորների, հեղինակների և խմբագիրների (ASCAP) մրցանակին, 1989 թ.` Լյուսիեն Վուլսինի մրցանակին: Արժանացել է նաև Հարվարդի ասոցիացիայի երաժշտական մրցանակին, 2007 թ.` ՀՀ արվեստի վաստակավոր գործչի կոչմանը:

ՀՀ նախագահի կողմից արժանացել էր Մովսես Խորենացու մեդալի՝ արվեստում ունեցած ներդրումների համար: Նա նաև Լուսիեն Վուլսինի ներկայացման, Կոմպոզիտորների հեղինակային իրավունքները պաշտպանող ամերիկյան ընկերակցության, Հարվարդի երաժշտական ընկերակցության լավագույն ներկայացման մրցանակների դափնեկիր էր:

Ծանոթագրություններ[խմբագրել | խմբագրել կոդը]