Աշոտ Գրաշի

Աշոտ Գրաշի
Ծնվել է	մայիսի 9, 1910(1910-05-09)
Ծննդավայր	Բաքու, Ռուսական կայսրություն
Վախճանվել է	փետրվարի 28, 1973(1973-02-28) (62 տարեկանում)
Վախճանի վայր	Երևան
Մասնագիտություն	թարգմանիչ և բանաստեղծ
Լեզու	հայերեն
Ազգություն	հայ
Քաղաքացիություն	Ռուսական կայսրություն  ԽՍՀՄ
Կրթություն	Երևանի պետական համալսարան
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	Աշխատանքային Կարմիր դրոշի շքանշան և «Պատվո նշան» շքանշան
Ամուսին	Մարգարիտ Աթաբեկյան
Աշոտ Գրաշի Վիքիդարանում

Աշոտ Գրաշի (Աշոտ Բաղդասարի Գրիգորյան, 1910, մայիսի 9, Բաքու - 1973, փետրվարի 28, Երևան), հայ բանաստեղծ, թարգմանիչ, ԽՍՀՄ գրողների միության անդամ 1935 թվականից։ ԽՄԿԿ անդամ 1941 թվականից: Գրաշի գրական անունը կազմված է բանաստեղծի ազգանվան և անվան սկզբնատառերից:

Կենսագրություն

Ծնվել է Բաքվում։ 1929 թվականին ավարտել է տեղի Ալեքսանդր Մյասնիկյանի անվան հայկական դպրոցը, 1933 թվականին՝ Երևանի պետական համալսարանի պատմագրական ֆակուլտետը։ 1933-1946 թթ. եղել է Բաքվի Վ. Ի. Լենինի անվան գրադարանի հայկական բաժնի վարիչը, Ադրբեջանի խորհրդային գրողների միության հայկական բաժանմունքի քարտուղարը, «Կոմունիստ» հայերեն թերթի արվեստի և գրականության բաժնի վարիչը։

1946 թվականին տեղափոխվել է Երևան։ Գրաշու բանաստեղծությունները թարգմանվել են ԽՍՀՄ ժողովուրդների մի շարք լեզուներով։ Մահացել է Երևանում։

Պարգևներ

• Աշխատանքային Կարմիր դրոշի շքանշան
• «Պատվո նշան» շքանշան

Երկերի մատենագրություն

Աշոտ Գրաշու հուշատախտակը Երևանի Մարշալ Բաղրամյան պողոտայում

• Մուտք, Բաքու, 1934, 159 էջ։
• Ժողովրդի հետ, Բաքու, 1938, 175 էջ։
• Քնարական, Բաքու, Ազերնեշր, 1939, 277 էջ։
• Ռազմի քնար, Բաքու, Ազերնեշր, 1942, 76 էջ։
• Կռունկ, Բաքու, Ազերնեշր, 1944, 214 էջ։
• Ամպաբերդ (հերոսական դրամա), Բաքու, Ազերնեշր, 1945, 111 էջ։
• Իմ գարունը, Երևան, Հայպետհրատ, 1946, 355 էջ։
• Եղբայրության աստղի տակ, Երևան, Հայպետհրատ, 1949, 190 էջ։
• Երգը թռչում է աշխարհով, Հայպետհրատ, Երևան, 1952, 196 էջ։
• Սարերի սրինգը, Երևան, Հայպետհրատ, 1957, 411 էջ։
• Ծիածանի յոթ երգը, Երևան, Հայպետհրատ, Հայպետհրատ, 1961, 527 էջ։
• Երկեր 2 հատորով, հատոր Ա, Երևան, «Հայաստան», 1965, 358 էջ։
• Երկեր 2 հատորով, հատոր Բ, Երևան, «Հայաստան», 1965, 318 էջ։
• Ուր ես սիրո մոլորակ, Երևան, «Հայաստան», 1968, 335 էջ։
• Արևի քույրը, Երևան, «Հայաստան», 1972, 43 էջ։
• Կռունկների աղբյուր, Երևան, «Հայաստան», 1976, 241 էջ։

Թարգմանություններ (ռուսերենից և ադրբեջաներենից)

• Ալեքսանդր Պուշկին, Հեքիաթներ, բանաստեղծություններ, արձակ էջեր (ժողովածուի մեջ մտնող գործերի մի մասը թարգմանել է Ա. Գրաշին), Երևան, պետհրատ, 1937, 214 էջ։
• Ադրբեջանական բայաթիներ, Բաքու, Ազերնեշր, 1940, 91 էջ։
• Նիզամի Գյանջիև, Գազելներ, Բաքու, 1940։
• Սամեդ Վուրղուն, Ընտիր բանաստեղծություններ, Երևան, Հայպետհրատ, 1949։
• Գեորգի Լեոնիձե, Մանկություն և պատանեկություն, Երևան, Հայպետհրատ, 1952, 158 էջ։
• Նիկոլայ Նեկրասով, Բանաստեղծություններ (գրքի մեջ մտնող մի շարք բանաստեղծություններ թարգմանել է Ա.Գրաշին), Երևան, Հայպետհրատ, 1962, 108 էջ։
• Աբդուռահման Ջամի, Լիրիկա (ժողովածուի մեջ մտնող «Քիթաներ»-ը թարգմանել է Ա. Գրաշին), Երևան, «Հայաստան», 1964, 100 էջ։
• Կատրի Վալի, Հեռավոր պարտեզ, Երևան, «Հայաստան», 1969, 163 էջ։
• Նիկոլայ Նեկրասով, Բանաստեղծություններ (գրքի մեջ մտնող մի շարք բանաստեղծություններ թարգմանել է Ա. Գրաշին), Երևան, 1971, 127 էջ։

Մամուլ

• Վլադիմիր Սոսյուրա, Բանվորներն են գնում, լսեք քայլքը նրանց: «Գրական թերթ», 1948, № 2:

Արտաքին հղումներ

• Աշոտ Գրաշու «Իմ դարի օրհներգը» բանաստեղծությունը
• Աշոտ Գրաշու «Հայաստան աշխարհ» բանաստեղծությունը
• Աշոտ Գրաշու «Եվ երբ ես գնում եմ օտարություն» բանաստեղծությունը