Մարգարիտ Աթաբեկյան

Վիքիպեդիայից՝ ազատ հանրագիտարանից
Jump to navigation Jump to search
Մարգարիտ Աթաբեկյան
Ծնվել էօգոստոսի 22, 1917(1917-08-22)
ԾննդավայրԲաքու, Ռուսական կայսրություն
Վախճանվել էնոյեմբերի 3, 1996(1996-11-03) (79 տարեկանում)
Մասնագիտությունգրականագետ և թարգմանիչ
Լեզուհայերեն
Ազգությունհայ
ԿրթությունՄոսկվայի մանկավարժական պետական համալսարան
Գիտական աստիճանբանասիրական գիտությունների թեկնածու
ԱնդամակցությունՀայաստանի գրողների միություն
ԱշխատավայրԵրևանի Վ․Բրյուսովի անվան պետական լեզվահասարակագիտական համալսարան
ԱմուսինԱշոտ Գրաշի
Մարգարիտ Աթաբեկյան Վիքիդարանում

Մարգարիտ Լևոնի Աթաբեկյան (օգոստոսի 22, 1917(1917-08-22), Բաքու, Ռուսական կայսրություն - նոյեմբերի 3, 1996(1996-11-03)), հայ գրականագետ, թարգմանիչ, բանասիրական գիտությունների թեկնածու, ԽՍՀՄ գրողների միության անդամ 1943 թվականից։ Բանաստեղծ Լևոն Աթաբեկյանի դուստրը, բանաստեղծ Աշոտ Գրաշու կինը։

Կենսագրություն[խմբագրել | խմբագրել կոդը]

Ծնվել է Բաքվում։ 1938 թվականին ավարտել է Մոսկվայի մանկավարժական ինստիտուտի գրականության ֆակուլտետը։ Հետագայում սովորել է նույն ինստիտուտի ասպիրանտուրայում։ Այդ տարիներին միաժամանակ աշխատել է ՀամԼԿԵՄ Կենտկոմի մանկապատանեկան գրականությունում որպես խմբագիր։ 1946 թվականին տեղափոխել է Երևան։

1953 թվականին, Մոսկվայում, «Հովհաննես Թումանյանը գրաքննադատ» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1956 թվականին Երևանում ռուսերեն լույս է տեսել նրա «Հովհաննես Թումանյանը գրաքննադատ» մենագրությունը։ Աշխատել է Երևանի Վ. Բրյուսովի անվան ռուսաց և օտար լեզուների մանկավարժական ինստիտուտում։ Կատարել է մի շարք թարգմանություններ[1][2]:

Ծանոթագրություններ[խմբագրել | խմբագրել կոդը]

  1. Գրական տեղեկատու։ Երևան: «Սովետական գրող»։ 1986։ էջ էջ 24-25 
  2. Գառնիկ Ստեփանյան (1973)։ Կենսագրական բառարան, հատոր Ա։ Երևան: «Հայաստան»։ էջ էջ 38