Korn

Վիքիպեդիայից՝ ազատ հանրագիտարանից
Korn
ԺանրերՆու մետալ[1] և ալտերնատիվ մետալ
Գործունեություն1993
ԼեյբլCaroline Records, Epic Records, Prospect Park, Sony BMG, Virgin Records, Immortal Records և Roadrunner Records
Կայքkornofficial.com
 Korn Վիքիպահեստում

«Korn» (ոճավորված որպես՝ KoЯn), ամերիկյան նու մետալ խումբ, որը հիմնվել է 1993 թվականին Կալիֆոռնիայի Բեյքերսֆիլդ քաղաքում։ Խումբն առանձնանում է նրանով, որ հանդիսանում է նու մետալ ժանրի պիոներ և ներառել է այն մեյն սթրիմում[2][3][4][5][6][7]։

Պատմություն[խմբագրել | խմբագրել կոդը]

Խմբի ստեղծում, դեմո Neidermeyer’s Mind, Korn (1993-1995)[խմբագրել | խմբագրել կոդը]

Korn-ը ձևավորվել է L.A.P.D. խմբի փլուզումից հետո, որի հնարավոր պատճառը խմբի վոկալիստ Ռիչարդ Մորիլի թմրամոլությունն էր։ Ռեգինալդ Արվիզուն, Բրայան Ուելչը, Ջեյմս Շաֆֆերը և Դեյվիդ Սիլվերիան ցանկանում էին շարունակել զբաղվել երաժշտությամբ և փնտրում էին նոր վոկալիստ։ 1993 թվականի մի գիշեր Հադն ու Մանկին գիշերային ակումբում էին և ծրագրում էին այնտեղ մնալ ընդամենը մի քանի րոպե։ Բայց ամեն ինչ փոխվել է, երբ Sexart խումբը բարձրացել է բեմ։ Սկզբում նրանց դուր չի եկել նրա ձայնը, բայց հետո երաժիշտները որոշել են, որ այն շատ լավն է։ Հադն ու Մանկին հանդիպել են նրա հետ ելույթի ավարտից հետո։ Սկզբում Դևիսը չի ցանկացել դառնալ նրանց վոկալիստը, բայց խորհրդակցելով էքստրասենսի հետ, որը նրան ասել է, որ հիմարություն կանի, եթե չփորձի, Դևիսը համաձայնվել է։ Այսպես ստեղծվել է Creep խումբը, որը հետագայում վերանվանվել է Korn։ Այս անունը հորինել է Ջոնաթան Դևիսը՝ հատուկ աղավաղելով «եգիպտացորեն» (անգլ.՝ corn) բառը։

Ավելի ուշ՝ 1993 թվականին, նրանք սկսել են աշխատել իրենց ընկերոջ և պրոդյուսեր Ռոս Ռոբինսոնի հետ և շուտով ունեցել են իրենց առաջին ցուցադրությունը՝ Neidermeyer’s Mind-ը, որը ներառել է 4 երգ՝ «Predictable», «Blind», «Daddy» և «Alive։ Blind»-ն ի սկզբանե գրել են Դևիսը և Sexart-ը, բայց վերաշարադրվել է նոր բառերով։ Խումբը դժվարանում էր ուշադրություն գրավել իր առաջին տարում, քանի որ 1990-ականների ռոք տեսարանը պատկանում էր գրանջին։ Ձայնագրման շուրջ համաձայնության գալու բազմաթիվ փորձերից հետո խումբը գիշերային ակումբում լսել է Փոլ Պոնտիուսը Immortal/Epic Records-ից, նա այնքան տպավորված է եղել խմբով, որ նրանց հետ կնքել է պայմանագիր հենց տեղում։ Konr-ը պրոդյուսերի և լեյբլի հետ սկսել է աշխատել խմբի համանուն ալբոմի վրա։

Երաժշտական տեսանկյունից ալբոմի հետքերը հարդքոր փանկի և գրուվ մետալի խառնուրդ են։ Ալբոմում առկա են նաև պարկապզուկներ «Shoots and Ladders» երգում և սքեթ-երգեցողություն (մեղեդու իմպրովիզացիա անիմաստ վանկերի հավաքածուով) «Ball Tongue» երգում։ Այս երկու տարրերն էլ հետագայում դարձել են Korn-ի ձայնի մշտական առանձնահատկությունները։ Blind-ը ալբոմի առաջին սինգլն է և ձեռք է բերել չափազանց մեծ ժողովրդականություն խմբի երկրպագուների շրջանում՝ այդ ժամանակ դառնալով խմբի ամենահայտնի երգը։

Ալբոմը սկսվում է Blind երգով «Պատրա՞ստ եք» (Are you ready?!) խոսքերով և ծանր կիթառի ձայնով։ Ձայնը նույնպես առանձնահատուկ է, քանի որ Մանկին և Հեդը միասին իրենց 7 լարային կիթառները լարում են սովորականից ցածր (մեկ տոնով) և նվագում ավանդական ներդաշնակ կառուցվածքի լիակատար անտեսմամբ։

«Korn» ալբոմը թողարկվել է 1994 թվականի հոկտեմբերի 11-ին, այդ ժամանկվանից խումբը սկսել է անդադար շրջագայել առանց ռադիո կամ վիդեոալիքների որևէ աջակցության, քանի որ ալբոմը բոյկոտում էին ԱՄՆ-ի խոշորագույն ռադիոկայանները և երաժշտական ալիքները։ Այդ ժամանակ միակ մխիթարությունը կենդանի կատարումներն էին, որոնք երկրպագուների շրջանում պաշտամունքի իսկական առարկա են դարձել։ Խմբի երկրպագուների զգալի աջակցության շնորհիվ Korn-ը 1996 թվականին հասել Է Billboard 200-ի 72-րդ հորիզոնականին, իսկ «Shoots and Ladders» երգը ստացել է Գրեմմի մրցանակի անվանակարգ «Լավագույն մետալ կատարում» անվանակարգում[8]։

Իրենց առաջին մեծ շրջագայության ընթացքում Korn-ը Մերիլին Մենսոնի հետ միասին նվագել է Danzig խմբի կատարման ժամանակ։ Նաև Korn-ը 1995 թվականին նվագել է այնպիսի խմբերի մոտ, ինչպիսիք են Megadeth-ը, 311, Fear Factory-ին, Flotsam and Jetsam-ը և KMFDM։-ը Նրանց առաջին շրջագայությունը հիշվել է նրանով, որ նրանք հանդես են եկել Deftones-ի հետ Օզզի Օսբորնի կատարելու պատրաստման ժամանակ։ Քիչ հայտնի խմբերի հետ ելույթներից հետո, ինչպիսիք են Dimestore Hoods-ը, Sugar Ray-ը և Life of Agony-ը, Korn-ը վերադարձել է ստուդիա՝ ձայնագրելու իր երկրորդ ալբոմը։

Life Is Peachy (1996-1997)[խմբագրել | խմբագրել կոդը]

Korn-ը կրկին օգտվել է Ռոբինսոնի օգնությունից՝ ձայնագրելու իրենց երկրորդ ալբոմը՝ «Life Is Peachy», որը թողարկվել է 1996 թվականի հոկտեմբերի 15-ին։ Ալբոմը ավելի համարձակ է ստացվել, քան խմբի նախորդ աշխատանքը։ «Porno Creep»-ում օգտագործվել է 1970-ականների պոռնոգրաֆիկ ֆիլմերի սաունդթրեքների կիթառի իմիտացիա, War խմբի «Low Rider»-ի քավեր տարբերակը Դևիսի պարկապզուկ գործիքով և Հեդի կատարած վոկալով, «Twist» երգը, որի տևողությունը ընդամենը 49 վայրկյան է, Դևիսի սքեթ երգեցողությամբ և K@#*%!-ը, որի բառապաշարը վրդովմունք է առաջացրել բոլոր շերտերի բարոյականության ջատագովների շրջանում։

Ալբոմի հաջող առաջխաղացման համար Korn-ը նվագել է Metallica-ի կատարելու պատրաստման ժամանակ, հնարավոր է, սկսելով օգտագործել առաջխաղացման նոր գործիք ՝ ինտերնետը։ Արդյունքում, առաջին շաբաթվա ընթացքում վաճառվել է «Life Is Peachy» ալբոմի ավելի քան 106 հազար օրինակ, և խումբը զբաղեցրել է Billboard 200-ում 3-րդ հորիզոնականը[8]։ Առաջին սինգլը՝ «No Place To Hide», առաջադրվել է Գրեմմի մրցանակի «Լավագույն մետալ կատարում» անվանակարգում։ A.D.I.D.A.S.ը դարձել է խմբի երկրորդ երգը, որից հետո ենթադրություններ եղան, որ հենց այդ պատճառով երգը համարվում է հագուստի հայտնի ապրանքանշի գովազդ, սակայն ինչպես պարզվում է երգի բառերից, անվանումը «Ամբողջ օրը ես երազում եմ սեքսի մասին» (անգլ.՝ All Day I Dream About Sex) արտահայտության հապավումն է։

1997 թվականին Lollapalooza երաժշտական փառատոնում Tool-ի հետ համատեղ ելույթը որպես հիմնական խմբեր նպաստել է խմբի տարածմանը։ Խումբը ստիպված է եղել ընդհատել ելույթները Մանկիի մոտ մենինգիտի սրման պատճառով։ Նաև այդ նույն տարի Korn-ը շարունակել է խառնել երաժշտական ոճերը՝ ձայնագրելով «Kick the P.A.» երգը The Dust Brothers-ի հետ միասին։ Այս երգը հայտնվել է նաև «Սերունդ» ֆիլմի սաունդթրեքում։

Ավելի ուշ նույն թվականին, Korn-ը ստեղծել է իր սեփական լեյբլը, Elementree Records։ Առաջին խումբը, որը պայմանագիր է կնքեց լեյբլի հետ, Orgy-ն էր (խմբի անդամ է Sexart-ի նախկին երաժիշտ Ռայան Շաքը), որը Elementree-ին բերել է իրենց առաջին Candyass պլատինե ալբոմը։ Հաջորդ մի քանի տարիներին պայմանագրեր են կնքվել Videodrone, Deadsy խմբերի և ռեփեր Marz-ի հետ։

Follow The Leader (1998-1999)[խմբագրել | խմբագրել կոդը]

Երրորդ ալբոմի թողարկումից առաջ Korn-ը թողարկում է ամենշաբաթյա առցանց հեռուստատեսային շոու, որը ստացել է Korn TV անվանումը[9]։ Շոուն թույլ էր տալիս հետևել ալբոմի ձայնագրման գործընթացին՝ հրավիրյալ այնպիսի հայտնիների մասնակցությամբ, ինչպիսիք են պոռնո աստղ Ռոն Ջերեմին, Limp Bizkit-ը և 311-ը[9]։ Շոուն նաև հնարավորություն է տվել Korn-ի երկրպագուներին զանգահարել և հարցեր ուղղել խմբին, նման հնարավորությունը նորություն էր, երաժշտական խմբերը նոր էին սկսում օգտվել ինտերնետից այդ ձևաչափով[10]։ 1998 թվականի օգոստոսի 18-ին Korn-ը թողարկել է իր երրորդ ալբոմը՝ «Follow the Leader»-ը[11], որում նշվում են բազմաթիվ հրավիրված հայտնիներ, ինչպիսիք են Այս Քյուբը, Թրե Հարդսոնը The Pharcyde-ը, Ֆրեդ Դյորստը Limp Bizkit-ից և կինոդերասան Չիչ Մարինը Earache My Eye թաքնված երգում (գրված է Մարինի կողմից, երգի հիմնական կիթառի ռիֆը հնչել է «Ծխած» ֆիլմում, որտեղ նկարահանվել է Մարինը)[10]։

Բոլորովին անսպասելի բոլորի համար, խումբը պարզվել է, որ սոցիալապես ակտիվ է և բաց իր երկրպագուների հետ շփման համար։ Մի անգամ նրանք հրավեր են ստացել իրենց երկրպագուներից մեկից՝ մի քանի րոպե այցելելու նրան, որը եղել է 14-ամյա տղա, նա իր նամակում նշել է, ոև գտնվում է քաղցկեղի վերջին փուլում։ Երաժիշտները համաձայնել են և մի քանի րոպեն վերածվել է մի քանի ժամվա, իսկ հետո ամբողջ օրվա, որը ոգեշնչել է խմբին ստեղծել «Justin» երգը (այդպես էր տղայի անունը)։

Նոր ալբոմի թողարկման վրա ուշադրություն գրավելու համար Korn-ը նախընտրական քաղաքական արշավի ոճավորված շրջագայություն է կազմակերպել։ Շրջագայությունը խումբը վարձակալած ինքնաթիռով տեղափոխել է Հյուսիսային Ամերիկա՝ թողարկվող «Follow the Leader»-ի մասին լուրերով։ Շրջագայության ընթացքում յուրաքանչյուր կանգառում խումբը կազմակերպել է հատուկ «երկրպագուների կոնֆերանսներ», որոնց ընթացքում երաժիշտները շփվում էին իրենց երկրպագուների հետ, պատասխանում նրանց հարցերին և ինքնագրեր բաժանում։

Ալբոմը հաջողությամբ թողարկվել է՝ զբաղեցնելով առաջին հորիզոնականը Billboard-ում՝ 268 հազար վաճառված օրինակով[12], և հաջորդաբար թողարկվել են «Got the Life» և «Freak on a Leash» սինգլները։ Երկու երգերն էլ ներկայացրել են Korn-ը ավելի լայն հանրության առջև MTV-ով հեռարձակվող տեսահոլովակների շնորհիվ։

«Follow թե Leader»-ի շապիկը նկարել է «Սերունդ» ֆրանշիզայի նկարիչ Գրեգ Կապուլլոն։ «Freak on a Leash» տեսահոլովակը հաղթել է Գրեմմիում որպես «Լավագույն երաժշտական տեսահոլովակ» և առաջադրվել է որպես «Լավագույն հարդ ռոք» ստեղծագործություն[13]։ Տեսահոլովակը նաև ստացել է ինը անվանակարգ MTV Video Music Awards-ում[14]․

  • Տարվա տեսանյութ
  • Լավագույն ռոք տեսահոլովակ
  • Video Breakout
  • Լավագույն ռեժիսուրա
  • Լավագույն հատուկ էֆեկտներ
  • Լավագույն գեղարվեստական ներկայացում
  • Լավագույն կինեմատոգրաֆիա
  • Լավագույն մոնտաժ
  • Հանդիսատեսի մրցանակ

Ընդհանուր առմամբ ստացել է երկու մրցանակ՝ «Լավագույն ռոք տեսահոլովակ» և «Լավագույն մոնտաժ»։ «Follow the Leader»-ը խմբի կոմերցիոն առումով ամենահաջողված ալբոմն է՝ հինգ անգամ դառնալով պլատինե, ըստ RIAA-ի՝ ամբողջ աշխարհում վաճառված գրեթե 10 միլիոն օրինակով։

Նույն թվականին Korn-ը սկսել է իր ամենամյա շրջագայությունը, որը կոչվել է Family Values Tour: Մասնակցել են նաև Incubus-ը, Orgy-ն, Limp Bizkit-ը, Ice Cube-ը և Rammstein-ը։ Թողարկվել են համերգային CD և DVD ձայնասկավառակներ, որոնք ստացել են համապատասխանաբար ոսկե և պլատինե ձայնասկավառակների կարգավիճակ։ 1999 թվականին շրջագայության հեդլայներ է դարձել Limp Bizkit-ը (ի սկզբանե պետք է դառնար System of a Down խումբը), մասնակցել են նաև Primus-ը, Staind-ը, The Crystal Method-ը, Ջեֆրի Աթքինսը, Method Man & Redman-ը, Mobb Deep-ը և Fliter-ը (շրջագայության ժամանակ Mobb Deep-ին փոխարինել է DMX-ը)։ Korn-ը չի մասնակցել համերգային ծրագրին։ Փոխարենը, խումբը մի քանի անգամ պատահաբար հայտնվել է համերգին՝ որպես անակնկալ և հանրությանը ներկայացնելու իրենց առաջին երգը նոր ալբոմից։ 2000 թվականին շրջագայությունը դադարեցվել է։

Issues (1999-2001)[խմբագրել | խմբագրել կոդը]

Խմբի չորրորդ ալբոմը՝ Issues-ը, որի պրոդյուսերն է Բրենդան Օ’Բրայանը, թողարկվել է 1999 թվականի նոյեմբերի 16-ին[15]։ Շապիկը մշակել է Ալֆրեդո Կառլոսը՝ Korn-ի երկրպագուն, որը հաղթել է MTV-ի երկրպագուների միջև անցկացված մրցույթում[16]։ Issues-ը թողարկվել է միևնույն ժամանակ շատ սպասված ալբոմներով, այնուամենայնիվ, զբաղեցրել է Billboard 200-ի առաջին տեղը[17]՝ առաջ անցնելով Dr. Dre-ի շատ սպասված 2001 ալբոմից և Սելին Դիոնի լավագույն հիթերի հավաքածուն[17]։

Issues-ի թողարկումը նշելու համար խումբը Նյու Յորքի Apollo թատրոնում կենդանի հանդիսատեսի առջև ալբոմային ծրագրով համերգ է կազմակերպել՝ միաժամանակ հեռարձակելով այն բազմաթիվ ռադիոկայաններում[18]։ Այս ելույթը Korn-ին դարձրել է առաջին ռոք խումբը և երկրորդ «սպիտակ» երաժշտական խումբը, որը երբևէ ելույթ է ունեցել Apollo-ում, լեգենդար Բադդի Հոլլիից հետո, որը եղել է այնտեղ 1950 թվականին[19]։ Համերգը տեղի է ունեցել Նյու Յորքի ոստիկանական դեպարտամենտի թմբկահար նվագախմբի և պարկապզուկների կոլեկտիվի աջակցությամբ՝ Ռիչարդ Գիբսի ղեկավարությամբ[19]։

Ավելի վաղ՝ նույն թվականին, Korn-ը հայտնվել է «Հարավային այգի» մուլտիպլիկացիոն սերիալի Korn խմբի հիանալի հանելուկը ծովահեն ուրվականի մասին սերիայում, որում տեղի է ունեցել Issues-ի հետ առաջին երգի պրեմիերան՝ «Falling Away from Me»[20][21]։ Korn-ը թողարկել է ևս երկու երգ «Issues»-ի հետ, «Make Me Bad»-ը և «Somebody Someone»-ը, որոնք երկուսն էլ լավ են ընդունվել Billboard-ում։ Բոլոր երեք երգերի համար նկարահանվել են տեսահոլովակներ, «Falling Away from Me»-ի ռեժիսորը եղել է Korn-ի հին ընկեր Ֆրեդ Դյորստը, Մարտին Վեյցն աշխատել է Make Me Bad-ի և Somebody Someone-ի վրա, որտեղ լայնորեն օգտագործվել են համակարգչային հատուկ էֆեկտներ։ Issues-ը, ըստ քննադատների, ավելի քիչ է ենթարկվել հիփ հոփի ազդեցությանը և սկսել է ավելի շատ վերաբերվել ալտերնատիվ մետալին, քան նու մետալին[15]։ Ալբոմը դարձել է երեք անգամ պլատինե՝ զբաղեցնելով երկրորդ տեղը առևտրային հաջողության մեջ «Follow the Leader»-ից հետո։

Untouchables (2002-2003)[խմբագրել | խմբագրել կոդը]

2002 թվականի հունիսի 11-ին, մեկուկես տարվա քրտնաջան աշխատանքից և երկարատև ստեղծագործական գործընթացից հետո, Korn-ը կրկին գրավել է մամուլի ուշադրությունը՝ թողարկելով հինգերորդ ալբոմը՝ «Untouchables»։ Ալբոմը Billboard 200-ում զբաղեցրել է երկրորդ հորիզոնականը՝ վաճառվելով 434 հազար օրինակով[22]՝ առաջին տեղը զիջելով Էմինեմին։ Վաճառքի արդյունքները հիասթափեցնող էին խմբի առաջին չորս ալբոմների համեմատ, և ալբոմը հազիվ դարձել է պլատինե։ Խումբը ցածր վաճառքի համար մեղադրել է ինտերնետ-ծովահեններին, որոնք ալբոմի աշխատանքային տարբերակը տարածել են պաշտոնական թողարկման ամսաթվից երեք ամիս առաջ[23]։

Untouchables-ը հնչողությամբ տարբերվել է նախորդ աշխատանքներից։ Ի հայտ են եկել էլեկտրոնային բիթեր, լարային և տարբեր էֆեկտներ, որոնք նախկինում խումբը չէր օգտագործում։ Ալբոմի ընդհանուր տպավորությունը արմատապես տարբերվում էր խմբի նախորդ ալբոմներից, հատկապես «Alone I Break», «Hating» և «Hollow Life» երգերը, որոնք վոկալիստ Ջոնաթան Դևիսը համարում էր Korn-ի լավագույն երգերից մեկը։

Untouchables ալբոմի առաջին երկու տեսանյութերի ռեժիսորներն են եղել Հյուզ եղբայրները (ավելի հայտնի են «Դժոխքից», «Սպառնալիք հասարակությանը» և «Մահացած նախագահներ» ֆիլմերից)։ «Here to Stay» տեսահոլովակում ներկայացված է հեռուստացույցի մոտ նստած մի տղա, որի էկրանին արագությամբ փոխվում էին նորությունների թողարկումների կադրերը, բնական կատակլիզմների նկարահանումները, կենդանիների մասին հաղորդումներից հատվածներ, և պարբերաբար նվագում էին Korn խմբի երաժիշտները։ «Here to Stay»-ը Գրեմմի է արժանացել «Լավագույն մետալ ստեղծագործություն» անվանակարգում և դարձել Korn-ի ամենահաջողակ սինգլը այդ պահին՝ հասնելով չորրորդ հորիզոնականին Billboard-ի «ժամանակակից ռոք» հիթ-շքերթում[24]։ Երկրորդ տեսահոլովակի՝ Thoughtless-ի հերոսը, ներկայացրել է Ջոնատան Դևիսի մանկությունը, որը եղել է ծաղրի և ծեծի մշտական զոհ էր։ Թեև Thoughtless-ը ալբոմի ամենահայտնի երգերից մեկն է, այն չի ընդգրկվել Greatest Hits vol հավաքածուի մեջ։ «Untouchables» ալբոմի երրորդ տեսահոլովակը՝ Alone I Break-ը, նկարահանել Է Սին Դաքը, որը վաստակել է տեսահոլովակի ռեժիսորը լինելու պատիվը՝ հաղթելով MTV-ի մրցույթում։ Տեսահոլովակը շարունակել է ուսումնասիրել Korn-ի մասնակիցների մութ կողմերը՝ ցույց տալով, որ Դևիսը սպանում է խմբի երաժիշտներին՝ ելույթի ժամանակ Մանկի սխալից հետո։ Խումբը խոստովանել է, որ ռեժիսորի հետ տեսահոլովակ պատրաստելը, որը խմբի իրական երկրպագուն էր, շատ ավելի զվարճալի կլիներ։

2003 թվականի հուլիսի 22-ին խումբը թողարկել է «Did My Time» սինգլը, որը օգտագործվել է «Լարա Քրոֆթ։ Դամբարաններ թալանողը 2։ Կյանքի օրորոց» ֆիլմի առաջխաղացման համար, Ջոլին նկարահանվել է տեսահոլովակում, սակայն անհամապատասխան գրաֆիկի պատճառով խումը ու Ջոլին ստիպված են եղել առանձին ձայնագրել տեսահոլովակի իրենց մասերը։ Նաև Did My Time-ը ներկայացվել է Գրեմմիի որպես «Լավագույն մետալ ստեղծագործություն»[8]։

Take a Look in the Mirror, Greatest Hits Vol. 1, Հեդի հեռանալը (2003-2005)[խմբագրել | խմբագրել կոդը]

Korn-ի վեցերորդ ալբոմը՝ «Take a Look in the Mirror»-ը, թողարկվել է 2003 թվականի նոյեմբերի 21-ին, թողարկման պլանավորված ամսաթվից չորս օր շուտ՝ համացանցում ալբոմի արտահոսքի պատճառով[25]։ Korn-ը ինքնուրույն ստեղծել է ալբոմը և թողարկել «Right Now», «Y'All Want a Single» և «Everything I’ve Known» սինգլները։ «Right Now» և «Everything I’ve Known» երգերի տեսահոլովակները անիմացիոն են, իսկ «Y'All Want a Single»-ում Korn-ը երկրպագուների մեծ խմբի հետ միասին քանդում է մի աուդիո խանութ։ Ալբոմը Billboard-ում հասել է իններորդ հորիզոնականին՝ առաջին յոթ օրվա ընթացքում վաճառված 179 հազար օրինակով։

2004 թվականի հոկտեմբերի 5-ին Korn-ը թողարկել է լավագույն հիթերի հավաքածու՝ «Greatest Hits Vol. 1»[26]։ Ալբոմը Billboard-ում զբաղեցրել է չորրորդ հորիզոնականը՝ վաճառված 129 000 օրինակով[27]։ Ալբոմը պարունակել է երկու քավեր տարբերակ, որոնք նույնպես թողարկվել են սինգլների տեսքով, և խմբի 10 տարվա լավագույն երգերի ընտրություն։ Առաջին սինգլը դարձել է Cameo խմբի Word Up! քավերը[28]։ Երկրորդ սինգլը պարունակել է Pink Floyd խմբի «Another Brick in the Wall»-ի բոլոր երեք մասերի պոպուրին և «Freak on a Leash»-ի ռեմիքսը, որն ընդգրկվել է սինգլում որպես բոնուսային երգ։ Ալբոմի հատուկ թողարկումը ներառել է «Korn: Live at CBGB» DVD-ն, որը պարունակում է յոթ ընտրովի երգ 2003 թվականի նոյեմբերի 24-ին CBGB-ում Korn-ի համերգից[29]։

Նախքան խումբը սկսել է աշխատել իր հաջորդ ալբոմի վրա, Բրայան «Հեդ» Ուելչը հայտարարել է, որ նա ընտրել է Տեր Հիսուս Քրիստոսին որպես իր փրկիչ և որոշել է դադարեցնել իր երաժշտական կարիերան[30] և պաշտոնապես հեռանում է Korn-ից։ Տարածված լուրերը, թե այս ամենը կատակ է կամ խաբեություն, չեն հաստատվել։ Ուելչը սկսել է հոգևոր կյանք վարել, մկրտվել է Հորդանան գետի ջրերում և սկսել է բաց խոսել իր հավատքի և համոզմունքների մասին, հատկապես իր Head to Christ կայքում։ Ուելչի հեռանալը խմբի պատմության մեջ առաջին փոփոխությունն էր կազմում։

Խմբից հեռանալուց մի քանի շաբաթ անց Ուելչը հիշատակել է սոլո ալբոմի մասին, որի վրա աշխատում է, սակայն չի նշել ոչ թողարկման ամսաթիվը, ոչ էլ որևէ ձայնագրման լեյբլի հետ պայմանագիրը[31]։ Ավելի ուշ Ուելչը պայմանագիր է կնքել Fortitude Music-ի հետ։ Նրա «Save Me from Myself» ալբոմը մի քանի անգամ չի թողարկվել մինչև նշանակված ամսաթիվը և լույս է տեսել միայն 2008 թվականի հուլիսին։

2005-2006: «See You on the Other Side»[խմբագրել | խմբագրել կոդը]

Sony-ի հետ համագործակցության ավարտից հետո Korn-ը որոշում է կայացրել աշխատել EMI-ի հետ և պայմանագիր է կնքել Virgin Records-ի հետ։ EMI-ի հետ պայմանագիր կնքելուց հետո, որպես պայմանագրի պայմաններից մեկը, ընկերությունը խմբին վճարել է 25 միլիոն դոլար՝ Korn-ի հաջորդ երկու ստուդիական ալբոմների վաճառքից ստացված շահույթի մի մասը ստանալու իրավունքի համար, ներառյալ շրջագայության շահույթը և ատրիբուտների վաճառքը։ Նաև EMI-ն ստացել է խմբի այլ եկամուտների 30%-ը[32][33]։

Virgin լեյբլի ներքո Korn-ի առաջին ալբոմը՝ «See You on the Other Side», թողարկվել է 2005 թվականի դեկտեմբերի 6-ին[34] և Billboard 200-ում իր դեբյուտը կատարել է երրորդ հորիզոնականում՝ գրեթե հասնելով վաճառված 221 000 օրինակի արդյունքին[35]։ Ալբոմը Billboard 200-ի լավագույն 100-յակում մնացել է 34 շաբաթ։ Ալբոմի առաջին սինգլը՝ «Twisted Transistor»-ը, ուղեկցվել է ռեժիսոր Դեյվ Մեյերսի պարոդիական տեսահոլովակով, որում ռեփ աստղեր Xzibit-ը, Լիլ Ջոնը, Սնուփ Դոգը և Դեյվիդ Բեները պատկերել են Korn-ի երաժիշտներին[36]։ Սինգլը հասել է երրորդ հորիզոնականին Billboard Mainstream Rock հիթ-շքերթում և իններորդ հորիզոնականին Modern Rock հիթ-շքերթում[24]։ Երկրորդ սինգլը՝ «Coming Undone»-ը, հասել է 4-րդ հորիզոնականին Mainstream Rock հիթ-շքերթում և 14-րդ հորիզոնականին Modern Rock-ում, իսկ ռեժիսոր Little X-ի տեսահոլովակը ինտենսիվ հեռարձակվել է երաժշտական հեռուստաալիքներով[24][37]։

2006 թվականի հունվարի 13-ին Korn-ը կազմակերպել է մամուլի ասուլիս Hollywood Forever հայտնի մարդկանց գերեզմանատանը, որպեսզի հայտարարի «See You on the Other Side» շրջագայության մեկնարկի մասին[38]։ 10 Years-ը և Mudvayne-ը արել են շրջագայության բացումը, որը մեկնարկվել է 2006 թվականի փետրվարի 24-ին Korn-ի հայրենի Բեյքերսֆիլդում։ Բեյքերսֆիլդի քաղաքապետ Հարվի Հոլլը այդ օրը պաշտոնապես հայտարարել է «Korn-ի օր»[39]։ 2006 թվականի ապրիլի 18-ին հայտարարվել է Family Values Tour-ի վերսկսման մասին Deftones, Stone Sour և Flyleaf հեդլայներներով, ինչպես նաև ճապոնական Dir en grey ռոք խմբի կողմից որպես հրավիրված հյուր[40]։ 2007 թվականի Family Values Tour-ում Korn-ը և Evanescence-ը դարձել են շրջագայության հեդլայներները, որտեղ հանդես են եկել Atreyu-ն, Hellyeah-ը և Trivium-ը[41]։

Եվրոպայում «See You on the Other Side» ալբոմի տարածման ժամանակ Ջոնատան Դևիսը հոսպիտալացվել է արյան հիվանդության պատճառով և չի կարողացել մասնակցել ամենամյա Download Festival-ին[42]։ Խումբը ելույթ է ունեցել հրավիրված վոկալիստների հետ, ինչպիսիք են Քորի Թեյլորը Slipknot/Stone Sour-ից, Դեզ Ֆաֆարան Devildriver-ից, Բենջի Վեբբեն Skindred-ից և M.Shadows-ը Avenged Sevenfold-ից։ Դևիսի հիվանդության պատճառով Korn-ը ստիպված է եղել չեղյալ հայտարարել 2006 թվականի մնացած եվրոպական համերգները, ներառյալ Hellfest Summer Open Air-ի ելույթը։ Հանրությունը չգիտեր, թե ինչ սպասել, բայց ի ուրախություն խմբի երկրպագուների, Դևիսը հրապարակել է նամակ, որում ասել է, որ իր մոտ հայտնաբերել են սպառնալիորեն քիչ թրոմբոցիտներ և արյունազեղման մեծ հավանականություն կար, եթե խնդրին ուշադրություն չդարձնեին[43]։

MTV Unplugged, Untitled, Դեյվիդ Սիլվերիայի հեռանալը (2006-2008)[խմբագրել | խմբագրել կոդը]

2006 թվականի դեկտեմբերի 9-ին Korn-ը ելույթ է ունեցել MTV ստուդիայում՝ Թայմս սքվերում, MTV Unplugged ակուստիկ համերգների շարքի շրջանակներում։ Համերգը հեռարձակվել է փետրվարի 23-ին MTV.com կայքում, իսկ 2007 թվականի մարտի 2-ին ցուցադրվել է MTV հեռուստաալիքով Ամերիկայում, Եվրոպայում և Ասիայում։ Մոտ 50 հոգանոց հանդիսատեսի առջև Korn-ը 14 երգից բաղկացած ակուստիկ համերգ է ունեցել The Cure խմբի և Evanescence-ի Էմի Լիի հետ։ Ելույթի նյութը կրճատվել է մինչև 11 երգ ալբոմի համար, որոնցից երկուսը չեն հեռարձակվել MTV-ով։ Վաճառքի առաջին շաբաթվա ընթացքում «MTV Unplugged: Korn» ալբոմը վաճառվել է մոտ 51 հազար տպաքանակով։ Billboard-ում զբաղեցրել է 9-րդ հորիզոնականը[44]։

Korn-ի «Untitled» անունով ալբոմը թողարկվել է 2007 թվականի հուլիսի 31-ին և Billboard-ի 2-րդ հորիզոնականում առաջին շաբաթվա ընթացքում վաճառվել է 123 հազար օրինակ[45][46]։ Ալբոմը ստացել է ոսկե սկավառակի կարգավիճակ խանութներին ավելի քան 500000 օրինակ մատակարարելու համար[46]։ Ալբոմը եզրափակել է Virgin Records-ի հետ համաձայնագիրը և ստեղծվել է ստեղնաշարահար Զաք Բեյրդի մասնակցությամբ, որը խմբի հետ հանդես է գալիս շրջագայությունների ժամանակ։ Զաքի ներդրումը օգնել է երգերին տալ ավելի խորը, մթնոլորտային ձայն[47]։ Թմբկահարի պարտականությունները կատարել են Տերի Բոզզիոն, Ջոնաթան Դևիսը և Bad Religion-ի թմբկահար Բրուքս Վակերմանը, քանի որ Դեյիդ Սիլվերիան հայտարարել էր արձակուրդ գնալու մասին առնվազն մեկ ստուդիական ալբոմի և շրջագայության համար[48]։ Հաշվի առնելով այն փաստը, որ մինչ այժմ խմբում Դեյվիդ Սիլվերիայի կարգավիճակի վերաբերյալ պաշտոնական նորություններ չեն եղել, խմբի շատ երկրպագուներ այն կարծիքին են, որ Դեյվիդը ընդմիշտ լքել է խումբը։ «Untitled» ալբոմի առաջին սինգլի՝ «Evolution»-ի պրեմիերան տեղի է ունեցել Լոս Անջելեսի KROQ ռադիոկայանում։ Սինգլը Mainstream Rock հիթ-շքերթում հասել է 4-րդ հորիզոնականին, իսկ Modern Rock հիթ-շքերթում՝ 20-րդ հորիզոնականին։ Սինգլի տեսահոլովակը նկարահանել է Դեյվ Մեյերսը։ «Hold On» երկրորդ սինգլն այս պահին հասել է Mainstream Rock հիթ-շքերթի 9-րդ հորիզոնականին։

The Nothing (2018-2021)[խմբագրել | խմբագրել կոդը]

Համաձայն Korn-ի թմբկահար Ռեյ Լուզիեի ինստագրամյան էջի ձայնագրության՝ Korn-ը սկսել է առաջիկա տասներեքերորդ ալբոմի համար հարվածային գործիքների ձայնագրման գործընթացը[49]։ Բրայան Ուելչը Revolver ամսագրին հայտնել է թողարկման ենթադրյալ ամսաթիվը՝ 2019 թվականի աշունը, և հայտնել է, որ պրոդյուսերը լինելու է Նիք Ռասկուլինեցին։ Նա նաև ասել է, որ որոշ երգեր գրվել են Ջոն Ֆելդմանի հետ համահեղինակությամբ, և որ խումբը նաև թմբուկների վրա ձայնագրել է դեմո տարբերակ Թրևիս Բարկերի հետ[50]։ Հունիսի 25-ին հայտնի է դարձել, որ ալբոմը ստացել է «The Nothing» անվանումը և թողարկվելու է սեպտեմբերի 13-ին, ինչպես նաև բացահայտվել է ալբոմի առաջին սինգլը՝ «You’ll Never Find Me»[51]։

Requiem (2021-ներկա)[խմբագրել | խմբագրել կոդը]

2021 թվականի նոյեմբերին Korn-ը հայտարարել է «Requiem» ալբոմի մասին, որը նախատեսվում է թողարկել 2022 թվականի փետրվարի 4-ին։ Առաջին պաշտոնական սինգլը դարձել է «Start the Healing» երգը։ Երկրորդ սինգլը «Forgotten»-ն է, երրորդը՝ «Lost In the Grandeur»-ը։ Ալբոմի ձայնագրումից հետո Ֆիլդին դադար է վերցրել կարիերայում անձնական խնդիրների պատճառով և չի մասնակցի խմբի հետագա շրջագայությանը։ Նրան փոխարինելու համար խումբը վարձել է Ռա Դիասին Suicidal Tendencies-ից։

Լրացուցիչ փաստեր[խմբագրել | խմբագրել կոդը]

  • Korn խմբի անդամները նկարահանվել են ամերիկյան «Դետեկտիվ Մոնկ» հեռուստասերիալում 3-րդ եթերաշրջանի 13-րդ սերիայում։ Մայրուղում տեղի ունեցած ողբերգական պատահարի հետևանքով առաջացած ավտոմոբիլային խցանման ժամանակ նրանք սիրով թույլ են տալիս դեռահաս աղջկան օգտվել իրենց հյուրախաղերի ավտոբուսում գտնվող զուգարանի սենյակից։ Եվ բացի այդ, շփվելով գլխավոր հերոսի՝ մասնավոր հետախույզ Մոնկի հետ, երաժիշտները նրան ստիպում են մտածել, որն օգնում է նրան բացահայտել կատարված հանցագործությունը։ Այս շարքում հնչում է նաև «Word Up!» քավերը Korn-ի կատարմամբ[52]։
  • Երբ Միչիգան նահանգի բուհերից մեկի ուսանողը հեռացվում է դասերից Korn խմբի պատկերով շապիկ կրելու համար, խումբը որոշում է իր հարյուրավոր շապիկները «նվիրաբերել» այդ բուհի ուսանողներին, իսկ ստիկանությունն օգնել է բաժանել այդ շապիկները[53]։

Կազմ[խմբագրել | խմբագրել կոդը]

Հիմնական կազմ[խմբագրել | խմբագրել կոդը]

  • Ջոնատան Դևիս (Jonathan Davis), վոկալ, պարկապզուկ (1993-ներկա), հարվածային (2006—2007)
  • Ռեջինալդ «Ֆիլդի» Արվիզու (Reginald «Fieldy» Arvizu), բաս կիթառ (1993-ներկա, 2021 թվականից ընդմիջման է)
  • Ջեյմս «Մանկի» Շաֆֆեր (James «Munky» Shaffer), կիթառ (1993-ներկա), բեք վոկալ (2005-ներկա)
  • Բրայան «Հեդ» Ուելչ (Brian «Head» Welch), կիթառ, բեք վոկալ (1993-2005, 2012-ներկա)
  • Ռեյ Լուզյե (Ray Luzier), հարվածային (2007-ներկա)

Նախկին մասնակիցներ[խմբագրել | խմբագրել կոդը]

  • Դեյվիդ Սիլվերիա (David Silveria), հարվածային (1993-2006)
  • Քլինտ Լովերի (Clint Lovery), կիթառ (2005-2007)
  • Միխայել Ժոկում (Michael Jochum) հարվածային (2006-2007)
  • Շեյն Գիբսոն (Shane Gibson) կիթառ (2007-2012)

Timeline

Touring Members Timeline

Սկավառակագրություն[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

Տարի Ալբոմ
1994 Korn
1996 Life Is Peachy
1998 Follow The Leader
1999 Issues
2002 Untouchables
2003 Take a Look in the Mirror
2005 See You on the Other Side
2007 Untitled
2010 Korn III: Remember Who You Are
2011 The Path of Totality
2013 The Paradigm Shift
2016 The Serenity of Suffering
2019 The Nothing
2022 Requiem

Այլ ալբոմներ[խմբագրել | խմբագրել կոդը]

Տարի Ալբոմ Մեկնաբանություն
1993 Neidermeyer’s Mind Դեմո սկավառակ
2004 Greatest Hits vol. 1 Հիթերի ժողովածու + երկու նոր երգ
2006 Live and Rare Համերգային ալբոմ
Chopped, Screwed, Live and Unglued Ռեմիքսների ժողովածու և վիդեո
2007 MTV Unplugged: Korn Ակուստիկ ալբոմ

Ծանոթագրություններ[խմբագրել | խմբագրել կոդը]

  1. ↑ Metal Evolution — 2011.
  2. ↑ Essi Berelian. «The Top 10 Essential Nu Metal Albums». Metal Hammer Magazine. Արխիվացված օրիգինալից 2020 թ․ մայիսի 10-ին. Վերցված է 2021 թ․ հուլիսի 31-ին.
  3. ↑ Rivadavia, Eduardo. «Roots: 10 Albums That Defined Nu-Metal's Beginnings». Loudwire. Արխիվացված օրիգինալից 2021 թ․ ապրիլի 5-ին. Վերցված է 2021 թ․ հուլիսի 31-ին.
  4. ↑ Connick, Tom (2017 թ․ մայիսի 9). «20 years of nu-metal: the rise, fall and revival of rock's most maligned offshoot». www.theguardian.com. Արխիվացված օրիգինալից 2021 թ․ հուլիսի 16-ին. Վերցված է 2021 թ․ հուլիսի 31-ին.
  5. ↑ Ankeny, Jason. «Korn – Overview». AllMusic. Արխիվացված է օրիգինալից 2013 թ․ ապրիլի 6-ին. Վերցված է 2021 թ․ հուլիսի 31-ին.
  6. ↑ Montgomery, James (2005 թ․ փետրվարի 22). «Brian 'Head' Welch Leaves Korn, Citing Moral Objections To Band's Music». MTV News. Արխիվացված է օրիգինալից 2012 թ․ հոկտեմբերի 24-ին. Վերցված է 2021 թ․ հուլիսի 31-ին.
  7. ↑ Hunter, Tony W. (2007 թ․ օգոստոսի 6). «Korn's new rec(inodot)pe». Chicago Tribune. The Hartford Courant. Արխիվացված է օրիգինալից 2013 թ․ մայիսի 13-ին. Վերցված է 2021 թ․ հուլիսի 31-ին.
  8. ↑ 8,0 8,1 8,2 «Rock On The Net: Grammy Awards: Best Metal Performance». Արխիվացված օրիգինալից 2012 թ․ սեպտեմբերի 11-ին. Վերցված է 2007 թ․ նոյեմբերի 8-ին.
  9. ↑ 9,0 9,1 «Korn To Do It Themselves On "Korn TV"». MTV News. Viacom Media Networks. 1998 թ․ մարտի 2. Արխիվացված է օրիգինալից 2013 թ․ մայիսի 25-ին. Վերցված է 2013 թ․ մայիսի 19-ին.
  10. ↑ 10,0 10,1 Կաղապար:Cite album-notes
  11. ↑ «Spawn-Master McFarlane Hooks Up With Korn, Kiss». MTV News. Viacom Media Networks. 1998 թ․ հուլիսի 15. Արխիվացված է օրիգինալից 2013 թ․ մայիսի 25-ին. Վերցված է 2010 թ․ հուլիսի 8-ին.
  12. ↑ «News — Articles — 1430996 — 19980826». Արխիվացված օրիգինալից 2007 թ․ դեկտեմբերի 18-ին. Վերցված է 2007 թ․ նոյեմբերի 8-ին.
  13. ↑ «Rock On The Net: 42nd Annual Grammy Awards — 2000». Արխիվացված օրիգինալից 2007 թ․ դեկտեմբերի 20-ին. Վերցված է 2007 թ․ նոյեմբերի 8-ին.
  14. ↑ «Rock On The Net: 1999 MTV Video Music Awards». Արխիվացված օրիգինալից 2007 թ․ դեկտեմբերի 18-ին. Վերցված է 2007 թ․ նոյեմբերի 8-ին.
  15. ↑ 15,0 15,1 Erlewine, Stephen Thomas. «Issues – Korn». Allmusic. Rovi Corporation. Արխիվացված է օրիգինալից 2013 թ․ մայիսի 25-ին. Վերցված է 2013 թ․ մարտի 20-ին.
  16. ↑ Johnson, Tina (1999 թ․ սեպտեմբերի 17). «Korn Asks Fans to Design Next Album Cover». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2007 թ․ հոկտեմբերի 3-ին.
  17. ↑ 17,0 17,1 Mancini, Robert. (1999 թ․ նոյեմբերի 24). «Korn Tops Dre, Celine, Will Smith on Album Chart». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2007 թ․ հոկտեմբերի 3-ին.
  18. ↑ Mancini, Robert. (1999 թ․ նոյեմբերի 16). «Korn Fills Apollo With New Sounds, Rabid Fans, And V.I.P.s». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2007 թ․ հոկտեմբերի 3-ին.
  19. ↑ 19,0 19,1 Anees A. Sheikh Imagery in sports and physical performance. — Baywood Publishing Company, 1994. — С. 161—164. — ISBN 0-89503-080-2
  20. ↑ Basham, David. (1999 թ․ հոկտեմբերի 11). «Korn To Premiere New Track During "South Park" Special». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2007 թ․ հոկտեմբերի 3-ին.
  21. ↑ Mancini, Robert. (1999 թ․ նոյեմբերի 5). «Korn Headed to The Apollo to Unveil 'Issues'». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2010 թ․ հուլիսի 23-ին.
  22. ↑ «Korn Can't Kick Eminem From #1 — News Story | Music, Celebrity, Artist News | MTV News». Արխիվացված օրիգինալից 2007 թ․ սեպտեմբերի 10-ին. Վերցված է 2007 թ․ նոյեմբերի 8-ին.
  23. ↑ «Korn LP Gets Premature Premiere — News Story | Music, Celebrity, Artist News | MTV News». Արխիվացված օրիգինալից 2008 թ․ հունվարի 9-ին. Վերցված է 2007 թ․ նոյեմբերի 8-ին.
  24. ↑ 24,0 24,1 24,2 Billboard.com — Artist Chart History — Korn (չաշխատող հղում — պատմություն, կրկնօրինակ)
  25. ↑ D'Angelo, Joe. (2003 թ․ նոյեմբերի 17). «Korn Releasing Take A Look In The Mirror Early Due To Leak». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2013 թ․ փետրվարի 22-ին.
  26. ↑ Birchmeier, Jason. «Greatest Hits, Vol. 1 – Korn». Allmusic. Rovi Corporation. Արխիվացված է օրիգինալից 2013 թ․ մայիսի 25-ին. Վերցված է 2013 թ․ մարտի 20-ին.
  27. ↑ Montgomery, James; Aswad, Jem (2004 թ․ հոկտեմբերի 13). «George Strait Tops Usher In Billboard Albums Chart Recount». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2007 թ․ հոկտեմբերի 3-ին.{{cite web}}: CS1 սպաս․ բազմաթիվ անուններ: authors list (link)
  28. ↑ «Word Up – Korn (Credits)». Allmusic (անգլերեն). Rovi Corporation. Արխիվացված է օրիգինալից 2013 թ․ մայիսի 25-ին. Վերցված է 2013 թ․ մարտի 20-ին.
  29. ↑ «Korn: 'Live At CBGB's' To Premiere On MTV2». Blabbermouth.net. Roadrunner Records. 2003 թ․ դեկտեմբերի 16. Արխիվացված է օրիգինալից 2013 թ․ մայիսի 25-ին. Վերցված է 2013 թ․ փետրվարի 22-ին.
  30. ↑ «Brian 'Head' Welch Leaves Korn — News Story | Music, Celebrity, Artist News | MTV News». Արխիվացված օրիգինալից 2010 թ․ հուլիսի 22-ին. Վերցված է 2007 թ․ նոյեմբերի 8-ին.
  31. ↑ «Brian 'Head' Welch Aims To Save 50 Cent — News Story | Music, Celebrity, Artist News | MTV News». Արխիվացված օրիգինալից 2007 թ․ հոկտեմբերի 29-ին. Վերցված է 2007 թ․ նոյեմբերի 8-ին.
  32. ↑ «Korn Signs with Virgin» (անգլերեն). Billboard. 2005 թ․ սեպտեմբերի 12. Արխիվացված օրիգինալից 2014 թ․ մայիսի 29-ին. Վերցված է 2017 թ․ օգոստոսի 9-ին.
  33. ↑ «Korn Members Discuss Innovative EMI Deal» (անգլերեն). Blabbermouth.net. 2007 թ․ հուլիսի 4. Արխիվացված օրիգինալից 2017 թ․ օգոստոսի 9-ին. Վերցված է 2017 թ․ օգոստոսի 9-ին.
  34. ↑ Harris, Chris (2005 թ․ նոյեմբերի 17). «Korn Taking European Fans to Other Side ... Of the Atlantic». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2013 թ․ փետրվարի 28-ին.
  35. ↑ Harris, Chris (2005 թ․ դեկտեմբերի 14). «Eminem Scores Fourth No. 1 Bow with Curtain Call». MTV News. Viacom Media Networks. Արխիվացված է օրիգինալից 2013 թ․ մայիսի 25-ին. Վերցված է 2007 թ․ հոկտեմբերի 3-ին.
  36. ↑ Moss, Corey (2005 թ․ հոկտեմբերի 6). «Lil Jon, Snoop, Xzibit, David Banner Star in New Korn Video». MTV News. Viacom Media Networks. Արխիվացված է օրիգինալից 2013 թ․ մայիսի 20-ին. Վերցված է 2013 թ․ փետրվարի 28-ին.
  37. ↑ «Coming Undone | Korn | Music Video». MTV Music. Viacom Media Networks. Արխիվացված է օրիգինալից 2013 թ․ մայիսի 20-ին. Վերցված է 2013 թ․ փետրվարի 28-ին.
  38. ↑ Moss, Corey (2006 թ․ հունվարի 13). «Korn Announce Tour Dates While Surrounded by Dead Celebrities». MTV News. Viacom Media Networks. Արխիվացված է օրիգինալից 2013 թ․ մայիսի 20-ին. Վերցված է 2007 թ․ հոկտեմբերի 3-ին.
  39. ↑ Moss, Corey (2006 թ․ փետրվարի 27). «Korn Rock Hometown, Have Street Named After Them on 'Official Korn Day'». MTV News. Viacom Media Networks. Արխիվացված է օրիգինալից 2013 թ․ մայիսի 20-ին. Վերցված է 2007 թ․ հոկտեմբերի 3-ին.
  40. ↑ Moss, Corey (2006 թ․ ապրիլի 18). «Korn Resurrect Family Values Tour with Deftones, Stone Sour». MTV News. Viacom Media Networks. Արխիվացված է օրիգինալից 2013 թ․ մայիսի 20-ին. Վերցված է 2007 թ․ հոկտեմբերի 3-ին.
  41. ↑ Moss, Corey.; Harris, Chris (2007 թ․ մարտի 26). «Korn, Evanescence, Hellyeah Top Family Values Tour Bill». MTV News. Viacom Media Networks. Արխիվացված է օրիգինալից 2013 թ․ մայիսի 20-ին. Վերցված է 2007 թ․ հոկտեմբերի 3-ին.
  42. ↑ «Korn Frontman To Sit Out U.K.'s Download Festival, Guest Singers To Step In». Blabbermouth.net. Roadrunner Records. 2006 թ․ հունիսի 10. Արխիվացված է օրիգինալից 2013 թ․ մայիսի 20-ին. Վերցված է 2007 թ․ հոկտեմբերի 3-ին.
  43. ↑ «Korn Frontman Jonathan Davis: 'I Should Be Healthy To Play In A Few Weeks'». Blabbermouth.net. Roadrunner Records. 2006 թ․ հունիսի 12. Արխիվացված է օրիգինալից 2013 թ․ մայիսի 20-ին. Վերցված է 2007 թ․ հոկտեմբերի 3-ին.
  44. ↑ «Альбом Notorious B.I.G. "Greatest Hits" дебютировал на 1-м месте» (անգլերեն). MTV.com. Արխիվացված է օրիգինալից 2012 թ․ փետրվարի 9-ին. Վերցված է 2008 թ․ փետրվարի 12-ին.
  45. ↑ «Common побеждает Korn, заняв первую строчку в Billboard» (անգլերեն). MTV.com. Արխիվացված է օրիգինալից 2012 թ․ փետրվարի 9-ին. Վերցված է 2008 թ․ փետրվարի 12-ին.
  46. ↑ 46,0 46,1 «Untitled стал золотым» (անգլերեն). KornSpace.com. Արխիվացված է օրիգինալից 2007 թ․ նոյեմբերի 2-ին. Վերցված է 12 февраля января 2008-ին.
  47. ↑ «Korn становятся экспериментаторами, выплескивая гнев в своем новом альбоме» (անգլերեն). Billboard.com. Արխիվացված օրիգինալից 2011 թ․ հունիսի 5-ին. Վերցված է 2008 թ․ փետրվարի 12-ին.
  48. ↑ «KORN 'веселятся на славу' работая с барабанщиком Терри Боззио» (անգլերեն). Blabbermouth.net. Արխիվացված է օրիգինալից 2012 թ․ փետրվարի 9-ին. Վերցված է 2008 թ․ փետրվարի 12-ին.
  49. ↑ Blabbermouth (2018 թ․ օգոստոսի 10). «KORN Appears To Have Begun Recording New Album». BLABBERMOUTH.NET. Արխիվացված օրիգինալից 2018 թ․ օգոստոսի 10-ին. Վերցված է 2019 թ․ ապրիլի 11-ին.
  50. ↑ «Head Is 'Stoked' About New Korn Album, Reveals Blink-182's Travis Barker Laid Some Temporary Drum Tracks for It». www.ultimate-guitar.com. Արխիվացված օրիգինալից 2019 թ․ ապրիլի 11-ին. Վերցված է 2019 թ․ ապրիլի 11-ին.
  51. ↑ «Behold KoЯn's Brand New Song 'You'll Never Find Me' From Forthcoming Album The Nothing». Wall Of Sound (անգլերեն). 2019 թ․ հունիսի 26. Արխիվացված օրիգինալից 2019 թ․ հունիսի 29-ին. Վերցված է 2019 թ․ հունիսի 26-ին.
  52. ↑ IMDb — Monk: Season 3, Episode 13 — Soundtracks Արխիվացված 2015-04-06 Wayback Machine(անգլ.)
  53. ↑ Theodoros II. «25 Bizarre Facts About Clothing Most People Are Not Aware Of». Արխիվացված օրիգինալից 2015 թ․ սեպտեմբերի 17-ին. Վերցված է 2015 թ․ սեպտեմբերի 17-ին.
Վիքիպահեստն ունի նյութեր, որոնք վերաբերում են «Korn» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Korn&oldid=9467718» էջից