«Slipknot», ամերիկյան նու մետալ խումբ, ստեղծվել է 1995 թվականի սեպտեմբերին ԱՄՆ-ի Այովա քաղաքում։ Խմբի ալբոմները ստացել են պլատինե կարգավիճակ, ընդհանուր առմամբ վաճառվել է ավելի քան 30 միլիոն օրինակ ամբողջ աշխարհում[1], որից 6 միլիոնը՝ ԱՄՆ-ում[2]։ 2006 թվականին խումբը ստացել է այս պահի իր միակ Գրեմմի մրցանակը։ Հայտնի է նրանով, որ համերգների, ֆոտոսեսիաների և հարցազրույցների ժամանակ նրա մասնակիցները կրում են դիմակներ և հատուկ կոմբինեզոններ։ Դիմակները ձևափոխվում են ամեն նոր ալբոմի թողարկմամբ։ Մինչ այժմ խումբը թողարկել է յոթ պաշտոնական ստուդիական ալբոմ։ Այս պահին խմբի վերջին ալբոմը՝ «The End, So Far»-ն է, որը թողարկվել է 2022 թվականի սեպտեմբերի 30-ին[3]։