Սուրբ Գրիգոր Լուսավորիչ մայր տաճար (Երևան)
|
|
|
| Եկեղեցի | |
|---|---|
 Եկեղեցին
|
|
| Տեղադրություն |  Հայաստան Երևան, Կենտրոն համայնք |
| Աշխարհ | Այրարատ |
| Երկիր | Հայաստան |
| Կրոնադավանություն |  Հայ Առաքելական եկեղեցի |
|
|
|
| Նվիրված | Սուրբ Գրիգոր Լուսավորիչ |
| Պահվող մասունքներ | Սուրբ Սուրբ Գրիգոր Լուսավորիչի մասունքները |
|
|
|
| Կարգավիճակ | Կանգուն |
| Ակտիվ է | Այո |
| Ճարտարապետ(ներ) | Ստեփան Քյուրքչյան |
| Ճարտարապ. ոճ | Հայկական |
| Կառուցման սկիզբ | 20-րդ դար |
| Կառուցման ավարտ | Սեպտեմբերի 23 2001 թ. |
|
|
|
| Ընդունակություն | 2.000 |
| Բարձրություն | 54 մետր |
| Տարածք | 3.822 քմ |
| Շինանյութ | Անիից բերված բաց նարնջագույն տուֆ |
  |
|
 |
|
 Վիքիպահեստում |
|
Սուրբ Գրիգոր Լուսավորիչ մայր տաճար — Երևանի գլխավոր եկեղեցին:
[խմբագրել] Պատմություն
Կառուցվել է երջանկահիշատակ Ամենայն հայոց կաթողիկոս Վազգեն Առաջինի նախաձեռնությամբ` նվիրված Հայաստանում քրիստոնեությունը պետական կրոն հռչակելու 1700-ամյակին: Հայրապետն իր ձեռքով հուշաքար է դրել մայր եկեղեցու կառուցման վայրում: Եկեղեցու հիմնօրհնեքը կատարել է երջանկահիշատակ Ամենայն հայոց կաթողիկոս Գարեգին Ա-ն` 1997թ., Սբ. Աստվածածնի ավետման տոնակատարության օրը` ապրիլի 7-ին: Եկեղեցին կառուցվել է ճարտարապետ Ստեփան Քյուրքչյանի նախագծով։ Այն եկեղեցական համալիր է` բաղկացած երեք եկեղեցուց՝ Մայր, Սբ. Տրդատ թագավորի և Սբ. Աշխեն թագուհու մատուռներից։ Եկեղեցու մուտքի առջև տեղադրված են 30-ից ավելի կամարներով կառուցված զանգակատունն ու գավիթը: Գավթում են պահվում Գրիգոր Ա Լուսավորչի մասունքները, որոնք 2000թ. Գարեգին Երկրորդը բերել էր Նեապոլի Սբ. Գրիգոր Հայի եկեղեցուց: Մայր եկեղեցու ներքևի հարկում ընդունելությունների և եկեղեցուն առնչվող միջոցառումների համար սրահներ կան։ Նախագիծն ունի հավասարաթև խաչի հատակագիծ ու դեպի երկինք ուղղված ադամանդակերպ ծավալ: Այն ամենախոշորն է հայկական եկեղեցիների շարքում: Համալիրի մակերեսը մոտավորապես 3,822 քմ է, իսկ ամենաբարձր կետը՝ մայր եկեղեցու խաչը, հատակից 54 մետր բարձր է։ Համալիրն ամբողջությամբ կառուցված է միաձույլ երկաթբետոնից, երեսպատման համար ընտրվել է Հայաստանի պատմական մայրաքաղաք Անիի բաց նարնջագույն տուֆը: Այսօր այն իր վեհությամբ ու գեղեցկությամբ տեսանելի է Երևանի բազմաթիվ անկյուններից։ Երևանի մայր եկեղեցին կառուցվել է ճանաչված բարերարներ Ալեք և Մարի Մանուկյանների ու նրանց զավակներ Ռիչարդ և Լուիզ Սիմոն Մանուկյանների կողմից։ Սբ. Տրդատ և Սբ. Աշխեն մատուռները կառուցվել են Նազար և Արտեմիս Նազարյանների, Գևորգ և Լինդա Գևորգյանների, զանգակատունը՝ Էդուարդո Էռնեքյանի նվիրատվություններով։
