Հեյդեն Քրիստենսեն

Վիքիպեդիայից՝ ազատ հանրագիտարանից
Picto infobox film.png
Հեյդեն Քրիստենսեն
Հեյդեն Քրիստենսեն
Hayden Christensen
Hayden Christensen 05-2005.jpg
Բնօրինակ անուն Հեյդեն Քրիստենսեն
Hayden Christensen
Հասակը 187 սմ
Ծնվել է՝ ապրիլի 19, 1981 (34 տարեկան)
Ծննդավայր Վանկուվեր, Flag of Canada.svg Կանադա
Քաղաքացիություն Flag of Canada.svg Կանադա
Ազգություն Flag of Canada.svg Կանադա
Մասնագիտություն կինոդերասան, դերասան և ձայնային դերասան
Ակտիվ շրջան 1989–այժմ
Ժանրեր Դրամա,
Մարտական,
Արկածային
Ընտրանի "Տելեպորտ",
"Աստղային պատերազմներ. Էպիզոդ II. Կլոնների հարձակումը",
"Աստղային պատերազմներ. Էպիզոդ III. Սիթհերի վրեժը"
IMDb ID 0159789
ԿինոՊոիսկ ID 24771

Հեյդեն Քրիստենսեն (անգլ.՝ Hayden Christensen, ապրիլի 19, 1981, Վանկուվեր, Կանադա) կանադացի դերասան։ Հանդիսատեսին հայտնի է «Տելեպորտ», «Աստղային պատերազմներ. Էպիզոդ II. Կլոնների հարձակումը» և «Աստղային պատերազմներ. Էպիզոդ III. Սիթհերի վրեժը» ֆիլմերից։

Կենսագրություն[խմբագրել]

Հեյդեն Քրիստենսենը ծնվել է 1981 թվականի ապրիլի 19-ին Կանադայի Վանկուվեր քաղաքում՝ կանադացի ծրագրավորող Դեյվիդ Քրիստենսենի և ամերիկացի զեկուցող, իտալա-շվեդական ծագման Էլի Նելսոնի ընտանիքում: Նրա մանկությունն ացել է Տորոնտոյում, որտեղի դպրոցներից մեկում էլ սովորել է: Հեյդենի հայրը դեմ էր նրա դերասանական կարիերային, բայց, չլսելով հոր համառ հորդորները, նա որոշում է իր ապագան կապել այդ մասնագիտության հետ: Առաջին փորձը Քրիստենսենը ձեռք է բերել ութ տարեկանում՝ մասնակցելով հարբուխի դեմ օշարակի գովազդային հոլովակում, իսկ տասներկու տարեկանում առաջին անգամ դեր է ստացել սերիալում: Սկսնակ դերասանի հեռուստատեսային կարիերան հաջող է ընթանում, 1993-ից մինչև 2000 թվականները Քրիստենսենը նկարահանվում է մի շարք հայտնի հեռուստաֆիլմերում և սերիալներում: Բացի հեռուստատեսությունում աշխատելուց՝ Քրիստենսենը սկսում է հայտնվել մեծ էկրանին: Մի քանի կադրերում էպիզոդային դերեր ստանձնելուց հետո, որոնցից ամենահայտնին Սոֆի Կոպոլի «Կույսեր-ինքնասպաններ» ֆիլմն էր, նա հրավեր է ստանում նկարահանվելու «Կյանքն ինչպես տուն» ընտանեկան դրամայում: Քրիստենսենն այդ ֆիլմում ներկայանում է դժվար բնավորություն ունեցող դեռահասի կերպարով, ով փորձում է հարաբերությունները կարգավորել հոր հետ:

Պարգևներ և մրցանակներ[խմբագրել]

«Կյանքն ինչպես տուն» ֆիլմի դերը Քրիստենսենին բերեց ԱՄՆ Ազգային կինոգետների խորհրդի պարգև և «Ոսկե գլոբուս» մրցանակ՝ որպես հետին պլանի լավագույն դերասան: Եվ այս ամենը այն ժամանակ, երբ «Աստղային պատերազմներ»-ի համար բազմիցս ստացել էր «Ոսկե ազնվամորի» հակամրցանակը՝ հետին պլանի ամենավատ դերի համար: Նույն մրցանակը կիսել է նաև Ջեսիկա Ալբայի հետ՝ «Անզգայացում» ֆիլմում էկրանային վատագույն զույգ անվանակարգում: 2001 թվականին ստացել է Young Hollywood Awards / Երիտասարդ Հոլիվուդ մրցանակը: «Աստղային պատերազմներ. Էպիզոդ III. Սիթհերի վրեժը» ֆիլմում, չնայած արդեն ստացած հակամրցանակի, ստանում է Սատուրն մրցանակը՝ լավագույն կինոդերասան անվանակարգում, իսկ «Աստղային պատերազմներ. Կլոնների հարձակում» ֆիլմի համար նորից ստացել է նույն մրցանակը՝ որպես 2003 թվականի լավագույն դերասան: 2002 թվականին «Շոպար» ընկերության կողմից ստացել է լավագույն երիտասարդ դերասանի մրցանակ: «Shattered Glass» ֆիլմը ինչպես հանդիսատեսի, այնպես էլ կինոգետների կողմից շատ լավ ընդունվեց, բայց անհայտ պատճառներով չմասնակցեց «Օսկար»-ի որևէ անվանակարգի մրցանակաբաշխության:

Անձնական կյանք[խմբագրել]

2007 թվականին՝ «Տելեպորտ» ֆիլմի նկարահանումների ժամանակ, ծանոթանում է դերասանուհի Ռեյչել Բիլսոնի հետ, հետագայում օրինականացնելով հարաբերությունները: 2014 թվականի մայիսի 21-ին պարզ դարձավ, որ զույգը սպասում է իրենց առաջնեկին: 2014 թվականի նոյեմբերի 7-ին ծնվեց Հեյդենի և Ռեյչելի աղջիկը, ում նրանք անվանեցին Բրայեր Րոուզ Քրիստենսեն:

Ֆիլմագրություն[խմբագրել]

  • 1995 - «In the Mouth of Madness»/«Խելագարության բերանում» - հեծանիվով փոստատար-տղա
  • 1995 - «Harrison Bergeron»/«Հերիսոն Բերժերոն» - Էրիկ
  • 1997 - «Goosebumps» - Զեյն
  • 1999 - «Free Fall»/«Ազատ անկում» - Պատրիկ Բրենան
  • 1999 - «The Virgin Suicides»/«Կույսեր-ինքնասպանները» - Ջո Հիլլ Քոնլի
  • 2000 - «Higher Ground»/«Գետնի վերևում» - Սքոթ Բերինջեր
  • 2001 - «Life as a House»/«Կյանքն ինչպես տուն» - Սեմ Մոնրո
  • 2002 - «Star Wars Episode II: Attack of the Clones»/«Աստղային պատերազմներ: Դրվագ II.Կլոնների հարձակում» - Էնաքին Սքայուոքեր
  • 2003 - «Shattered Glass» - Սթիվեն Գլաս
  • 2004 - «Star Wars Episode VI: Return of the Jedi»/«Աստղային պատերազմներ:Դրվագ VI.Ժադիի վերադարձը» - Էնաքին Սքայուոքերի հոգին
  • 2005 - «Star Wars Episode III: Revenge of the Sith» - Էնաքին Սքայուոքեր
  • 2006 - «Factory Girl»/«Գործարանի աղջիկը» - Բիլի Քուին
  • 2007 - «Decameron: Angels & Virgins»/«Դեկամերոն:Հրեշտակներ և կույսեր» - Լորենցո
  • 2007 - «Awake»/«Անզգայացում» - Քլեյ Բերեսֆորդ
  • 2008 - «Jumper»/«Տելեպորտ» - Դեյվիդ Ռայս
  • 2009 - «New York, I Love You»/«Նյու Յորք, ես սիրում եմ քեզ» - Բեն
  • 2010 - «Takers»/«Կաշառակերները» - ԷյՋեյ (A.J)
  • 2010 - «Vanishing on 7th Street»/«7-րդ փողոցի անհետացումը» - Լյուկ
  • 2012 - «Battlecreek» - Հենրի
  • 2014 - «Outcast»/«Վտարանդին»
  • 2015 - «American Heist» - Ջեյմս

Արտաքին հղումներ[խմբագրել]