Հայ-բրիտանական հարաբերություններ

Հայ-բրիտանական հարաբերություններն արտաքին հարաբերություններ են Հայաստանի և Միացյալ Թագավորության միջև։ Միացյալ Թագավորությունը Հայաստանը ճանաչել է 1991 թվականի դեկտեմբեր 31-ին։ Եվրոպայում Հայաստանի Հանրապետության առաջին դեսպանատունը հիմնադրվել է Լոնդոնում 1992 թվականի հոկտեմբերին։ Սկսած 1995 թվականից, Երևանում գործում է Մեծ Բրիտանիայի դեսպանատունը։ Ներկայիս դեսպանն է Ջուդիթ Ֆարնուորթը։ 2013 թվականի սեպտեմբերի 27-ին Արմեն Սարգսյանը նշանակվել է Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ արտակարգ և լիազոր դեսպան։ Երկու երկրները պահպանում են համագործակցային և բարեկամական հարաբերությունները։

Պետական այցեր Հայաստանի և Միացյալ Թագավորության միջև[խմբագրել | խմբագրել կոդը]

Հայաստանի և Մեծ Բրիտանիայի միջև բազում պետական այցեր են տեղի ունենում։ Վերջին այցը Մեծ Բրիտանիայի Եվրոպայի հարցերով նախարար Դևիդ Լիդինգտոնի այցն էր Երևան։ Բացի այդ, ՀՀ նախագահ Սերժ Սարգսյանը 2012 հուլիսին այցելել էր Մեծ Բրիտանիա։

Մեծ Բրիտանիայի 71-րդ վարչապետ Մարգարետ Թետչերը այցելել է Հայաստան 1990 թվականի հունիսին, երբ երկիրը Խորհրդային Միության մասն էր կազմում։

Հայոց Ցեղասպանության ճանաչումը[խմբագրել | խմբագրել կոդը]

Ուելսը, Շոտլանդիան և Հյուսիսային Իռլանդիան ճանաչում են հայոց ցեղասպանությունը, այնուամենայնիվ, Մեծ Բրիտանիան ամբողջությամբ վերցրած չի ճանաչում այն, քանի որ գտնում է, որ ապացույցների բավարար հստակ չեն, որպեսզի «վերջին դարի սկզբի այն սարսափելի իրադարձությունները,որոնցից զրկանքներ կրեցին Օսմանյան կայսրության հայերը» ըստ ՄԱԿ-ի 1948 թվականի կոնվենցիայի ցեղասպանություն համարեն։ Բրիտանիայի կառավարությունը հաստատում է, որ արյունահեղությունը, ջարդերը սարսափելի ողբերգություն էին և մեղադրում է նրանց, ովքեր հաստատում էին, որ դա այս ժամանակահատվածում կառավարության տեսակետն էր^[1]։

Մեծ Բրիտանիայի հայկական համայնք[խմբագրել | խմբագրել կոդը]

Այցեր[խմբագրել | խմբագրել կոդը]

Միացյալ Թագավորություն[խմբագրել | խմբագրել կոդը]

Թվական և ամիս	Այցելող
2015 թվականի սեպտեմբեր	Էդվարդ Նալբանդյան, ԱԳ նախարար^[2]
2013 թվականի մայիս	Էդվարդ Նալբանդյան, ԱԳ նախարար^[2]
2012 թվականի հուլիս	Սերժ Սարգսյան, ՀՀ Նախագահ^[2]
2011 թվականի հուլիս	Էդվարդ Նալբանդյան, ԱԳ նախարար^[2]
2011 թվականի մարտ	Հովիկ Աբրահամյան, ԱԺ նախագահ^[2]
2010 թվականի փետրվար	Սերժ Սարգսյան, ՀՀ Նախագահ^[2]
2008 թվականի հոկտեմբեր	Էդվարդ Նալբանդյան, ԱԳ նախարար^[2]
2007 թվականի փետրվար	Վարդան Օսկանյան, ԱԳ նախարար^[2]
2006 թվականի հունվար	Վարդան Օսկանյան, ԱԳ նախարար^[2]
2004 թվականի ապրիլ	Վարդան Օսկանյան, ԱԳ նախարար^[2]
2002 թվականի հունվար	Արմեն Խաչատրյան, ԱԺ նախագահ^[2]
2001 թվականի մարտ	Վարդան Օսկանյան, ԱԳ նախարար^[2]
1999 թվականի մարտ	Վարդան Օսկանյան, ԱԳ նախարար^[2]
1996 թվականի նոյեմբեր	Բաբկեն Արարքցյան, ԱԺ նախագահ^[2]
1995 թվականի	Լևոն Տեր-Պետրոսյան, Նախագահ^[2]
1994 թվական	Լևոն Տեր-Պետրոսյան, Նախագահ^[2]
1993 թվական	Հրանտ Բագրատյան, վարչապետ^[2]

Հայաստան[խմբագրել | խմբագրել կոդը]

Թվական	Այցելող
2012 թվականի սեպտեմբեր	Դեյվիդ Լիդինգթոն, Եվրոպայի հարցերով նախարար^[2]
2006 թվականի հոկտեմբեր	Ջեֆ Հուն, Եվրոպայի հարցերով նախարար^[2]
2000 թվականի հոկտեմբեր	Ջոն Քերրի, արտաքին գերատեսչության մշտական փոխքարտուղար^[2]
1996 թվական	Մալկքոլմ Ռիֆքինդ, ԱԳ նախարար^[2]
1993 թվական	Դուգլաս Հոգգ, Պետնախարար^[2]
1992 թվական	Դուգլաս Հոգգ, Պետնախարար^[2]