Բաբկեն Արարքցյան
Բաբկեն Գուրգենի Արարքցյան (ծնվ. 1944, սեպտեմբերի 16) — հայ քաղաքական, պետական գործիչ, ՀՀ ԳԽ (1991-95), ԱԺ (1995-98) նախագահ, ֆիզիկամաթեմատիկական գիտությունների թեկնածու (1972), դոցենտ (1977)։
Ծնվել է Երևանում։ Ավարտել է Մոսկվայի պետական համալսարանի մեխմաթ ֆակուլտետը (1966)։ 1977-90-ին դասախոսել է ԵՊՀ-ում, 1986-ից` հաշվողական մաթեմատիկայի մեթոդների կիրառումը բնական գիտություններում ամբիոնի վարիչ։ Ղարաբաղյան շարժման Հայաստանյան կոմիտեի (1988, մայիս) և ՀՀՇ հիմնադիր-անդամ (1989-ի նոյեմբերից 2000-ի դեկտեմբերը` ՀՀՇ վարչության անդամ)։ 1988-ի դեկտեմբերի 10-ին «Ղարաբաղ» կոմիտեի անդամների հետ ձերբակալվել է և 6 ամիս Մոսկվայում պահվել նախնական կալանքի։ 1990-ի մայիսին ընտրվել է ՀՀ ԳԽ պատգամավոր, օգոստոսին` ՀՀ ԳԽ նախագահի առաջին տեղակալ, այնուհետև` նախագահ։ 1998-ի փետրվարի 4-ին Լևոն Տեր-Պետրոսյանի քաղաքական խմբի հետ հրաժարական է տվել։ 1999-ից` Ժողովրդավարության և քաղաքացիական հասարակության զարգացման «Արմատ» կենտրոնի հիմնադիր-ղեկավար։[1]
[խմբագրել] Աղբյուրներ
- ↑ (2005) Ով ով է. Հայեր. Կենսագրական հանրագիտարան, հատոր առաջին. Երևան: ՀՀ ԳԱԱ, Հայկական հանրագիտարան հրատարակչություն, էջ 154.
| Նախորդող Լևոն Տեր-Պետրոսյան |
ՀՀ Գերագույն խորհրդի նախագահ Բաբկեն Արարքցյան 26.10.1991—22.07.1995 |
Հաջորդող պաշտոնը լուծարվել է |
| Նախորդող պաշտոնը հիմնադրվել է |
ՀՀ Ազգային ժողովի նախագահ Բաբկեն Արարքցյան 22.07.1995—04.02.1998 |
Հաջորդող Խոսրով Հարությունյան |
 |
ՀՀ ԱԺ նախագահներ | |
|
Բաբկեն Գուրգենի Արարքցյան • Խոսրով Մելիքի Հարությունյան • Կարեն Սերոբի Դեմիրճյան • Արմեն Ավագի Խաչատրյան • Արթուր Վահանի Բաղդասարյան • Տիգրան Սուրիկի Թորոսյան • Հովիկ Արգամի Աբրահամյան • Սամվել Պարգևի Նիկոյան |
||
