Լանա Դել Ռեյ

Վիքիպեդիայից՝ ազատ հանրագիտարանից
Picto infobox music.png
Լանա Դել Ռեյ
Lana Del Rey
Հիմնական տվյալներ
Ի ծնե անուն Էլիզաբեթ Վուլրիջ Գրանտ
Elizabeth Woolridge Grant
Ծնվել է հունիսի 21, 1986 (1986-06-21) (28 տարեկան)
Ամերիկայի Միացյալ Նահանգներ Նյու Յորք, ԱՄՆ
Երկիր Ամերիկայի Միացյալ Նահանգներ ԱՄՆ
Ժանրեր փոփ
Մասնագիտություն երգչուհի, երգահան, և մոդել
Կայք LanaDelRey.com

Էլիզաբեթ Գրանտ (անգլ.՝ Elizabeth Grant, ծնվ. հունիսի 21, 1986, Նյու Յորք) առավել հայտնի որպես Լանա Դել Ռեյ (անգլ.՝ Lana Del Rey) ամերիկացի երգչուհի, հեղինակ-կատարող։ Նրա մականունը բաղկացած է դերասանուհի Լանա Թյորների և Ֆորդ Դել Ռեյ, կամ Շևրոլե Դելռեյ ավտոմեքենայի անվանումներից։

Լանա Դել Ռեյը առաջին անգամ ճանաչվեց հանրության կողմից շնորհիվ իր «Video Games» տեսահոլովակի, որը լույս տեսավ 2011 թվականի ամռանը և դիտվեց համացանցում մոտ 600 հազար անգամ, երեք շաբաթվա ընթացքում։ Նրա ձայնը համեմատում են այնպիսի հանրաճանաչ վոկալիստների հետ ինչպիսիք են Նենսի Սինատրան, Ամբրոզիա Պարսլին և Չայնա Ֆորբսը։

2011 թվականի հոկտեմբերի 24-ին Լանա Դել Ռեյը պարգևատրվեց Q Awards -կողմից հատուկ անվանակագում, որպես «Ապագա աստղ»։

Կենսագրություն[խմբագրել]

Էլիզաբեթ Գրանտը, ավելի հայտնի ինչպես Լանա Դել Ռեյ, ծնվել է Նյու Յորքում Լեյք-Փլեսիդ քաղաքում 1986 թ.։ Նրա հայրը՝ Ռոբ Գրանտը, միլիոնատեր բիզնեսմեն է։ Դեռ մանկուց ունենալով բավականին լավ ձայնային տվյալներ և ցանկություն՝ լինելու ճանաչված, Էլիզաբեթը դանդաղ, բայց հաստատուն քայլերով ճանապարհ էր հարթում դեպի փառքն ու ճանաչվածությունը։

Պատմություն[խմբագրել]

Իր երաժշտական կարողությունները Լիզան առաջին անգամ արտահայտել է եկեղեցական երգչախմբում։

Հետագայում Լիզան սկսում է երգել ակումբներում, սրճարաններում, սակայն նրա երգերը այդպես էլ ճանաչում չեն գտնում։ Սկզբնական շրջանում աղջիկը հանդես էր գալիս Լիզի Գրանտ բեմական անվամբ։ 18 տարեկանում Լիզան հեռանում է իր հայրենի քաղաքից՝ Լեյք-Փլեսիդից։ Նա ուղևորվում է գրավելու Նյու Յորքը և հետագայում ամբողջ աշխարհը։

Առաջին փորձը՝ տապալվեց Լիզան թողարկեց փոքրածավալ ալբոմ՝ "Kill Kill", որը ոչ մի հաջողություն չունեցավ, սակայն որոշ գործակալների ուշադրությունը գրավեց Լիզայի հետաքրքիր ձայնն ու ոճը։ Առաջին չհաջողված փորձից հետո Լիզային օգնության է հասնում հայրը։ Նա սկսում է աշխատել պրոդյուսեր Դևիդ Կեյնի հետ, որը հայտնի է Փոլ Մակքարթնիի, Ռեդջինա Սպոկտորի հետ իր աշխատանքներով։ Լիզայի վրա սկսում է աշխատել մենեջերների մի ամբողջ խումբ։ Հենց նրանց խորհրդով էլ աղջիկը դառնում է Լանա Դել Ռեյ (Նրա մականունը բաղկացած է դերասանուհի Լանա Թյորների և Ֆորդ Դել Ռեյ, կամ Շևրոլե Դելռեյ ավտոմեքենայի անվանումներից)։ 2011-ի հունիսին Լանա Դել Ռեյը պայմանագիր է կնքում Stranger Records-ի հետ և համատեղ ձայնագրում "Video Games" սինգլը։ Այս երգն ու տեսահոլովակը, որը Լանան ինքնուրույն է ստեղծել, անհավանական հաջողություն են բերում երգչուհուն։ Տեսահոլովակի՝ համացանցում հայտնվելուց անմիջապես հետո նա դառնում է հայտնի։ Տեսահոլովակի՝ միլիոնավոր դիտումները բոլորի մոտ հետաքրքրություն առաջացրին Լանա Դել Ռեյի հանդեպ։

Ձեռքբերումներ[խմբագրել]

2011-ին Լանա Դել Ռեյին համարում են տարվա սենսացիա։ Դա այն դեպքում, երբ Լանան դեռ ոչ մի սկավառակ չէր թողարկել, ոչ մի համերգ չէր ունեցել։ Լանայի առաջին համերգը՝ Նյու Յորքի ակումբներից մեկում, տեղի ունեցավ սեպտեմբերի 21-ին։ Համերգի տոմսերը սպառվեցին այն վաճառքի հանելուց րոպեներ անց։ Հաջողված համերգն արդեն քայլ էր դեպի լուրջ բեմեր։ 2011 թվականի հոկտեմբերի 24-ին Լանա Դել Ռեյը պարգևատրվեց Q Awards-ի կողմից հատուկ անվանակագում, որպես Ապագա աստղ։

Born to Die[խմբագրել]

2011-ի դեկտեմբերի 1-ին Լանա Դել Ռեյը ներկայացնում է իր թերևս ամենաճանաչված երգերից մեկը՝ "Born to Die"-ը, որն իսկական հիթ է դառնում։ Այն նաև հիանալի հիմք էր ապագա ալբոմի համար։ Արդեն 2012-ի փետրվարին Լանան թողարկում է իր նոր ալբոմը՝ "Born to Die" և բարձրանում է հիթ շքերթների առաջին հորիզոնականը։ ԱՄՆ-ում տարածվում են այս սկավառակի մոտ 100 հազար օրինակները։ Այժմ Լանան ունի երկրպագուների մեծ բանակ, ճիշտ է Լանան չի հետևել իր գործընկերների օրինակին և երկրպագուներին չի տվել անվանում, բայց երկրպագուներն իրենք իրենց անվանում են Team Lana։

Tropico[խմբագրել]

2013թ. դեկտեմբերի 6-ին Լանա Դել Ռեյը ներկայացնում է "Tropico" կարճամետրաժ ֆիլմը։ Սցենարի հեղինակն ու ֆիլմի հերոսուհին հենց Լանան է։ "Tropico"-ի սաունդթրեքերը երգչուհու գործերից "Body Electric"-ը, "Gods and Monsters"-ն ու "Bel Air"-ն են։

Ultraviolence[խմբագրել]

"Ultraviolence"-ը Երգչուհու երրորդ ալբոմի անվանումը, որը թարգմանաբար նշանակում է «ուլտրաբռնություն», թողարկվել է հունիսի 17-ին։

# Անվանում Հեղինակ(ներ) Տևողություն
1. "Cruel World"   Lana Del Rey, Blake Stranathan 6:39
2. "Ultraviolence"   Del Rey, Daniel Heath 4:11
3. "Shades of Cool"   Del Rey, Rick Nowels 5:42
4. "Brooklyn Baby[1]"   Del Rey, Barrie O'Neill 5:51
5. "West Coast"   Del Rey, Nowels 4:16
6. "Sad Girl"   Del Rey, Nowels 5:17
7. "Pretty When You Cry"   Del Rey, Stranathan 3:54
8. "Money Power Glory"   Del Rey, Greg Kurstin 4:30
9. "Fucked My Way Up to the Top"   Del Rey, Heath 3:32
10. "Old Money"   Del Rey, Heath, Nino Rota, Robbie Fitzsimmons 4:31
11. "The Other Woman"   Jessie Mae Robinson 3:01

Սկավառակագրություն[խմբագրել]

Արտաքին հղումներ[խմբագրել]


  1. «iTunes — Music — Ultraviolence by Lana Del Rey»։ Itunes.apple.com։ https://itunes.apple.com/gb/album/ultraviolence/id880097772։ Վերցված է May 28, 2014։ 
  2. «Lana Del Rey — Ultraviolence (Deluxe Edition) - ...»։ Target։ http://www.target.com/p/lana-del-rey-ultraviolence-deluxe-edition-only-at-target/-/A-15665068#prodSlot=medium_1_1&term=ultraviolence։ Վերցված է June 6, 2014։ 
  3. «Error: no |title= specified when using {{Cite web}}»։ http://open.spotify.com/album/0xM5ya1HwAoc8ubvL5GORB։ Վերցված է June 6, 2014։ 
  4. «ウルトラヴァイオレンス» (Japanese)։ http://www.amazon.co.jp/%E3%82%A6%E3%83%AB%E3%83%88%E3%83%A9%E3%83%B4%E3%82%A1%E3%82%A4%E3%82%AA%E3%83%AC%E3%83%B3%E3%82%B9-%E3%83%A9%E3%83%8A%E3%83%BB%E3%83%87%E3%83%AB%E3%83%BB%E3%83%AC%E3%82%A4/dp/B00KCNO84Y։ Վերցված է June 6, 2014։ 
  5. «Ultraviolence Edition spéciale Fnac — Lana Del Rey — CD album — Fnac.com»։ Musique.fnac.com։ http://musique.fnac.com/a7292549/Lana-Del-Rey-Ultraviolence-Edition-speciale-Fnac-CD-album։ Վերցված է June 6, 2014։ 
  6. «iTunes - ミュージック - ラナ・デル・レイ「Ultraviolence (Deluxe Version)」»։ Itunes.apple.com։ https://itunes.apple.com/jp/album/ultraviolence-deluxe-version/id882125087։ Վերցված է May 29, 2014։