Թոմն ու Ջերին

Վիքիպեդիայից՝ ազատ հանրագիտարանից
Թոմն ու Ջերին
Tom and Jerry
Ֆիլմի պոստերը
տիպ նկարված
Ժանր կատակերգական, ընտանեկան
Ռեժիսոր Ուիլյամ Հաննա
Ջոզեֆ Բարբերա
Պրոդյուսեր Ֆրեդ Քուիմբի
Ընկերություն MGM, Hanna-Barbera, Warner Bros.
Հնչյունավորում Ուիլյամ Հաննա

Բիլլի Բլեթչեր
Դոուզ Բաթլեր

Լիլլիան Ռենդոլֆ և այլն
Երկիր Ամերիկայի Միացյալ Նահանգներ ԱՄՆ
Լեզու անգլերեն
Տևողություն կարճամետրաժ` 5-10 րոպե

լիամետրաժ` 60-120

էպիզոդներ` 15-25 րոպե
Թվական 1940-ից սկսած
description

«Թոմն ու Ջերին» (անգլ.՝ Tom and Jerry) անիմացիոն մուլտսերիալ է` ստեղծված ծաղրանկարիչներ Ուիլյամ Հաննայի և Ջոզեֆ Բարբերայի կողմից։ Այն պատմում է Ջերի անունով մկան և Թոմ անունով կատվի թշնամական հարաբերությունների ու արկածների մասին։

Մուլտֆիլմի առաջին սերիան ցուցադրվել է 1940 թվականի փետրվարի 20-ին։ Մուլտֆիլմի առաջին սերիաներում հերոսների անունները ուրիշ են եղել` Թոմը Ջասպեր իսկ Ջերին պարզապես Մուկ կամ Ջինկս։

Մուլտֆիլմը սկսած 1940 թվականից մինչև 1958 թվականը արտադրել է MGM ստուդիան, որի արտադրության տարիներին մուլտֆիլմը համարվել է լավագույնը` ստանալով 7 Օսկար, մուլտֆիլմը այլևս չարտադրելու պատճառը ստուդիայի փակումն էր։ 1961 թվականին «Rembrandt Films» ընկերությանը իրավունք ստացավ արտադրել մուլտֆիմը, որի 13 թողարկումները ամենավատը համարվեցին մուլտֆիլմի պատմության մեջ։ Այնուհետև մուլտֆիլմը 1963 թվականից սկսեց արտադրել «Sib Tower 12 Productions» ընկերությունը մինչև 1967 թվականը։

Սյուժե[խմբագրել]

Դրվագների մեծամասնության մեջ գործողություններն անցնում են փոքրիկ մի քաղաքում, Երկու-Հողաթափ-Մայրիկի տանը (որը երբեմն փոխարինվում է երիտասարդ կնոջով կամ ընդհանրապես չի մասնակցում)։ Սակայն մի շարք դեպքերում գործող անձինք կարող են ապրել նաև անմարդաբնակ կղզում, լողալ ծովաշրջային նավով, հանգստանալ լողափում և այլն։ Ըստ սյուժեի՝ Թոմը ջանք չի խնայում մկնիկին բռնելու համար, սակայն նրան գրեթե երբեք դա չի հաջողվում[1]։ Այնուամենայնիվ, որոշ մասերում կերպարները բավականին համերաշխ կյանք են վարում և կարող են օգնել միմյանց ամենադժվարին պահերին[1]։ Ինչպես մարդիկ՝ այդպել էլ գլխավոր կերպարներն ունեն իրենց թշնամիներն ու ընկերները։ Օրինակ՝ Թոմին հաճախ ծաղրում են Բուչ անունով կատուն և Սփայք շունը, իսկ Ջերրիի չարություններում նրան օգնում է իր զարմիկը՝ մի փոքրիկ մկնիկ՝ Նիբլս անունով, և Կրյաքեր բադիկը։ Դրվագների մեծամասնությունում կերպարները չեն խոսում՝ ամենը սահմանափակվում է միայն ցավի ճիչերով և նյարդային կլման ձայներով, սակայն մի շարք դեպքերում առկա է ամբողջական, թեև կարճ երկխոսություն[2][3]։

Մուլտֆիլմը քաջ ծանոթ է իր դաժանությամբ և բռնությամբ[4][5]։ Հաճախ կարճամետրաժ սերիաներում ցուցադրվում են պայթյուններ, կերպարների «կտրատում» և նույնիսկ մահ, սակայն դրանց մեծամասնությունն իրականանում է առանց արյան, և գլխավոր հերոսներն արդեն հաջորդ դրվագում վերակենդանանում են[6]։

Կարճամետրաժ ֆիլմերում մեծ դեր է զբաղեցնում երաժշտական նվագակցումը, որի միջոցով փորձ է կատարվում փոխանցել այս կամ այն հերոսի հույզերը։ Հատկապես առանձնացվում է Սքոդ Բրեդլի[7] կոմպոզիտորի դերը։ Նա, համատեղելով ջազի և կլասիկ երաժտության տարրերը, ստեղծել է բարդ և յուրօրինակ պարտիտուրաներ, դրա հետ միասին դրվագներում հաճախ ներկայացնելով այդ ժամանակվա հայտնի մեղեդիների վերափոխված ձևերը։ Հետագա մուլտֆիլմներում երաժշտությունը հնչում է ավելի կարճ հատվածներով։

Պատմություն[խմբագրել]

Ծանոթագրություններ[խմբագրել]

  1. 1,0 1,1 Подолян, Ольга. (24 марта 2011 год)։ «Главному игроку в «кошки-мышки» сегодня исполнилось бы 100 лет»։ Вести.ру։ http://www.vesti.ru/doc.html?id=439064։ Վերցված է 2013-08-18։ 
  2. Vallance, Tom. (24 марта 2001 года)։ «William Hanna»։ The Independent։ http://web.archive.org/web/20100717013717/http://www.independent.co.uk/news/obituaries/william-hanna-728958.html։ Վերցված է 2013-08-17։ 
  3. «William Hanna Dies at 90; Created Cartoon Characters»։ The New York Times։ 23 марта 2001 года։ http://query.nytimes.com/gst/fullpage.html?res=9C04E6D7143CF930A15750C0A9679C8B63&partner=rssnyt&emc=rss։ Վերցված է 2013-08-21։ 
  4. Hanna, William; Barbera, Joseph; Sennett, Ted. // The Art of Hanna-Barbera: Fifty Years of Creativity // Нью-Йорк: Viking Studio Books. — ISBN 0670829781.
  5. Smoodin, Eric. «Cartoon and Comic Classicism: High-Art Histories of Lowbrow Culture». American Literary History (Օքսֆորդ, Բրիտանիա: Oxford University Press) 4 (1 (1992)). 
  6. Whitworth, Melissa (20 декабря 2006 года). «Master cartoonist who created Tom and Jerry draws his last». The Daily Telegraph: p. 9. 
  7. Vallance, Tom (6 декабря 2006 года). «Joseph Barbera». Лондон: The Independent. http://www.independent.co.uk/news/obituaries/joseph-barbera-429307.html։ Վերցված է 2013-08-18. 

Արտաքին հղում[խմբագրել]