Վլադիմիր Դիմիտրով-Մայստորա

Վլադիմիր Դիմիտրով-Մայստորա; բուլղար․՝ Владимир Димитров-Майстора
Ի ծնե	բուլղար․՝ Владимир Димитров Поппетров
Ծնվել է	փետրվարի 1, 1882[…]
Ծննդավայր	Ֆրոլոշ, Kocherinovo Municipality, Կյուստենդիլի մարզ, Բուլղարիա
Վախճանվել է	սեպտեմբերի 29, 1960[…] (78 տարեկան) կամ սեպտեմբերի 24, 1960 (78 տարեկան)
Մահվան վայր	Սոֆիա, Բուլղարիայի Ժողովրդական Հանրապետություն
Քաղաքացիություն	Բուլղարիա
Կրթություն	Բուլղարիայի գեղարվեստի ազգային ակադեմիա
Մասնագիտություն	նկարիչ
Ժանր	դիմապատկեր
Թեմաներ	գեղանկարչություն
Ուսուցիչ	Պետկո Կլիսուրով, Ժեկո Սպիրիդոնով, Անտոն Միտով և Իվան Միրկվիչկա
Աշակերտներ	Petŭr Kushlev?
	Vladimir Dimitrov Maystora Վիքիպահեստում

Վլադիմիր Դիմիտրով-Մայստորա (բուլղար․՝ Владимир Димитров-Майстора, բառացի՝ Վարպետ, փետրվարի 1, 1882(1882-02-01)^[1]^[2]^[3]^[…], Ֆրոլոշ, Kocherinovo Municipality, Կյուստենդիլի մարզ, Բուլղարիա^[4] - սեպտեմբերի 29, 1960(1960-09-29)^[4]^[1]^[2]^[…] կամ սեպտեմբերի 24, 1960(1960-09-24)^[5], Սոֆիա, Բուլղարիայի Ժողովրդական Հանրապետություն^[4]), բուլղարացի նկարիչ, գծագրիչ և ուսուցիչ։

Կենսագրություն[խմբագրել | խմբագրել կոդը]

Վլադիմիր Դիմիտրովի նկարները Պլովդիվի կերպարվեստի թանգարանում

Վլադիմիր Դիմիտրովը ծնվել է 1882 թվականի փետրվարի 2-ին Ֆրոլոշ գյուղում՝ մակեդոնացի փախստականների ընտանիքում^[6]։ 1889 թվականին ընտանիքը տեղափոխվում է քաղաք Կյուստենդիլ, որտեղ կրթություն է ստացել ապագա նկարիչը։ Փոխել է մի քանի մասնագիտություն. աշխատել է որպես ներկարար և գրագիր շրջանային դատարանում, որտեղ էլ նկատում են նրա տաղանդը։ Համաքաղաքացիների կողմից կամավորությամբ հավաքված գումարով Վլադիմիր Դիմիտրովը մեկնում է Սոֆիա, որտեղ 1903 թվականին ընդունվում է Գեղարվեստի ուսումնարան (ներկայում՝ Բուլղարիայի գեղարվեստի ազգային ակադեմիա)՝ աշակերտելով Ժեկո Սպիրիդոնովին, Անտոն Միտովին ու Իվան Միրկվիչկային։ Ուսումնարանն ավարտել է 1910 թվականին^[7]։

Իր ստեղծագործական գործունեության առաջին շրջանում Վլադիմիր Դիմիտրով-Մայստորան հիմնականում ստեղծել է դիմանկարներ ու նատյուրմորտներ։ Բալկանյան երկու պատերազմների ու Առաջին համաշխարհային պատերազմի ժամանակ Վլադիմիր Դիմիտրով-Մայստորան՝ որպես նկարիչ, ընդգրկված է եղել Բուլղարիայի բանակի Ռիլայի դիվիզիայում։ Այդ ընթացքում նա ստեղծել է նկարների շարք, որ ռեալիստորեն պատկերում են ճակատային կյանքը։

Պատերազմից հետո Վլադիմիր Դիմիտրովը մեծ համբավ է ձեռք բերում որպես նկարիչ, որ մարտահրավեր է նետել ակադեմիզմին։ 1922 թվականին նա իր անհատական ցուցահանդեսում հանրությանն է ներկայացնում «Հունձք» շարքի նկարները։

Վլադիմիր Դիմիտրովը շատ է ճանապարհորդել Առաջին համաշխարհային պատերազմից առաջ և դրանից հետո. եղել է Ռուսաստանում, Իտալիայում, Ֆրանսիայում, Գերմանիայում և ԱՄՆ-ում։ 1923 թվականին Վլադիմիր Դիմիտրովն աշխատել է Իտալիայում։ 1924-1951 թվականներին նա մշտապես բնակվել է Շիշկովցի գյուղում, որ տեղակայված է Կյուստենդիլ քաղաքից ոչ հեռու։ Մասնակցել է խմբակային ցուցահանդեսների և կազմակերպել է իր անհատական ցուցահանդեսները Սոֆիայում, երկրի այլ քաղաքներում, ինչպես նաև իր հայրենի երկրամասի գյուղերում։ Այդ ժամանակաշրջանում նկարչի աշխատանքների թեման առավել հաճախ եղել են Կյուստենդիլի երկրամասի բնակիչների կյանքը և շրջակա բնությունը։

1944 թվականին Վլադիմիր Դիմիտրովն արժանացել է Կյուստենդիլի պատվավոր քաղաքացու կոչման։

Վլադիմիր Դիմիտրով-Մայստորան մահացել է 1960 թվականի սեպտեմբերի 29-ին Սոֆիայում։

Վլադիմիր Դիմիտրով-Մայստորայի ամենահայտնի աշխատանքների շարքին են պատկանում «Աղջիկներ» (1925-1935), «Երիտասարդ քույրերը Դիվլյա գյուղից» (1928-1930), «Ծաղկազարդի կիրակի» (1928), «Աղջիկները Կյուստենդիլի երկրամասից», «Հնձվորուհի» և «Աղջիկը խնձորների հետ» (երեքն էլ՝ 1930-1935 թվականներ), «Ճաշող հնձվորուհիները» և «Գյուղացի աղջիկը կակաչների մեջ» (երկուսն էլ՝ 1935-1938 թվականներ) նկարները։ Նկարչի ավելի քան 700 աշխատանքներ ցուցադրվում են Վլադիմիր Դիմիտրովի պատկերասրահում, որ գտնվում է Կյուստենդիլում։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Dimitrov, Vladimir // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00051651
↑ ^2,0 ^2,1 ^2,2 ^2,3 ^2,4 Katzarova M. Dimitrov-Maistora, Vladimir // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T022809
↑ ^3,0 ^3,1 Delarge J. Le Delarge (ֆր.) — Paris: Gründ, Jean-Pierre Delarge, 2001. — ISBN 978-2-7000-3055-6
↑ ^4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Димитров-Майстора Владимир // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ ^5,0 ^5,1 ^5,2 Կերպարվեստի արխիվ — 2003.
↑ Владимир Димитров-Майстора (1882-1960)
↑ Վլադիմիր Դիմիտրով-Մայստորայի կենսագրությունը (բուլղ.)

Արտաքին հղումներ[խմբագրել | խմբագրել կոդը]

Статья о Владимире Димитрове — Майсторе
Վլադիմիր Դիմիտրով-Մայստորայի նկարները(չաշխատող հղում)
Галереи с репродукциями: Галерея «Домино»
# Assenova, Valentina (2006). «Vladimir Dimitrov-Maistora's Bulgarian Madonna: Creed, Criticism, Propaganda» (PDF). Վերցված է 2008 թ․ դեկտեմբերի 6-ին. {{cite journal}}: Cite journal requires |journal= (օգնություն)

Վիքիպահեստն ունի նյութեր, որոնք վերաբերում են «Վլադիմիր Դիմիտրով-Մայստորա» հոդվածին։

[_7f469f2b96ba87de-1] 1,0 ^1,1 ^1,2 ^1,3 ^1,4 Dimitrov, Vladimir // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00051651

[_f7d76bc27e00bcb0-2] 2,0 ^2,1 ^2,2 ^2,3 ^2,4 Katzarova M. Dimitrov-Maistora, Vladimir // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T022809

[_15a16408700f7fc5-3] 3,0 ^3,1 Delarge J. Le Delarge (ֆր.) — Paris: Gründ, Jean-Pierre Delarge, 2001. — ISBN 978-2-7000-3055-6

[_79b053f31d9da435-4] 4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Димитров-Майстора Владимир // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_5e779311e95287a1-5] 5,0 ^5,1 ^5,2 Կերպարվեստի արխիվ — 2003.

[Димитров-6] Владимир Димитров-Майстора (1882-1960)

[կենսագրություն-7] Վլադիմիր Դիմիտրով-Մայստորայի կենսագրությունը (բուլղ.)

[1]

[2]

[3]

[4]

[5]

[6]

[7]