Սանելա Ջենքինս
| Սանելա Ջենքինս բոս․՝ Sanela Jenkins | |
|---|---|
 | |
| Ծնվել է | 1973 |
| Ծննդավայր | Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ |
| Քաղաքացիություն |  Բոսնիա և Հերցեգովինա և  ԱՄՆ |
| Կրթություն | Սարաևոյի համալսարան և Լոնդոնի համալսարան |
| Մասնագիտություն | ձեռնարկատեր և բարեգործ |
| Ամուսին | Ռոջեր Ջենքինս |
| Կայք | dianajenkins.com |
Սանելա Ջենքինս (բոս․՝ Sanela Jenkins), ի ծնե՝ Սանելա Չատիչ (բոս․՝ Sanela Ćatić), հայտնի է նաև Սանելա Դայանա Ջենքինս անունով (անգլ.՝ Sanela Diana Jenkins, 1973, Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ), Կալիֆորնիայում բնակվող բոսնիացի ձեռնարկատեր և բարեգործ[1]։
Կենսագրություն
[խմբագրել | խմբագրել կոդը]Բիզնես
[խմբագրել | խմբագրել կոդը]Ծնունդով Սարաևոյից է, միջին դասի բոսնիական ընտանիքի երկու երեխաներից ավագը։ Հայրը եղել է տնտեսագետ, մայրը՝ հաշվապահ։ Մանկությունն անցել է Սարաևոյում[2]։ Տնտեսագիտություն է ուսանել Սարաևոյի համալսարանում, սակայն պատերազմ սկսելու և դրան հաջորդած Սարաևոյի պաշարման պատճառով երկրից փախել է նախ Խորվաթիա, հետո՝ Լոնդոն, որտեղ շարունակելու է կրթությունը։
Լինելով ուսանողուհի՝ ձեռք է բերել լողազգեստների «Melissa Odabash» գիծը[3]։ Հրատարակել է «Room 23» գիրքը՝ Դեբորա Անդերսոնի լուսանկարներով։ Գրքում հայտնվել են նաև Ջորջ Քլունիի և Էլթոն Ջոնի լուսանկարները։ Գրքի վաճառքից ստացված հասույթն օգտագործվել է բարեգործական նպատակներով[4]։
2009 թվականին Ջենքինսը թողարկել է բնական բաղադրիչներով խմիչքների Neuro շարքը, որն արտադրվել է վերամշակված նյութերով փաթեթավորմամբ[5]։ Ապրանքները տարածվում են ԱՄՆ-ում և վաճառել են Target Corporation, Walgreens, Safeway Inc և Seven Eleven ընկերությունները[6]։ Խմիչքները կիրառվում էին օրվա ընթացքում ուժերը վերականգնելու և դիմացկունության համար, արտադրվել է Passion, Sleep, Sonic, Trim, Daily և Bliss անուններով[7]։ 2012 թվականին Սանելա Ջենքինսը բացել է ձայնագրման «D Empire Entertainment» ստուդիան, որի հետ համագործակցել են OneRepublic խմբի Ռայան Թեդերը, Քրիս Բրաունը, Շոն Քինգսթոնը և Էշեր Մոնրոն[6]։
2010 թվականի օգոստոսին Բոսնիայում հեռարձակվել է TV1 հեռուստաալիքը, որի սեփականատերը Ջենքինսն էր։
Բարեգործություն
[խմբագրել | խմբագրել կոդը]2002 թվականին Սանելան, ի հիշատակ Բոսնիական պատերազմում զոհված իր եղբոր, հիմնել է Իրնիս Չատիչի անվան ֆոնդը։ Ֆոնդը Սարաևոյի համալսարանի բժշկական ֆակուլտետի հովանավորն է։ 2009 թվականին Ջենքինսը Խաղաղության և ժողովուրդների միջև համագործակցության կողմից պարգևատրվել է «Peace Connection» մրցանակով (այդ մրցանակի դափնեկիր են եղել Բոնոն և Նելսոն Մանդելան)[8]։ 2008 թվականի օգոստոսին Լոս Անջելեսի Կալիֆորնիայի համալսարանում հիմնվել է Մարդու իրավունքների Սանելա Դայանա Ջենքինսի անվան նախագիծը[9]։ Այն զբաղվում է փաստաբանական գործունեությամբ և հանդիսանում է միջազգային իրավունքների և մարդու իրավունքների ոլորտում առաջին ծրագիրը, որն արմատավորվել է ԱՄՆ արևմտյան նահանգների որևէ համալսարանի իրավաբանական ֆակուլտետում[9]։
2010 թվականին Սանելա Ջենքինսը և Շոն Փենը հիմնել են Հայիթիի երկրաշարժի զոհերին օգնության ֆոնդ, որն զբաղվել է հազարավոր տուժածներին և կացարանից զրկվածներին դեղամիջոցներ ապահովելով։ Ջենքինսը համեմատել է Հայիթիի երկրաշարժի հետևանքները Բոսնիայի պատերազմի հետևանքների հետ[10], նշել է հումանիտար օգնության հասցնելու կարևորության մասին[11] և պնդում էր, որ ԱՄՆ զինվորները չլքեն կղզին[12]։ Ջենքինսը նաև բավականին մեծ գումար է հատկացրել ՁԻԱՀ-ի դեմ պայքարին։ 2010 թվականի մարտի 7-ին ՁԻԱՀ-ի դեմ պայքարի Էլթոն Ջոնի անվան ֆոնդը կազմակերպել է երեկույթներ, որոնց հովանավորը դարձել են Ջենքինսը և Neuro ընկերությունը։ Ֆոնդն այդ օրը հավաքել է 3,7 մլն ամերիկյան դոլլար[6]։
2010 թվականի մարտին Ջենքինսը հանդես է եկել՝ ի պաշտպանություն Բոսնիայի և Հերցեգովինայի Ֆեդերացիայի նախագահ Էյուպ Գանիչին, որին պահանջում էին հանձնել Սերբիայի իշխանությանը[13]։
Ընտանիք
[խմբագրել | խմբագրել կոդը]1999 թվականին Սամելան ամուսնացել է բանկիր Ռոջեր Ջենքինսի հետ։ Զույգը ծանոթացել է Բարբիկանի (Լոնդոն) մարզասրահում, որտեղ Ջենքինսը լինում էր առաջին կնոջից բաժանվելուց հետո։ Ամուսնությունից հետո ծնվել են երկու երեխաներ[14]։ Զույգը բաժանվել է 2011 թվականին, Սամելան ամուսնալուծությունից հետո ստացել է 150 մլն ֆունտ ստեռլինգ։ 2011 թվականին Սամելան իր ամուսնալուծությունն անվանել է ամենաերջանիկը, որովհետև դրա շնորհիվ նա ներառվել էր 2012 թվականին Մեծ Բրիտանիայի ամենահարուստ 500 մարդկանց ցանկում[15]։
Ծանոթագրություններ
[խմբագրել | խմբագրել կոդը]- ↑ Thomas Jr, Landon (2008 թ․ նոյեմբերի 22). «A Friendship's Paying Off for British Banking Giant». The New York Times. Վերցված է 2010 թ․ մայիսի 23-ին.
- ↑ Collins, Laura; Sanderson, Elizabeth (2009 թ․ հուլիսի 5). «The beautiful refugee from Bosnia who clinched the £7.3bn deal that saved Barclays». Daily Mail. London.
- ↑ Jacobs, Mark (2005 թ․ դեկտեմբերի 18). «Odabash». The New York Times. Վերցված է 2010 թ․ մայիսի 23-ին.
- ↑ «Room 23». Los Angeles Times. 2009 թ․ փետրվարի 19. Վերցված է 2010 թ․ մայիսի 23-ին.
- ↑ «DIANA JENKINS NEURO HEALTH DRINKS TARGET - BevNET.com». BevNET.com (ամերիկյան անգլերեն). Վերցված է 2018 թ․ ապրիլի 30-ին.
- ↑ 6,0 6,1 6,2 «Global Innovator, Business Woman and Philanthropist Diana Jenkins». reuters. 2013 թ․ հունիսի 19. Արխիվացված է օրիգինալից 2013 թ․ հունիսի 24-ին. Վերցված է 2013 թ․ հունիսի 19-ին.
- ↑ «Neuro Drinks».
- ↑ «Center for Peace and Multi-Ethnic Cooperation Peace Connection Prize». Արխիվացված է օրիգինալից 2011 թ․ հուլիսի 28-ին.
- ↑ 9,0 9,1 «Sanela Diana Jenkins Human Rights Project». Արխիվացված է օրիգինալից 2014 թ․ հունիսի 2-ին.
- ↑ Jenkins, Diana (2010 թ․ հունվարի 23). «Don't Let Haiti's Natural Disaster Become a Man-Made Tragedy». Huffington Post.
- ↑ Jenkins, Diana (2010 թ․ հունվարի 25). «Among the Building Blocks in Haiti: Tetanus Shots and Prosthetics». Huffington Post.
- ↑ Jenkins, Diana (2010 թ․ մարտի 1). «U.S. Should Go Slow on Haiti Troop Withdrawal». Huffington Post.
- ↑ «Serbia is trying to distract us from the real war criminals». The Daily Telegraph. London. 2010 թ․ մարտի 18.
- ↑ Cadwalladr, Carole. "Diana Jenkins: Accidental Philanthropist", The Observer, 27 September 2009. Retrieved 2011-02-22.
- ↑ «Best way to get rich quick? Get divorced: How ex-wives to the super-wealthy have made their way into the rich list». Daily Mail. London.
Արտաքին հղումներ
[խմբագրել | խմբագրել կոդը]- Solway, Diane. "Second Life: Diana Jenkins". W. July 2010.
|
