Բոնո

Վիքիպեդիայից՝ ազատ հանրագիտարանից
Jump to navigation Jump to search
Բոնո
Bono U2 360 Tour 2011.jpg
Բնօրինակ անունանգլ.՝ Paul David Hewson
Ի ծնե անունանգլ.՝ Paul David Hewson
Ծնվել էմայիսի 10, 1960(1960-05-10)[1][2][2][3][4] (59 տարեկան)
Դուբլին, Իռլանդիա[5]
ԵրկիրFlag of Ireland.svg Իռլանդիա
Ժանրերալտերնատիվ ռոք
Մասնագիտությունհեղինակ-կատարող, ձեռնարկատեր, սցենարիստ, դերասան, պրոդյուսեր և կիթառահար
Երգչաձայնտենոր
Գործիքներկիթառ
ԼեյբլIsland Records
ԱնդամակցությունU2 և Արվեստների և գիտությունների ամերիկյան ակադեմիա
ԱմուսինAli Hewson?
ՊարգևներՊատվո լեգեոնի շքանշանի ասպետ, Արվեստների և գրականության շքանշանի կոմանդոր, Բրիտանական կայսրութւան շքանշանի ասպետ-կոմանդոր, MusiCares Person of the Year?, Ֆիլադելֆիայի ազատության մեդալ, TED Prize?, NAACP Image Award - նախագահի մրցանակ, Գրեմմի, Կեյոյի համալսարանի պատվավոր դոկտոր, Ամերիկայի արվեստների և գիտությունների ակադեմիայի անդամ և Officer of the Order of Liberty?
Կայքu2.com
Ստորագրություն
Ստորագրություն
Bono (vocalist) Վիքիպահեստում

Բոնո (լատ.՝ Bono, իսկական անունը` Փոլ Դևիդ Հյուսոն, անգլ.՝ Paul David Hewson, մայիսի 10, 1960(1960-05-10)[1][2][2][3][4], Դուբլին, Իռլանդիա[5]), իռլանդացի ռոք երաժիշտ, U2 խմբի վոկալիստը, որում նա երբեմն նաև ռիթմ-կիթառի և շրթհարմոնի մասեր է կատարում։ Բացի երաժշտական գործունեությունից` Բոնոն հայտնի է իր հումանիտար ակտիվությամբ Աֆրիկայում և իր ջանքերով` ուղղված երրորդ աշխարհի աղքատ երկրների հարկ մուծելու չեղարկմանը։ Ասպետի կոչում է ստացել Եղիսաբեթ Երկրորդ թագուհու կողմից 2007 թվականին[6]:

Կենսագրություն[խմբագրել | խմբագրել կոդը]

Փոլ Դևիդ Հյուսոնը ծնվել է 1960 թվականի մայիսի 10-ին դուբլինյան Rotunda Hospital հիվանդանոցում[7]: Նա մեծացել է Գլասնեվինայի Նորդսայդ արվարձանում իր ավագ եղբայր Նորման Ռոբերտ Հյուսոնի, կաթոլիկ հոր` Բրենդան Ռոբերտ Հյուսոնի և մոր` Այրիս Հյուսոնի հետ, ով անգլիական եկեղեցու հետևորդ էր[8][9]: Ծնողները նախապես որոշել էին, որ նրանց առաջնեկը կլինի անգլիական եկեղեցու հետևորդ, իսկ երկրորդ երեխան` կաթոլիկ[10]: Չնայած Փոլը երկրորդ երեխան էր` նա նույնպես նվիրվեց Իռլանդիայի եկեղեցուն իր մոր և եղբոր հետ միասին[10]:

Նա ընդունվեց Գլասնևինի տեղական դպրոցը[11]: 1974 թվականի սեպտեմբերի 10-ին, երբ Փոլը 14 տարեկան էր, նրա մայրը մահացավ ուղեղի անևրիզմայից իր հոր թաղման ժամանակ[9]: Այս իրադարձությունը Բոնոյի վրա մեծ ազդեցություն թողեց, և U2 խմբի բազմաթիվ երգեր` այդ թվում «I Will Follow», «Mofo», «Out of Control», «Lemon» և «Tomorrow» երգերը նվիրված են իր մոր հիշատակին[9][12][13]:

Ավելի ուշ Փոլը ընդունվեց Կլոնտարֆի միակ միջին դպրոց` Mount Temple Comprehensive School: Պատանության տարիքում Փոլը «Lypton Village» խմբի կազմում էր։ Այնտեղ նա ծանոթացավ իր ապագա ամենամոտ ընկերոջ` Դերեկ Ռոունի հետ, իսկ ավելի ուշ խմբի մյուս անդամների հետ հիմնադրեց արտ-գոթիկ-ռոք խումբ Virgin Prunes-ը։ Փոլն ուներ մի քանի մականուն. սկզբում նրան անվանում էին «Steinvic von Huyseman», այնուհետև այն կրճատվեց մինչև «Huyseman», հետո` «Houseman», «Bon Murray», «Bono Vox of O’Connell Street» և վերջապես պարզապես «Bono»[9]:

«Bono Vox»-ը լատիներեն Bonavox արտահայտության այլընտրանքային տարբերակն է և թարգմանվում է որպես «լավ ձայն»: Bono vox մականունը տվել է Գևին Ֆրայդին։ Սկզբում Փոլին դուր չէր գալիս այդ մականունը։ Սակայն երբ նա պարզեց, թե դա ինչ է նշանակում, ընդունեց այն։ Փոլ Հյուսոնը հայտնի դարձավ որպես Բոնո 1970-ականների վերջից։

1977 թվականին Դուբլինում Բոնոն (վոկալ), Դևիդ Էջ Էվանսը (կիթառ), Ադամ Քլեյթոնը (բաս), Լորենս Մալենը (հարվածային գործիքներ), ովքեր բոլորը նույն դպրոցի աշակերտներ էին, հիմնեցին U2 խումբը։ Նրանց առաջին ալբոմները` Boy, October և War` «Sunday Bloody Sunday» սինգլով, մեծ հաջողություն ունեցան, և հետագայում այն ավելի մեծացավ։

2007 թվականի ապրիլի 7-ին Բոնոն ասպետի կոչում ստացավ։

Հասարակական գործունեություն[խմբագրել | խմբագրել կոդը]

Բոնոն և Բրազիլիայի նախագահ Լուիս դա Սիլվան
Բոնոն և Դմիտրի Մեդվեդևը

Բոնոն ակտիվորեն զբաղվում է հասարակական և բարեգործական գործունեությամբ։ Հատկապես մեծ ուշադրություն է դարձնում ՁԻԱՀ-ի դեմ պայքարին և Աֆրիկայի աղքատ երկրների աջակցությանը` մասնավորապես այդ երկրների ներքին պարտքի մարմանը և ազատ առևտրի զարգացմանը[14]: 2002 թվականին նա հիմնադրեց DATA ընկերությունը, որի հապավումը բացվում է որպես «Debt AIDS Trade Africa» (անգլ.՝ Հարկ, ՁԻԱՀ, առևտուր, Աֆրիկա)[15]: 2005 թվականին Բոնոն դարձավ տարվա մարդկանցից մեկը` ըստ Time Report ամսագրի։ 2006 թվականին Բոնոն ներառվել է Խաղաղության նոբելյան մրցանակի թեկնածուների ցանկում[16]:

Բոնոն բազմիցս հանդիպել է տարբեր պետությունների առաջնորդների հետ` այդ թվում Բրազիլիայի նախագահ Լուիս դա Սիլվայի, ԱՄՆ-ի նախագահ Ջորջ Բուշ Կրտսերի, Ֆրանսիայի նախագահ Նիկոլա Սարկոզիի, ՌԴ նախագահ Դմիտրի Մեդվեդևի[17] և այլոց հետ։

Երբեմն կարող ենք հանդիպել նաև Բոնոյի հեգնական կերպարին։ Դրանք ներառված են Հարավային այգի և Սիմփսոններ մուլտսերիալներում։

Բոնոն նաև մասնակցում է TED համաժողովների ստացել է TED մրցանակ, իսկ 2007 թվականի հունիսին Տանզանիայում կազմակերպել TED համաժողով` ուղղված Աֆրիկայի երկրների օգնությանը[18]:

Ծանոթագրություններ[խմբագրել | խմբագրել կոդը]

  1. 1,0 1,1 SNAC — 2010.
  2. 2,0 2,1 2,2 2,3 Internet Broadway Database — 2000.
  3. 3,0 3,1 Encyclopædia Britannica
  4. 4,0 4,1 filmportal.de — 2005.
  5. 5,0 5,1 5,2 German National Library, Berlin State Library, Bavarian State Library et al. Record #118906321 // Gemeinsame Normdatei — 2012—2016.
  6. deepsavana.com
  7. Wall Mick (2006)։ Bono: In the Name of Love։ Andre Deutsch Ltd։ էջ 17։ ISBN 978-0233001777։ Վերցված է 24 January 2010 
  8. «U2 Biography—Bono»։ Macphisto.net։ 2006։ Արխիվացված է օրիգինալից 2012-02-18-ին։ Վերցված է 3 May 2007 
  9. 9,0 9,1 9,2 9,3 Assayas Michka (2005)։ Bono on Bono: Conversations with Michka Assayas։ London: Hodder & Stoughton։ ISBN 0-340-83276-2 
  10. 10,0 10,1 Dunphy Eamon (1987)։ Unforgettable Fire: The Definitive Biography of U2։ New York: Warner Books 
  11. Matthews (2008), էջ 8
  12. McCormick Neil (1 January 1997)։ «Growing Up With U2»։ The Daily Telegraph 
  13. Schruers Fred (May 1983)։ «U2: Small Victories in a Rock and Roll Struggle of Sound and Emotion Report»։ Musician Magazine 
  14. CNN.com — Gates, Bono, unveil 'DATA Agenda' for Africa — February 3, 2002
  15. International Development — Bono’s DATA, Rocking the Development World
  16. Bono, Geldof Among Nobel Peace Prize Nominees
  17. Медведев и Боно обсудили хот-доги — СОЧИ-24
  18. TED համաժողովի կայքը

Արտաքին հղումներ[խմբագրել | խմբագրել կոդը]