Շաքիի դրամատիկական թատրոն
 Sabit Rəhman adına Şəki Dövlət Dram Teatrın | |
|---|---|
 Թատրոնի շենքը 2015 թվականին | |
| Տեսակ | շենք |
| թատրոնի տնօրեն | Հիկմետ Նաբիլի |
| Երկիր | Ադրբեջան |
| Գտնվելու վայրը | Շաքի Ադրբեջան |
| Հիմնադրման ամսաթիվ | 1975 |
| Գլխավոր ռեժիսոր | Միրբալա Սալիմլի |
Շաքիի Սաբիտ Ռախմանի անվան պետական դրամատիկական թատրոն (ադրբ.՝ Sabit Rəhman adına Şəki Dövlət Dram Teatrın), Ադրբեջանի Շաքի քաղաքում գործող թատրոն։
Պատմություն
[խմբագրել | խմբագրել կոդը]Թատրոնի հիմնում Շաքիում
[խմբագրել | խմբագրել կոդը]19-րդ դարի 70-ական թվականներին տեղի մտավորակությունը բարեգործական նպատակներով ներկայացումներ է կազմակերպում` ըստ Միրզա Ֆաթալի Ախունդովի, Աջաֆ բեկ Վեզիրովի, Աբդուրահիմ բեկ Ահվերդիևի, Նարիման Նարիմանովի, Ռաշիդ բեկ Էֆենդիև, Նամիկ Քեմալի ստեղծագործությունների մոտիվների[1]։ Հոկտեմբերյան հեղափոխությունից հետո Շաքիում ստեղծվել են թատերական խմբակներ։ ԽՍՀՄ ժողովրդական արտիստներ Իսմայիլ Օսման օղլին, Իսմայիլ Դաղեստանլին սկսել են իրենց բեմական գործունեությունն այդ խմբակներում[1]։ 1933-1950 թվականներին Շաքիում ընդհատումներով գործել է Պետական դրամատիկական թատրոն[1], որը կրել է Միրզա Ալեքպեր Սաբիրի անունը[2]։ Երկրորդ համաշխարհային պատերազմի տարիներին, ֆինանսական խնդիրների և աղքատության պատճառով թատրոնը որոշ ժամանակով փակվել է[2]։ 1959-1975 թվականներին քաղաքում գործել է Ժողովրդական թատրոն[1]։
Դրամատիկական թատրոնի պատմություն
[խմբագրել | խմբագրել կոդը]
1975 թվականին հիմնադրվել է Շաքիի դրամատիկական թատրոնը։ 1976 թվականին, Ի. Ջոշկունի «Կոմսոմոլյան բանաստեղծություններ» ներկայացմամբ կայացել է թատրոնի բացումը[1]։ Իր գոյության պատմության ընթացքում թատրոնը բեմադրել է «Այդին» (1977), «Մարդու կյանքը» (1977), «Մարդը մարդուն», «Ձեզ համար եմ գալիս» (1977, 1982), «Ստորագրություններում» (1978), «Եզովպոս» (1979), «Թանկագին տղա» (1979), «Պատմություն արջի` հանցագործներին հաղթողի մասին» (1980), «Յուրաքանչյուրն իր աստղն ունի» (1981), «Մետեորիտ» (1981), «Անանուն աստղ» (1982), «Ռոմեո և Ջուլիետ» (1983) և այլ ներկայացումներ[1]։ «Վարպետներ» (1978, Ս. Ստոյանով), «Վագր և բորենի» (1979, Շանդոր Պետյոֆի), «Արթուր Ուինի կարիերան» (1981, Բերտոլդ Բրեխտ) ներկայացումների համար Շաքիի դրամատիկական թատրոնն արժանացել է Բուլղարիաում, Հունգարիայում և ԳԴՀում անցկացվող ԽՍՀՄ թատրոնների փառատոնների դիպլոմների։ 1984 թվականին թատրոնը ելույթներ է ունեցել Մոսկվայում[1]։ 1986 թվականին թատերախմբում խաղացել են Ռ. Յունուսովը, Ի. Ալիևը, Ա. Ամիբալաևը, Ֆարման Աբդուլաևը, Ա. Ռահիմովը, Ն. Ջաֆարովը, Ս. Սամեդովան, Խանլար Հաշիմզադեն, Շ. Բաբաևան, Մ Ամիրովան և այլն[1]։ Մինչև 1985 թվականը թատրոնի գլխավոր ռեժիսորն էր Հուսեյնահ Ատակիշիևը։ 1985 թվականին թատրոնի ռեժիսորն է դարձել Ջահանգիր Նովրուզովը[1]։ Թատրոնը ելույթներ է ունեցել Բեռլինում, Սոֆիայում, Բուխարեստում, Բուդապեշտում, Պրահայում[2]։ 1990-ական թվականներին թատրոնը ֆինանսական դժվարություններ է ունեցել[2]։ 2012 թվականին թատրոնը Մոլիերի «Ժորժ Դանդեն» ներկայացմամբ մասնակցել է Թուրքիայի Կոնիա քաղաքում կայացած Թուրքալեզու ժողովուրդների թատերական փառատոնին և արժանացել է երկու հատուկ մրցանակի։ Յուրաքանչյուր տարի թատրոնը հյուրախաղերով է հանդես գալիս Բաքվում[2]։
Թատրոնի շենք
[խմբագրել | խմբագրել կոդը]Թատրոնի ներկայիս շենքն սկսել է գործել 1973 թվականին որպես Մետաքսագործների մշակույթի պալատ։ 1975 թվականին այն փոխանցվել է թատերախմբին։ Երկար ժամանակ թատրոնի շենքում հիմնանորոգում չէր իրականացվում։ 2011 թվականի սեպտեմբերին Ադրբեջանի նախագահ Իլհամ Ալիևը Շաքիի զարգացման հրաման է ստորագրել, որից հետո 2012 թվականին սկսվել է թատրոնի երեքհարկանի շենքի հիմնանորոգումը[3]։ Վերանորոգումից հետո հանդիսասրահը տեղավորում է 299 հանդիսական։ Ներկայացման ժամանակ դեկորացիաների արագ փոփոխման համար տեղադրվել է շարժական բեմ, իսկ շենքի մակերեսը ընդարձակվել է` 4000 քմ-ից դառնալով 5000 քմ։ Մինչև վերանորոգումը թատրոնի շենքում կային 78 ծառայողական վայրեր, իսկ այժմ դրանց թիվը հասել է 86-ի։ Շենքում կա փորձերի համար նախատեսված փոքր բեմ և դիմահարդարման սենյակներ։ Թատրոնի բակում ևս բարեկարգման աշխատանքներ են տարվել։ 2013 թվականին վերանորոգված շենքի պայմաններին է ծանոթացել Ադրբեջանի նախագահ Իլհամ Ալիևը[3]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 1,8 Шәки драм театры / Под ред. Дж. Кулиева. — Азербайджанская советская энциклопедия: Главная редакция Азербайджанской советской энциклопедии, 1987. — Т. X. — С. 500-501.
- ↑ 2,0 2,1 2,2 2,3 2,4 Xəyalə Rəis. Интервью с директором театра Хикметом Набили. Teatr təmirdədir deyə qapımı bağlayıb evimdə oturmamışam(ադրբ.) // Каспий : газета. — 30 марта 2013. Архивировано из первоисточника 27 Հունիսի 2015.
- ↑ 3,0 3,1 Ильхам Алиев ознакомился с ходом капитального ремонта и реконструкции здания Шекинского государственного драматического театра имени Сабита Рахмана // Официальный интернет сайт Президента Азербайджанской Республики. — 14 августа 2013.