Մարգարետ Օլլի
Մարգարետ Օլլի անգլ.՝ Margaret Hannah Olley | |
---|---|
Ծնվել է | հունիսի 24, 1923[1][2][3] |
Ծննդավայր | Լիսմոր |
Վախճանվել է | հուլիսի 26, 2011[4][5][2] (88 տարեկան) |
Մահվան վայր | Paddington, Municipality of Woollahra |
Քաղաքացիություն | Ավստրալիա |
Կրթություն | National Art School? և Somerville House? |
Մասնագիտություն | նկարչուհի և արվեստագետ |
Թեմաներ | գեղանկարչություն |
Պարգևներ | |
Անդամակցություն | Ավստրալիայի հումանիտար գիտությունների ակադեմիա[9] |
Margaret Olley Վիքիպահեստում |
Մարգարետ Հաննա Օլլի (անգլ.՝ Margaret Gay, հունիսի 24, 1923[1][2][3], Լիսմոր - հուլիսի 26, 2011[4][5][2], Paddington, Municipality of Woollahra), ավստրալիացի նկարիչ։ Ավստրալիայի շքանշանի ասպետ։
Կենսագրություն[խմբագրել | խմբագրել կոդը]
Մարգարետ Օլլին ծնվել է 1923 թվականի հունիսի 24-ին, Նոր Հարավային Ուելս նահանգի Լիսմոր քաղաքում, Ջոզեֆ Օլլինի (Joseph Olley) և Գրեյսի (Grace, ծննդյամբ` Temperley) ընտանիքում։ Նա երեք երեխաներից մեծն էր։ Օլլիների ընտանիքը 1925 թվականին տեղափոխվել է Քվինսլենդի հյուսիսում գտնվող Տուլլի քաղաք, որտեղ նրանք հիմնել են շաքարեղեգի պլանտացիա։ 1929 թվականին աղջիկը մնացել է Թաունսվիլի St Anne գիշերօթիկ դպրոցում, իսկ 1931 թվականին կրկին վերադարձել է Նոր Հարավային Ուելս։ Այնուհետև, 1935 թվականին ընտանիքը ժամանակավորապես տեղափոխվել է Բրիսբեն, որտեղ Մարգարետը սովորել է Somerville House աղջիկների գիշերօթիկ հաստատությունում։ Նա այնքան կենտրոնացած է եղել արվեստի վրա, որ բաց է թողել ֆրանսերենի մեկ դաս՝ նկարիչ-մանկավարժ Քերոլայն Բարքերի արվեստի դասին կրկին մասնակցելու համար[10]։
1941 թվականին Մարգարետը սովորել է Բրիսբենի Կենտրոնական տեխնիկական քոլեջում, իսկ 1943 թվականին տեղափոխվել է Սիդնեյ՝ արվեստի գծով ուսումը շարունակելու Արևելքի Սիդնեյի տեխնիկական քոլեջում (այժմ՝ Արվեստի ազգային դպրոց), որն ավարտել է 1945 թվականին գերազանցությամբ և սկսել է իր մասնագիտական գործունեությունը։ Սիդնեյում նա ընկերացել է այնպիսի նկարիչների հետ, ինչպիսիք են Ռասսել Դրայսդեյլը, Սիդնեյ Նոլանը և Ուիլյամ Դոբելը։ 1949 թվականին Օլլին մեկնել է Եվրոպա, այնուհետև այցելելել Միացյալ Նահանգներ, Պապուա Նոր Գվինեա, Հնդկաստան, Թուրքիա և Կամբոջա։ Եվրոպայում առաջին անգամ գտնվելու ընթացքում նա սովորել է Փարիզի Գրանդ Շոմեր ակադեմիայում և մնացել է Փարիզում մինչև 1953 թվականը։ Այդ տարի մահացել է նրա հայրը, և նա վերադարձել է Բրիսբեն` մոր հետ ապրելու համար։
1965 թվականին Մարգարետ Օլլին Պադդինգտոնում գնել է սանդղավանդ ունեցող մի տուն, որտեղ ապրել և աշխատել է մինչև իր կյանքի վերջը։ 1970-ականների սկսած նա հարաբերություններ է հաստատել արվեստի դիլերների և թատրոնի ռեժիսոր Սեմ Հյուզի (Sam Hughes) հետ[11], որին նա նկարագրել է որպես իր կյանքի սերը։ 1980 թվականին մոր տունը հրդեհվել է՝ ոչնչացնելով Օլլիի շատ գործեր, շուտով մահացել է մայրը, իսկ 1982 թվականին Սեմ Հյուզը։ Օգտագործելով իր անունն ու հեղինակությունը` Մարգարետ Օլլին նվիրվել է բարեգործությանը՝ 1990 թվականին հիմնելով իր անունով Art Margaret Hannah Olley Art Trust հիմնադրամը, որը հիմնականում աջակցում է տարածաշրջանային պատկերասրահներին։ 2006 թվականի հուլիսի 13-ին նկարիչը հիանալի նվեր է արել Նոր Հարավային Ուելսի պատկերասրահին։ Նրա նվիրատվության մեջ ներառված էր ավելի քան 130 աշխատանք՝ մոտ 7 միլիոն դոլար արժողությամբ[12]։ Նվիրաբերված նկարների շարքում են Պաբլո Պիկասոյի, Պոլ Սեզանի և Պիեռ Բոնարի գործերը։ 1997 թվականին նա նշանակվում է հիմնադրամի ցմահ կառավարիչ։
Մարգարետ Օլլին մահացել է 2011 թվականի հուլիսի 26-ին, Նոր Հարավային Ուելսի Պադդինգտոն քաղաքում[13]։ Թաղման վայրն անհայտ է[14]։ Մարգարետ Օլին երբեք ամուսնացած չի եղել և երեխաներ չի ունեցել։ 2014 թվականի հուլիսին Պադդինգտոնում գտնվող նրա տունը վաճառվել է երեք միլիոն դոլարով[15]։
Ստեղծագործություն և ժառանգություն[խմբագրել | խմբագրել կոդը]
Նկարչի աշխատանքները կենտրոնացած էին նատյուրմորտի վրա[16]։ Նրա աշխատանքները դարձել են ավելի քան իննսուն անհատական ցուցահանդեսների առարկա։ 1997 թվականին Նոր Հարավային Ուելսի արվեստի պատկերասրահը կազմակերպել է նրա ստեղծագործությունների խոշոր հետահայաց ցուցադրություն։ Նկարչի 27 կտավները, որոնք նա նկարել է իր մահվանից առաջ, ցուցադրվում են Sotheby's Australia-ում Woollahra քաղաքում` «The Inner Sanctum of Margaret Olley» խորագրով ցուցահանդեսում, որը կայացել է 2012 թվականի մարտի 2-ին։ Իր աշխատանքների վերջին ավարտական շտկումները նա կատարել է մահից մեկ օր առաջ։
1947 թվականին Մարգարետ Օլիին առաջին անգամ արժանացել է Mosman Art Prize-ի՝ New England Landscape-ի աշխատանքի համար։ Այնուհետև նա երկու անգամ արժանացել է Archibald Prize մրցանակի, առաջին անգամ` 1948 թվականին Ուիլյամ Դոբելի հետ[17], երկրորդ անգամ՝ 2011 թվականին՝ Բեն Կվիլտի հետ[18]։
Ինքը՝ Մարգարետ Օլլին, դարձել է նկարիչ-ընկերներից շատերի կտավների առարկա, այդ թվում՝ Ռասսել Դրիսդեյլի և Դանիել Բերգստրեմի։ Նա պարգևատրվել է Ավստրալիայի մրցանակներով, մասնավորապես՝ դարձել է Ավստրալիայի շքանշանի ասպետ (1991) և Ավստրալիայի շքանշանի կոմպանիոն (2006)։ 2006 թվականին նրան շնորհվել է կերպարվեստի պատվավոր դոկտորի աստիճան` Նյուքասլի համալսարանի կողմից[19]։ 1997 թվականին նա ստացել է Ավստրալիայի ազգային գանձի (Australian National Treasure) կարգավիճակ։
Կետրին Հանթերի «Margaret Olley - A Life in Paint» վավերագրական ֆիլմը պատմում է Մարգարետ Օլլիի վերջին ստեղծագործությունների մասին, որը նկարվել է նրա կյանքի վերջին 18 ամիսների ընթացքում[20]։
Ծանոթագրություններ[խմբագրել | խմբագրել կոդը]
- ↑ 1,0 1,1 RKDartists (նիդերլ.)
- ↑ 2,0 2,1 2,2 2,3 2,4 Bell P. Olley, Margaret // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T097838
- ↑ 3,0 3,1 Delarge J. Le Delarge (ֆր.) — Paris: Gründ, Jean-Pierre Delarge, 2001. — ISBN 978-2-7000-3055-6
- ↑ 4,0 4,1 4,2 http://www.smh.com.au/entertainment/art-and-design/artist-margaret-olley-dead-20110726-1hxxr.html
- ↑ 5,0 5,1 5,2 Margaret Hannah Olley (նիդերլ.)
- ↑ https://honours.pmc.gov.au/honours/awards/1127243
- ↑ Australian Honours Search Facility
- ↑ Australian Honours Search Facility
- ↑ http://humanities.org.au/wp-content/uploads/2017/04/AAH-Obit-Olley-2011.pdf
- ↑ Cooke, Glenn R. (2007). «Barker, Caroline (1894–1988)». Australian Dictionary of Biography. Արխիվացված է օրիգինալից 2018 թ․ մարտի 11-ին. Վերցված է 2018 թ․ մարտի 11-ին.
- ↑ A colourful life, celebrated frame by frame
- ↑ Kruger, P. 13 July 2006. Margaret Olley donates important collection to Art Gallery of NSW Արխիվացված 18 Հուլիս 2006 Wayback Machine, ABC News
- ↑ Margaret Olley obituary
- ↑ Margaret Olley
- ↑ «48 Duxford Street, Paddington NSW, Australia - Property Sold Prices». house.ksou.cn. Արխիվացված է օրիգինալից 2018 թ․ օգոստոսի 10-ին. Վերցված է 2018 թ․ օգոստոսի 10-ին.
- ↑ Barrett, Rosanne (2009 թ․ ապրիլի 24). «Australian Artist Margaret Olley Talks About Giving Back». Wall Street Journal Asia. Վերցված է 2014 թ․ հուլիսի 14-ին.
- ↑ Dobell, William (1948). «Margaret Olley». AGNSW collection record. Art Gallery of New South Wales. Արխիվացված է օրիգինալից 2016 թ․ հունիսի 3-ին. Վերցված է 2016 թ․ մայիսի 10-ին.
- ↑ «Archibald Prize». AGNSW prize record. Art Gallery of New South Wales. 2011. Արխիվացված է օրիգինալից 2016 թ․ մայիսի 6-ին. Վերցված է 2016 թ․ մայիսի 10-ին.
- ↑ 2006. Honorary degrees Արխիվացված 8 Նոյեմբեր 2011 Wayback Machine, The University of Newcastle, Australia
- ↑ «Margaret Olley: A Life In Paint». ABC TV. 2012 թ․ հուլիսի 22.
Գրականություն[խմբագրել | խմբագրել կոդը]
- Meg Stewart. Olley. Far from a Still Life. Random House Australia, 2012, ISBN 1-74275-585-2, 625 S.
- Meg Stewart, Kezia Geddes. Margaret Olley. Interiors and Still Lifes. Lismore Regional Gallery, 2006, ISBN 0-95793-123-9, 76 S.
Արտաքին հղումներ[խմբագրել | խմբագրել կոդը]
- Margaret Hannah Olley (1923-2011)
- Biography : Margaret Olley
- Home is where your story begins…(չաշխատող հղում)
Վիքիպահեստն ունի նյութեր, որոնք վերաբերում են «Մարգարետ Օլլի» հոդվածին։ |
|