Մադհուբալա

Մադհուբալա; փուշթու՝ مدهوبالا
Ծնվել է	փետրվարի 14, 1933
Ծննդավայր	Նյու Դելի, Հնդկաստան
Մահացել է	փետրվարի 23, 1969 (36 տարեկան)
Մահվան վայր	Մումբայ, Հնդկաստան
Քաղաքացիություն	Բրիտանական Հնդկաստան և Հնդկաստան
Կրոն	իսլամ
Մասնագիտություն	կինոդերասանուհի
Ամուսին(ներ)	Կիշոր Կումար

Մադհուբալա (ուրդու` مدهو بالا, հինդի` मधुबाला, իրական անունը՝ Մումթազ Ջեհան Դեհլավի, փետրվարի 14, 1933(1933-02-14)^[2], Նյու Դելի, Հնդկաստան - փետրվարի 23, 1969(1969-02-23)^[2], Մումբայ, Հնդկաստան), հնդկական կինոյի դերասանուհի։ Իր ժամանակակիցների՝ Նարգիսի և Մինա Կումարիի հետ միասին, Մադհուբալան Բոլիվուդի ամենաազդեցիկ դերասանուհիներից մեկն էր։ Նա նկարահանվել է հնդկական կինոյի դասական ֆիլմերում։ Նրան հաճախ անվանում էին «բոլիվուդյան Մերիլին Մոնրո»։

Կենսագրություն

Մադհուբալան ծնվել է աֆղանական փուշթուների ավանդական ընտանիքում, որտեղ նա 11 երեխաներից հինգերորդն էր։ Հայրն աշխատում էր Փեշավարում գտնվող Imperial Tobacco կազմակերպությունում։ Կորցնելով աշխատանքը, նա ընտանիքի հետ տեղափոխվել է Դելի, իսկ հետագայում՝ Բոմբեյ։ Մադհուբալայի երեք քույրերը և երկու եղբայրները մահացել են հինգից վեց տարեկանում։ 1944 թվականին «Ֆորտ Ստայկին» շոգենավի պայթյունի հետևանքով այրվել էր նաև նրանց տունը, ընտանիքը փրկվել էր տանը չլինելու պատճառով։

9 տարեկանից Մադհուբալան արդեն նկարահանվում էր կինոյում։ 1942 թվականին նկարահանված «Գարուն» կինոնկարից հետո նա սկսեց հանդես գալ Մադհուբալա բեմական անունով, որը թարգմանաբար նշանակում էր մաքուր մեղր։ 14 տարեկանում նա նկարահանվել է Ռաջ Կապուրի «Neel Kamal» (1947 թ.) կինոնկարում։ Մադհուբալան աշխատել է իր ժամանակի ամենահայտնի դերասանների հետ միասին՝ Աշոկ Կումար, Ռաջ Կապուր, Ռեհման, Շամմի Կապուր, Դիլիպ Կումար, Սունիլ Դատ, Դև Անանդ և այլք։ Նրա ամենահաջողված ֆիլմերից են «Սրտի թագուհին» (1947 թ.), «Հավերժ սեր» (1948 թ.), «Առանձնատունը» (1949 թ.), «Անսիրտը» (1952 թ.), «Միսթր և միսիս 55» (1955 թ.), «Սև ջրեր» (1958 թ.), «Նա, ով կառավարում է մեքենան» (1958 թ.), «Մեծ Մողոլը» (1960 թ.) և այլ կինոնկարներ։ Դերասանուհու վերջին ֆիլմը «Jwala» կինոնկարն էր, որը թողարկվել է նրա մահից հետո՝ 1971 թվականին։

Անձնական կյանքը

1944 թվականին, երբ Մադհուբալան 18 տարեկան էր, նկարահանումների ժամանակ ծանոթացել էր 29-ամյա Դիլիպ Կումարի հետ։ Նրանց հարաբերություններին վերջակետ դրեց Մադհուբալայի հոր դատական հայցը, որով վերջինս պահանջում էր, որպեսզի Դիլիպ Կումարն ամուսնանա իր դստեր հետ։ Սակայն դատաքննությունն ավարտվեց հօգուտ Դիլիպ Կումարի։

1950 թվականին Մադհուբալայի սրտում բժիշկները հայտնաբերեցին բացվածք։ Սակայն որպեսզի նա շարունակեր նկարահանվել և նյութապես կարողանար օգնել ընտանիքին, այդ փաստը գաղտնի պահվեց։ 1960 թվականին Լոնդոնում բժիշկները հրաժարվեցին նրան վիրահատել, քանի որ սիրտն արդեն վատ վիճակում էր։ Բժիշկների կանխատեսումները, թե Մադհուբալան կապրի ընդամենը մեկ տարի, չիրականացան։ Նա ապրեց ևս 9 տարի։

1960 թվականին Մադհուբալան ամուսնացել է երգիչ և դերասան Կիշոր Կումարի հետ, ով այն ժամանակ արդեն ամուսնալուծված էր։ Քանի որ Կիշոր Կումարը հինդուս էր, իսկ Մադհուբալան մուսուլմանուհի, Կիշոր Կումարի հարազատները չէին ցանկանում ընդունել հարսնացուին։ Ցանկանալով մեղմել հարազատների վրդովմունքը, նրանք իրենց ամուսնությունը նշեցին հինդուիստական ծիսակատարությամբ։ Այնուամենայնիվ նրանց տանը տիրում էր լարված մթնոլորտ։

Մադհուբալան մահացել է 1969 թվականի փետրվարի 23-ին, 36 տարեկանում ` սրտի ծանր հիվանդությունից։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1944	Մումթազ Մահալ	Mumtaz Mahal	-
1947	Սրտի թագուհին	Dil-Ki-Rani (Sweet-Heart)	Ռաջ Կումարի Սինգհ
1947	Հաղթանակ Չիտորում	Chittor Vijay	-
1948	Հավերժ սեր	Amar Prem	-
1949	Առանձնատունը	Mahal	Կամինի
1949	Բարին ու չարը	Neki Aur Badi	-
1950	Մադհուբալա	Madhubala	-
1951	Տարանա	Tarana	Տարանա
1952	Անսիրտը	Sangdil	Կամալ
1954	Ամար	Amar	Անջու
1955	Միսթր և միսիս 55	Mr. & Mrs. '55	Անիտա Վերմա
1957	Հրեայի դուստրը	Yahudi Ki Ladki	-
1957	Դիմակը	Ek-Saal	Ուշա Սինհա
1958	Նա, ով կառավարում է մեքենան	Chalti Ka Naam Gaadi	Ռենու
1958	Հովրահի կամուրջը	Howrah Bridge	Էդնա
1958	Սև ջրեր	Kalapani	Աշա
1959	Ժողովուրդն արթնանում է	Insan Jaag Utha	Գաուրի
1959	Երկու տեր	Do Ustad	Մադհու Շարմա
1960	Մեծ Մողոլը	Mughal-E-Azam	Անարկալի
1961	Անձնագիր	Passport	Ռիտա Բհագվանդաս
1961	Մտերիմը	Boy Friend	Սանգիտա
1962	Արտոնյալ տոմս	Half Ticket	Ռաջնիդևի, Աշա

Ծանոթագրություններ

↑ ^1,0 ^1,1 https://www.dawn.com/news/1157403
↑ ^2,0 ^2,1 ^2,2 ^2,3 ^2,4 Bauer P. Encyclopædia Britannica

Աղբյուրներ

Մադհուբալա (անգլ.) Internet Movie Database կայքում
मोहिन्दर कुमार. हुस्न की मल्लिका «मधुबाला»: Հնդկական պոետ Մոհինդերա Կումարայի կողմից գրված Մադհուբալայի և իր կարիերայի մասին հոդվածը
Shialendraumar Lal. भारत की मर्लिन मुनरो 'मधुबाला(չաշխատող հղում) / ««Հնդկական Մերլին Մոնրո» Մադհուբալա»։ «Nayaindia», Նոր Դելի, 2012 թվականի փետրվարի 19-ին
'काश मधुबाला को लंबी उम्र मिली होती': Մադհուբալայի քրոջ հարցազրույցը նրա մասին «BBC»: Շաբաթ, 2008 թվականի նոյեմբերի 1-ին։
'मधुबाला ने मात्र एक रूपया लेकर फिल्म का अनुबंध किया था' / «Мадхубала заключила контракт на фильм в одну рупию». «Deshbandhu», 29, Oct, 2012, Monday.
«It’s In Bad Taste»: Outlookindia.com. Magazine, Jul 10, 1996.
Фильмография Мадхубалы на Կինոորունումում։

Վիքիպահեստն ունի նյութեր, որոնք վերաբերում են «Մադհուբալա» հոդվածին։

[_58ae873ed7dc87b3-1] 1,0 ^1,1 https://www.dawn.com/news/1157403

[_d158cf8c77bd2502-2] 2,0 ^2,1 ^2,2 ^2,3 ^2,4 Bauer P. Encyclopædia Britannica

[1]

[2]