Մինա Կումարի

Մինա Կումարի անգլ.՝ Meena Kumari
Ծնվել է	օգոստոսի 1, 1933(1933-08-01)
Ծննդավայր	Dadar, Մումբայ, Բրիտանական Հնդկաստան, Բրիտանական կայսրություն
Մահացել է	մարտի 31, 1972(1972-03-31) (38 տարեկան)
Մահվան վայր	Մումբայ, Հնդկաստան
Քաղաքացիություն	Բրիտանական Հնդկաստան և  Հնդկաստան
Կրոն	իսլամ
Մասնագիտություն	դերասանուհի, բանաստեղծուհի, հագուստ ձևագծող և երգչուհի
Ամուսին(ներ)	Kamal Amrohi?
Պարգևներ և մրցանակներ	Filmfare մրցանակ լավագույն կանացի դերի համար և Bengal Film Journalists' Association Awards?

Մինա Կումարի (հինդի` मीना कुमारी, իրական անունը` Մահջաբին Բանո, օգոստոսի 1, 1933(1933-08-01), Dadar, Մումբայ, Բրիտանական Հնդկաստան, Բրիտանական կայսրություն - մարտի 31, 1972(1972-03-31), Մումբայ, Հնդկաստան), հնդիկ դերասանուհի, Filmfare Awards-ի քառակի մրցանակակիր՝ կանացի լավագույն դերի համար։

Կենսագրություն

Մինա Կումարին ծնվել է Բոմբեյում։ Նրա հայրը երաժիշտ էր, իսկ մայրը՝ պարուհի։ Նա ուներ երկու ավագ քույրեր։ Մինա Կումարիին հաճախ անվանում են «ողբերգության թագուհի»` իր դրամատիկական դերերի և նույնքան էլ դրամատիկ կյանքի պատճառով։ 1939-1972 թվականների ընթացքում նա նկարահանվել է մոտ 100 ֆիլմում։ Հիշարժան են նրա դերերը «Բայջու Բավրա» (1952 թ.), «Ամուսնացածը» (1953 թ.), «Երկու բիգհ հող» (1953 թ.), «Ազադ» (1955 թ.), «Աարտի» (1962 թ.), «Ստվերներ» (1965 թ.), «Քար և ծաղիկ» (1966 թ.), «Թշնամին» (1971 թ.), «Կուրտիզանուհին» (1972 թ.) ֆիլմերում։

Անձնական կյանքը

Մինա Կումարին 1952-1964 թվականներին ամուսնացած է եղել սցենարիստ, ռեժիսոր և բանաստեղծ Քամալ Ամրոհիի հետ։ Այնուհետև կարճատև սիրավեպեր է ունեցել ռեժիսոր Գուլզարի և դերասան Դհարմենդրայի հետ։ Կյանքի վերջին տարիներին տրվել է ալկոհոլին՝ ցանկանալով մոռացության տալ իր դժբախտ կյանքը։ Մահացել է 1972 թվականի մարտի 31-ին լյարդի ցիրոզից՝ 39 տարեկանում։

Ֆիլմագրության ընտրանին

Թվական	Անվանում	Բնօրինակ անվանում	Կերպար
1952	Ալադինի կախարդական լամպը	Aladdin Aur Jadui Chirag	Հանուման Պատալ Վիջայ
1952	Բայջու Բավրա	Baiju Bawra	Գաուրի
1953	Ամուսնացածը	Parineeta	Լալիտա
1953	Երկու բիգհ հող	Do Bigha Zamin	Թհակուրանի (տիրուհի)
1953	Արահետ	Foot Path	Մալա
1955	Ազադ	Azaad	Շոբհա
1955	Արդար Ջահանգիրը	Adil-E-Jahangir	-
1957	Միս Մերի	Miss Mary	Միս Մերի, Լակշմի
1957	Շարադա	Sharada	Շարադա Ռամ Շարան
1958	Հրեուհին	Yahudi	Հաննա, Լիդիա
1959	Կինը	Ardhangini	Չհայա
1959	Չորս ճանապարհ	Char Dil Char Raahein	Չավլի
1959	Սեփական երեխան	Chirag Kahan Roshni Kahan	Ռատնա
1962	Աարտի	Aarti	Աարտի Գուպտա
1962	Տերը, տիրուհին և ծառան	Sahib Bibi Aur Ghulam	Չհոտի Բահու
1963	Սրտի տաճարը	Dil Ek Mandir	Սիտա
1964	Բենազիր	Benazir	Բենազիր
1964	Սիրո երգը	Gazal	Նազ Արա Բեգում
1964	Մայրամուտ և արևածագ	Sanjh Aur Savera	Գաուրի
1965	Ստվերներ	Kaajal	Մադհավի
1965	Պուրնիմա	Purnima	Պուրնիմա
1966	Քար և ծաղիկ	Phool Aur Patthar	Շանտի Դևի
1967	Կրտսեր հարսնացուն	Majhli Didi	Հեմա
1970	Պատասխան քայլ	Jawab	Վիդյա
1971	Փնտրում եմ քեզ	Mere Apne	Անանդի Դևի, Աաջի
1971	Թշնամին	Dushmun	Մալտի
1972	Կուրտիզանուհին	Pakeezah	Նարգիս, Սահիբջան
1972	Գոմատիի պարգևը	Gomti Ke Kinare	Գանգա