Գուլզար

Գուլզար ուրդու՝ گلزار‎
Ծնվել է	օգոստոսի 18, 1934(1934-08-18) (88 տարեկան)
Ծննդավայր	Դինա, Jhelum District, Rawalpindi Division, Փանջաբ, Բրիտանական Հնդկաստան, Բրիտանական կայսրություն
Քաղաքացիություն	Հնդկաստան
Մասնագիտություն	կինոռեժիսոր, սցենարիստ, կինոպրոդյուսեր, բանաստեղծ, գրող, երգերի հեղինակ և երգերի հեղինակ
Ընտրանի	Jai Ho?
Ամուսին(ներ)	Րակհի Գուլզար
Երեխա(ներ)	Մեղնա Գուլզար
Պարգևներ և մրցանակներ	Դադասահեբ Ֆալկեի մրցանակ Filmfare Award for Best Dialogue? Filmfare Award for Best Dialogue? Filmfare Award for Best Lyricist? Filmfare Award for Best Lyricist? Zee Cine Award for Best Lyricist? Ֆիլմֆեյր մրցանակ լավագույն ռեժիսուրայի համար Հնդկաստանի գրական ակադեմիայի պարգև Filmfare Award for Best Lyricist? National Film Award for Best Lyrics? և Gangadhar National Award?

Գուլզար (հինդի` ग़ुलज़ार, անգլ.՝ Sampooran Singh Kalra, իրական անունը` Սամպուրան Սինգհ Կալրա, օգոստոսի 18, 1934(1934-08-18), Դինա, Jhelum District, Rawalpindi Division, Փանջաբ, Բրիտանական Հնդկաստան, Բրիտանական կայսրություն), հնդիկ ռեժիսոր, սցենարիստ և բանաստեղծ։ Արժանացել է հինգ Ազգային կինոմրցանակի, 20 անգամ ստացել է Filmfare Awards-ի արձանիկներ՝ տարբեր անվանակարգերում, որից 11 անգամ ֆիլմերում հնչող երգերի լավագույն բառերի համար։ 2004 թվականին ստացել է Հնդկաստանի մեծությամբ երրորդ Պադմա Բհուշան պարգևը։ 2009 թվականին «Միլիոնատերը ետնախորշից» ֆիլմում հնչող լավագույն երգի համար արժանացել է «Օսկար» մրցանակի, իսկ նույն երգի համար 2010 թվականին արժանացել է «Գրեմմի» մրցանակին։ 2014 թվականին արժանացել է հնդկական կինեմատոգրաֆի ամենաբարձրագույն՝ Դադասահեբ Փհալկեի անվան պարգևին։

Կենսագրություն

Գուլզարը ծնվել է ներկայիս Պակիստանի տարածքում գտնվող Դինա գյուղում՝ սիկհերի ընտանիքում։ Հնդկաստանի բաժանումից հետո նրա ընտանիքը տեղափոխվել է Ամրիթսար։ Ինքնուրույն կյանքի առաջին տարիներին, Գուլզարը Բոմբեյում աշխատել է որպես ավտովերանորոգող։ Քանի որ նրա հայրը չէր ցանկանում, որ որդին բանաստեղծություններ գրի, մտածելով, որ դրանով չի կարող ապրուստի համար հաց վաստակել, ուստի որդին ստիպված վերցրել է Գուլզար գրական կեղծանունը։

Գուլզարն իր ստեղծագործական կյանքը կինոարդյունաբերությունում սկսել է Բիմալ Ռոյի «Կալանավորուհին» (1963 թ.) ֆիլմի երգերից մեկի համար խոսքեր գրելով։ Նա իր ուժերը փորձել է նաև ֆիլմերի համար սցենարներ և երկխոսություններ գրելու ասպարեզում։ Գուլզարի ռեժիսորական դեբյուտը կայացել է 1971 թվականին, երբ նկարահանել է «Փնտրում եմ քեզ» կինոնկարը, որտեղ գլխավոր դերերը կատարում էին Մինա Կումարին, Վինոդ Կհաննան և Շատրուգհան Սինհան։

Հաջորդ՝ 1972 թվականին նա նկարահանել է «Տնային դաստիարակ» («Ծանոթություն») և «Հաղթահարում» ֆիլմերը։ 1975 թվականին նրա նկարահանած «Ճանապարհորդություն դեպի անցյալ» («Եղանակ») կինոնկարը Գուլզարին բերեց բազմաթիվ մրցանակներ։

Անձնական կյանքը

Գուլզարը կարճատև սիրավեպ է ունեցել Մինա Կումարիի հետ։ 1973 թվականին նա ամուսնացել է դերասանուհի Ռաքհիի հետ։ Նույն թվականին ծնվել է նրանց դուստրը՝ ներկայումս ռեժիսոր Մեգհնա Գուլզարը։ Ամուսնությունից մեկ տարի անց նրանք բաժանվեցին, իսկ դուստրը մնաց ապրելու հոր՝ Գուլզարի մոտ։

Ֆիլմագրության ընտրանին

Ռեժիսոր

Թվական	Անվանում	Բնօրինակ անվանում
1971	Փնտրում եմ քեզ	Mere Apne
1972	Տնային դաստիարակը (Ծանոթություն)	Parichay
1972	Հաղթահարում	Koshish
1973	Մայորը	Achanak
1975	Ամպրոպ	Aandhi
1975	Մոռացված կինը	Khushboo
1975	Ճանապարհորդություն դեպի անցյալ (Եղանակ)	Mausam
1977	Կյանքի գիրքը	Kitaab
1979	Միրա	Meera
1982	Խաղող	Angoor
1982	Կենվորը	Namkeen
1987	Անկեղծություն	Ijaazat
1988	Միրզա Ղալիբ	Mirza Ghalib
1988	Շքեղ հագուստ	Libaas
1990	Ժամանակի թակարդը	Lekin...
1996	Հրկիզողները	Maachis
1999	Հարազատ հոգիներ	Hu Tu Tu

Սցենարիստ

Թվական	Անվանում	Բնօրինակ անվանում
1968	Հեղափոխություն	Sunghursh
1968	Տասնչորս տարի անց	Aashirwad
1970	Լռություն	Khamoshi
1971	Գուդդի	Guddi
1971	Անանդ	Anand
1971	Ժեստ	Andaz
1971	Փնտրում եմ քեզ	Mere Apne
1971	Հինայի նախշեր սիրելիիս ձեռքերին	Mehboob Ki Mehndi
1972	Տնային դաստիարակը (Ծանոթություն)	Parichay
1972	Հաղթահարում	Koshish
1972	Խոհարարը	Bawarchi
1973	Անշնորհակալը	Namak Haraam
1973	Մայորը	Achanak
1975	Ամպրոպ	Aandhi
1975	Մոռացված կինը	Khushboo
1975	Փախստակը	Faraar
1975	Ճանապարհորդություն դեպի անցյալ (Եղանակ)	Mausam
1975	Լռելյայն	Chupke Chupke
1977	Քո թարթիչների ստվերի ներքո	Palkon Ki Chhaon Mein
1977	Կյանքի գիրքը	Kitaab
1977	Ջալլիան Վալա Բագհ	Jallian Wala Bagh
1978	Աստվածություն	Devata
1979	Միրա	Meera
1979	Տան ձեռքբերում	Griha Pravesh
1980	Քույրիկները	Khubsoorat
1981	Խաբուսիկ երջանկություն	Baseraa
1982	Խաղող	Angoor
1982	Կենվորը	Namkeen
1983	Տխուր պատմություն	Sadma
1983	Չմտածված քայլ	Masoom
1984	Գոլը խփված է	Hip Hip Hurray
1986	Նյու-Դելի Թայմս	New Delhi Times
1986	Մի պահ	Ek Pal
1987	Անկեղծություն	Ijaazat
1990	Ժամանակի թակարդը	Lekin...
1993	Սգվորը	Rudaali
1996	Հրկիզողները	Maachis
1997	Մորաքույր 420	Chachi 420
1999	Հարազատ հոգիներ	Hu Tu Tu
2002	Սիրո անատոմիան	Saathiya
2007	Տաս պատմություն սիրո մասին	Dus Kahaniyaan
2011	Երկընտրանք	Kashmakash
2014	Դելիի և Լահորի միջև	Kya Dilli Kya Lahore
2016	Միրզա	Mirzya

Դերասան

Թվական	Անվանում	Բնօրինակ անվանում	Կերպար
1977	Ջալլիան Վալա Բագհ	Jallian Wala Bagh	Սունիլ
2004	Հանդիպում անձրևի տակ	Raincoat	հնչյունավորում
2008	Ժառանգորդները	Yuvvraaj	-

Արտաքին հղումներ

• Сайт, посвящённый Гулзару
• Read him at Shabdankan Archived 2017-09-06 at the Wayback Machine.
• Сайт, посвящённый Гулзару Archived 2015-08-01 at the Wayback Machine.