Կոզիմո Ռոսելլի
Կոզիմո Ռոսելլի իտալ.՝ Cosimo Rosselli | |
|---|---|
 | |
| Ծնվել է | 1439[1] |
| Ծննդավայր | Ֆլորենցիա, Ֆլորենցիայի Հանրապետություն |
| Վախճանվել է | հունվարի 17, 1507[2] |
| Մահվան վայր | Ֆլորենցիա, Ֆլորենցիայի Հանրապետություն[3] |
| Մասնագիտություն | նկարիչ |
| Ոճ | Քվատրոչենտո |
| Թեմաներ | գեղանկարչություն |
| Ուշագրավ աշխատանքներ | Վայրէջք Սինա լեռից, Լեռան քարոզ (նկար) և Վերջին ընթրիք (Ռոսսելիի որմնանկար) |
| Ուսուցիչ | Ների դի Բիչի |
| Աշակերտներ | Francesco Botticini? |
 Cosimo Rosselli Վիքիպահեստում | |
Կոզիմո Ռոսելլի (իտալ.՝ Cosimo di Lorenzo Rosselli, 1439[1], Ֆլորենցիա, Ֆլորենցիայի Հանրապետություն - հունվարի 17, 1507[2], Ֆլորենցիա, Ֆլորենցիայի Հանրապետություն[3]), Քվատրոչենտոյի շրջանի, Ֆլորենցիական դպրոցի վաղ Վերածննդի իտալացի նկարիչ[4]։
Կենսագրություն
[խմբագրել | խմբագրել կոդը]Կոզիմո Ռոսելլին ծնվել է Ֆլորենցիայում՝ Լորենցո դի Ֆիլիպոյի և նրա երկրորդ կնոջ՝ Թոմասա դի Ջովանի դա Մոնտեֆիկալեի ընտանիքում։ Եղել է տասնմեկ երեխաներից յոթերորդը։
Ընտանիքի բոլոր անդամները զբաղվում էին արհեստներով և արվեստով. հայրը եղել է որմնադիր, ավագ եղբայր Չիմենտին՝ դեկորատիվ նկարիչ, զարմիկ Բերնարդո դի Ստեֆանոն՝ նկարիչ։ Նրա կրտսեր եղբայր Ֆրանչեսկո Ռոսելին դարձել է փորագրիչ, քարտեզագիր և ձեռագրերի նկարազարդող։ Կարելի է եզրակացնել, որ Կոսիմո Ռոսելլի իր առաջին գեղարվեստական կրթությունն ստացել է ընտանիքում[5]։
1453 թվականի մայիսից մինչև 1456 թվականի հոկտեմբերը Կոզիմո Ռոսելլին աշխատել է Ֆլորենցիայի Ների դի Բիչիի արհեստանոցում։ Հետագայում Ֆլորենցիայում աշխատել է որպես Ալեսիո Բալդովինետտիի օգնական, նկարել է որմնանկարներ և խորանի նկարներ։ 1459 թվականին նա ստացել է Ֆլորենցիայի Սանտա Տրինիտայի եկեղեցու համար խորանի կարևոր պատվեր։
1481 թվականի հոկտեմբերի 27-ին Ռոսելին Ֆլորենցիայի այլ նկարիչների՝ Սանդրո Բոտիչելլիի, Դոմենիկո Գիրլանդայոյի, Պիետրո Պերուջինոյի, Պիեռո դի Կոզիմոյի, Բիաջո դ'Անտոնիո Տուչիի հետ հրավիրվել է Սիքստոս IV պապի կողմից՝ նկարելու Վատիկանի Սիքստինյան կապելլայի կողային պատերը։ Կոզիմո Ռոսելլիի որմնանկարները մասամբ կատարել է նրա աշակերտ Պիեռո դի Կոզիմոն, որը ստացել է իր մականունը՝ ի պատիվ իր ուսուցչի։
1482 թվականին նա վերադարձել է Ֆլորենցիա։ Կյանքի վերջին տասնամյակների ընթացքում հետևել է Ջիրոլամո Սավոնարոլայի քարոզներին։ Ֆլորենցիայի իր տանը վերապատրաստվել են Պիեռո դի Կոզիմոն, Ֆրա Բարտոլոմեոն և Մարիոտտո Ալբերտինելին, Մացցիեր եղբայրները, Անդրեա դի Կոզիմո Ֆելտրինին և այլ նկարիչներ։
Նա մահացել է 1507 թվականի հունվարի 7-ին և թաղվել Ֆլորենցիայի Սանտիսիմա Անունզիատա եկեղեցում։
Պատկերասրահ
[խմբագրել | խմբագրել կոդը]-
Ավետում, 1473 թ. -
Սուրբ Միքայել Հրեշտակապետ -
Վշտահար Քրիստոս, 1490 թ․ -
Նորածնի երկրպագություն, 1500 թ․ -
Տիրամայրը, Նորածինը և հրեշտակները, 1503 թ․ -
Սուրբ Եկատերինա Սիենացին որպես Սուրբ Դոմինիկի երկրորդ և երրորդ կարգի հովանավոր, 1500 թ․
_-_Saint_Catherine_of_Siena_as_Spiritual_Mother_of_the_Second_and_Third_Orders_of_Saint_Dominic_-_NG_1030_-_National_Galleries_of_Scotland.jpg)
Ծանոթագրություններ
[խմբագրել | խմբագրել կոդը]- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 Ֆրանսիայի ազգային գրադարան — 1537.
- ↑ 3,0 3,1 3,2 Union List of Artist Names — 2017.
- ↑ Neues allgemeines Künstler-Lexicon; oder Nachrichten von dem Leben und den Werken der Maler, Bildhauer, Baumeister, Kupferstecher etc. Bearb. von Dr. G. K. Nagler. — München: E.A. Fleischmann, 1835—1852
- ↑ Dizionario Biografico degli Italiani. — Volume 88 (2017) [1] Արխիվացված 2022-01-02 Wayback Machine
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Կոզիմո Ռոսելլի» հոդվածին։ |
| ||||||||||||||||
