Ժնևի արվեստի և պատմության թանգարան

Ժնևի արվեստի և պատմության թանգարան
Տեսակ	պատկերասրահ, հիշողությանն առնչվող հաստատություն և պատմության թանգարան
Երկիր	Շվեյցարիա
Տեղագրություն	Genève-Cité?
Վայր	musée d'art et d'histoire (building)?
Կազմված է	Musée de l'horlogerie?
Մասն է	Ժնևի մշակութային արժեքների ցանկ
Հասցե	Rue Charles-Galland 2, 1206 Genève1206
Հիմնադրվել է	1910
Մակերես	7000 քառակուսի մետր
Այցելուներ	110 415 մարդ (2015)
Տնօրեն	Ժան-Իվ Մարին
Կայք	institutions.ville-geneve.ch/fr/mah/​(ֆր.)​(անգլ.)

Ժնևի արվեստի և պատմության թանգարան (ֆր.՝ Musée d'art et d'histoire de Genève), արվեստի և պատմության թանգարան, գտնվում է Ժնևում։

Պատմություն

Ակտիվ ցուցահանդեսային գործունեությունը Ժնևում սկսվել է 1789 թվականին՝ Արվեստի միության հիմնադրմամբ, որը կանոնավոր ցուցահանդեսներ է անցկացրել (Salon des Artistes): Դրանից կարճ ժամանակ անց, ֆրանսիական Մեծ հեղափոխության ազդեցության ներքո Ժնևի ընդունած նոր Սահմանադրությունը նախատեսում էր թանգարանի ստեղծում, որը պետք է հավաքեր արվեստի բոլոր տեսակները հանրային կրթության համար։ 1798 թվականին գործադիր դիրեկտորիան որոշում է Փարիզում և Վերսալում պահվող նկարների մի մասը ուղարկել գավառական քաղաքներ, քանի որ նրանց համար տեղ չկար Լուվրում։ Ֆրանսիայի կողմից վերջերս բռնակցված Ժնևը դառնում է այդպիսի քաղաքներից մեկը։

1824 թվականին Ժան և Հենրիետ Ռաթ քույրերը, համաձայն իրենց եղբոր՝ գեներալ Սիմոն Ռաթի կտակի, նրանից ժառանգած միջոցներով ձեռնամուխ են լինում նոր թանգարանի կառուցմանը։ 1826 թվականին Ժնևի Նոր հրապարակում բացվում է Ռաթ թանգարանը։ Այնտեղ զետեղված են Արվեստի միության հավաքածուները, այդ թվում՝ Ժան Էթյեն Լյոտարդի, Ռոդոլֆ Թափերի և այլոց գործեր։ Թանգարանում սկսում են անցկացնել Ժնևի Ժամանակակից արվեստի ժամանակավոր ցուցահանդեսներ։

1872 թվականից առաջ է գալիս քաղաքում մեծ թանգարան ստեղծելու անհրաժեշտությունը։ Ըստ պլանի՝ այդ թանգարանում պետք է հավաքվեին նկարների, քանդակների, ինչպես նաև հնագիտական գտածոների հավաքածուներ, զենքի պարագաներ և դեկորատիվ իրեր։ Թանգարանի կառուցումը սկսվել է 1903 թվականին Մարկ Կամոլետտիի (Marc Camoletti) գլխավորությամբ, որը ոգեշնչված էր Փարիզում Փոքր պալատի կառուցմամբ և փորձում է նորություններ ներմուծել Ժնևի թանգարանի ճարտարապետություն։ Շինարարությունն ավարտվել է 1910 թվականին, և թանգարանը վերանվանվել է Արվեստի և պատմության թանգարան (Musée d'Art et d'Histoire):

Այսպիսով, Ժնևի արվեստի և պատմության թանգարանը դառնում է թանգարանների մի ամբողջ ցանցի կենտրոն։

1939 թվականին Իսպանիայի քաղաքացիական պատերազմի ժամանակ Պրադոյի թանգարանի բոլոր թանկարժեք ցուցանմուշները տարհանվեցին Ժնև, որտեղ պահվում էին Արվեստի և պատմության թանգարանում։

Հավաքածու

19-րդ դար

Հակառակ թանգարանի Բարեկամների միության ջանքերին՝ երկար ժամանակ Ժնևի թանգարանում բավական քիչ իմպրեսիոնիստական աշխատանքներ են եղել։ Բայց վերջերս բազմաթիվ նվիրատվություններ օգնեցին ստեղծել այդ հավաքածուն։ Ստորև ներկայացված են թանգարանի հիմնական աշխատանքները՝

• Կամիլ Պիսսարոն իր 1874 թվականի «Farmyard at Montfoucault» կտավով,
• Պիեռ-Օգյուստ Ռենուարը իր «Ամառ»-ը կտավով, որտեղ նա պատկերել է դերասանուհի Հենրիետտա Էրիթին
• Կլոդ Մոնեի նկարները. «Ձյան ազդեցությունը», «Road st Argenteuil» 1875, «The Seine Downstream from Vétheuil» 1879, նաև «Պիոններ»-ը, որոնք նկարիչը նկարել է 1877 թվականին Գիվերնիի իր պարտեզում
• Պոլ Սեզանի նկարները. «Bellevue House» և «Լողացող»

20-րդ դար

• Անտուան Բուրդել «Պերճախոսության ղեկավար»
• Ֆելիքս Վալլոտտոն «Սենտիմենտալ երկխոսություն» (1898) և «Թուրքական բաղնիք»
• Ջովաննի Ջակոմետտի «Ինքնանկար»
• Մարկ Շագալ «Մահացած մարդը»
• Ամեդեո Մոդիլիանի «Սև կինը»
• Ալեքսանդր Արխիպենկո «Քայլելը»
• Պաբլո Պիկասո «Գարպուեի լոգարանները», 1957

Պատկերասրահ

• 
  Արվեստի և պատմության թանգարանի հյուսիս-արևմտյան ճակատը
• 
  Արվեստի և պատմության թանգարանի գլխավոր ճակատը
• 
  Ժան-Էթյեն Լյոարտի «Թուրք կինը և նրա սպասուհին» (1750) նկարը
• 
  «Կոնրադ Վիցի զարմանալի ձկնորսությունը»
• 
  «Մոգ Կոնրադ Վիցի երկրպագությունը»

Ծանոթագրություններ

Վիքիպահեստն ունի նյութեր, որոնք վերաբերում են «Ժնևի արվեստի և պատմության թանգարան» հոդվածին։