Գրու Հարլեմ Բրունթլան

Գրու Հարլեմ Բրունթլան; բուկմոլ՝ Gro Harlem Brundtland
Ծնվել է	ապրիլի 20, 1939[…] (85 տարեկան)
Ծննդավայր	Բերում, Ակերսհուս
Քաղաքացիություն	Նորվեգիա
Կրթություն	Օսլոյի համալսարանի բժշկության ֆակուլտետ (1965), Հարվարդի հանրային առողջության դպրոց (1965), Օսլոյի համալսարան և Հարվարդի համալսարան
Գիտական աստիճան	բժշկության թեկնածու (1963) և Master of Public Health? (1965)
Մասնագիտություն	դերասանուհի, քաղաքական գործիչ և դիվանագետ
Աշխատավայր	Միավորված ազգերի կազմակերպություն
Ամուսին	Արնե Օլավ Բրունդտլանդ
Ծնողներ	հայր՝ Գուդմունդ Հարլեմ
Զբաղեցրած պաշտոններ	Նորվեգիայի վարչապետ, Նորվեգիայի վարչապետ, Նորվեգիայի վարչապետ, Նորվեգիայի խորհրդարանի անդամ, Կլիմայի և շրջակա միջավայրի նախարար, Director-General of the World Health Organization?, Նորվեգիայի խորհրդարանի անդամ, Նորվեգիայի խորհրդարանի անդամ, Նորվեգիայի խորհրդարանի անդամ, Նորվեգիայի խորհրդարանի անդամ, կուսակցության առաջնորդ և Norwegian municipal council representative?
Կուսակցություն	Նորվեգական բանվորական կուսակցություն
Պարգևներ և ; մրցանակներ	Դագ Համարշոլդի պատվո մեդալ Ֆրեդրիկեի մրցանակ «Պեր Գյունտ» մրցանակ Ինդիրա Գանդիի մրցանակ Չորս Ազատությունների մրցանակ "Կապույտ մոլորակ" մրցանակ Կատալոնիայի միջազգային մրցանակ Tang Prize? Պիեռ և Մարի Կյուրիների համալսարանի պատվավոր դոկտոր Համաշխարհային տնտեսական մրացանկ Ալբերտի մեդալ Բժշկական գիտությունների ակադեմիայի անդամ Årets budeie Կարոլինյան համալսարանի պատվավոր դոկտոր Տրոմսյոյի համալսարանի պատվավոր դոկտոր և Մայամիի համալսարանի պատվավոր դոկտոր
Անդամություն	Նորվեգիայի գիտությունների ակադեմիա, Նորվեգիայի կանանց իրավունքների ասոցիացիա, Եվրոպական ակադեմիա և Q12002097?
Երեխաներ	Կնուտ Բրունդտլանդ
	Ստորագրություն;
	Gro Harlem Brundtland Վիքիպահեստում

Գրու Հարլեմ Բրունթլան (նորվ.՝ Gro Harlem Brundtland, ապրիլի 20, 1939(1939-04-20)^[1]^[2]^[3]^[…], Բերում, Ակերսհուս), նորվեգացի հասարակական և քաղաքական գործիչ։ 1981-1996 թվականների ընթացքում երեք անգամ ընտրվել է Նորվեգիայի վարչապետ, 1974-1979 թվականներին եղել է Նորվեգիայի բնապահպանության նախարարը։ 1998-2003 թվականներին զբաղեցրել է Առողջապահության համաշխարհային կազմակերպության գործադիր տնօրենի պաշտոնը։ 2007 թվականի մայիսի 1-ից ՄԱԿ-ի գլխավոր քարտուղարի դեսպանն է կլիմայի փոփոխության հարցերով։

Կենսագրություն

Գրու Հարլեմը ծնվել է 1939 թվականի ապրիլի 20-ին նորվեգացի բժիշկ, քաղաքական գործիչ Նորվեգական բանվորական կուսակցության անդամ Գուդմունդ Հարլեմի ընտանիքում։ Մայրը Շվեդիայի հպատակ է եղել։ 1960 թվականին Գրուն ամուսնացել է Արնե Ուլաֆ Բրունթլանի հետ։ 1963 թվականին բժշկության դոկտորի աստիճանով ավարտել է Օսլոյի համալսարանը, իսկ 1965 թվականին ընդհանուր առողջապահության մագիստրոսի կոչումով` Հարվարդի համալսարանը։ 1966-1969 թվականներին աշխատել է բժիշկ Նորվեգիայի առողջապահական համակարգում։ 1969 թվականից աշխատել է բժիշկ Օսլոյի հասարակական դպրոցների առողջապահության ծառայությունում։

Քաղաքական գործունեություն

Ինչպես և հայրը, Գրու Հարլեմը ևս Նորվեգական բանվորական կուսակցության անդամ է։ 1974-1979 թվականներին զբաղեցրել է Նորվեգիայի բնապահպանության նախարարի պաշտոնը։

1981 թվականին նա դառնում է կուսակցության ղեկավար և ստանում վարչապետի պաշտոն, քանի որ իր կուսակցությունը խորհրդարանում մեծամասնություն էր կազմում։ Այդ պաշտոնը նա զբաղեցրել է փետրվարի 4-ից մինչև 1981 թվականի հոկտեմբերի 14-ը։ Նա դարձել է առաջին կին վարչապետը Նորվեգիայում։ 1986 թվականի մայիսի 9-ից մինչև 1989 թվականի հոկտեմբերի 16-ը նա կրկին զբաղեցրել է այդ պաշտոնը։ Նախարարների այդ կաբինետն աչքի է ընկել կանանց մեծ թվով. 18 նախարարներից 8-ը կին են եղել։ 1990 թվականի նոյեմբերի 3-ին Գրու Հարլեմը երրորդ անգամ է դառնում վարչապետ։ 1992 թվականին նա թողնում է պաշտոնը` տեղը զիջելով Տուրբյորն Յագլանդին։ 1994 թվականին Գրու Հարլեմն արժանացել է Կառլ Մեծի մրցանակին Եվրոպայի միավորման գործում իր ներդրումների համար։ 1996 թվականին թողել է վարչապետի պաշտոնը և հեռացել քաղաքականությունից։

Գրու Հարլեմը ներկա է եղել Բիլդերբուրգյան ակումբի հավաքույթներին, Մադրիդյան ակումբի անդամ է։

Վարչապետի պաշտոնում Գրու Հարլեմը հայտնի է եղել իր մուլտիմշակութային քաղաքականությամբ` կողմ լինելով մշակութային տարբերությունների պահպանմանն ու զարգացմանը։ 2011 թվականի հուլիսի 22-ի Անդերս Բրեյվիկը, հարձակում գործելով Նորվեգական բանվորական կուսակցության երիտասարդական ճամբարի վրա, հայտարարել է, որ իր գլխավոր նպատակն է եղել սպանել Գրու Հարլեմին։ Սակայն Գրուին հաջողվել է զերծ մնալ նրա հարձակումից, քանի որ դեպքից մի քանի ժամ առաջ լքել էր Ուտյոա կղզին^[15]։

Աշխատանք միջազգային կազմակերպություններում

1983 թվականին ՄԱԿ-ի գլխավոր քարտուղար Խավիեր Պերես դե Կուելյարը Գրու Հարլեմին հրավիրել է ղեկավարելու ՄԱԿ-ի` շրջակա միջավայրի պահպանության միջազգային հանձնաժողովը, որը զբաղվում էր կայուն զարգացման մշակմամբ և հասարակական լայն ու բաց քննարկումներով։ Իր ունեցած նշանակալից դերի համար հանձնաժողովը հաճախ անվանել են «Բրունթլանի հանձնաժողով»։ 1987 թվականին հանձնաժողովը հրապարակել է «Մեր ընդհանուր ապագան» զեկուցումը, որ հայտնի է «Բրունթլանի հաշվետվություն» անունով։ Այն նվիրված է եղել կայուն զարգացման միասնական օպտիմալ տարբերակ ընտրելուն։ Հանձնաժողովը «21-րդ դարի օրակարգ» ծրագրի շրջանակներում 1992 թվականին մասնակցել է «Երկրի գագաթնաժողովի» անցկացմանը։

1998 թվականի մայիսին Գրու Հարլեմ Բրունթլանը ընտրվել է Առողջապահության համաշխարհային կազմակերպության գործադիր տնօրեն։ Նա անդամակցել է մակրոտնտեսության և առողջապահության հանձնաժողովին, որը գլխավորել է Ջեֆրի Սաքսը։ Գրուն պայքարել է բռնության դեմ` այն համարելով հասարակական առողջապահության հիմնախնդիր, գլխավորել է ծխելու դեմ միջազգային պայքարը։ Նրա ղեկավարությամբ Առողջապահության համաշխարհային կազմակերպությունը դարձել է առաջին խոշոր գործատուն, ով աշխատանքի ընդունման նախապայման է դրել ծխելու վնասակար սովորույթից զերծ լինելը։ 2003 թվականին Scientific American ամսագիրը Բրունթլանին հռչակել է տարվա քաղաքական առաջնորդ սուր անակնկալ շնչառական համախտանիշի դեմ պայքարում։ 2003 թվականի հուլիսի 21-ին թողել է պաշտոնը։

2004 թվականին բրիտանական The Financial Times թերթը Գրու Հարլեմին դասել է վերջին 25 տարիների առավել ազդեցիկ գործիչների շարքում, որտեղ զբաղեցրել է 4-րդ տեղը Հովհաննես Պողոս II-ից, Միխայիլ Գորբաչովից և Մարգարետ Թետչերից հետո։

2006 թվականին որպես ազդեցիկ քաղաքական գործիչ հետևել է ՄԱԿ-ի` առևտրի և զարգացման համագումարի աշխատանքներին։ 2007 թվականի մայիսի 1-ին ՄԱԿ-ի գլխավոր քարտուղար Պան Գի Մունը Գրու Հարլեմ Բրունթլանին նշանակել է գլխավոր քարտուղարի` կլիմայի փոփոխության հարցերով հատուկ դեսպան։

Ծանոթագրություններ

↑ ^1,0 ^1,1 Encyclopædia Britannica
↑ ^2,0 ^2,1 FemBio տվյալների շտեմարան (գերմ.)
↑ ^3,0 ^3,1 Discogs — 2000.
↑ https://universitas.no/sak/62187/gro-harlem-brundtlands-studietid-alltid-pa-farta-a/
↑ ^5,0 ^5,1 ^5,2 ^5,3 https://www.stortinget.no/no/Representanter-og-komiteer/Representantene/Representantfordeling/Representant/?perid=GHB&tab=Biography
↑ https://www.regjeringen.no/no/om-regjeringa/tidligere-regjeringer-og-historie/historiske-artikler/embeter/statsminister-1814-/gro-harlem-brundtland/id463420/
↑ Die Karlspreisträgerin 1994 Gro Harlem Brundtland (գերմ.)
↑ http://web.gencat.cat/ca/generalitat/premis/pic/
↑ https://www.ifw-kiel.de/konfer/wwp
↑ https://www.ifw-kiel.de/de/institut/veranstaltungen/preisverleihungen/weltwirtschaftlicher-preis/
↑ Helander A. UiT lea nammadan Gro Harlem Brundtlanda gudnedoavttirin(շվեդ.) — Ávvir, 2021.
↑ https://commencement.miami.edu/about-us/archives/honorary-degree-recipients/index.html
↑ http://whqlibdoc.who.int/eb/2003/EB111_R17_rus.pdf
↑ https://www.ae-info.org/ae/User/Brundtland_Gro
↑ «Главной целью террориста, устроившего стрельбу на острове Утойа, была экс-премьер Норвегии». NewsBalt. Արխիվացված է օրիգինալից 2016 թ․ մարտի 26-ին. Վերցված է 2016 թ․ նոյեմբերի 22-ին. {{cite web}}: Unknown parameter |дата= ignored (օգնություն)

Արտաքին հղումներ

Առողջապահության համաշխարհային կազմակերպության գործադիր նախկին տնօրեն Գրու Հարլեմ Բրունթլան

Վիքիպահեստն ունի նյութեր, որոնք վերաբերում են «Գրու Հարլեմ Բրունթլան» հոդվածին։

[_6aaa0d074a9a1021-1] 1,0 ^1,1 Encyclopædia Britannica

[_1763a7e544b7c537-2] 2,0 ^2,1 FemBio տվյալների շտեմարան (գերմ.)

[_6ca83d9e4c2cd5c9-3] 3,0 ^3,1 Discogs — 2000.

[_28185c7c863a2a9b-4] ttps://universitas.no/sak/62187/gro-harlem-brundtlands-studietid-alltid-pa-farta-a/

[_c67a35d05a308eb3-5] 5,0 ^5,1 ^5,2 ^5,3 https://www.stortinget.no/no/Representanter-og-komiteer/Representantene/Representantfordeling/Representant/?perid=GHB&tab=Biography

[_36d50376d671c513-6] ttps://www.regjeringen.no/no/om-regjeringa/tidligere-regjeringer-og-historie/historiske-artikler/embeter/statsminister-1814-/gro-harlem-brundtland/id463420/

[_dc10672818566f81-7] Die Karlspreisträgerin 1994 Gro Harlem Brundtland (գերմ.)

[_946aaebdaf9d0df1-8] ttp://web.gencat.cat/ca/generalitat/premis/pic/

[_046fb14e5ec040b3-9] ttps://www.ifw-kiel.de/konfer/wwp

[_c6cdb909588d591b-10] ttps://www.ifw-kiel.de/de/institut/veranstaltungen/preisverleihungen/weltwirtschaftlicher-preis/

[_527266edc6f55626-11] Helander A. UiT lea nammadan Gro Harlem Brundtlanda gudnedoavttirin(շվեդ.) — Ávvir, 2021.

[_0665d569d62c7b89-12] ttps://commencement.miami.edu/about-us/archives/honorary-degree-recipients/index.html

[_9af2149af8fe3711-13] ttp://whqlibdoc.who.int/eb/2003/EB111_R17_rus.pdf

[_b0341b31462ab953-14] ttps://www.ae-info.org/ae/User/Brundtland_Gro

[15] «Главной целью террориста, устроившего стрельбу на острове Утойа, была экс-премьер Норвегии». NewsBalt. Արխիվացված է օրիգինալից 2016 թ․ մարտի 26-ին. Վերցված է 2016 թ․ նոյեմբերի 22-ին. {{cite web}}: Unknown parameter |дата= ignored (օգնություն)

[1]

[2]

[3]

[4]

[5]

[6]

[13]

[7]

[8]

[9]

[10]

[11]

[12]

[14]

[15]