"Growl" (կորեերեն՝ 으르렁; (Չինարեն)), համարվում է EXOհարավկորեականբոյ բենդի երգը՝ իրենց առաջին «XOXO» ստուդիական ալբոմի վերաթողարկված տարբերակի համար։ Այն թողարկվել է կորեական և չինական տարբերակներով՝ S.M. Entertainment-ի կողմից 2013 թվականի օգոստոսի 5-ին։ Երգը հայտնի է, որպես Exo-ի բեկումնային սինգլ, վաճառված ավելի քան երկու միլիոն օրինակով։
Կոմպոզիտորներն են՝ Հյուկ Շինը, DK, Ջորդան Քայլ, Ջոն Մաժորը և Ջարա Գիբսոնը, «Growl» երգը պարային փոփ երգ է՝ ժամանակակից R&B-ի և ֆանկի էֆեկտներով։
Թողարկման մասին հայտարարությունից հետո՝ տեսանյութը, որտեղ խմբի անդամները բեմադրում են երգի պարը՝ թողարկվել է հուլիսի 27-ին։ Exo-ն սկսել է ելույթ ունենալ նոր երգով հարավկորեական երաժշտական հեռուստաշոուներին օգոստոսի 1-ից, մինչ 2013 թվականի օգոստոսի 5-ին պաշտոնապես թողարկվելը՝ ալբոմի հետ։ Նրանք նաև կատարել են երգը մի քանի չինական հեռուստաշոուների ժամանակ։
"Growl" երգի կորեական և չինական տարբերակները թողարկվել են 2013 թվականի հուլիսի 1-ին, երգից չորս օր առաջ։ Այնտեղ ցուցադրվում է միայն Exo-ն երգը կատարելիս՝ աղոտ լուսավորված պահեստում և օգտագործել են հարվածի մեկ ոճ, որը, նկարահանվել է մեկ կադրով։ 2013 թվականի օգոստոսի 20-ին թողարկվել է երգի մեկ այլ երաժշտական տեսահոլովակների ցանկը, որոնք նկարահանված են այլ վայրերում։
"Growl" զբաղեցրել է 2-րդ հորիզոնականը հարավկորեական Gaon Digital հիթ շքերթում, և երրորդ հորիզոնականը Billboard Korea K-Pop Hot 100 և World Digital Songs հիթ շքերթներում[1][2][3]։ Երգը հաղթել է առաջին հորիզոնականը հարավկորեական երաժշտական հեռուստաշոուներում 14 անգամ։
Բնութագրելով այն որ՝ "EXO-ն մարգարիտ է ֆանտաստիկ 2013 թվականում", Billboard-ը ընտրել է "Growl" երգը 2013 թվականի լավագույն քեյ փոփ երգը[4]։ Այն ստացել է 2013 թվականի տարվա երգ Melon Music Awards և KBS Song Festival մրցանակաբաշխություններում։ Երգը համարվում է Exo-ի ամենավաճառվող սինգլը, կուտակելով ավելի քան երկու միլիոն ներբեռնում։