Ֆյուրստենֆելդ

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
Ֆյուրստենֆելդ
Զինանշան
AUT Fürstenfeld COA.svg

Pfeilburg hof fuerstenfeld.jpg
Կոորդինատներ: 47°3′0″ հս․ լ. 16°5′0″ ավ. ե. / 47.05000° հս․. լ. 16.08333° ավ. ե. / 47.05000; 16.08333
ԵրկիրԱվստրիա Ավստրիա
Մակերես50,31 կմ²
ԲԾՄ276 մետր
Բնակչություն8549 մարդ (հունվարի 1, 2018)[1]
Ժամային գոտիUTC+1 և UTC+2
Փոստային ինդեքսներ8280, 8362
Ավտոմոբիլային կոդHF
Պաշտոնական կայքfuerstenfeld.at
##Ֆյուրստենֆելդ (Ավստրիա)
Red pog.png

Ֆյուրստենֆելդ (գերմ.՝ Fürstenfeld, հունգարերեն` Fölöstöm), քաղաք Ավստրիայի հարավում, դաշնային Շտիրիա երկրամասի Հարտբերգ-Ֆյուրստենֆելդ շրջանում, Ֆայշտրից գետի հովտում, Հունգարիայի հետ պետական սահմանից 20 և ավստրիական մերձակա ամենախոշոր քաղաքից՝ Գրացից 67 կիլոմետր հեռավորության վրա[2][3]: Մինչև 2013 թվականին տեղի ունեցած վարչատարածքային բարեփոխումը, երբ Ֆյուրստենֆելդի ու Հարտբերգի շրջանները միավորվել են, եղել է շրջանի վարչական կենտրոն[4]: Ներկայումս թեև նորակազմ շրջանի վարչական կենտրոնը չէ, սակայն դարձյալ մնում է նրա ամենախոշոր բնակավայրը (2019 թվականի հունվարի 1-ի տվյալներով բնակչության թվաքանակը եղել է 8.625)[3][5]: 2015 թվականին, Շտիրիայի համայնքների կառուցվածքային բարեփոխումների ծրագրի համաձայն, Ֆյուրստենֆելդին են միացվել մերձակա Ալտենմարկետ և Ուբերբախ բնակավայրերը.[6][7]: Քաղաքում ու նրա շրջակայքում հանքային տաք աղբյուրների և դրանց հիման վրա գործող առողջարանների ու SPA-ների առատությունը նկատի առնելով՝ Ֆյուրստենֆելդը հաճախ անվանում են Շտիրիայի թերմալ մայրաքաղաք:

Պատմություն[խմբագրել | խմբագրել կոդը]

Ֆյուրստենֆելդը հիմնադրվել է մոտավորապես 1170 թվականին՝ որպես սահմանամերձ ամրացված բնակավայր[3]: Միջին դարերում վերածվել է առևտրային աշխույժ կենտրոնի[3], բայց նաև բազմիցս ենթարկվել է հունգարացիների հարձակումներին, ավերվել, հրի ու սրի մատնվել: 1533 թվականին քաղաքային պարիսպը վերակառուցվել է, նորացվել[3], 1550-ական թվականներին, իտալացի մասնագետ Դոմենիկո դելլ՛Ալիոյի պատրաստած նախագծերի հիման վրա, ավելացվել են նոր ամրություններ: 1815-ից 1848 թվականներին քաղաքը ծաղկում է ապրել, բնակչության թիվը գրեթե կրկնապատկվել է: Մարդկանց աշխատանքով հիմնականում ապահովել է դեռևս 1776 թվականին հիմնադրված ծխախոտի ֆաբրիկան, որը իր տեսակի մեջ հնագույնն էր Ավստրիայում և շուրջ երկու հարյուրամյակ գործելուց հետո՝ 2005 թվականին փակվել է:

Ֆյուրստենֆելդը վերջին անգամ ավերվել է Երկրորդ համաշխարհային պատերազմի տարիներին և հատկապես 1945 թվականի ապրիլին, երբ խորհրդային զորքերը գրոհով գրավել են այն:

Տեսարժան վայրեր[խմբագրել | խմբագրել կոդը]

Չնայած բազմիցս տեղի ունեցած ավերածություններին՝ Ֆյուրստենֆելդի պատմամշակութային հուշարձանների մի մասը պահպանվել է: Հիշատակության են արժանի քաղաքային պարսպի մնացորդները, երեք զորանոցները, քաղաքային դարպասը[3], 12-րդ դարի (Ավստրիայում հնագույնը համարվող) ամրոցի հիմքի վրա 1772 - 1774 թվականներին բարոկկո ոճով կառուցված թեմական եկեղեցին, նախկին ավգուստինյան վանքը (1365 - 1368), որ ներկայումս ծառայում է որպես քաղաքապետարան, իշխանական հին ամրոցը, որ 1776 թվականին վերածվել է ծխախոտի ֆաբրիկայի[3][3]...

Պատկերասրահ[խմբագրել | խմբագրել կոդը]

Տնտեսություն[խմբագրել | խմբագրել կոդը]

Ֆյուրստենֆելդի աշխատունակ բնակչության մեծ մասը՝ 53 տոկոսը զբաղված է սպասարկման ոլորտում; Քաղաքում գործում են նաև ոչ մեծ ձեռնարկություններ, որոնք արտադրում են էլեկտրոնային սարքերի մասեր, ծխախոտի թուղթ, պլաստմասսաներ, լամպեր, կոմպրեսորներ, պողպատե շինվածքներ[3]:

Գործընկեր քաղաքներ[խմբագրել | խմբագրել կոդը]

Ֆյուրստենֆելդը գործընկերային հարաբերություններ է հաստատել հետևյալ քաղաքների հետ[8].

Գրականություն[խմբագրել | խմբագրել կոդը]

  • Gerhard Pferschy (Hrsg.): Fürstenfeld. Die Stadtgeschichte. Fürstenfeld 2000.

Ծանոթագրություններ[խմբագրել | խմբագրել կոդը]

  1. Einwohnerzahl 1.1.2018 nach Gemeinden mit Status, Gebietsstand 1.1.2018Statistics Austria.
  2. Citypopulation.de Estadísticas del distrito de Hartberg-Fürstenfeld. Consultado el 25 de julio de 2018.
  3. 3,0 3,1 3,2 3,3 3,4 3,5 3,6 3,7 3,8 «Fürstenfeld» (engleski)։ Austria-Forum։ Վերցված է 22. 02. 2016. 
  4. Weitere Bezirksfusionen: Aus 6 werden 3 (på tyska). Läst 13 april 2015.
  5. «Austria: Steiermark» (engleski)։ City population։ Վերցված է 20. 02. 2016. 
  6. Steiermärkische Gemeindestrukturreform
  7. § 3 Abs. 4 Z 2 des Gesetzes vom 17. Dezember 2013 über die Neugliederung der Gemeinden des Landes Steiermark (Steiermärkisches Gemeindestrukturreformgesetz – StGsrG). Landesgesetzblatt für die Steiermark vom 2. April 2014. Nr. 31, Jahrgang 2014. S. 3.
  8. « Fürstenfelder Partnerstädte » Site web de la ville de Fürstenfeld, consulté le 25 février 2017.

Արտաքին հղումներ[խմբագրել | խմբագրել կոդը]