Օսկար Շմեռլինգ

Վիքիպեդիայից՝ ազատ հանրագիտարանից
Jump to navigation Jump to search
Օսկար Շմեռլինգ
Oskar Shmerling.JPG
Ի ծնեվրացերեն՝ ოსკარ შმერლინგი
Ծնվել է1863[1][2]
ԾննդավայրԹիֆլիս, Կովկասի փոխարքայություն, Ռուսական կայսրություն
Վախճանվել է1938[1][2]
Մահվան վայրԹբիլիսի, Վրացական Խորհրդային Սոցիալիստական Հանրապետություն, ԽՍՀՄ
ՔաղաքացիությունՎրաստան
ԿրթությունՍանկտ Պետերբուրգի գեղարվեստի ակադեմիա և Մյունխենի գեղարվեստի ակադեմիա
Մասնագիտություննկարիչ
ԺանրԾաղրանկար
Oskar Shmerling Վիքիպահեստում

Օսկար Իվանեի Շմեռլինգ (վրաց.՝ ოსკარ შმერლინგი, ծնվ. հուլիսի 1, 1863 թ. Թիֆլիս, Ռուսական կայսրություն - մահ. հունվարի 2, 1938 թ. Թբիլիսի, ԽՍՀՄ, Վրացական ԽՍՀ), ծագումով գերմանացի, վրաց նկարիչ[3]: Ապրել և ստեղծագործել է Թբիլիսիում:

Կենսագրություն[խմբագրել | խմբագրել կոդը]

Օսկար Շմեռլինգը ծնվել է Վրաստանում: 1884 թվականին ընդունվել է Սանկտ Պետերբուրգի Գեղարվեստի կայսերական ակադեմիայի փորագրության բաժին, իսկ հետո ուսումը շարունակել է Մյունխենի գեղարվեստի ակադեմիայի մարտանկարչության բաժնում: 1892 թվականին վերադառնալով Թիֆլիս, սկսել է զբաղվել մանկավարժական գործունեությամբ: Դասավանդել է Անդրկովկասյան օրիորդաց ինստիտուտում: 1902-1916 թվականներին Օսկար Շմեռլինգը Գեղեցիկ արվեստների խրախուսման Կովկասյան ընկերությանը կից գեղանկարչության և քանդակագործության դպրոցի տնօրենն էր, իսկ Թիֆլիսի գեղարվեստի ակադեմիայի հիմնադրման օրից՝ այնտեղի պրոֆեսորն էր[3]:

Օսկար Շմեռլինգը մասնակցել է Գեղեցիկ արվեստների խրախուսման Կովկասյան ընկերության ցուցահանդեսներին և իր նշանակալի ավանդն ունի մանկական գրքերի նկարազարդման գործում: Առավելապես հայտնի է իր ծաղրանկարներով ու շարժերով, որոնք արտացոլում էին հին Թիֆլիսի կյանքը և առաջին անգամ թողարկվել են 1910-ական թվականներին՝ բացիկների տեսքով[3]: Համագործակցել է բազմաթիվ ամսագրերի հետ, այդ թվում 1906-1914 թվականներին ադրբեջաներենով Թիֆլիսում լույս տեսնող «Մոլլա Նասրեդդին» ամսագրի հետ:

Օսկար Շմեռլինգին աշակերտել են Լադո Գուդիաշվիլին, Քեթևան Մաղալաշվիլին, Ալեքսանդր Ցիմակուրիձեն, Միխեիլ Ճիաուրելին, Երվանդ Քոչարը և այլն[4]: Նրան բարձր են գնահատել Շալվա Դադիանին, Սանդրո Շանշիաշվիլին և Իոսեբ Գրիշաշվիլին, համարելով նրան վրաց մուլտիպլիկացիայի պիոները:

Օսկար Շմեռլինգի դուստրը արվեստագետ Ռենե Շմեռլինգն է:

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Faceted Application of Subject Terminology
  2. 2,0 2,1 http://www.artnet.com/artists/oskar-schmerling/past-auction-results — 1998.
  3. 3,0 3,1 3,2 Чогошвили Н. Л. Немецкая художественная традиция и Грузия с начала XIX века до 40-вых годов XX века. — Тбилиси, 2006.
  4. ქართულ პოლიტიკურ კარიკატურას სწორედ ოსკარ შმერლინგმა ჩაუყარა საფუძველი