Վերոնիկա Ժանս
| Վերոնիկա Ժանս | |
|---|---|
 | |
| Բնօրինակ անուն | ֆր.՝ Véronique Gens |
| Ծնվել է | ապրիլի 19, 1966[1] (58 տարեկան) Օռլեան[2] |
| Երկիր | .svg){kind=small} Ֆրանսիա |
| Մասնագիտություն | օպերային երգչուհի, երաժիշտ և կատարողուհի |
| Երգչաձայն | սոպրանո |
| Գործիքներ | վոկալ |
| Լեյբլ | EMI Classics |
| Կրթություն | Departmental Conservatory of Orleans? |
| Պարգևներ |  և  |
| Կայք | veroniquegens.com |
 Véronique Gens Վիքիպահեստում | |
Վերոնիկա Ժանս (ֆր.՝ Véronique Gens, ապրիլի 19, 1966[1], Օռլեան[2]): Համբավ է ձեռք բերել որպես վոկալ պարտիաների կատարող բարոկկո դարաշրջանի երգացանկում։
Կենսագրություն[խմբագրել | խմբագրել կոդը]
Ծնվել է բժշկի ընտանիքում։ Սովորել է Փարիզի կոնսերվատորիայում, որտեղ առաջին մրցանակն է նվաճել վոկալիստների մրցույթում։ 1986 թվականին նա առաջին անգամ ելույթ է ունեցել Փարիզում, որտեղ երգել է Ու. Քրիստիի Les Arts Florissants բարոկկո նվագախմբի հետ։ 1989 թվականին հաջողությամբ ելույթ է ունեցել միջազգային Էքս-ան-Պրովանսի օպերային փառատոնում (Հենրի Պյորսել «Փերի թագուհի»)։ Հայտնի է 1990-ական թվականներին որպես Կ. Մոնտեվերդիի, ժ. Բ. Լյուլիի, ժ. Ֆ. Ռամոյի, Գ. Ֆ. Հենդելի, Ի. Ս. Բախի և բարոկկոյի դարաշրջանի այլ կոմպոզիտորների երաժշտության մեկնաբան։
Ժանսը հայտնի է նաև մոցարտյան երգացանկի պարտիաներով։ 1994 թվականին կատարել է Կոմսինի Ալմավիվայի (Ֆիգարոյի ամուսնությունը) դերը Լիոնի օպերային թատրոնի բեմում։ Նույն մրցաշրջանում երգել է Մոցարտի Ռեքվիեմը։ Նրա կատարմամբ բազմիցս հնչել են Դոննա Էլվիրայի («Դոն Ժուան»), Վիտելիայի («Տիտոսի ողորմածությունը»), Պամինայի («Կախարդական սրինգ») պարտիաները։ Ժանսը կատարել է նաև 19-20-րդ դարերի, առավելապես ֆրանսիական ծագում ունեցող երաժշտություն, այդ թվում՝ Մելիսանդեյի (Կ. Դեբյուսիի «Պելեաս և Մելիսանդե» օպերա) և Մադամ Լիդուանի (Ֆ. Պուլենկի «Կարմելիտոկի երկխոսությունները»), Բեռլիոզի «Ամառային գիշերներ» վոկալ շարքը, Մ. Ռավելի «Ալիսա» կանտատը, Կ. Դեբյուսիի և Գ. Ֆորեի կամերային լիրիկան, ժ. Կանտելուբան և այլն։ Կատարել է նաև գլխավոր պարտիաներ Ֆ. Լեգարի «Ուրախ այրի» օպերետում (ֆրանսերեն թարգմանությամբ, Լիոնի Օպերա, 2006 թվական) և Պ. Ի. Չայկովսկու «Եվգենի Օնեգին» օպերայում։
Ժանսը հանդես է եկել խոշորագույն օպերային թատրոնների բեմում, որոնց թվում են Լոնդոնի «Քովենթ-Գարդենը», Վիեննայի պետական օպերան, Փարիզի օպերան, Բավարիայի պետական օպերան, Բրյուսելի «Լա Մոնենեն», Բարսելոնայի «Լիսեուն»։ Եղել է Էքս-ան-Պրովանսի (բազմիցս), Ամբրոնի, Զալցբուրգի, Գլայդբորնի, Տանգլվուդի (ԱՄՆ) և այլ միջազգային երաժշտական փառատոնների մասնակից։ 2012 թվականին հյուրախաղերով հանդես է եկել Ռուսաստանում[3]։
Ժանսն ունի բազմաթիվ աուդիո ձայնագրություններ (ավելի քան 90 CD և DVD): 2002 թվականին Վերոնիկա Ժանսն արժանացել է Victoires de la Musique ֆրանսիական երաժշտական մրցանակին՝ որպես տարվա լավագույն երգչուհի։ Պատվո լեգեոնի շքանշանի ասպետ է։
Ծանոթագրություններ[խմբագրել | խմբագրել կոդը]
- ↑ 1,0 1,1 Discogs — 2000.
- ↑ 2,0 2,1 2,2 Deutsche Nationalbibliothek Record #12902967X // Gemeinsame Normdatei (գերմ.) — 2012—2016.
- ↑ Рецензия на сольный концерт В. Жанс в Москве.
Արտաքին հղումներ[խմբագրել | խմբագրել կոդը]
- Անձնական կայք (կենսագրություն, սկավառակագրություն, ելույթների օրացույց)
- Հարցազրույց Վ. Ժանսի հետ Արխիվացված 2011-06-05 Wayback Machine
- Վերոնիկա Ժանս (անգլ.) Internet Movie Database կայքում
 | Վիքիպահեստն ունի նյութեր, որոնք վերաբերում են «Վերոնիկա Ժանս» հոդվածին։ |
| ||||||||||||||||||||
