Վան Եղյան

Վան Եղյան
Ծնվել է	մայիսի 17, 1940(1940-05-17)
Ծննդավայր	Գետամեջ, Հայաստան
Վախճանվել է	հունիսի 28, 2011(2011-06-28) (71 տարեկանում)
Մահվան վայր	Դագոմիս, Սոչի, Կրասնոդարի երկրամաս, Ռուսաստան
Ազգություն	հայ
Կրթություն	Փանոս Թերլեմեզյանի անվան գեղարվեստական ուսումնարան
Մասնագիտություն	նկարիչ և քանդակագործ
Անդամակցություն	Հայաստանի նկարիչների միություն

Վան Եղյան (մայիսի 17, 1940, գյուղ Գլաձոր-2011, հունիսի 28, Դագոմիս, ՌԴ Կրասնոդարի երկրամաս), հայ նկարիչ, քանդակագործ, բանաստեղծ։

Կենսագրություն

1961-1965 թթ. սովորել է Երևանի Փանոս Թերլեմեզյանի անվան գեղարվեստի ուսումնարանում։ 1990 թվականից եղել է ԽՍՀՄ, այնուհետև Հայաստանի նկարիչների միության անդամ։

1971-1975 թթ. պարբերաբար մեկնել է արտագնա աշխատանքի՝ նկարչական պատվերներ իրականացրել Ռուսաստանի Դաշնության և ԽՍՀՄ այլ հանրապետությունների տարբեր քաղաքներում ու երկրամասերում (Մոսկվա, Լենինգրադ, Սիբիր, Ուզբեկստան, Ղազախստան և այլն)։

1974-1975 թթ. դասավանդել է Եղեգնաձորի գեղարվեստի դպրոցում։

1993 թվականից տեղափոխվել է Ռուսաստան սոցիալ-տնտեսական պատճառներով և փողոցային դիմանկարչությամբ վաստակել իր ընտանիքի ապրուստը, Սև ծովի ափամերձ քաղաքներում (Սոչի, Ադլեր, Դագոմիս)։

Ցուցահանդեսներ

Հանրապետական և արտասահմանյան ցուցահանդեսներ

• 1969 թ. Կոմիտասը հայկական կերպարվեստում, Հայաստանի նկարիչների միության ցուցասրահ, Երևան
• 1988 թ. Դիմանկարի հանրապետական ցուցահանդես, Հայաստանի նկարիչների միության ցուցասրահ, Երևան
• 1989 թ. «Պատմության քառուղիներով», ցուցահանդես, Հայաստանի նկարիչների միության ցուցասրահ, Երևան
• 1990 թ. Արտասահմանյան երկրների կերպարվեստի տոնավաճառ-ցուցահանդես, "EXPORT SALON", Մոսկվա, Ռուսաստան
• 1991 թ. Հայաստանի առաջին (1918-1920) հանրապետության անկախությանը նվիրված ցուցահանդես, Հայաստանի նկարիչների միության ցուցասրահ, Երևան

Խմբակային ցուցահանդեսներ

• 1983 թ. Եղեգնաձորի գեղանկարիչները», Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 1984 թ. Ցուցահանդես նվիրված Գլաձորի համալսարանի 700-ամյակին, Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 1986 թ. «Եղեգնաձորի գեղանկարիչները», Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 1987 թ. «Վայոց ձորի գեղանկարիչները», Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 2005 թ. «Վայոց ձորի և Սյունիքի գեղանկարիչները», Գորիս
• 2006 թ. «Սյունիքի և Վայոց ձորի գեղանկարիչները», ԵԵԹ, Եղեգնաձոր
• 2010 թ. «Վայոց ձորի գեղանկարիչները», ԵԵԹ, Եղեգնաձոր

Անհատական ցուցահանդեսներ

• 1982 թ. Հայաստանի ազգային պատկերասրահի Եղեգնաձորի մասնաճյուղ, Եղեգնաձոր
• 2012 թ. Հետմահու ցուցահանդես, Եղեգնաձորի երկրագիտական թանգարանի ցուցասրահ, Եղեգնաձոր

Ստեղծագործություններ

Դիմաքանդակներ

• Արշավիր Մելիքյան (գյուղ Զառիթափ, 1968)
• Կոմիտաս ( Եղեգնաձոր, 1969)
• Մովսես Խորենացի (1969)

Հուշարձաններ` նվիրված 1941-1945 թթ. պատերազմի զոհերի հիշատակին

• գյուղ Վերնաշեն (1971-1972)
• գյուղ Եղեգիս (1976-1977)
• գյուղ Արտաբույնք (1978)
• գյուղ Զանգակատուն (Չանախչի, 1982)
• գյուղ Գլաձոր (1985)

Ընտանիք

1968 թվականին ամուսնացել է Վերա Դեմիրճյանի հետ։ Համատեղ ունեցել են վեց երեխա՝ (Իդա՝ 1969 թ., Սարինե՝ 1970 թ., Նարեկ՝ 1971 թ., Սարիկ՝ 1976 թ., Թենի՝ 1977 թ., Նաղաշ՝ 1983 թ.)։

Գրականություն

• Կատալոգ հետմահու անհատական ցուցահանդեսի, 2012 թ., ք. Երևան

Պատկերասրահ

• 

  Հուշարձան Երկրորդ աշխարհամարտում զոհվածներին, Գլաձոր

• 

  Հուշարձան Երկրորդ աշխարհամարտում զոհվածներին, Վերնաշեն