Վադիմ Սոբկո

Վիքիպեդիայից՝ ազատ հանրագիտարանից
Jump to navigation Jump to search
Վադիմ Սոբկո
Ծնվել էմայիսի 5 (18), 1912
ԾննդավայրՄոսկվա, Ռուսական կայսրություն[1]
Վախճանվել էսեպտեմբերի 12, 1981(1981-09-12)[2] (69 տարեկան)
Վախճանի վայրԿիև, Ուկրաինական ԽՍՀ, ԽՍՀՄ
ԳերեզմանԲայկովո գերեզմանատուն
Մասնագիտությունգրող
ՔաղաքացիությունFlag of the Soviet Union.svg ԽՍՀՄ
ԿրթությունԿիևի համալսարանի բանասիրական ֆակուլտետ
Ժանրերվեպ
ԱնդամակցությունԽՍՀՄ Գրողների միություն
ԿուսակցությունԽՄԿԿ
Պարգևներ

Վադիմ Նիկոլաևիչ Սոբկո (ուկր.՝ Собко Вадим Миколайович, մայիսի 5 (18), 1912, Մոսկվա, Ռուսական կայսրություն[1] - սեպտեմբերի 12, 1981(1981-09-12)[2], Կիև, Ուկրաինական ԽՍՀ, ԽՍՀՄ), ուկրաինացի գրող։ Ստալինի 3-րդ աստիճանի մրցանակի դափնեկիր (1951)։ ԽՄԿԿ անդամ 1940 թվականից։

Կենսագրություն[խմբագրել | խմբագրել կոդը]

Վադիմ Սոբկոն ծնվել է 1912 թվականին Մոսկվայում, զինվորականի ընտանիքում։ 1930 թվականին ավարտել է Լուգանսկի արդյունաբերական պրոֆտեխնիկական դպրոցը։ 1930-1934 թվականներին աշխատել է Խարկովի տրիկոտաժի գործարանում որպես փականագործ։ 1934-1939 թվականներին սովորել է Կիևի համալսարանի բանասիրական ֆակուլտետում։ Հայրենական պատերազմի առաջին իսկ օրերից աշխատել է զինվորական թերթերի խմբագրություններում։ Բեռլինի համար մղվող մարտերում ծանր վիրավորվել է։ Ապաքինվելուց հետո աշխատել է Գերմանիայում Խորհրդային ռազմական ադմինիստրացիայի «Սովետսկոյե պովո» թերթում։ 1959-1966 թվականներին եղել է Ուկրաինայի գրողների միության վարչության նախագահի տեղակալ[3]։

Մահը[խմբագրել | խմբագրել կոդը]

Մահացել է 1981 թվականին։ Թաղված է Կիևի Բայկովե գերեզմանատանը։

Պարգևներ[խմբագրել | խմբագրել կոդը]

  • Ստալինի 3-րդ աստիճանի մրցանակ, 1951
  • Տարաս Շևչենկոյի անվան ՈւԽՍՀ պետական մրցանակ, 1975[4]
  • Կարմիր աստղի երկու շքանշան (1942, 1944)
  • Հայրենական պատերազմի 1-ին աստիճանի շքանշան (1945)

Ստեղծագործություններ[խմբագրել | խմբագրել կոդը]

Տպագրվել սկսել է 1930-ական թվականներին։

  • «Աստղերի ուղին», վեպ-տրիլոգիա, 1943-1947
  • «Ճերմակ բոց», 1952
  • «Մարզադաշտ», 1954
  • «Սովորական կյանք», 1957
  • «Արծաթյա շոգենավը», 1961
  • «Մատվենյան նեղուց», 1962
  • «Դաժան ընկեր», 1963
  • «Չորրորդ վաշտը», 1965
  • «Դատավոր Մալախովի գործը», 1959
  • «Կոմերիտական գիշերներ», 1967
  • «Պատվո լեգիոն», 1970
  • «Մադոնա», 1973
  • «Բանալի», 1978

Պիեսներ

  • «Երկրորդ ճակատում», 1949
  • «Կյանքը նորից է սկսվում», 1950

Կինոսցենարներ

  • «Երբ սկսվում է պատանեկությունը», 1959
  • «Ծաղիկը քարի վրա», 1962

Գրականություն[խմբագրել | խմբագրել կոդը]

  • Моргаенко П. Вадим Собко // Літературні портрети. - К., 1960. - Т. 2.
  • Письменники Радянськоі Україні. Біобібліографічний довідник. - К., 1970.

Ծանոթագրություններ[խմբագրել | խմբագրել կոդը]

  1. 1,0 1,1 1,2 Собко Вадим Николаевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
  2. 2,0 2,1 2,2 Library of Congress AuthoritiesLibrary of Congress.
  3. Ուկրաինական պատմվածքներ, «Սովետական գրող» հրատարակչություն, Երևան, 1977
  4. Վադիմ Նիկոլաևիչ Սոբկո