Սուրբ Հակոբ ազգային վարժարան
Սուրբ Հակոբ ազգային վարժարան | |
---|---|
Տեսակ | ավագ դպրոց |
Հիմնադրված է | 1974 |
Երկիր | Կանադա |
Տեղագրություն | Մոնրեալ |
Կայք | ecolesourphagop.com(ֆր.) |
Սուրբ Հակոբ ազգային վարժարան (ֆր.՝ L'École arménienne Sourp Hagop, անգլ.՝ Saint James's Armenian School), նախապատրաստական կիսամասնավոր միջնակարգ դպրոց, որը գտնվում է Մոնրեալում (Քվեբեկ, Կանադա)։ Հայ-կանադական դպրոցն ունի շուրջ 1100 աշակերտ՝ չհաշված մոտակա նախադպրոցական հաստատության երեխաներին։ Կրթությունը սկսվում է մանկապարտեզից և ավարտվում 5-րդ միջնակարգ դասարանում, որից հետո շրջանավարտները կրթությունը շարունակում են Ընդհանուր և մասնագիտական կրթության քոլեջում (CÉGEP)։ Վարժարանի տնօրենն է Լորի Աբրակյանը։ 2005 թվականին Ֆրեյզերի ինստիտուտի կատարած ուսումնասիրության համաձայն՝ Սուրբ Հակոբ ազգային վարժարանը Քվեբեկի լավագույն միջնակարգ դպրոցների շարքում զբաղեցրել է 10-րդ տեղը։ Առաջինը եղել է Միսս Էդգարի և Միսս Քրամփի դպրոցը[1]։ Վարժարանը Հայաստանից դուրս գտնվող ամենամեծ հայկական դպրոցն է և գերազանցում է անգամ Լիբանանի և Սիրիայի հայկական դպրոցներին։
Վարժարանում, որտեղ սովորում են միայն հայ երեխաներ, դասավանդումը ֆրանսերենով է, երկրորդ լեզուն անգլերենն է, կան նաև հայերեն դասեր։ Քվեբեկի կրթության նախարարությունը մասնակիորեն ֆինանսավորում է դպրոցը։
Պատմություն[խմբագրել | խմբագրել կոդը]
Հիմնադրում[խմբագրել | խմբագրել կոդը]
Մոնրեալում հայկական դպրոցի և եկեղեցու հիմնադրումը նախաձեռնել է Երվանդ Բաստրմաջյանի նախագահությամբ գործող գործադիր կոմիտեն։ Հայկական կրթության հիմքը դրվել է այն ժամանակ, երբ 1959 թվականին իր դռները բացել է հայկական շաբաթօրյա դպրոցը։ Ավելի ուշ՝ 1973 թվականի սեպտեմբերին, Հայ օգնության միությունը երկուսից հինգ տարեկան հայ երեխաների համար բացել է նախակրթարան, որը կոչվում է բարերարներ տեր և տիկին Վարդգես և Աստղիկ Սարաֆյանների անունով[2]։
1974 թվականին Պարթենայի փողոցում հիմնադրվել է Սուրբ Հակոբ հայկական վարժարանը[3], որտեղ մանկապարտեզից մինչև առաջին դասարան սովորում էր 37 աշակերտ[4]։
Սուրբ Հակոբ հայկական եկեղեցու առաջնորդարանը Լավալի և Մոնրեալի աճող հայ համայնքի կրթական կարիքները բավարարելու համար ստեղծել է գործադիր հանձնախումբ։ ՀՕՄ-ի նախակրթարանը երեխաներին պետք է նախապատրաստեր ապագա կրթությանը։ ՀՕՄ-ի նախակրթարանի աշակերտների թիվը 60-ից հասել է 160-ի։
Զարգացում[խմբագրել | խմբագրել կոդը]
1975 թվականին դպրոցը տեղափոխվել է Վիկտոր Դորե փողոցում գտնվող նոր շենք։ Դպրոցը տարեցտարի աճել է՝ սկզբում դառնալով նախակրթարան, իսկ հետո ստացել է միջնակարգ դասարաններ բացելու թույլտվություն[4]։
1987 թվականին Սուրբ Հակոբը տեղափոխվել է նախկին Մալքոլմ Քեմփբել ավագ դպրոցի շատ ավելի մեծ շենք[4], որը անգլերենով հանրային դպրոցների համակարգի մաս էր կազմում։ Շենքը գտնվում է Սուրբ Հակոբ հայկական եկեղեցու հարևանությամբ։ Դպրոցը սկսել է աստիճանաբար զարգանալ՝ հասնելով ներկայիս չափսերին՝ ավելի քան 700 աշակերտ[3]։
Հայ օգնության միությունը զգալի աջակցություն է ցուցաբերել դպրոցին. ՀՕՄ-ի ջանքերի շնորհիվ դպրոցի գրադարանը և համակարգչային լաբորատորիան մեծապես աճել են[4]։
Կրթություն[խմբագրել | խմբագրել կոդը]
Սուրբ Հակոբ հայկական վարժարանը ֆրանսիական դպրոց է, առարկաների մեծ մասը՝ մաթեմատիկան, բնագիտությունը, Կանադայի և Քվեբեկի պատմությունը, դասավանդվում է ֆրանսերենով։ Այնուամենայնիվ, որոշ առարկաներ, ինչպիսիք են հայոց լեզուն և գրականությունը, դասավանդվում են հայերենով։ Հայ գրականությունը և պատմությունը դասավանդվում են այնպես, որ կանադահայ համայնքի նոր սերունդները պահպանեն հայկական մշակութային ինքնությունը։ Բացի հայերենից և ֆրանսերենից, դասավանդվում են նաև անգլերեն և անգլիական գրականություն[4]։
Խրախուսվում են արտադասարանային պարապմունքները, ինչպիսիք են արվեստը, սպորտը, շախմատը և երաժշտությունը[4]։ 2018 թվականի հունվարին տեղի է ունեցել «Geogra-bee» առաջին մրցույթը[5]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «CBC Montreal - Montreal Matters 2006: School». Արխիվացված է օրիգինալից 2007 թ․ հոկտեմբերի 21-ին.
- ↑ «Sourphagop». webcache.googleusercontent.com. Վերցված է 2022 թ․ հունիսի 7-ին.
- ↑ 3,0 3,1 «Մոնրէալի «Սուրբ Յակոբ» ազգային վարժարանի սաները հիւրընկալուեցան Սփիւռքի նախարարութեան մէջ». Hayern Aysor. 2015 թ․ հուլիսի 16. Վերցված է 2022 թ․ հունիսի 7-ին.
- ↑ 4,0 4,1 4,2 4,3 4,4 4,5 «L'École Arménienne Sourp Hagop - Alchetron, the free social encyclopedia». Alchetron.com (ամերիկյան անգլերեն). 2017 թ․ օգոստոսի 18. Վերցված է 2022 թ․ հունիսի 7-ին.
- ↑ «Geography Now - Geography Now! Geogra-bee #1! Montreal Quebec, Canada highlights - TheTVDB.com». thetvdb.com. Վերցված է 2022 թ․ հունիսի 7-ին.