Jump to content

Սուսաննա Մկրտչյան

Վիքիպեդիայից՝ ազատ հանրագիտարանից
Սուսաննա Մկրտչյան
Դիմանկար
Ծնվել էօգոստոսի 26, 1949(1949-08-26) (75 տարեկան)
ԾննդավայրԵրևան, Հայկական ԽՍՀ, ԽՍՀՄ
Քաղաքացիություն ԽՍՀՄ և  Հայաստան
Ազգությունհայ
ԿրթությունԵրևանի պետական համալսարան (1971)
Գիտական աստիճանտեխնիկական գիտությունների թեկնածու (1986)
Մասնագիտությունգիտնական, հասարակական գործիչ և Վիքիպեդիստ
ԱշխատավայրԵրևանի մաթեմատիկական մեքենաների գիտահետազոտական ինստիտուտ, Հայաստանի էկոնոմիկայի նախարարություն և Ինֆորմատիկայի և ավտոմատացման պրոբլեմների ինստիտուտ
Զբաղեցրած պաշտոններնախագահ
Պարգևներ և
մրցանակներ
ԱնդամությունՎիքիպեդիա և կրթություն խումբ
 Susanna Mkrtchyan Վիքիպահեստում

Սուսաննա Միհրանի Մկրտչյան (օգոստոսի 26, 1949(1949-08-26), Երևան, Հայկական ԽՍՀ, ԽՍՀՄ), հայ հասարակական գործիչ, վիքիպեդիստ, Վիքիմեդիա Հայաստան գիտակրթական-հասարակական կազմակերպության հիմնադիր-նախագահ (2013 թվական)[2], տեխնիկական գիտությունների թեկնածու[3]։ 2015 թվականին Վիքիպեդիայի հիմնադիր Ջիմի Ուելսի կողմից արժանացել է Տարվա վիքիպեդիստ պատվավոր կոչմանը[4]։ Մտահղացել և իրականության է վերածել վիքիճամբարների, վիքիակումբների նախագծերի տեսլականը[5]։ 2015 և 2016 թվականներին Վիքիճամբար նախագիծը ճանաչվել է «Տարվա ամենացնցող նախագիծ»[6]։ 2018 թվականին Սուսաննա Մկրտչյանն ընտրվել է Համաշխարհային Վիքիպեդիա և օգտվողների կրթական խմբի փոխնախագահ[7][8]։

Կենսագրություն

[խմբագրել | խմբագրել կոդը]

Կրթություն

[խմբագրել | խմբագրել կոդը]

Սուսաննա Մկրտչյանը ծնվել է 1949 թվականին Երևանում։ 1956-1964 թվականներին սովորել է Երևանի Ավետիք Իսահակյանի անվան դպրոցում։ 1964-1966 թվականներին ուսումը շարունակել է Մանուկ Աբեղյանի անվան այն ժամանակ ֆիզմաթ թեքումով դպրոցում, որն ավարտել է ոսկե մեդալով։ 1966-1971 թվականներին սովորել է Երևանի պետական համալսարանի մեխանիկա-մաթեմատիկական ֆակուլտետի կիբեռնետիկա բաժնում: Համալսարանն ավարտելուց հետո 1971 թվականին նա աշխատանքի է անցել Մերգելյանի ինստիտուտում։1977 թվականին նա տեղափոխվել է ՀԽՍՀ Պետպլանի հաշվողական կենտրոն, որտեղից 1984-1986 թվականներին գործուղվել է Ռուսաստանի Գիտությունների ակադեմիայի Համակարգային հետազոտությունների ինստիտուտ և մասնակցել «ԻՆԵՍ» տվյալների բազաների կառավարման համակարգի մշակման աշխատանքներին։ Այդ ընթացքում մշակել է Տվյալների բազա-օգտվող ինտերֆեյսը Վլադիմիր Արլազարովի ղեկավարությամբ, որի համար 1986 թվականին ստացել է տեխնիկական գիտությունների թեկնածուի գիտական կոչում[3]։

Ընդհանուր գործունեություն

[խմբագրել | խմբագրել կոդը]

Գիտատեխնիկական գործունեություն

[խմբագրել | խմբագրել կոդը]

Մասնագիտական գործունեությունը սկսել է Ս. Մերգելյանի անվան Երևանի մաթեմատիկական մեքենաների գիտահետազոտական ինստիտուտում որպես ծրագրավորող, այնուհետև աշխատել է Պետպլանի հաշվողական կենտրոնում, սկզբում խմբի ղեկավար, այնուհետև ղեկավարել է Ավտոմատացված տվյալների բանկերի բաժինը։ 2010 թվականից աշխատում է Ինֆորմատիկայի և ավտոմատացման պրոբլեմների ինստիտուտում՝ որպես առաջատար գիտաշխատող[3]։

Վիքի կամավոր

[խմբագրել | խմբագրել կոդը]
Վիքիպեդիա ուսուցման համագործակցության հանդիպումը Երևանի Այբ դպրոցում, Հայաստան, 2017 թվականի հունիսի 2-4[9]

2010 թվականից Սուսաննա Մկրտչյանը սկսել է խմբագրել Վիքիպեդիայում։ Նա, լինելով գիտության ոլորտում, նկատել է, որ Վիքիպեդիան կարող է գիտնականների համագործակցության միջավայր ստեղծել ինչպես Հայաստանի ներսում, այնպես էլ Հայաստանի և արտերկրի միջև։ 2011 թվականին նա մասնակցել է Հայֆայում (Իսրայել) կայացած Վիքիպեդիա Հիմնադրամի Վիքիմանիա ամենամյա համաժողովին[10] և Հիմնադրամի ներկայացուցիչների հետ խոսել հայաստանյան մասնաճյուղ ունենալու մասին։ 2013 թվականի մայիսին 14-ին հիմնադրվել է Վիքիմեդիա Հայաստան ՀԿ կազմակերպությունը[11][12][13]։

Սուսաննա Մկրտչյանը Վիքիպեդիայի բնագավառում մի քանի կրթական նոր գաղափարների հեղինակ է, որոնք համաշխարհային բարձր գնահատականի են արժանացել[12][14][15]։ Սուսաննա Մկրտչյանի մտահղացած նախագծերից Վիքիճամբար նախագիծը, որն առաջին անգամ հաջողությամբ փորձաշրջան է անցնել Հայաստանում, 2014 թվականին ճանաչվել է «Տարվա ամենացնցող նախագիծ», իսկ 2016 թվականին Վիքիակումբ նախագիծն է ճանաչվել «Տարվա ամենացնցող նախագիծ»։ Վիքիճամբար և Վիքիակումբ նախագծերը դարձել են հայկական բրենդ։

Հայաստանում Վիքիմեդիա շարժման մասսայականացմանն ուղղված միջոցառումների արդյունավետության շնորհիվ[16][17][18] 2016 թվականի օգոստոսին Արևելյան և Կենտրոնական Եվրոպայի երկրների Վիքիմեդիա կազմակերպությունների ամենամյա հինգերորդ համաժողովը կազակերպվել է Հայաստանում, Դիլիջանի միջազգային դպրոցում[14][19]։

Մրցանակներ

[խմբագրել | խմբագրել կոդը]
  • Տարվա վիքիպեդիստ պատվավոր հիշատակում, 2015 թվական Վիքիմանիա (միջոցառումը կայացել է Մեքսիկայում)[4][20][21]
  • «Վիքի ամենացնցող նախագիծ», որը շնորհվել է Սուսաննա Մկրտչյանի համահեղինակած «Վիքիճամբար» (2014) և «Վիքիակումբ» (2016) նախաձեռնություններին։

Ծանոթագրություններ

[խմբագրել | խմբագրել կոդը]
  1. ↑ https://diff.wikimedia.org/2015/07/31/wikipedians-of-the-year-2015/
  2. ↑ «Շուտով Հայաստանում կստեղծվի Վիքիմեդիա».
  3. ↑ 3,0 3,1 3,2 Institute for Informatics and Automation Problems of NAS RA. Susanna Mkrtchyan
  4. ↑ 4,0 4,1 Վիքիպեդիայի հիմնադրի անակնկալը Սուսաննա Մկրտչյանին
  5. ↑ Վիքիպեդիա. Շտապ օգնությունից արագ
  6. ↑ «Վիքիպեդիայի հիմնադրի անակնկալը Սուսաննա Մկրտչյանին». mediamax.am (անգլերեն). Արխիվացված է օրիգինալից 2020 թ․ մայիսի 28-ին. Վերցված է 2019 թ․ ապրիլի 11-ին.
  7. ↑ Wikipedia & Education User Group/User Group election 2018-2020/Results
  8. ↑ «Wikipedia: uno strumento per cambiare l'ecosistema formativo». Wikimedia Italia (իտալերեն). 2018 թ․ դեկտեմբերի 3. Արխիվացված է օրիգինալից 2019 թ․ օգոստոսի 21-ին. Վերցված է 2018 թ․ դեկտեմբերի 3-ին.
  9. ↑ Wikipedia & Education User Group
  10. ↑ «Wikimania 2011 • Haifa, Israel. August 4–7, 2011».
  11. ↑ «ՎԻՔԻՄԵԴԻԱ ՀԱՅԱՍՏԱՆ».
  12. ↑ 12,0 12,1 Susanna Mkrtchyan is a grandmother on a mission
  13. ↑ «First Wiki conference in Armenia slated for September 8-9». telecom.arka.am. Վերցված է 2018 թ․ հոկտեմբերի 25-ին.
  14. ↑ 14,0 14,1 Կատրին Մաեր. «Հայկական վիքիճամբարները բացառիկ են»
  15. ↑ правды», Юлия ДИВЕЕВА | Сайт «Комсомольской (2018 թ․ դեկտեմբերի 11). «Викимедиа РУ выложила новую книгу "Открытое наследие"». KP.RU - сайт «Комсомольской правды» (ռուսերեն). Վերցված է 2018 թ․ դեկտեմբերի 15-ին.
  16. ↑ ««ՎԻՔԻՊԵԴԻԱՆ» ԵՊՀ-ՈՒՄ. ԽՄԲԱԳԻՐՆԵՐԸ ՀՈԳԵԲԱՆՆԵՐՆ ԵՆ». www.ysu.am. Արխիվացված է օրիգինալից 2019 թ․ հուլիսի 11-ին. Վերցված է 2018 թ․ հոկտեմբերի 25-ին.
  17. ↑ «Հայերեն Վիքիպեդիան զարգանում է` միացեք, խմբագրեք». mediamax.am (անգլերեն). Վերցված է 2018 թ․ հոկտեմբերի 25-ին.
  18. ↑ «Հայալեզու վիքիպաշարները համալրվում են, բայց դեռ շատ անելիք կա - ankakh.com». ankakh.com (անգլերեն). Արխիվացված է օրիգինալից 2019 թ․ դեկտեմբերի 27-ին. Վերցված է 2018 թ․ հոկտեմբերի 25-ին.
  19. ↑ Կենտրոնական և Արևելյան Եվրոպայի երկրների Վիքիմեդիա կազմակերպությունների հինգերորդ ամենամյա հավաքը կգումարվի օգոստոսի 27-29-ը UWC Dilijan քոլեջում(չաշխատող հղում)
  20. ↑ «Հայերեն Վիքիպեդիան ընդօրինակման լավագույն փորձ է գործընկերների համար. հարցազրույց 2015-ի «Տարվա վիքիպեդիստ»-ի հետ». armenpress.am. Վերցված է 2018 թ․ հոկտեմբերի 25-ին.
  21. ↑ «Տարվա վիքիպեդիստը հայ է». Վերցված է 2018 թ․ հոկտեմբերի 25-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Սուսաննա Մկրտչյան» հոդվածին։
Ստացված է «https://hy.wikipedia.org/w/index.php?title=Սուսաննա_Մկրտչյան&oldid=10108553» էջից