Սթիվեն Մնուչին

Վիքիպեդիայից՝ ազատ հանրագիտարանից
Jump to navigation Jump to search
Սթիվեն Մնուչին
անգլ.՝ Steven Mnuchin
Steven Mnuchin.jpg
Դրոշ
(77-րդ) Ամերիկայի Միացյալ Նահանգներ ԱՄՆ Ֆինանսների նախարար
 2017 թվականի փետրվարի 13
Նախորդող Ջեյկոբ Լյու
Ադամ Զուբին
 
Կուսակցություն՝ ԱՄՆ Հանրապետական կուսակցություն
Կրթություն՝ Եյլի համալսարան
Գիտական աստիճան՝ Բակալավր
Մասնագիտություն՝ բանկիր, կինոպրոդյուսեր և քաղաքական գործիչ
Ծննդյան օր դեկտեմբերի 21, 1962(1962-12-21)[1] (57 տարեկան)
Ծննդավայր Նյու Յորք, Նյու Յորք, ԱՄՆ
Քաղաքացիություն Flag of the United States.svg ԱՄՆ
Ի ծնե անուն անգլ.՝ Steven Terner Mnuchin
Հայր Robert Mnuchin?
Ամուսին Louise Linton?[2]
 
Կայք՝ treasury.gov/about/Pages/Secretary.aspx
 
Ինքնագիր Mnuchin firma.jpg
10 USD 2017 obverse.jpg
Magnify-clip.png
Ստորագրությունը բանկնոտի վրա

Սթիվեն Թյորներ Մնուչին (բնօրինակ ազգանունը՝ Մնուխին, ինքն արտասանում է Մենուշին /məˈnʃɪn/[3], անգլ.՝ Steven Terner Mnuchin, դեկտեմբերի 21, 1962(1962-12-21)[1], Նյու Յորք, Նյու Յորք, ԱՄՆ), ամերիկացի ձեռնարկատեր, «Goldman Sachs» բանկի նախկին աշխատակից։ Դոնալդ Թրամփի հաղթանակից հետո ընտրված նախագահի կաբինետում նշանակվել է Ֆինանսների նախարար։ 2017 թվականի փետրվարի 13-ից Միացյալ Նահանգների Ֆինանսների նախարարն է։

Կենսագրություն[խմբագրել | խմբագրել կոդը]

Ծնվել է հրեական ընտանիքում։ Մնուչինի նախնիները Ռուսաստանից հրեական ներգաղթյալներ էին[4]։ Ավարտել է Եյլի համալսարանը, որտեղ հանրակացարանի սենյակը կիսել է ապագա նախագահի և «Sears» ընկերության հիմնական բաժնետեր Էդվարդ Լամփերտի հետ։

1985-2002 թվականներին Մնուչինն աշխատել է «Goldman Sachs» բանկում՝ հասնելով փոխնախագահի և տեղեկատվական տեխնոլոգիաների գծով տնօրենի պաշտոններին և վաստակելով 40 միլիոն դոլար։ Այնուհետև աշխատել է Լամփերտի ESL հեջ ֆոնդերում։ Մի քանի ամիս անց զբաղեցրել է «SFM Capital Management» հեջ ֆոնդերի գլխավոր տնօրենի պաշտոնը, որում Ջորջ Սորոսը ներդրել է 1 միլիարդ դոլար։ Որոշ ժամանակ անց Մնուչինը Չիպ Զիլիգի և Դենիել Նիդիչի հետ հիմնել է «Dune Capital» ընկերությունը, որը 2006 թվականին զբաղվել է կինոարտադրության ֆինանսավորմամբ։ 2007 թվականին ընկերությունը 500 միլիոն դոլարի պայմանագիր է կնքել «20th Century Fox» կինոընկերության հետ՝ ներդրումներ կատարելով «Ավատար» ֆիլմի և «Իքս մարդիկ» ֆիլմաշարից որոշ ֆիլմերի նկարահանումներում։ Ավելի ուշ «Dune»-ը պայմանագիր է կնքել «Warner Brothers»-ի հետ։ 2013 թվականին Մնուչինը միացրել է բիզնեսը Բրեթ Ռաթների և Ջեյմս Փաքերի հետ, և այդ միավորման արդյունքում ստեղծվել է «RatPac-Dune Entertainment» ընկերությունը։ Այն ֆինանսավորել է «Ամերիկացի դիպուկահարը» և «Խելագար Մաքս․ զայրույթի ճանապարհը» ֆիլմերը։ 2014 թվականին ներդրել է «Relativity Media»-ում, բայց 2015 թվականին՝ մինչև այդ ընկերության սնանկության ընթացակարգի սկսվելը, հասցրել է դուրս գալ կապիտալից[5]։

2016 թվականին Մնուչինը ղեկավարել է Դոնալդ Թրամփի նախագահական քարոզարշավի ֆինանսները, իսկ նույն տարվա նոյեմբերին մամուլն սկսել է նրան համարել ընտրված նախագահի ապագա աշխատասենյակում ֆինանսների նախարարի պաշտոնի հնարավոր թեկնածուներից մեկը[6]։

2016 թվականի նոյեմբերի 30-ին Թրամփը պաշտոնապես հայտարարել է Ֆինանսների նախարարի պաշտոնում հաստատվելու համար Մնուչինի թեկնածությունը Սենատին ներկայացնելու մտադրության մասին[7]։

2017 թվականի փետրվարի 13-ին Սենատը 53 կողմ և 47 դեմ ձայնով հաստատել է Մնուչինի նշանակումը։ Քննարկման ժամանակ խիստ քննադատության է ենթարկվել Մնուչինի անցյալը, որը կապված Է Ուոլ Սթրիթում նրա երկարատև գործունեության հետ։ Մասնավորապես, Նյու Ջերսիից սենատոր-դեմոկրատ Ռոբերտ Մենենդեսը հայտնել է․

Aquote1.png Նա այն կորպորատիվ հարձակվող կլանի մի մասն էր, որը ծնկի բերեց մեր տնտեսությունը[8]: Aquote2.png

Ընտանիք[խմբագրել | խմբագրել կոդը]

Սթիվեն Մնուչինը Նյու Յորքից Էլեն Թյորներ-Քուփերի և Կոնեկտիկուտ նահանգի Վաշինգտոն քաղաքից Ռոբերտ Մնուչինի որդին է։ Էլեն Թյորներն զբաղեցրել է Սողոմոն Գուգենհայմի թանգարանի տնօրենների միջազգային խորհրդի փոխնախագահի և արվեստին աջակցող Բիրդ Հոֆմանի հիմնադրամի (անգլ.՝ Byrd Hoffman Foundation) տնօրենի պաշտոնները։ Ռոբերտ Մնուչինը նախկինում եղել է «Goldman Sachs»-ի հիմնական պարտնյորը, Նյու Յորքի «c&M Arts» պատկերասրահի սեփականատերը։ Ռոբերտն ու նրա երկրորդ կինը՝ Ադրիանան, նաև Վաշինգտոնի (Կոնեկտիկուտ) «Mayflower Inn» հյուրանոցի սեփականատերն են, իսկ Ադրիանան Նյու Յորքի Ամերիկյան արվեստի Ուիթնի թանգարանի հոգաբարձական խորհրդի անդամ է։

1999 թվականին Սթիվեն Մնուչինն ամուսնացել է «Launch Media» ընկերության փոխնախագահ Հեզեր Քրոսբիի հետ (անգլ.՝ Heather deForest Crosby)[9][10][11]։ 2014 թվականին զույգը բաժանվել է։

2016 թվականին Մնուչինը նշանադրվել է Մեծ Բրիտանիայում ծնված դերասանուհի Լուիզա Լինթոնի հետ, որը Զամբիայում իր կյանքի մասին հուշագրությունների հրապարակումից հետո հայտնվել է աղմկահարույց սկանդալի կիզակետում[12]։

Ծանոթագրություններ[խմբագրել | խմբագրել կոդը]

  1. 1,0 1,1 Munzinger-Archiv — 1913.
  2. https://www.vanityfair.com/style/2017/06/steve-mnuchin-louise-linton-wedding
  3. Steven Mnuchin (23 February 2017)։ Treasury Secretary Steve Mnuchin goes one-on-one with CNBC։ Interview with Becky Quick։ CNBC։ Արխիվացված օրիգինալից October 2, 2017-ին։ Վերցված է 2 October 2017 
  4. Gilad Elon։ «How Steven Mnuchin Got His Unusual Name»։ Haaretz։ Արխիվացված օրիգինալից February 16, 2017-ին։ Վերցված է 16 February 2017 
  5. Paul Bond (2016-05-05)։ «Donald Trump Taps Steven Mnuchin for Finance Chair» (անգլերեն)։ Hollywood Reporter։ Վերցված է 2016-11-17 
  6. Portia Crowe (2016-11-14)։ «REPORT: Trump team's top pick for Treasury secretary is an ex-Goldman Sachs banker» (անգլերեն)։ Business Insider։ Վերցված է 2016-11-17 
  7. Elizabeth Gurdus (2016-11-30)։ «EXCLUSIVE: Steve Mnuchin says there will be 'no absolute tax cut for the upper class'» (անգլերեն)։ CNBC։ Վերցված է 2016-12-01 
  8. Alan Rappeport (2017-02-13)։ «Steven Mnuchin Is Confirmed as Treasury Secretary» (անգլերեն)։ The New York Times։ Վերցված է 2017-02-13 
  9. Heather (given name)(անգլ.) // Wikipedia. — 2017-12-09.
  10. heather // The Free Dictionary.
  11. «WEDDINGS; Heather Crosby, Steven Mnuchin» (անգլերեն)։ The New York Times։ 1999-09-26։ Վերցված է 2016-11-17 
  12. Callum Mason (2016-11-17)։ «Scots actress Linton tipped for move to White House» (անգլերեն)։ DeadlineNews։ Վերցված է 2016-11-17 

Արտաքին հղումներ[խմբագրել | խմբագրել կոդը]