Ռիչարդ Մեթսոն (անգլ.՝ Richard Matheson, փետրվարի 20, 1926[1][2], Ալենդեյլ, Նյու Ջերսի - հունիսի 23, 2013[3][2], Լոս Անջելես), ամերիկացի ֆանտաստ գրող։ Ստեղծագործել սկսել է ութ տարեկան հասակում։ Առաջին պատմվածքը "Born of Man and Woman" անվանմամբ հրատարակել է «The Magazine of Fantasy and Science Fiction» ամսագրում 1950 թ֊ին։ 1954 թ֊ին հրատարակվեց գրողի առաջին վեպը՝ «Ես լեգենդ եմ» (էկրանավորվեց երեք անգամ), որը պատմում է վիրուսի ազդեցության տակ մարդկության վամպիրների վերափոխման մասին։
Գրել է բազմաթիվ պատմվածքներ ֆանտաստիկա և սարսափ ժանրերում։ Առավել հայտնիները՝ «Դուել» ("Duel", էկրանավորել է Սթիվեն Սփիլբերգը), «Կոճակ, Կոճակ» ("Button, Button"), «Փորձարկում» ("The Test") և այլն։ Աշխատել է նաև որպես սցենարիստ։ Մեթսոնի չորս որդիներից երեքը նույնպես գրող են դարձել։
Սթիվեն Քինգը խոստովանել է, որ Մեթսոնը մեծ ազդեցություն է ունեցել նրա վրա, իսկ Դին Կունցը ասել է, որ «մենք ավելի հարուստ ենք դարձել, որովհետև ունենք Ռիչարդ Մեթսոնին»։
ԱՄՆ
