Միսսուրիի համալսարան

Վիքիպեդիայից՝ ազատ հանրագիտարանից
Jump to navigation Jump to search
Միսսուրիի համալսարան
University of Missouri logo.svg
Mizzou-columns-JayBuffington.jpg
Տեսակհանրային հետազոտությունների համալսարան, հողադրամաշնորհային համալսարան և ԱՄՆ-ի հասարակական կրթության կազմակերպություն
Հիմնադրված է1839
Ընդհանուր անձնակազմ13 303 մարդ
ԱնդամակցությունԱմերիկյան համալսարանների ասոցացիա[1], ORCID[2], Հետազոտական գրադարանների ասոցիացիա[3], Հարավ - արևելյան կոնֆերանս և Ցանցային տեղեկատվության կոալիցիա[4]
ԵրկիրFlag of the United States.svg ԱՄՆ
ՏեղագրությունՔոլամբիա, Միսսուրի և Բուն շրջան
Հասցե105 Jesse Hall, Columbia, MO, 65211[5]
Կայքmissouri.edu(անգլ.)
University of Missouri Վիքիպահեստում

Միսսուրիի համալսարան (Միսսուրիի համալսարան՝ Կոլումբիա), ԱՄՆ-ի Պետական հետազոտական համալսարան Միսսուրի նահանգի Կոլումբիա քաղաքում: Հիմնվել է 1839 թվականին Միսիսիպի գետի արևմտյան ափին և դարձել առաջին պետական համալսարանը: Միսսուրիի համալսարանը ամենամեծն է իր նահանգում: Այնտեղ 270 մասնագիտություններով սովորում են ավելի քան 30000 ուսանողներ ԱՄՆ-ի բոլոր նահանգներից և մոտավոր 100 երկրներից: Աշխարհում կա այդ համալսարանի ավելի քան 270000 շրջանավարտ, որոնց կեսը ապրում է Միսսուրիում[6]:

Համալսարանը համարվում է Միսսուրիի համալսարանական համակարգի մի մասը, որը համախմբում է Կոլումբիայում, Ռոլլում, Կանզաս Սիթիում և Սենտ Լուիսում տեղակայված չորս ուսումնարան:

Ամերիկյան համալսարանների ամերիկյան ասոցացիային պատկանող 34 պետական համալսարաններից մեկը Միսսուրիում է: 2004 թվականին, ըստ News & World Report(անգլ.) ամսագրի վարկանիշի, համալսարանը 97-րդ տեղն է զբաղեցրել, այն մնացել էր անցյալ տարվա նույն տեղում: Համալսարանի ուսումնարանը գտնվում է քաղաքի կենտորնից 5 րոպե հեռավորության վրա և ավելի շատ նման է բուսաբանական այգու: Համալսարանի պատմական մասը՝ Ֆրենսիս Քուարդը, պաշտոնապես ճանաչվել է պատմական նշանակություն ունեցող շրջան[7]:

Այստեղ, 1908 թվականին հիմնադրվեց աշխարհում առաջին ժուռնալիստիկայի դպրոցը: Այն հիմնադրվեց լրագրող Ուիլիամ Վալտերի կողմից: Այժմ այն կոչվում է լրագության ֆակուլտետ: Համալսարանում կա միջուկային ռեակտոր[8], որն ինստիտուտներում գործող աշխարհի ամենահզոր ռեակտորն է:

Միսսուրիի համալսարանը Ամերիկայի վեց պետական համալսարաններից մեկն է, որտեղ բժշկական, անասնաբուժական, ինժեներական, գյուղատնտեսական և իրաբանական ֆակուլտետները գտնվում են նույն համալսարանում: Համալսարանի առողջապահական համակարգը ներառում է 4 հիվանդանոց, որոնք գտնվում են պետության կենտրոնական մասում:

Ծանոթագրություններ[խմբագրել | խմբագրել կոդը]