Ռիչարդ I Առյուծասիրտ
Ռիչարդ I Առյուծասիրտ | |
|---|---|
 | |
| Զինվորական կոչում | ասպետ |
| Ծնվել է՝ | սեպտեմբերի 8, 1157 |
| Ծննդավայր | Բեոմոնտ պալատ, Օքսֆորդշիր, Անգլիա[1] |
| Մահացել է՝ | ապրիլի 6, 1199 (41 տարեկան) մարդասպանություն |
| Վախճանի վայր | Շարլո[2] |
| Երկիր |  Անգլիայի թագավորություն |
| Տոհմ | Պլանտագենետներ |
| Հայր | Հենրի II Պլանտագենետ[3] |
| Մայր | Ալիենորա Ակվիտանացի[3] |
| Երեխաներ | Ֆիլիպ և Fulk (?)?[1] |
| Հավատք | կաթոլիկություն |
Ռիչարդ Առյուծասիրտ (անգլ.՝ Richard the Lionheart, ֆր.՝ Richard Cœur de Lion, սեպտեմբերի 8, 1157, Բեոմոնտ պալատ, Օքսֆորդշիր, Անգլիա[1] - ապրիլի 6, 1199, Շարլո[2]), Անգլիայի թագավոր Պլանտագենետների հարստությունից (1189-1199)։
Հենրի II-ի և Էլեոնորա Աքվիթանուհու որդին։
Գահին բարձրանալուց հետո ընդամենը մի քանի ամիս անց՝ մեկնում է խաչակրաց արշավանքի, որի ընթացքում նվաճում է Կիպրոս կղզին։ Ռիչարդի բացակայության ժամանակ իշխանությունը Անգլիայում անցնում է նրա եղբայր Ջոնին։ Օգտվելով Ռիչարդի բացակայությունից Ֆրանսիայի թագավոր Ֆիլիպ II-ը սկսում է գրավել Ռիչարդի տիրույթները Ֆրանսիայի Նորմանդիա նահանգում։ Իմանալով այդ մասին՝ Ռիչարդը թաքուն փորձում է վերադառնալ Անգլիա, սակայն ճանապարհին գերի է վերցվում Գերմանիայի կայսր Հենրի VI-ի կողմից և ազատվում 150.000 մարկ փրկագին վճարելու խոստման դիմաց (այդ գումարից վճարվում է 100,000-ը)։ Ռիչարդը 1194 թվականի սկզբին վերադառնում է Անգլիա, որտեղ սկսում է բանակ հավաքել Ֆրանսիայի դեմ պատերազմելու համար։ 1194 թ. մայիսին Ռիչարդը մեկնում է Ֆրանսիայի իր կալվածքները՝ այնտեղ պատրաստվելով պատերազմի, հավաքելով ռազմական ուժեր և կառուցելով նոր ամրոցներ։ 1199 թ. Ռիչարդը Լիմուզենում Շալյու-Շաբրոլ ամրոցի պաշարման ժամանակ վիրավորվում է արբալետի բոլտից և մեկ ամիս անց մահանում արյան վարակից։ Անգլիայի գահը անցնում է Ջոնին։
Իր դերը երրորդ խաչակրաց պատերազմում
Ռիչարդ I հատկապես հայտնի է երրորդ խաչակրաց արշավանքից։ Ֆիլիպ II-ի մեկնումից անց, նա համարվեց պատերազմի բարձրագույն առաջնորդը։ Ստանձնելով իր նոր դիրքը, տարիներով պայքարեց Սալադինի դեմ, սակայն նա ստիպված համաձայնվեց խաղաղության պայմանագրի իր եղբոր Ջոնի դավաձանական վարքագծից հետո։[4]
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Lundy D. R. The Peerage
- ↑ 2,0 2,1 2,2 Union List of Artist Names — 2017.
- ↑ 3,0 3,1 Kindred Britain
- ↑ Asbridge, Thomas. The Crusades: The Authoritative History of the War for the Holy Land [The Crusades: The Authoritative History of the War for the Holy Land]. ISBN 9780060787288.
Աղբյուրներ
[խմբագրել | խմբագրել կոդը]- Ռ.Գևորգյան ՄԵԾ ԲՐԻՏԱՆԻԱՅԻ ՊԱՏՄՈՒԹՅՈՒՆ, Երևան, 2009(չաշխատող հղում)
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
 | Վիքիպահեստն ունի նյութեր, որոնք վերաբերում են «Ռիչարդ I Առյուծասիրտ» հոդվածին։ |
| ||||||||||||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 668)։ 
|