Ռայան Գիգզ

Վիքիպեդիայից՝ ազատ հանրագիտարանից
(Վերահղված է Ռայան Գիգգսից)
Ֆուտբոլ

Ռայան Գիգզ
Ryan Giggs vs MLS All Stars 2010.jpg
Անձնական տեղեկատվություն
Ամբողջ. անուն Ռայան Ջոզեֆ Գիգզ
Մականուն Ուելսցի կախարդ, Գիգզի
Ծննդավայր   Կարդիֆֆ, Ուելս Ուելս
Ծննդյան թիվ   նոյեմբերի 29, 1973 (41 տարեկան)
Հասակ 180 սմ
Քաշ 68 կգ
Դիրք կիսապաշտպան
Ակումբային տեղեկատվություն
Ներկա ակումբ Անգլիա Մանչեսթեր Յունայթեդ
Համար 11
Պատանեկան կարիերա
1985 - 1987 Անգլիա Մանչեսթեր Սիթի
1987 - 1990 Անգլիա Մանչեսթեր Յունայթեդ
Մասնագիտական կարիերա 1
Տարի Ակումբ Խաղ (Գոլ)
1990 - 2014 Անգլիա Մանչեսթեր Յունայթեդ 672 (114)
Ազգային հավաքական2
1989 Անգլիա Անգլիա Մ-16 1 (1)
1989 Ուելս Ուելս Մ-18 3 (0)
1990 Ուելս Ուելս Մ-21 1 (0)
1991 - 2007 Ուելս Ուելս 64 (12)
2012 Մեծ Բրիտանիա Մեծ Բրիտանիա օլիմպ. 4 (1)

1 Մասնագիտական կարիերայում ընդգրկված են
միայն առաջնության խաղերը և գոլերը 
ըստ 1 փետրվար 2014.
2 Ազգային հավաքականի խաղերը և գոլերը
ըստ 20 հուլիս 2012.

Ռայան Ժոզեֆ Գիգզ (անգլ.՝ Ryan Joseph Giggs; նոյեմբերի 29, 1973, Քարդիֆ, Ուելս), ուելսցի ֆուտբոլիստ, իր ամբողջ մասնագիտական կարիերայի ընթացքում հանդես է եկել «Մանչեսթեր Յունայթեդ» ակումբում՝ խաղալով 900-ից ավելի հանդիպում։

Հանդիսանում է բրիտանական ֆուտբոլի պատմության մեջ ամենատիտղոսակիր ֆուտբոլիստը[1]։ 2013 թ. մայիսի 19-ին դարձավ առաջին ֆուտբոլիստը, ով նվաճել է Անգլիայի բարձրագույն դիվիզիոնի 13 տիտղոս։

Գիգզը հանդիսանում է միակ ֆուտբոլիստը, ով Անգլիայի Պրեմիեր Լիգայի հիմնադրման ժամանակից հետո գոլ է խփել բոլոր մրցաշրջաններում։ Նա նաև առաջին խաղացողն է, ով ՈՒԵՖԱ Չեմպիոնների Լիգայի 11 մրցաշրջաններում գոլի հեղինակ է դարձել։ Գիգզը ռեկորդակիր է Մանչեսթեր Յունայթեդ ակումբի կազմում բոլոր մրցաշարերորւմ անկացված խաղերի քանակով։ 2013 թ. մայիսի 5-ին Գիգզը խաղաց իր 1000-րդ պաշտոնական խաղը կարիերայում[2]։

Գիգզը հանդես է գալիս Ուելսի ֆուտբոլի ազգային հավաքականի կազմում, նա երկրի հավաքականի պատմության մեջ ամենաերիտասարդ խաղացողն է։ 2007 թվականի դեկտեմբերի 11-ին Բուքինգեմյան պալատում անցակցված արարողության ժամանակ Ռայան Գիգզին շնորհվել է Բրիտանական կայսրության ասպետական շքանշան[3]։

2011 թվականի հունվար ամսին ֆուտբոլասերների շրջանում անցկացված հարցումների արդյունքում ճանաչվել է Մանչեսթեր Յունայթեդ ակումբի պատմության մեծագույն խաղացող[4]։

Մանկություն և սիրողական ֆուտբոլ[խմբագրել]

Ռայան Գիգզը ծնվել է Կարդիֆֆում, Ուելս, Դեննի Ուիլսոնի ընտանիքում, ով խաղում էր Կարդիֆֆի ռեգբիի թիմում: Նրա մայրն էր Լիննի Գիգզը: Ռայանն իր մանկությունը անց էր կացնում Կարդիֆի արևմտյան բնության գրկում, միաժամանակ շատ ժամանակ անցկացնելով իր մոր հարազատների հետ, նաև ֆուտբոլ էր խաղում փողոցներում: 1980 թվականին, երբ Ռայանը 6 տարեկան էր, նրա հայրը փոխեց իր ռեգբիի թիմը, և նրանք ընտանիքով տեղափոխվեցին «Սուինթոն Լայոնս», և Գիգզի ողջ ընտանիքը ստիպված տեղափոխվում է հյուսիս՝ Մանչեսթեր[5]: Այս տեղափոխությունը Գիգզը ծանր տարավ, քանի որ Կարդիֆֆում էին մնացել իր մոր հարազատները, բայց նա դպրոցի արձակուրդների ժամանակ շուտ-շուտ էր իր ընտանիքի հետ մեկնում Կարդիֆֆ:

Մանչեսթեր գնալուց հետո Գիգզը սկսեց հանդես գալ Դինս սիրողական ակումբում, որը մարզում էր Մանչեսթեր Սիթիի սկաուտ Դեննիս Սկոֆիլդը: Դեբյուտային խաղում Ռայանը Դինսի հետ միասին 9:0 հաշվով ջախջախվեց Սթրեթֆորդ Վիքս ակումբի կողմից, չնայած դրան շատերն ասում էին, որ այդ օրը խաղադաշտում լավագույն ֆուտբոլիստը Գիգզն էր: Սքոֆիլդ խորհուրդ տվեց Ռայանին տեղափոխվել Մանչեսթեր Սիթիի երիտասարդական ակադեմիա, որին Ռայանը համաձայնվեց: Նույն ժամանակաշրջանում, նա շարունակեց հանդես գալ Սոլֆորդ Բոյզում, որում նա հասավ դպրացական գավաթի եզրափակիչ, որը անցկացրվում էր Էնֆիլդում: Եզրափակչում Սոլֆորդ Բոյզը հաղթեց Բլեքբեռն Բոյզին, իսկ Ռայան Գիգզը, որը Սոլֆորդի ավագն էր՝ մրցանակը ստացավ Լիվերպուլի գլխավոր սկաուտ Ռոն Յեյթեսի ձեռքով:

Երբ Գիգզը հանդես էր գալիս Դինսում, նրան հետևում էին տեղական ցրիչ թերթը և Օլդ Թրաֆորդ մարզադաշտի ուզեկցորդ Հարոլդ Վուդը: Վուդը մարզչական շտաբին տեղեկացրեց Գիգզի մասին, սակայն անարդյունք, Վուդը չկարողացավ Գիգզով գրավել Ալեքս Ֆերգյուսոնի ուշադրությունը: Վուդը Յունայթեդի գլխավոր մարզչին ասաց: «Նա հիմա Սիթիում է, եթե դուք նրան բաց թողնեք հետո կփոշմանեք»: Արդյունքում Ֆերգյուսոնը Դինս սկաուտ ուղարկեց, որից հետո՝ 1986 թվականին Գիգզին առաջարկեցին փորձաշրջան անցնել Մանչեսթեր Յունայթեդում: Այս փորձաշրջանից հետո Գիգզը Սոլֆորդ Բոյզի հետ խաղաց Յունայթեդի մինչև 15 տարեկանների թիմի դեմ , որը տեղի ունեցավ «Քլիֆֆ» բազայում: Ռայանը ձևակերպեց հեթ-տրիկ այդ խաղում: Հաջորդ տարվա նոյեմբերին, Գիգզի 14-րդ ամյակին՝ Ալեքս Ֆերգյուսոնն ու Ջո Բրաունը (Յունայթեդի սկաուտը), եկան Ռայանի տուն և նրան առաջարկեցին երկամյա սիրողական պայմանագիր, որը կարող էր 3 տարուց դառնալ պրոֆեսիոնալ: Գիգզը կնքեց պայմանագիր:

Մանչեսթեր Յունայթեդ[խմբագրել]

Խաղաոճը[խմբագրել]

90-ականների սկզբներին Գիգզը խաղում էր կլասիկ ձախ վինգերի դիրքում՝ արագություն, դրիբլինգ, դիպուկ փոխանցումներ և գոլ խփելու կարողություն: Սրանք դարձրին Գիգզին լավագույն եզրային կիսապաշտպաններից մեկն ամբողջ աշխարհում: Տարիների ընթացքում Գիգզը սկսեց խաղալ ավելի խորքից, կենտրոնական և հենակետային կիսապաշտպանների դիրքում: Գիգզ՝ արագ, տեխնիկապես զարգացած ֆուտբոլիստ, նա կարողանում էր կարդալ խաղը և կատարել սուր փոխանցումներ: Հենց այդ հատկանիշները նրան դարձրին ամենալավ կիսապաշտպաններից մեկն աշխարհում:

Դեբյուտը և առաջին ամբողջական մրցաշրջանը ակումբում[խմբագրել]

1990 թվականի նոյեմբերի 29-ին, երբ լրացավ իր 17 տարեկանը, Գիգզը կնքեց իր առաջին պրոֆեսիոնալ պայմանագիրը: Այդ ժամանակ նրան համարում էին Բրիտանիայի լավագույն երիտասարդ խաղացողը:

Մարզաշապիկը, որով Անգլիայի երիտասարդական գավաթի եզրափակչի ժամանակ խաղադաշտ է դուրս եկել Ռայան Գիգզը, պահվում է Մանչեսթեր Յունայթեդի թանգարանում

Առաջնությունում Ռայանի դեբյուտը տեղի ունեցավ 1991 թվականի մարտի 2-ին Էվերտոնի դեմ հանդիպման ժամանակ՝ Օլդ Թրաֆորդում: Այդ խաղում Գիգզը դուրս եկավ փոխարինման Դենիս Իրվանի փոխարեն: 1991 թվականի մայիսի 4-ին մանչեսթերյան դերբիում Գիգզը դուրս եկավ խաղադաշտ մեկնարկային կազմում և խփեց հաղթական գնդակը Մանչեսթեր Սիթիի դարպասին: Այնուամենայնիվ, Ռայանը հայտավորված չէր այն 16 ֆուտբոլիստների ցանկում, ովքեր պետք է մասնակցեին «ՈՒԵՖԱ-յի գավաթակիրների գավաթի» եզրափակչին, որն անցկացվեց 11 օր հետո: Այդ ժամանակ ակումբի հիմնական ձախ վինգերի դիրքում 20-ամյա Լի Շարպն էր:

1991/92 մրցաշրջանի սկզբում Գիգզը դարձավ հիմնական կազմի ռեգուլյար խաղացող, չնայած դրան նա շարունակում էր հանդես գալ Յունայթեդի երիտասարդական թմում, որտեղ նա ավագն էր: 1992 թվականին այդ թիմը հաղթեց Անգլիայի երիտասարդական թմերի մեջ անցկացվող գավաթը:

Մրցաշրջանի մեծ մասը Յունայթեդն անցկացրեց մրցաշարային աղյուսակի առաջատար դիրքում, սական արդյունքում գրավեց երկրորդ տեղը, չեմպիոնական տիտղոսը զիջելով Լիդսին: Դա եղավ պատմության հին Առաջին դիվիզիոնի վերջին մրցաշրջանը: Հաջորդ տարի ստեղծվեց նար մրցաշար, որի անվանումն էր Պրեմիեր Լիգա:

1992 թվականի ապրիլի 12-ին Գիգզը սկսեց նվաճել իր առաջին գավաթները ակումբի կազմում, երբ Յունայթեդը Ֆուտբոլային Լիգայի եզրափակչի ժամանակ հաղթեց Նոթինգհեմ Ֆորեսթին: Գիգզը կատաեց գոլային փոխանցում Բրայան Մակկլերին, որի խփած գնդակը դարձավ միակը այդ հանդիպման ժամանակ[6]: Մրցաշրջանի ավարտից հետո Ռայանը դարձավ Անգլիայի տարվա լավագույն երիտասարդ ֆուտբոլիստ:

1990-ական թվականներ[խմբագրել]

1992/93 մրցաշրջանի սկզբին Գիգզն արդեն իր համար ձեռք էր բերել ձախ կիսապաշտպանի դիրքը՝ Յունայթեդում և շատերի կարծիքով նաև Բրիտանիայի լավագույն երիտասարդ ֆուտբոլիստներից մեկը: Նրա տաղանդն ու թիմ նոր եկած Էրիկ Կանտոնան արդեն խոստանում էին Յունայթեդին լավ ապագա Պրեմիեր Լիգայում: Ալեքս Ֆերգյուսոնն աշխատեց պաշտպանել երիտասարդ Գիգզին ԶԼՄ-ներից և արգելեց Գիգզին տալ հարցազրույցներ 20 տարեկան հասակում: Իր առաջին հարցազրույցը Գիգզը տվեց BBC լրատվական ալիքին՝ 1993/94 մրցաշրջանի ընթացքում: Այդ մրցաշրջանում Յունայթեդն հաղթեց տնային դուբլ(Պրեմիեր Լիգան և Անգլիայի գավաթը), իսկ Գիգզը այն կարևոր ֆուտբոլիստների ցանկում էր, որոնք մասնակցում էին գրեթե բոլոր խաղերին: Այդպիսի խաղացողներն էին՝ Էրիկ Կանտոնան, Պոլ Ինսը և Մարկ Հյուզը: Յունայթեդն արդեն օգոստոսի վերջին մրցաշարային աղյուսակի վերին մասում էր և այդպես մնաց մինչև մրցաշրջանի ավարտ:

Ռայանի հայտնիությունն այնքան մեծացավ, որ Բրիտանիայում սկսեց նոր հաղորդաշար, որի անվանումն էր Ryan Giggs' Soccer Skills(Ռայան Գիգզի ֆուտբոլային հմտությունները): Այդ հաղորդումն առաջին անգամ եթեր դուրս եկավ 1994 թվականին: Գիգզն այնքան սիրված էր, որ Ջորջ Բեսթն ու Բոբի Չարկտոնը նրան համարում էին լավագույն երիտասարդ ֆուտբոլիստն աշխարհում: Բեսթն այնքան էր հիանում Գիգզի խաղով որ մի անգամ ասել է «Կարելի է ասել, որ ես եղել եմ երկրորդ Ռայան Գիգզը»:

Ռայան Գիգզ

Ռայանի անհավատալի հայտնիությունը սկզբնավորեց ֆուտբոլային երկրպագուների մի նոր բանակ և մի անգամ Գիգզին անվանել են «տղամարդ, ով գրավեց Յունայթեդի երկրպագուների անմեղ հոգիները»[7]:

Գարի Պալիստերը նկատեց, որ ակումբի պաշտպանների «արյունը սկսում է եռալ մարզման ժամանակ, երբ նրանք փորձում են կանգնեցնել նրան(Գիգզին)»: Թիմի վետերանները հիանում էին Ռայանի տաղանդով դեռևս 1990/91 մրցաշրջանից, երբ նրա դեբյուտը տեղի ունեցավ թիմի կազմում և այդ օրից ի վեր վետերանները հարցնում էին գլխավոր մարզչին, երբ պետք է խաղ հիմնական կազմում Ռայանը: Բրյուս Սթիվը հայտարարել է. «Երբ Ռայանը վազում էր, նա վազում էր քամու արագությամբ...Նա ուներ բնական ունակություններ, վարվում էր գնդակի հետ այնպես, ինչպես միայն բարձրակարգ խաղացողներն են կարողանում»:

Գիգզը ցույց տվեց, որ բացի տեխնիկա ցուցադրելուց նա նաև կարողանում է գոլ խփել: Նրա գոլերից շատերը հիշվում են և եղել են Անգլիայի առաջնության լավագույն գոլերի ցանկում: Օրինակ՝ 1993 թվականին՝ ՔՊՌ-ի դարպասը, 1994-ին՝ Տոտենհեմի, 1995-ին՝ Էվերթոնի, 1996-ին՝ Քովենթրի Սիթիի և հիանալի անհատական խաղով խփված գնդակը Արսենալի դարպասին՝ 1999 թվականի Անգլիայի գավաթի կիսաեզրափակչի ժամանակ: Օվերթայմի ժամանակ, երբ հաշիվը 1-1 էր, Պատրիկ Վիերան կորցրեց գնդակը, որը հայտնվեց Գիգզի մոտ, Գիգզը խաղադաշտի կենտրոնից վազեց մինչև Արսենալի տուգանային հրապարակ և այդ ընթացքում շրջանցեց այնպիսի պաշտպանների, ինչպիսիք են՝ Թոնի Ադամսը, Լի Դոքսոնը և Մարտին Կյոունը: Այս ամենից հետո նա ձախ ոտքով հարվածեց Դեյվիդ Սիմենի պաշտպանած դարպասին[8][9]: Դրանից հետ Գիգզը հանեց իր մազրաշապիկը և վազեց տոնելու խփված գնդակը: Այդ գոլը վերջինն էր Գիգզի համար Անգլիայի գավաթի խաղարկությունում:

1994/95 մրցաշրջանում վնասվածքից հետո Գիգզն անցկացրեց ընդամենը 29 խաղ, վերականգնելով մրցաշրջանի վերջում, որը եղավ անհաջող Յունայթեդի համար: Ակումբը չկարողացավ հաղթել Վեսթ Հեմ Յունայթեդին առաջնության վերջին տուրում, որից հետո Պրեմիեր Լիգան հաղթեց Բլեքբեռն Ռովերսը: Մեկ շաբաթ անց Գիգզը դուրս եկավ փոխարինման Անգլիայի գավաթի եզրափակչում, սակայն այդ խաղում Յունայթեդը զիջեց Էվերտոնին 1:0 հաշվով:

1995/96 մրցաշրջանի ընթացքում Գիգզը հավաքեց հիանալի մարզավիճակ և դարձավ հիմնական կազմի լիարժեք խաղացող, հաղթելով տնային «դուբլ» (Պրեմիեր Լիգան և Անգլիայի գավաթը): Էվերթոնի դարպասին խփված գնդակը Գուդիսոն Պարկում, թեկնածության դրվեց «մրցաշրջանի լավագույն գոլ» նոմինացիայում (արդյունքում ավելի շատ ձայներ հավաքեց Գեորգի Կինկլաձեյի խփած գոլը Մանչեսթեր Սիթիին: 1995 թվականի նոյեմբերին, իր, միգուցե, մրցաշրջանի լավագույն խաղում, Գիգզը ձևակերպեց «դուբլ» Սաութհեմփթոնի դարպասին:

Հաջորդ մրցաշրջանում Գիգզը ստացավ առաջին իրական հնարավորությունը ցուցադրել իրեն միջազգային ասպարեզում: Չեմպիոնների Լիգայի խմբային փուլում Յունայթեդը գրավեց երկրորդ տեղը խմբում, 1/4 եզրափակչում հաղթելով «Պորտույին» (առաջին խաղում, որը տեղի ունեցավ Օլդ Թրաֆորդում Գիգզն աչքի ընկավ գոլով), բայց պարտվեց Բորուսիային կիսաեզրափակչում: Այնուամենայնիվ տնային արենայում «Մանչեսթեր Յունայթեդը» կրկին տրիացավ չեմպիոնական տիտղոսին, արդեն երրորդ անգամ չորրորդ տարվա մեջ:

1997/98 մրցաշրջանում Յունայթեդը մնաց առանց տիտղոսի: Մարտին և ապրիլի սկզբին Յունայթեդը սկսել անհաջող հանդես գալ և տիտղոսը զիջեց Արսենալին: 1998/99 մրցաշրջանում Գիգզը վնասվածքի պատճառով բաց թողեց մրցաշրջանի մեծ մասը, սակայն երբ դուրս եկավ խաղադաշտ նա ցուցադրեց բարձրակարգ ֆուտբոլ: Նա խաղաց երկու եզրափակիչներում: Գիգզի խփած գնդակը Անգլիայի գավաթի խաղարկության ընթացքում՝ Արսենալին, օգնեց Յունայթեդին խաղալ Անգլիայի գավաթի եզրափակչում, և անգամ 90-րդ րոպեյին նրա խփած գնդակի շնորհիվ Յունայթեդը անցավ եզրափակիչ:

1999 թվականի Չեմպիոնների Լիգայի եզրափակչի ժամանակ Գիգզը կատարեց գոլային փոխանցում Թեդի Շերինգհեմին: Հաղթելով Պրեմիեր Լիգան, Անգլիայի գավաթն ու Չեմպիոնների Լիգան՝ Մանչեսթեր Յունայթեդը գրավեց հանճարեղ «տրեբլ», որը չէր կարողացել անցայալում անել ոչ մի անգլիական ակումբ:

Գիգզը արժանացավ «առաջնության լավագույն ֆուտբոլիստ» մրցանակին 1999 թվականի՝ Միջմայրցամաքային գավաթի խաղարկության ընթացքում[10]: «Յունայթեդը»հաղթեց այդ խաղում «Պալմեյրաս» ակումբին 1:0 հաշվով:

Այդ ժամանակ մամուլն իր ուշադրության վրա գրավեց այլ ֆուտբոլիստների, առաջին հերթին՝ Դևիդ Բեքհեմին, ով եղել է ու կմնա բրիտանական ֆուտբոլի ամենավառ ներկայացուցիչներից մեկը:

2000-ական թվականներ[խմբագրել]

Գիգզը 2006 թվականին

Երբ 2002 թվականի մայիսին թիմից հեռացավ Դենիս Իրվինը, Ռայանը դարձավ ամենակարևոր ֆուտբոլիստը «Մանչեսթեր Յունայթեդում», այդ ժամանակ նա ընդամենը 28 տարեկան էր: 1999 թվականի հաղթանակներից հետո Յունայթեդը շարունակեց հավաքել տիտղոսներ՝ հաղթելով Պրեմիեր Լիգան 1999/2000, 2000/2001 և 2002/2003 մրցաշրջաններում: Իսկ Չեմպիոնների Լիգայում 3 անգամ հասավ 1/4 եզրափակիչ, իսկ մեկ անգամ՝ կիսաերափակիչ: 2001/02 մրցաշրջանի սկզբում, երբ Յունայթեդը ընկերական խաղի շրջանակներում մրցում էր Սելթիկի դեմ, լրացավ Գիգզի Յունայթեդում հանդես գալու 10 տարին: Մեկ տարի անց Գիգզը խփեց իր կարիերայի 100-րդ գնդակը Չելսիի դարպասին՝ Սթեմֆորդ Բրիջում:

Ռայան Գիգզը 2009 թվականին

2004 թվականի մայիսի 22-ին նա խաղաց Անգլիայի գավաթի եզրափակչում և 4-րդ անգամ հաղթեց այս գավաթը: Հաղթելով այս գավաթը նա դարձավ այն երկու ֆուտբոլիստներից մեկը (մյուս ֆուտբոլիստը Ռոյ Քինն է), ովքեր 4 անգամ հաղթել են այս գավաթը՝ հանդես գալով «Յունայթեդում»: Գիգզը նաև 3 անգամ դարձեել է Պրմիեր լիգայի արծաթե մեդալակիր: 2004 թվականի սեպտեմբերին դուրս գալով խաղադաշտ Լիվերպուլի դեմ, Գիգզը անցկացրեց 600-րդ հանդիպումը Յունայթեդի մարզաշապիկով[11], այս հաջողության բացի Գիգզից հասել էին միայն Բոբի Չարլթոնն ու Բիլի Ֆոուլքսը:

2005/2006 մրցաշրջանի ավարտին Յունայթեդի նախագահ Դևիդ Ալան Գիլը Գիգզին առաջարկեց երկամյա պայմանագիր, մերժելով, այն դեպքում, որ ֆուտբոլիստը կխզի պայմանագիրը, երբ նրա տարիքը լինի 30-ից ավելի: Հետո Գիգզը կնքեց ևս երկու պայմանագիր, որն արդյունքում ավարտվելու էր 2010 թվականի հունիսին:

2007 թվականի մայիսի 6-ին Արսենալի և Չելսիի հետ ոչ-ոքիներից հետո Յունայթեդը հաղթեց Պրեմիեր Լիգան, իսկ Գիգզը 9-րդ անգամ հաղթեց Անգլիայի առաջնությունը, գերազանցելով Ալան Հանսենի և Ֆիլ Նիլի ռեկորդները(նրանք Լիվերպուլի հետ հաղթել են 8 անգամ): Գիգզը խփեց գնդակ «Չելսիի» դարպասին 2007 թվականի Անգլիայի սուպերգավաթի շրջանակներում, հանդիպումն ավարտվեց 1:1 հաշվով, իսկ 11 մետրանոցների ժամանակ հաղթեց «Յունայթեդը», իսկ Էդվին վան դեր Սարը հետ մղեց «Չելսիի» բոլոր երեք հարվածները[12]:

2007/2008 մրցաշրջանի ընթացքում Ալեքս Ֆերգյուսոնը կիսապաշտպանությունում դիմում էր ռոտացիայի՝ կա՛մ խաղում էր Ռայան Գիգզը կա՛մ էլ թիմի նորեկներ՝ Նանին և Անդերսոնը: Այնուամենայնիվ, Չելսիի դեմ առաջնության կարևորագույն խաղում Գիգզը դուրս եկավ խաղադաշտ մեկնարկային կազմում և կատարեց փոխանցում Տևեսին, ով խփեց իր առաջին գնդակը կարմիր սատանաների կազմում[13].:

2007 թվականի դեկտեմբերի 8-ին «Դերբի Քաունթիի» դեմ խաղի ժամանակ Գիգզը խփեցիր 100-րդ գնդակը Անգլիայի առաջին դիվիզիոնում[14], «Յունայթեդը» այդ խաղում հաղթեց 4:1 հաշվով[15]: 2008 թվականի փետրվարի 20-ին Ռայանը անցկացրեց իր 100-րդ հանդիպումը Չեմպիոնների Լիգայում՝ Լիոնի դեմ[16]: 2008 թվականի մայիսի 11-ին դուրս գալով խաղադաշտ Պակ Չի Սոնի փոխարեն նա հավասարվեց Բոբի Չարլթոնին՝ անցկացրած խաղերի թվով[17]: 2008 թվականի մայիսի 21-ին, Գիգզն առաջ անցավ Բոբի Չարլթոնից անցկացրած խաղերի թվով, դուրս գալով փոխարինման Փոլ Սքոուլզի փոխարեն 87-րդ րոպեյին Չեմպիոնների Լիգայի եզրափակչում՝ «Չելսիի» դեմ[18]: Հիմնական և լրացուցիչ ժամանակներում գրանցվեց 1:1 հաշիվը, իսկ 11 մետրանոց հարվածաշարի ընթացքում Յունայթեդը հաղթեց 6:5 հաշվով: Գիգզն իրացրեց 6-րդ հարվածը թիմի, որը եղավ հաղթական (այդ հարվածից հետո վրիպեց Նիկոլա Անելկան):

2008 թվականի մանչեսթերյան դերբիի ժամանակ, Գիգզը լքում է խաղադաշտը
Գիգզը Էվերթոնի դեմ խաղի ժամանակ

2008/2009 մրցաշրջանում Ֆերգյուսոնը Գիգզին կենտրոնական կիսապաշտպանի դիրքից տեղափոխեց հարձակվող,փորձելով ընտելացնել ուելսցուն եզրին: Գիգզը շատ արագ ադապտացվեց իր նոր դիրքին ու Միլդսոբրոյի և Օլբորոգի դեմ աչքի ընկավ գոլային փոխանցումներով: Սըր Ալեքս Ֆերգյուսոնը հարցազրույցի ժամանակ ասել է. «Ռայանը շատ գնահատելի ֆուտբոլիստ է: Նոյեմբերին լրանում է նրա 35 ամյակը, սակայն նա «Յունայթեդի» կարևորագույն ֆուտբոլիստն է: 25 տարի շարունակ Ռայանը շրջանցում էր հակառակորդի պաշտպաններին եզրով, բայց հիմա նա դա ավելի վատ է անում»:

2009 թվականի փետրվարի 8-ին Գիգզը գրավելով Վեսթ Հեմի դարպասը, սահմանեց ունիկալ ռեկորդ: Նա դարձավ պատմության մեջ միակ ֆուտբոլիստը, ով գոլ է խփել Պրեմիեր Լիգայի հիմնադրման օրից մինչ այսօր[19]: Ըստ որոշ շշուկների, որոնք սկսվեցին տարվա սկզբից[20], 2009 թվականի փետրվարին Գիգզը երկարաձգեց պայմանագիրը 1 տարի ժամկետով[21]: Արդյունքում 2008/09 հաջող մրցաշրջանից հետո, Գիգզը առաջադրվեց «Ըստ ՊՖԱ-յի տարվա լավագույն ֆուտբոլիստ» մրցանակաբաշխությանը, որպես թեկնածու[22]: 2009 թվականի ապրիլի 26-ին Գիգզը ստացավ այդ մրցանակը՝ առաջինը կարիերայի ընթացքում[23]: 2009 թվականի ապրիլի 26-ին Գիգզն անցկացրեց իր 800-րդ հանդիպումը Յունայթեդում: Այդ խաղում Յունայթեդը մրցում էր «Արսենալի» դեմ՝ Չեմպիոնների Լիգայի կիսաեզրափակչում: (Յունայթեդը հաղթեց այդ խաղում 1:0 հաշվով)[24]: 2009 թվականի մայիսի 16-ին Մանչեսթեր Յունայթեդը Արսնեալի հետ խաղաց ոչ-ոքի և դա ապահովեց թիմի հաղթանակը՝ Պրեմիեր Լիգայում, դա եղավ 11-րդ տիտղոսը Գիգզի համար:

2010-ական թվականներ[խմբագրել]

2010 թվականի դեկտեմբերի 8-ին Մանչեսթեր Յունայթեդը խաղում էր Վալենսիայի հետ, որը Ռայան Գիգզի համար դարձավ 121-րդը:

2011 թվականի հունվարի 16-ին Անգլիայի առաջնության Տոտենհեմի դեմ 23-րդ տուրի հանդիպումը, Գիգզի համար դարձավ 600-րդ հանդիպումը «կարմիր սատանաների» կազմում[25]:

2011 թվականի փետրվարի 1-ին վեց շաբաթյա քվեարկությունից հետո, ակումբի պաշտոնական ամսագրի կողմից, «Մանչեսթեր Յունայթեդի» երկրպագուները ընտրում էին ակումբի պատմության մեծագույն ֆուտբոլիստին: Հարվումը սկսվեց Inside United-ի կողմից՝ 2010 թվականի դեկտեմբերին և ավարտվեց հունվարի կեսերին: Բացի դրանից, քվեարկություն անցկացվում էր նաև ֆեյսբուքում՝ ակումբի էջում: Քվեարկության արդյունքում ակումբի պատմության մեծագույն ֆուտբոլիստ դարձավ՝ Ռայան Գիգզը:

Ձեռքբերումներ[խմբագրել]

Ակումբային ձեռքբերումներ[խմբագրել]

Անգլիա Մանչեսթեր Յունայթեդ

  • Անգլիայի չեմպիոն (13)՝ 1992/93, 1993/94, 1995/96, 1996/97, 1998/99, 1999/2000, 2000/01, 2002/03, 2006/07, 2007/08, 2008/09, 2010/11, 2012/13
  • Անգլիայի գավաթակիր (4)՝ 1994, 1996, 1999, 2004
  • Անգլիայի Ֆուտբոլային լիգայի գավաթի չեմպիոն (3)՝ 1992, 2006, 2009
  • Չեմպիոնների Լիգայի գավաթակիր (2)՝ 1999, 2008
  • Անգլիայի սուպերգավաթակիր (9)՝ 1993, 1994, 1996, 1997, 2003, 2007, 2008, 2010, 2013
  • ՈՒԵՖԱ-յի սուպերգավաթակիր՝ 1991
  • Միջմայրցամաքային գավաթի չեմպիոն՝ 1999
  • Աշխարհի ակումբային առաջնության չեմպիոն՝ 2008
  • Արդյունքում 34 տիտղոս[26]

Անձնական ձեռքբերումներ[խմբագրել]

  • Անգլիայի լավագույն երիտասարդ ֆուտբոլիստ 1992, 1993
  • Ըստ ՊՖԱ-ի Անգլիայի լավագույն ֆուտբոլիստ՝ 2009
  • Goolden Foot-ի մրցանակակիր՝ 2011
  • Ուելսի տարվա լավագույն ֆուտբոլիստ՝ 1996, 2006
  • Ըստ BBC-ի Ուելսի տարվա լավագույն սպորտսմեն՝ 1996, 2009
  • Ըստ BBC-ի Մեծ Բրիտանիայի տարվա լավագույն սպորտսմեն՝ 2009
  • Պրեմիեր Լիգայի ամսվա լավագույն խաղացող՝ 1993 սեպտեմբեր, 2006 օգոստոս, 2007 փետրվար
  • Ըստ երկրպագուների Մանչեսթեր Յունայթեդի պատմության լավագույն ֆուտբոլիստ՝ 2011

Ռեկորդներ[խմբագրել]

  • Պրեմիեր Լիգայում անցկացվող խաղերի ռեկորդսմեն՝ 632 խաղ[27];
  • Ռեկորդսմեն Պրեմիեր Լիգայում գոլային փոխանցումներ կատարելու թվով՝ 110 փոխանցում:
  • Ռեկորդսմեն Անգլիայի սուպրեգավաթում խաղեր անցկացնելու թվով՝ 14 խաղ:
  • Միակ ֆուտբոլիստը, ով 21 մրցաշրջան անընդմեջ գոլ է խփել բոլորում(1992/93-ից մինչև 2012/13)[28][29]:
  • Միակ ֆուտբոլիստը, ով գոլ է խփել Չեմպիոնների Լիգայում 11 մրցաշրջան անընդմեջ (1996/97-ից մինչև 2006/07):
  • Միակ ֆուտբոլիստը, ով մասնակցել է Չեմպիոնների Լիգային՝ 16 մրցաշրջան անընդմեջ:
  • Ամենատարեց ֆուտբոլիստը, ով գոլ է խփել Օլիմպիական ֆուտբոլային առաջնությունում:
  • Ռեկորդսմեն Մանչեսթեր Յունայթեդում անցկացրած պաշտոնական խաղերի թվով՝ 963 խաղ:
  • Ռեկորդսմեն Պրեմիեր Լիգայում ամենաշատ խաղեր անցկացրած թվով՝ 632:
  • Ռեկորդսմեն Մանչեսթեր Յունայթեդում եվրագավաթներում ամենաշատ խաղեր անցկացրած թվով՝ 157:
  • Ամենատարեց ֆուտբոլիստը Մանչեսթեր Յունայթեդում, ով խաղացել է եվրագավաթներում:
  • Ոչ մի անգամ չի ստացել կարմիր քարտ ակումբի կազմում:

Հանդես գալու վիճակագրություն[խմբագրել]

Ակումբային կարիերա[խմբագրել]

Ակումբային կարիերա
Ակումբ Մրցաշրջան Լիգա Անգլիայի գավաթ Լիգայի գավաթ Եվրագավաթներ[30] Այլ[31] Արդյունքում
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Մանչեսթեր Յունայթեդ 1990/91 2 1 0 0 0 0 0 0 0 0 2 1
1991/92 38 4 3 0 8 3 1 0 1 0 51 7
1992/93 41 9 2 2 2 0 1 0 0 0 46 11
1993/94 38 13 7 1 8 3 4 0 1 0 58 17
1994/95 29 1 7 1 0 0 3 2 1 0 40 4
1995/96 33 11 7 1 2 0 2 0 0 0 44 12
1996/97 26 3 3 0 0 0 7 2 1 0 37 5
1997/98 29 8 2 0 0 0 5 1 1 0 37 9
1998/99 24 3 6 2 1 0 9 5 1 0 41 10
1999/2000 30 6 - - 0 0 11 1 3 0 44 7
2000/01 31 5 2 0 0 0 11 2 1 0 45 7
2001/02 25 7 1 0 0 0 13 2 1 0 40 9
2002/03 36 8 3 2 5 0 15 4 0 0 59 14
2003/04 33 7 5 0 0 0 8 1 1 0 47 8
2004/05 32 5 4 0 1 1 6 2 1 0 44 8
2005/06 27 3 2 1 3 0 5 1 0 0 37 5
2006/07 30 4 6 0 0 0 8 2 0 0 44 6
2007/08 31 3 2 0 0 0 9 0 1 1 43 4
2008/09 28 2 2 0 4 1 11 1 2 0 47 4
2009/10 25 5 1 0 2 1 3 1 1 0 32 7
2010/11 25 2 3 1 1 0 8 1 1 0 38 4
2011/12 25 2 2 0 1 1 5 1 0 0 33 4
2012/13 22 2 4 1 1 2 5 0 0 0 32 5
2013/14 12 0 0 0 2 0 7 0 1 0 22 0
Ամբողջ կարիերայի ընթացքում 672 114 74 12 41 12 157 29 19 1 963 168

(2014 թվականի մայիսի 6-ի դրությամբ)

Հավաքականի վիճակագրություն[խմբագրել]

Հավաքականի վիճակագրություն
Հավաքական Տարի ԱԱ-ի որակավորման փուլի խաղեր ԵԱ-ի որակավորման փուլի խաղեր Ընկերական խաղեր Արդյունքում
Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Ուելս 1991 - - 2 0 0 0 2 0
1992 3 0 - - 0 0 3 0
1993 6 2 - - 0 0 6 2
1994 - - 1 1 0 0 1 1
1995 - - 3 0 - - 3 0
1996 3 1 - - 0 0 3 1
1997 3 1 - - 0 0 3 1
1998 - - 1 0 0 0 1 0
1999 - - 3 1 - - 3 1
2000 3 0 - - 1 1 4 1
2001 5 0 - - - - 5 0
2002 - - 3 0 2 0 5 0
2003 - - 7 1 0 0 7 1
2004 1 0 - - 2 0 3 0
2005 6 3 - - 0 0 6 3
2006 - - 1 0 4 0 5 0
2007 - - 3 1 1 0 4 1
Ամբողջ կարիերայի ընթացքում 30 7 24 4 10 1 64 12

Մարզչական կարիերա[խմբագրել]

Ակումբ Երկիր Աշխատանքի սկիզբ Աշխատանքի ավարտ Ցուցանիշներ
Խ Հ Ո Պ ԽԳ ԲԳ % հաղթանակ
Մանչեսթեր Յունայթեդ Անգլիա Անգլիա 2014, ապրիլի 22 2014, մայիսի 11 4 2 1 1 8 3 50,00
Արդյունքում 4 2 1 1 8 3 50,00

Ծանոթագրություններ[խմբագրել]

  1. «Ryan Giggs wins 2009 BBC Sports Personality award» (en)։ BBC Sport։ 2009-12-13։ Արխիվացված օրիգինալից 2012-06-04-ին։ http://www.webcitation.org/689ofDsSH։ 
  2. «Райан Гиггз проводит 1000-й официальный матч в карьере» (ru)։ Советский спорт։ 2013-03-05։ Արխիվացված օրիգինալից 2013-11-28-ին։ http://www.webcitation.org/6LTGmHhKN։ 
  3. «Ryan Giggs awarded OBE» (en)։ ManUtd.com։ 2007-06-15։ Արխիվացված օրիգինալից 2013-11-15-ին։ http://www.webcitation.org/6L997KIni։ 
  4. «Giggs: United's greatest» (en)։ ManUtd.com։ 2011-01-31։ Արխիվացված օրիգինալից 2013-11-15-ին։ http://www.webcitation.org/6L99IMU0o։ 
  5. «Ryan Giggs, Manchester United player» (en)։ Aboutmanutd.com։ Արխիվացված օրիգինալից 2013-11-15-ին։ http://www.webcitation.org/6L9GeKEaJ։ 
  6. «League Cup Final 1992 - Manchester United vs Nottingham Forest» (en)։ Youtube.com։ 2009-10-05։ Արխիվացված օրիգինալից 2014-05-07-ին։ http://www.webcitation.org/6POgnuJFU։ 
  7. «Ryan Giggs» (en)։ Welsh Icons։ Արխիվացված օրիգինալից 2012-06-04-ին։ http://www.webcitation.org/689oJm4fS։ 
  8. «Giggs magic sinks Gunners» (en)։ BBC Sport։ 1999-04-14։ Արխիվացված օրիգինալից 2013-11-15-ին։ http://www.webcitation.org/6L9KL2BHj։ 
  9. «Man Utd v Arsenal FA Cup semi final replay 1999» (en)։ Youtube.com։ 2008-01-23։ Արխիվացված օրիգինալից 2013-11-15-ին։ http://www.webcitation.org/6L9KSpT2f։ 
  10. «Man Utd crowned world champions» (en)։ BBC Sport։ 1999-11-30։ Արխիվացված օրիգինալից 2013-11-15-ին։ http://www.webcitation.org/6L9KbzF2I։ 
  11. «Man Utd 2-1 Liverpool» (en)։ BBC Sport։ 2004-09-20։ Արխիվացված օրիգինալից 2013-11-15-ին։ http://www.webcitation.org/6L9Kl033P։ 
  12. «Chelsea 1-1 Man Utd» (en)։ BBC Sport։ 2007-08-05։ http://news.bbc.co.uk/sport2/hi/football/6929113.stm։ 
  13. «Man Utd 2-0 Chelsea» (en)։ BBC Sport։ 2007-09-23։ http://news.bbc.co.uk/sport2/hi/football/eng_prem/6996759.stm։ 
  14. С учётом голов в Первом дивизионе и Премьер-лиге.
  15. «Giggs is underrated — Ferdinand» (en)։ BBC Sport։ 2007-12-08։ Արխիվացված օրիգինալից 2012-06-04-ին։ http://www.webcitation.org/689oNAKBo։ 
  16. «Giggs signs up for 100 club in Lyon» (en)։ UEFA.com։ 2008-02-20։ Արխիվացված օրիգինալից 2012-06-04-ին։ http://www.webcitation.org/689oO1OaY։ 
  17. Rich, Tim. (2008-05-12)։ «Ryan Giggs reaches Bobby Charlton mark» (en)։ The Daily Telegraph։ Արխիվացված օրիգինալից 2012-06-04-ին։ http://www.webcitation.org/689oP2h6P։ 
  18. «Man Utd earn dramatic Euro glory» (en)։ BBC Sport։ 2008-05-22։ http://news.bbc.co.uk/sport2/hi/football/europe/7406252.stm։ 
  19. Sanghera, Mandeep. (2009-02-08)։ «West Ham 0-1 Man Utd» (en)։ BBC Sport։ Արխիվացված օրիգինալից 2012-06-04-ին։ http://www.webcitation.org/689oQce9Y։ 
  20. «Giggs to be offered new contract» (en)։ BBC Sport։ 2009-01-25։ Արխիվացված օրիգինալից 2012-06-04-ին։ http://www.webcitation.org/689oRZcsQ։ 
  21. «Giggs signs new Man utd contract» (en)։ BBC Sport։ 2009-02-12։ Արխիվացված օրիգինալից 2012-06-04-ին։ http://www.webcitation.org/689oSOUWm։ 
  22. «Man Utd dominate PFA awards list» (en)։ BBC Sport։ 2009-04-14։ Արխիվացված օրիգինալից 2012-06-04-ին։ http://www.webcitation.org/689oTGl1i։ 
  23. «Giggs earns prestigious PFA award» (en)։ BBC Sport։ 2009-04-26։ Արխիվացված օրիգինալից 2012-06-04-ին։ http://www.webcitation.org/689ocQXLa։ 
  24. «Man Utd 1-0 Arsenal» (en)։ BBC Sport։ 2009-04-29։ Արխիվացված օրիգինալից 2012-06-04-ին։ http://www.webcitation.org/689oeJGsd։ 
  25. «Гиггз проводит 600-й матч за «Манчестер Юнайтед»»։ http://www.championat.ru/football/news-706802.html։ 
  26. «Ryan Giggs. United Honours» (en)։ ManUtd.com։ http://www.manutd.com/en/Players-And-Staff/First-Team/Ryan-Giggs.aspx?section=HonoursAndAwards։ 
  27. «Statistics» (en)։ PremierLeague.com։ Արխիվացված օրիգինալից 2011-11-10-ին։ http://web.archive.org/20111110082549/www.premierleague.com/page/PlayerProfile/0,,12306~5893,00.html։ 
  28. «Giggs does it again» (en)։ PremierLeague.com։ 2010-08-17։ http://www.premierleague.com/page/Headlines/0,,12306~2125187,00.html։ 
  29. «ManUtd 2-0 Everton» (en)։ BBC Sport։ 2013-02-10։ Արխիվացված օրիգինալից 2013-02-13-ին։ http://www.webcitation.org/6ENwcOyaF։ 
  30. ՈՒԵՖԱ Չեմպիոնների լիգա, ՈՒԵՖԱ Գավաթ, ՈՒԵՖԱ Գավաթակիրների գավաթ:
  31. Անգլիայի սուպերգավաթ, ՈՒԵՖԱ Սուպերգավաթ, Ֆուտբոլի միջմայրցամաքային գավաթ, Ֆուտբոլի աշխարհի ակումբային առաջնություն: