Ջոն Թուրթուրո

Վիքիպեդիայից՝ ազատ հանրագիտարանից
Jump to navigation Jump to search
Ջոն Թուրթուրո
անգլ.՝ John Turturro
John Turturro at the 2009 Tribeca Film Festival.jpg
Ծնվել էփետրվարի 28, 1957(1957-02-28)[1][2][3][4] (62 տարեկան)
ԾննդավայրԲրուքլին, Նյու Յորք, Նյու Յորք, ԱՄՆ
ԿրթությունԵյլի դրամայի դպրոց, State University of New York at New Paltz? և State University of New York?
ՔաղաքացիությունFlag of the United States.svg ԱՄՆ
Մասնագիտությունդերասան, կինոռեժիսոր, գրող, սցենարիստ, բնավորության դերասան, թատրոնի դերասան, հեռուստատեսային դերասան, կինոդերասան, ռեժիսոր, կինոպրոդյուսեր, հնչյունավորող և թատերական ռեժիսոր
Ակտիվ շրջան1980-ից սկսած
ԸնտրանիՄեծ Լեբովսկի, Barton Fink?, Quiz Show? և Մի անգամ գիշերը
Ամուսին(ներ)Քեթրին Բորովից (1985-)
Երեխա(ներ)Ամեդեո Թուրթուրո և Դիեգո Թուրթուրո
Պարգևներ և մրցանակներՓրայմթայմ Էմմի մրցանակ, Թատերական համաշխարհային մրցանակ և Կաննի կինոփառատոն

Ջոն Մայքլ Թուրթուրո (անգլ.՝ John Michael Turturro, փետրվարի 27, 1957, Նյու Յորք,ԱՄՆ), ծագումով իտալացի ամերիկյան դերասան, խաղացել է 85-ից ավելի ֆիլմերում, 5-ական ֆիլմերի ռեժիսոր և սցենարի հեղինակ։

Մարմնավորելով հիմնականում անհանգիստ և նյարդային կերպարների՝ Ջոն Թուրթուրոն արտհաուս ժանրի ֆիլմերի երկրպագուների սիրելի դերասաններից մեկն է[5]։ Ակտիվորեն համագործակցել է ռեժիսոր Սպայք Լիի հետ՝ նկարահանվելով նրա «Արա՛ ինչպես հարկն է», «Clockers», «№ 6 աղջիկը», «Սեմի արյունոտ ամառը» ֆիլմերում։ Ինչպես նաև 1990-ական թվականներից նկարահանվել է Կոեն եղբայրների ֆիլմերում՝ «Միլլերի խաչմերուկը», «Բարթոն Ֆինք», «Մեծ Լեբովսկի», «Որտե՞ղ ես, եղբա՛յր»։ 2000-ական թվականներին Թուրթուրոն մասնակցեց հաջող կոմերցիոն նախագծի 3 մասերում՝ «Տրանսֆորմերները», «Տրանսֆորմերներ։ Ֆոլլենների Վրեժը»», «Տրանսֆորմերներ․ Լուսնի մութ կողմը»[6]։

Որպես ռեժիսոր նկարահանել է 4 ֆիլմ, ինչպես նաև եղել է 3 գեղարվեստական և 1 փաստագրական ֆիլմերի պրոդյուսեր[6]։

Կենսագրություն[խմբագրել | խմբագրել կոդը]

Մանկություն[խմբագրել | խմբագրել կոդը]

Ջոն Թուրթուրոն ծնվել է 1957 թվականի փետրվարի 28-ին Նյու Յորքի Բրուքլին թաղամասում՝ շինարար-հյուսն Նիկոլաս Թուրթուրոյի և ջազային երգչուհի Քեթրինի ընտանիքում[7]։ Ջոնի մայրը սիցիլիացի է՝ Արագոնա քաղաքից, իսկ հայրը 6 տարեկանում ընտանիքի հետ իտալական Ջովինացո քաղաքից արտագաղթել է ԱՄՆ[5]։ Ջոնը մեծացել է իր 2 եղբայրների՝ Ռալֆի և Նիկոլասի հետ, որը նույնպես դերասան է։ 6 տարեկանում ընտանիքի հետ տեղափոխվում է Քուինս՝ Նյու Յորքի մեկ այլ թաղամաս։

Մեծացել է բոքս պարապելով և հեռուստացույցով հին ֆիլմեր դիտելով։ Նրան ոգեշնչում էին Քիրք Դուգլասը, Բերտ Լանկաստերը և Զորոն։ Թուրթուրոների տանը միշտ հնչում էր մոր երգերի ձայնը և Սիցիլիայի մասին հոր պատմությունները․ այս մթնոլորտում Ջոնի մոտ զարգացավ նմանակելու ձիրքը։ Նա նմանակում էր Ջեյմս Բոնդին և Էդվարդ Ռոբինսոնին, ինչպես նաև համարներ էր գրում, որոնք ներկայացնում էր հարևանների խնջույքներին[7]։

Թուրթուրոն ավարտելով դպրոցը՝ ընդունվում է Նյու Յորք նահանգային համալսարանի դերասանական ֆակուլտետը, որն ավարտելուց հետո դերասանական վարպետության աստիճան է ստանում Ելի համալսարանում։ Սակայն դերասանի համար դժվար էր աշխատանք գտնելը, այդ պատճառով վաստակում էր բարմեն կամ հոր հետ Նյու Յորքի շինարարություններից մեկում աշխատելով[7]։

Ծանոթագրություններ[խմբագրել | խմբագրել կոդը]

  1. German National Library, Berlin State Library, Bavarian State Library et al. Record #135701600 // Gemeinsame Normdatei — 2012—2016.
  2. SNAC — 2010.
  3. Internet Broadway Database — 2000.
  4. Munzinger-Archiv — 1913.
  5. 5,0 5,1 «Biography for John Turturro» (Английский)։ imdb.com։ Արխիվացված է օրիգինալից 2012-03-22-ին։ Վերցված է 2011-11-30 
  6. 6,0 6,1 «Filmography» (Английский)։ imdb.com։ Արխիվացված է օրիգինալից 2012-03-22-ին։ Վերցված է 2011-11-30 
  7. 7,0 7,1 7,2 «John Turturro Biography» (Английский)։ movies.yahoo.com։ Արխիվացված է օրիգինալից 2012-03-22-ին։ Վերցված է 2011-11-30