Ուֆֆիցի

Ուֆֆիցի; իտալ.՝ Galleria degli Uffizi
Տեսակ	շինությունների համալիր
Երկիր	Իտալիա
Տեղագրություն	Փլորենցիայի պատմական կենտրոն
Կազմված է	Tribuna of the Uffizi, Flemish and German Renaissance paintings, room 22, Pollaiolo, Room 9, Leonardo, room 15, 14th-century Sienese Painting, room 3, Paintings in the Uffizi Gallery, Bronzino, room 64, Collection Contini Bonacossi և Uffizi Gallery
Հասցե	Piazzale degli Uffizi, 6
Պատվիրող	Cosimo I de' Medici, Grand Duke of Tuscany
	Կոորդինատներ: 43°46′6.38″ հս․ լ. 11°15′21.24″ ավ. ե. / 43.7684389° հս․. լ. 11.2559000° ավ. ե.
Կայք	uffizi.it

Ուֆֆիցի պատկերասրահի շենքը

Ուֆֆիցի պատկերասրահ (իտալ.՝ Galleria degli Uffizi, Uffizi՝ գրասենյակ), պետական պատկերասրահ Ֆլորենցիայում, կառավարական գրասենյակների համար կառուցված շենքում (1560-1585)։

Պատմություն[խմբագրել | խմբագրել կոդը]

Ուֆֆիցի պատկերասրահի շենքի պատմությունը սկսել է 1559 թվականին, երբ Կոզիմո I Մեդիչին որոշում է քաղաքով մեկ տարածված գրասենյակները համախմբել մեկ շենքում։ Նախագիծը իրականացնելու համար հրավիրվում է Ջորջո Վազարին, որը սկսում է աշխատանքները 1560 թվականին։ 1574 թվականին Վազարին մահանում է և նրա գործը շարունակում է Բերնարդո Բուոնտալենտին։ Սակայն շենքը չծառայեց իր բուն նպատակին և 1575 թվականից Մեդիչի ընտանիքին պատկանող արվեստի ստեղծագործությունների հավաքածուի հիման վրա կազմավորվում ու հիմնադրվում է Ուֆֆիցի պատկերասրահը^[2]^[3]։

Հավաքածուն[խմբագրել | խմբագրել կոդը]

Սկզբում այստեղ պահպանվել են բնագիտական և այլ հուշարձաններ, որոնք XVIII դարի վերջին և XIX դարում փոխադրվել են այլ թանգարաններ։ Ուֆֆիցին ունի XIII-1XVIII դարերի իտալական գեղանկարչության՝ աշխարհում ամենահարուստ հավաքածուն (հատկապես մեծ տեղ են գրավում Վենետիկի և Ֆլորենցիայի գեղանկարչական դպրոցների գործերը)։ Ուֆֆիցիում պահվում են Սանդրո Բոտիչելլիի, Լեոնարդո դա Վինչիի, Ռաֆայելի, Ջորջոնեի, Տիցիանի և այլ վարպետների աշխատանքներ։

Հիանալի նմուշներ են ներկայացված անտիկ, ֆրանսիական, գերմանական, նիդերլանդական, հոլանդական և ֆլամանդական արվեստներից։

Եզակի է եվրոպական նկարիչների ինքնանկարների (այդ թվում նաև Հ. Այվազովսկու) հավաքածուն։