Նիկոլ Փաշինյանի անձի պաշտամունք
Նիկոլ Փաշինյանի անձի պաշտամունք, մեծարման և մտացածին գովեստի միջոցով ՀՀ Ազգային Ժողովի նախկին պատգամավոր և 16-րդ վարչապետ Նիկոլ Փաշինյանի անձի իդեալականացման, հերոսացման ու սրբացման գործընթացը Հայաստանում և հայկական սփյուռքում, որն սկիզբ է առել 2018 թվականի թավշյա հեղափոխությունից հետո։
Անձի իդեալականացման գործընթացին մեծապես նպաստել է Նիկոլ Փաշինյանի կողմից տարբեր ելույթների ժամանակ Հիսուս Քրիստոսի[1], հայոց Արշակունյաց արքա Պապ թագավորի[2] հետ համեմատելը, հեղափոխության ժամանակ Հայաստանի ազգային հերոս Մոնթե Մելքոնյանի, Հնդկաստանի` Մեծ Բրիտանիայից անկախանալու շարժման ղեկավար և գաղափարախոս Մահաթմա Գանդիի, Հարավաֆրիկյան Հանրապետության առաջին սևամորթ նախագահ Նելսոն Մանդելայի հետ զուգորդվող կերպարներով հանդես գալը[3][4], ինչպես նաև սոցիալական ցանցերում` փաշինյանական իշխանության կողմից կիրառվող մասսայական մանիպուլյացիայի քաղաքականությունը։
Ընդդիմադիրների պնդմամբ՝ Նիկոլ Փաշինյանն իր կառավարման տարիներին, ըստ էության, ստեղծել է անձնիշխանական վարչակարգ[5]՝ հենվելով նախկիններին քննադատելու[6], իր կերպարի իդեալականացման[7] և երևույթները մանիպուլացնելու[8][9] վրա։
Պաշտամունքը թուլացել, սակայն պահպանվել է նաև 44-օրյա պատերազմից հետո, որում Նիկոլ Փաշինյանի՝ բանակի գերագույն գլխավոր հրամանատարության պայմաններում ՀՀ զինված ուժերը պարտություն են կրել, և Փաշինյանը Արցախի Հանրապետության տարածքների կապիտուլացիայի համաձայնագիր ստորագրեց[10], որով վտանգվեցին նաև Հայաստանի արևելյան սահմանները[11][12]։ Չնայած այդ փաստը` Փաշինյանը հասարակական լայն աջակցության շնորհիվ 2021 թվականի արտահերթ խորհրդարանական ընտրությունների արդյունքում վերընտրվեց վարչապետի պաշտոնում[13]։
Դրսևորումներ[խմբագրել | խմբագրել կոդը]
Փաշինյանի անձի գովաբանություն[խմբագրել | խմբագրել կոդը]
|
«Ես որ մի քիչ երիտասարդ էի, էդքան էլ չէի հավատում Հիսուս Քրիստոսին, հիմա հավատում եմ, առավել ևս, որ հիմա տեսնում եմ Նիկոլ Փաշինյանին, հավատում եմ, որ հնարավոր է նման բան եղած լիներ։» | 
|
|
|
Փաշինյանն իր ապրելակերպով, գործունեությամբ ինձ ստիպեց համոզվել, որ ժամանակին, հնարավոր է, Քրիստոսը եղել է։ Իմ նման մարդուն Փաշինյանը իր վարքագծով դարձի է բերել, ուրեմն արդեն իր գոյությունը, ծնվելը, ապրելը արդարացված է։ |
|
- Հանրային շրջանակներում կան նրա ցմահ պաշտոնավարման կողմնակիցներ[16]
|
|
Փաշինյանը պետք է ցմահ մեր վարչապետը մնա․ քաղաքացիները աջակցում են նրան - 01 Մարտ, 2021
|
|
2021 թվականի մարտին նրա աջակիցները Երևանի Հանրապետության հրապարակում հայտարարում էին, որ Փաշինյանն «Աստծու մարդն է», «Աստված է նրան ուղարկել»[17]։
2021 թվականի հունիսի 10-ին Լոռու մարզի մի բնակիչ փորձել է Նիկոլ Փաշինյանի աջը համբուրել՝ ասելով, որ նա Հիսուսի տանջանք է տանում չարիքի դեմ[18]։
Ստեղծագործություններ[խմբագրել | խմբագրել կոդը]
Նիկոլ Փաշինյանի մասին գրվել են տարբեր գրքեր, երգեր, բանաստեղծություններ։ Նրան է նվիրված Դավիթ Մարտիրոսյանի «Նիկոլ՝ Հայ ազգի հերոսը։ կամ ինչպես իրագործել անարյուն հեղափոխություն եվ հաղթել» գիրքը[19]։ Նիկոլ Փաշինյանին են նվիրված «Նիկոլն ազգի հերոս է»[20], «Դուխով», «Արդեն 100 օր ա» և ադրբեջանական «Նոլդու Փաշինյան» երգերը[21][22]։
Արձան[խմբագրել | խմբագրել կոդը]
2018 թվականի հոկտեմբերին Վանաձոր - Գյումրի ճանապարհի վրա տեղադրվել է Նիկոլ Փաշինյանի արձանը[23]։ 2019 թվականի հունիսին Նիկոլ Փաշինյանի երկրորդ արձանը տեղադրվել է Իջևան քաղաքում, քաղաքի մուտքի մոտ[24]։ Հետագայում արձանը տեղափոխվել է Իջևան քաղաքի Սուրբ Ամենափրկիչ եկեղեցու բակ։ Ընդհանուր առմամբ քաղաքացիները Նիկոլ Փաշինյանի արձանի գլուխը կոտրել են 5 անգամ[25], որից հետո ուժեղացվել է տարածքի հսկողությունը[26]։
«Նկարի» պաշտամունք[խմբագրել | խմբագրել կոդը]
Ընդդիմադիր եղած տարիներին, Նիկոլ Փաշինյանը շատ սուր և հեգնական տոնով քննադատում էր Հանրապետական կուսակցության անդամներին՝ պետական կառույցներում նախագահ Սերժ Սարգսյանի լուսանկարը փակցնելու համար, իսկ հեղափոխության օրերին նա և իր կողմնակիցները բոլոր պետական հաստատություններից հեռացնում էին այդ պահին դեռևս վարչապետի պաշտոնը զբաղեցնող Սերժ Սարգսյանի լուսանկարները։ Նրանք հայտարարում էին, որ նախագահի, վարչապետի կամ որևէ պաշտոնյայի նկար չպետք է լինի ՀՀ սիմվոլների կողքին։ Սակայն իշխանափոխությունից հետո, նոր իշխանության ներկայացուցիչները՝ որդեգրելով նախկին իշխանության քաղաքականությունը, նույնպես սկսեցին իրենց աշխատասենյակներում պետական սիմվոլների կողքին փակցնել Նիկոլ Փաշինյանի լուսանկարը։
Այն առաջինը նկատվեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի աշխատասենյակում, ինչպես նաև «Քաղաքացիական պայմանագիր» խմբակցության պատգամավոր Արմեն Խաչատրյանը խոստովանել է, որ իր աշխատասենյակում ևս սրբապատկերի և մի քանի այլ նկարների կողքին կախված է Նիկոլ Փաշինյանի լուսանկարը։
Փաշինյանն ինքն իր մասին[խմբագրել | խմբագրել կոդը]
|
|
Մենք քարոզում ենք սեր, եկեղեցում ենք մենք գտնվում, ես ինքս, ինչպես մեր Տեր Հիսուս Քրիստոսն էր սեր քարոզում։ - Միլան, 2019[27]
|
|
|
|
Պետք չի Հռոմի պապից ավելի կաթոլիկ ըլնել... Տվյալ դեպքում Հռոմի պապը ես եմ։ - Փաշինյանը կառավարության նիստի ժամանակ, 12.12.2019[28]
|
|
|
|
Եթե նույնիսկ Հիսուսն ի վիճակի չի եղել անդավաճան կադրային քաղաքականություն վարել, մեծամտություն կլինի մտածել, թե որեւէ վարչապետ, կամ կոնկրետ ես կարող եմ էդպիսի քաղաքականություն վարել - Թբիլիսի, 2020[29]
|
|
Պատկերասրահ[խմբագրել | խմբագրել կոդը]
-
Նիկոլ Փաշինյանի նախընտրական պաստառը՝ սրբապատկերի կողքին -
Նիկոլ Փաշինյանի պատկերով շապիկ -
«Նիկոլը վարչապետ» պաստառ՝ մեքենայի կողմնային ապակու վրա -
«Նիկոլը ես եմ» պաստառ՝ մեքենայի ետևի ապակու վրա -
Նիկոլ Փաշինյանի պատկերով գրաֆիտտի -
Նիկոլ Փաշինյանի պատկերով պաստառ Երևանում, Խանջյան փողոց -
Նիկոլ Փաշինյանին աջակցող պաստառ՝ Երևանի շենքերից մեկի վրա
.JPG)
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Դերձյան, Գևորգ (2019 թ․ նոյեմբերի 20). «Ես քարոզում եմ սեր, ինչպես Տեր Հիսուս Քրիստոսը. Նիկոլ Փաշինյան». ՀՐԱՊԱՐԱԿ. Վերցված է 2021 թ․ մարտի 28-ին.
- ↑ LLC, Helix Consulting. «Նիկոլ Փաշինյանն իրեն համեմատեց Պապ թագավորի հետ - Այսօր` թարմ լուրեր Հայաստանից». www.aysor.am (անգլերեն). Վերցված է 2021 թ․ մարտի 28-ին.
- ↑ «Փաշինյան` մորուքից մինչև կարգախոսներ. ինչը դրդեց ժողովրդին շարժման առաջնորդի հետևից գնալ». Sputnik Armenian. Վերցված է 2021 թ․ մարտի 28-ին.
- ↑ «Նիկոլ Փաշինյանի՝ Հիսուսի հետ համեմատվելու նախապատմությունը (ՏԵՍԱՆՅՈՒԹ)». antifake.am. Վերցված է 2021 թ․ մարտի 28-ին.
- ↑ LLC, Helix Consulting. ««Դա վարչապետի կողմից արհամարհանք է և՛ բյուջեի, և՛ խորհրդարանի, և՛ մեր պետության հպարտ քաղաքացիների նկատմամբ». Գագիկ Մինասյան / Հարցազրույցներ / Տեղեկատվական կենտրոն / Հայաստանի Հանրապետական կուսակցություն». www.hhk.am (անգլերեն). Վերցված է 2021 թ․ մարտի 28-ին.
- ↑ «Փաշինյանը ցանկացածին կապում է նախկինների հետ, ով փորձում է իրեն քննադատել․ Վանեցյան | 24news». www.24news.am. Վերցված է 2021 թ․ մարտի 28-ին.
- ↑ ««Ես քարոզում եմ սեր, ինչպես Տեր Հիսուս Քրիստոսը. Փաշինյանն իրեն համեմատեց Հիսուսի հետ». lurer.com. Վերցված է 2021 թ․ մարտի 28-ին.
- ↑ «Նիկոլ Փաշինյանը ուզում է երկրորդ «Մարտի 1», բայց ժողովուրդը արդեն նրան այդ շանսը չի տա. Անուշավան Դանիելյան». news.am. Վերցված է 2021 թ․ մարտի 28-ին.
- ↑ «Փաշինյանը պնդում է, թե Су-30-ների մասին իր հայտարարությունները հակասական չեն». «Ազատ Եվրոպա/Ազատություն» ռադիոկայան. Վերցված է 2021 թ․ մարտի 28-ին.
- ↑ «Заявление Президента Азербайджанской Республики, Премьер-министра Республики Армения и Президента Российской Федерации». Президент России (ռուսերեն). Վերցված է 2022 թ․ օգոստոսի 15-ին.
- ↑ Իրական վտանգի տակ է սահմանային բնակիչների համար ջրի հասանելիությունը. Թաթոյան, Վերցված է 2022-08-15-ին
- ↑ «Սյունիքն վտանգի տակ է. գորիսում երիտասարդներն ակցիա են իրականացրել». news.am. Վերցված է 2022 թ․ օգոստոսի 15-ին.
- ↑ «ՔՊ-ն` 53.91, «Հայաստան»-ը՝ 21.09, «Պատիվ ունեմ»-ը՝ 5.22 տոկոս. ընտրությունների վերջնական արդյունքները». «Ազատ Եվրոպա/Ազատություն» ռադիոկայան. Վերցված է 2022 թ․ օգոստոսի 15-ին.
- ↑ ««Էն ժամանակ էլ Հիսուսին խաչեցին չէ, վերջը…». Հովիկ Աղազարյանը՝ Փաշինյանի՝ իրեն Հիսուս Քրիստոսի հետ համեմատելու մասին». www.aravot.am (ամերիկյան անգլերեն). Վերցված է 2021 թ․ մարտի 28-ին.
- ↑ ՄԱՄՈՒԼ․ամ. ««Փաշինյանն ինձ ստիպեց համոզվել, որ ժամանակին Քրիստոսը եղել է». Հ. Աղազարյան (տեսանյութ)». ՄԱՄՈՒԼ․ամ. Վերցված է 2023 թ․ հոկտեմբերի 14-ին.
- ↑ Technologies, Peyotto. «Փաշինյանը պետք է ցմահ մեր վարչապետը մնա․ քաղաքացիները աջակցում են նրան (տեսանյութ)». 1in.am. Վերցված է 2021 թ․ մարտի 28-ին.
- ↑ Lusine. «Փաշինյանն Աստծու մարդն ա, Աստված է ուղարկել. Փաշինյանի աջակից». yerevan.today. Վերցված է 2021 թ․ ապրիլի 22-ին.
- ↑ «Յաղդանում կինը փորձեց Փաշինյանի աջը համբուրել, թե՝ Հիսուսի տանջանք ես տանում չարիքի դեմ. «Փաշինյան ջան, դրանց մի հատ ոչնչացրու, իզ ու թոզները չերեւա»».
- ↑ Դավիթ, Մարտիրոսյան՝ (2018). Նիկոլ՝ Հայ ազգի հերոսը։ կամ ինչպես իրագործել անարյուն հեղափոխություն եվ հաղթել. Heghinakayin hratarakutʻyun. ISBN 978-9939-0-2820-0.
- ↑ Դաշտենց, Անուշ (2019 թ․ հուլիսի 2). ««Քո հոգին՝ Արցախ, միտքդ՝ Խոր Վիրապ» Vs «Նիկոլն ազգի հերոս է, Հայաստանը փարոս է»». ՀՐԱՊԱՐԱԿ. Վերցված է 2021 թ․ մարտի 28-ին.
- ↑ «Ալիևը պարում է «Noldu Pashinyan» երգի տակ».
- ↑ ««Noldu Pashinyan». ադրբեջանցի զինծառայողները պարում են Նիկոլ Փաշինյանին նվիրված երգի տակ».
- ↑ Սարատիկյան, Ասպրամ. «Նիկոլ Փաշինյանի արձանը` Վանաձոր-Գյումրի ավտոճանապարհին». VNews. Վերցված է 2021 թ․ մարտի 28-ին.(չաշխատող հղում)
- ↑ «Լուսանկար. Իջևան քաղաքում տեղադրվել է Նիկոլ Փաշինյանի արձանը». Politik.am. Վերցված է 2021 թ․ մարտի 28-ին.
- ↑ Գևորգյան, Հայկ (2022 թ․ սեպտեմբերի 5). «Փաշինյանի արձանը կոտրել են». ՀՐԱՊԱՐԱԿ. Վերցված է 2022 թ․ սեպտեմբերի 7-ին.
- ↑ ««Հրապարակ». Նիկոլ Փաշինյանի արձանի մոտ տեսախցիկներ են դրել». news.am. Վերցված է 2022 թ․ սեպտեմբերի 7-ին.
- ↑ «Ես քարոզում եմ սեր, ինչպես Տեր Հիսուս Քրիստոսը, բայց երբ եկավ ժամանակը, նա մտավ տաճարի տարածք և շուռ տվեց սեղանները. Նիկոլ Փաշինյան». Արխիվացված է օրիգինալից 2020 թ․ սեպտեմբերի 26-ին. Վերցված է 2021 թ․ մարտի 28-ին.
- ↑ Տվյալ դեպքում, Հռոմի պապը ես եմ. Վարչապետ
- ↑ «Նիկոլ Փաշինյանը չի կարողանում անել այն, ինչ չէր կարողացել անել նաեւ Հիսուսը». Արխիվացված է օրիգինալից 2020 թ․ ապրիլի 8-ին. Վերցված է 2021 թ․ մարտի 28-ին.
| ||||||||||||||||||||||||||||||||||||||
.jpg)
