Մուշեղ Աղայան

Մուշեղ Աղայան
Հիմնական տվյալներ
Ծնվել է	նոյեմբերի 17, 1883; Թիֆլիս, Ռուսական կայսրություն
Երկիր	Ռուսական կայսրություն և ԽՍՀՄ
Մահացել է	սեպտեմբերի 11, 1966 (82 տարեկան); Երևան, Հայկական ԽՍՀ, ԽՍՀՄ
Ժանրեր	դասական երաժշտություն
Մասնագիտություն	կոմպոզիտոր, երաժշտության ուսուցիչ, երաժշտագետ և երգիչ
Երգչաձայն	բարիտոն
Կրթություն	Ներսիսյան դպրոց, Սանկտ Պետերբուրգի կոնսերվատորիա (1911) և Մոսկվայի կոնսերվատորիա (1930)
Անդամակցություն	Հայաստանի կոմպոզիտորների միություն
Պարգևներ

Մուշեղ Ղազարոսի Աղայան (նոյեմբերի 17, 1883(1883-11-17)^[1]^[2], Թիֆլիս, Ռուսական կայսրություն^[1] - սեպտեմբերի 11, 1966(1966-09-11)^[1], Երևան, Հայկական ԽՍՀ, ԽՍՀՄ^[1]), հայ երաժշտագետ և կոմպոզիտոր։ ՀԽՍՀ արվեստի վաստակավոր գործիչ (1939)։

Ղազարոս Աղայանի որդին։

Կենսագրություն[խմբագրել | խմբագրել կոդը]

Սովորել է Ներսիսյան դպրոցում (Թիֆլիս), ապա աշակերտել Մակար Եկմալյանին։ 1907-1911 թթ. սովորել է Սանկտ Պետերբուրգի երաժշտական ուսումնարանում, 1925-1930 թթ.` Մոսկվայի կոնսերվատորիայում։ Աշխատել է որպես երաժիշտ-մանկավարժ, եղել է երգիչ (բարիտոն)։ Համերգներով հանդես է եկել Երևանում, Թիֆլիսում և Մոսկվայում։ 1930 թվականին տեղափոխվել է Երևան, Շարա Տալյանի հետ կազմել ու հրատարակել է Սայաթ-Նովայի (1946) և Ջիվանու (1955) երգերի նոտագրած ժողովածուները, կազմել է Կոմիտասի «Ազգագրական ժողովածու»-ի 2-րդ գիրքը (1950), խմբագրել Սպիրիդոն Մելիքյանի «Հայ ժողովրդական երգեր ու պարեղանակներ» ժողովածուի 1-ին, 2-րդ հատորները (1949, 1952), Շերամի երգերի ժողովածուն (1959)։ Գրել է երգեր, ռոմանսներ, խմբերգեր, ձայնագրել և մշակել ժողովրդական և գուսանական երգեր («Ջան յարո ջան», «Կարմիր վարդ», «Ջաղցի դռնով», «Գյուլիզարի բադի բլբուլը» և այլն)։ 1934-1939 թվականներին եղել է Հայաստանի կոմպոզիտորների միության նախագահ։ ԽՄԿԿ անդամ 1917 թվականից։

Գրականություն[խմբագրել | խմբագրել կոդը]

Երաժշտական ակնարկներ, Մ., 1927
Հայ գուսանները և գուսանա-աշուղական արվեստը, Ե., 1959

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 1. — էջ 244.
↑ ^2,0 ^2,1 ^2,2 Հայկական համառոտ հանրագիտարան (հայ.) — 1990. — հատոր 1.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 244)։

[_e0e4bd18e2faf90c-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 1. — էջ 244.

[_f2211eaa3c3b35a0-2] 2,0 ^2,1 ^2,2 Հայկական համառոտ հանրագիտարան (հայ.) — 1990. — հատոր 1.

[1]

[2]