Միքայել Գյուլխասյան

Միքայել Գյուլխասյան
Ծնվել է	սեպտեմբերի 15, 1927; Խնձորեսկ, Զանգեզուրի գավառ, Հայկական ԽՍՀ, ԱԽՖՍՀ, ԽՍՀՄ
Մահացել է	հունվարի 15, 2012 (84 տարեկան); Երևան, Հայաստան
Քաղաքացիություն	ԽՍՀՄ և Հայաստան
Ազգություն	հայ
Մասնագիտություն	գյուղատնտես
Հաստատություն(ներ)	Հայաստանի ազգային ագրարային համալսարան
Գործունեության ոլորտ	բուսաբուծություն և ծխախոտի արդյունաբերություն
Պաշտոն(ներ)	ռեկտոր
Ալմա մատեր	Հայաստանի ազգային ագրարային համալսարան (1948)
Կոչում	պրոֆեսոր
Գիտական աստիճան	գյուղատնտեսական գիտությունների դոկտոր (1976)
Պարգևներ	; և
Կուսակցություն	ԽՄԿԿ

Միքայել Ասատուրի Գյուլխասյան (սեպտեմբերի 15, 1927(1927-09-15)^[1]^[2], Խնձորեսկ, Զանգեզուրի գավառ, Հայկական ԽՍՀ, ԱԽՖՍՀ, ԽՍՀՄ^[1]^[2] - հունվարի 15, 2012(2012-01-15), Երևան, Հայաստան), հայ խորհրդային գյուղատնտես, սոցիալիստական աշխատանքի հերոս (1950)։ Գյուղատնտեսական գիտությունների դոկտոր (1976), պրոֆեսոր (1978)։ Քիթկոկորդականջաբան Աշոտ Գյուլխասյանի եղբայրը։

1948 թվականին ավարտել է Հայկական գյուղատնտեսական ինստիտուտը։ 1948-1951 թվականներին աշխատել է ՀԽՍՀ Եղեգնաձորի շրջանի Արենի գյուղի Կալինինի անվան կոլտնտեսությունում որպես գյուղատնտես։ 1955 թվականից աշխատել է Հայկական գյուղատնտեսական ինստիտուտի բուսաբուծության ամբիոնում (1957 թվականից որպես դոցենտ)։ 1967 թվականից նույն ինստիտուտի գիտությունների աշխատանքների գծով պրոռեկտոր, 1978-1994 թվականներին՝ ռեկտոր, 1979 թվականից՝ բուսաբուծության ամբիոնի վարիչ, 1994 թվականից՝ ՀԳԱ բուսաբուծության և բանջարաբուծության ամբիոնի վարիչ, 1994 թվականից՝ ՀԳԳԱ փոխնախագահ^[3]։

Աշխատությունները նվիրված են ՀԽՍՀ էկոլոգիական տարբեր պայմաններում ծխախոտի կենսաբանական և մշակութային առանձնահատկությունների ուսումնասիրությանը, ինչպես նաև հումքի որակի լավացման, ծխախոտագործության մեջ աճման խթանիչների կիրառման հարցերին, ծխախոտի մշակման, պարարտացման ձևերին։

Պարգևներ[խմբագրել | խմբագրել կոդը]

Սոցիալիստական աշխատանքի հերոս, 1950 թ.
ՀՀ Անանիա Շիրակացու մեդալ, 2002 թ.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 3. — էջ 115.
↑ ^2,0 ^2,1 ^2,2 ^2,3 ^2,4 ^2,5 ^2,6 Հայկական համառոտ հանրագիտարան (հայ.) — 1990. — հատոր 1.
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 115)։

[_b2794636a69d5521-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 3. — էջ 115.

[_cb23a74b0c6b0e70-2] 2,0 ^2,1 ^2,2 ^2,3 ^2,4 ^2,5 ^2,6 Հայկական համառոտ հանրագիտարան (հայ.) — 1990. — հատոր 1.

[3] Ով ով է. Հայեր. Կենսագրական հանրագիտարան, հատոր առաջին, Երևան, 2005

[1]

[2]

[3]