Միխայիլ Հարությունյան

Միխայիլ Հարությունյան
սեպտեմբերի 19, 1906 - մայիսի 17, 1995 (88 տարեկան)
Ծննդավայր	Սիղնաղ
Մահվան վայր	Մոսկվա, Ռուսաստան
Քաղաքացիություն	Ռուսական կայսրություն և ԽՍՀՄ
Կոչում	գեներալ-մայոր
Մարտեր/; պատերազմներ	Հայրենական մեծ պատերազմ
Կրթություն	Մ. Վ. Ֆրունզեի անվան ռազմական ակադեմիա (1952)
Պարգևներ	և

Միխայիլ Նիկոլայի Հարությունյան (սեպտեմբերի 19, 1906(1906-09-19)^[1], Սիղնաղ^[1] - մայիսի 17, 1995(1995-05-17), Մոսկվա, Ռուսաստան)^[2]), հայ զինվորական գործիչ, գեներալ-մայոր, ԽՄԿԿ անդամ (1932)։

Կենսագրություն[խմբագրել | խմբագրել կոդը]

1925 թվականին ավարտել է Թիֆլիսի 2-րդ միջնակարգ դպրոցը, 1930 թվականին՝ Անդրկովկասյան հետևակային ուսումնարանը։ Մինչև 1940 թվականը ծառայել է Լենինականի (այժմ՝ Գյումրի), Բաքվի, Սուխումի զորամասերում՝ որպես դասակի, գումարտակի հրամանատար։ 1941 թվականի հունիսի 23-ին մեկնել է ռազմաճակատ, որպես 400-րդ դիվիզիայի 834-րդ հրաձգային գնդի հրամանատար։ Մասնակցել է Կերչի թերակղզու, Վորոնեժի ռազմաճակատի մարտերին, Օստրոգոժսկ քաղաքի ազատագրմանը, 1943 թվականի փետրվարին իր գնդով ազատագրել Ստարի Օսկոլ քաղաքը։ 1944 թվականի սկզբին նշանակվել է Երևանի կայազորի 261-րդ հրաձգային դիվիզիայի 976-րդ գնդի հրամանատար։ Պատերազմից հետո Հարությունյանը եղել է Թամանյան դիվիզիայի գնդի հրամանատար։ 1952 թվականին ավարտել է Մ. Ֆրունզեի անվան ռազմական ակադեմիային կից դիվիզիաների հրամանատարների դասընթացը և ծառայել Թամանյան դիվիզիայում։ 1954 թվականից Անդրկովկասյան ռազմական օկրուգում հրաձգային դիվիզիայի հրամանատար էր։

1962 թվականին զորացրվել և բնակություն է հաստատել Երևանում։

Պարգևներ[խմբագրել | խմբագրել կոդը]

Պարգևատրվել է Լենինի, Կարմիր դրոշի (2), Կարմիր աստղի շքանշաններով։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ «Հայազգ» հիմնադրամի հանրագիտարան

Վիքիդարանն ունի նյութեր, որոնք վերաբերում են «Միխայիլ Հարությունյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 321)։

[_5e5775e65518eefb-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] «Հայազգ» հիմնադրամի հանրագիտարան

[1]

[2]